Aktualitet

Qeveria suedeze buzë rrëzimit, javën e ardhshme në mocion mosbesimi

Published

4 years ago

on

Suedia përballet ose me zgjedhje të reja, ose me qeveri në detyrë, nëse javën e ardhshme kalon mocioni i mosbesimit kundër kryeministrit Stefan Lofven, siç edhe pritet. Vetë shefi i qeverisë tha të enjten se ende nuk ka vendosur nëse do të japë dorëheqje apo do të shpallë zgjedhje të parakohshme, nëse e humb mocionin.

Mocionin e mosbesimit e kërkoi partia e së djathtës ekstreme, Demokratët e Suedisë, pasi Partia e Majtë e tërhoqi përkrahjen e saj për kryeministrin Lofven shkaku i një plani për ta larguar kontrollin e qirave në banesat e ndërtuar rishtazi. Mocioni i mosbesimit është caktuar për të hënën.

“Nëse kemi një mundësi për ta zëvendësuar këtë qeveri dëmtuese, do ta shfrytëzojmë atë”, tha në një konferencë për gazetarë shefi i grupit parlamentar të Demokratëve Suedezë, Henrik Vinge.

Edhe partitë tjera opozitare kanë thënë se do të votojnë për ta larguar nga pushteti Lofvenin, koalicioni i të cilit varet nga përkrahja e partisë ish-komuniste, Partia Majtiste, dhe nga dy parti të vogla të qendrës së djathtë, shkruan Reuters, transmeton Gazeta Express.

“Është një rrugë e rrezikshme që Partia Majtiste dhe partitë konservatore të së djathtës po e zgjedhin tani. Ato nuk kanë plan të përbashkët për të ardhmen”, tha kryeministri Lofven.

Sipas sondazheve, zgjedhjet e reja nuk do të sillnin shumë ndryshime, sepse as qendra e majtë, as qendra e djathtë nuk do ta fitonin shumicën, nëse kutitë e votimit do të hapeshin sot. Për ta ndërlikuar edhe më shumë matematikën zgjedhore, disa parti më të vogla rrezikojnë që të mos e kalojnë pragun prej 4 për qind për t’u futur në kuvend.

Related Topics:
Continue Reading

Vendi

Exit Polli e nxjerrë fitues Përparim Ramën në Prishtinë

Published

1 hour ago

on

November 9, 2025

By

Përparim Rama nga LDK ka dalë i pari në sondazhet e televizionit Dukagjini.

Sipas këtij exit pollit të UBO-Consulting, rezulton që Rama merr 54.1 për qind, ndërsa kundër kandidati i tij, Hajrulla Çeku 45.9 për qind.

Ndërsa sipas exit pollit të Klan Kosovës, përparim Rama ka 53.62 për qind, ndërsa Hjarulla Çeku 46.38 për qind.

Continue Reading

Lajmet

Rektori Hajrizi viziton UniMarconi në Romë

Published

1 day ago

on

November 8, 2025

By

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Continue Reading

Aktualitet

Fundjavë me shi dhe rënie të temperaturave

Published

2 days ago

on

November 8, 2025

By

Instituti Hidrometeorologjik bën të ditur se sot do të mbajë mot i vranët dhe me intervale me diell.

IHK njofton se vranësirat vende-vende parashihen të sjellin riga shiu.

Temperaturat minimale do të lëvizin ndërmjet 4 dhe 7 gradë Celsius, kurse temperaturat maksimale ndërmjet 13 deri në 18 gradë Celsius.

/A.Z/UBT News/

Continue Reading

Lajmet

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

2 days ago

on

November 7, 2025

By

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.

Continue Reading

Të kërkuara