Lajmet

​Qeveria jep detaje për takimin në Bruksel: Serbia po refuzon t’i zbatojë marrëveshjet

Published

on

Qeveria e Kosovës ka dhënë detaje lidhur me takimin që u zhvillua në Bruksel në nivel të kryenegociatorëve në kuadër të procesit të dialogut Kosovë-Serbi.

Sipas një komunikate të Qeverisë, në takimet në nivel të kryenegociatorëve, ku delegacioni i Kosovës kryesohej nga zëvendëskryeministri i parë për Integrim Evropian, Zhvillim dhe Dialog, Besnik Bislimi, u diskutua mbi formalizimin e Marrëveshjes Bazike, si element kryesor dhe i parë për zbatim të sekuencuar të marrëveshjes, bashkë me aneksin e Ohrit, mbi Planin e Sekuencimit, zbatimin e Marrëveshjes së Energjisë, rreth mungesës së përparimit në zbatimin e Deklaratës për personat e zhdukur me dhunë, si dhe zbatimin e një numri marrëveshjesh të tjera, përfshirë IBM, si dhe atë për vizitat e zyrtarëve.

“Nga diskutimet, sidomos në dy pikat e para, u ekspozua sërish fakti tashmë i konfirmuar disa herë dhe publikisht që Serbia refuzon të pranojë Marrëveshjen Bazike në tërësi dhe nuk pranon të zbatojë pjesë të saj. Pala serbe refuzoi të përfshihet në diskutim për dakordimin e planit të sekuencimit, si dhe në arritjen e formalizimit të marrëveshjes, bazuar në garancat e kërkuara në takimin e liderëve javën e kaluar. Diskutimi rreth çështjes së personave të zhdukur ekspozoi sërish që pala serbe është duke e sabotuar procesin, duke nxjerrë vazhdimisht kërkesa të reja me qëllim të bllokimit të procesit. Ndërkohë, zvarritje në zbatim nga ana e Serbisë janë evidentuar nga kryenegociatori i Kosovës edhe në Marrëveshjen e Energjisë”, thuhet në komunikatë.

Aty theksohet se takimi që zgjati më shumë se 6 orë, nisi me takime bilaterale, ndërsa u përmbyll me atë trilateral.

“Vazhdimi i procesit mbetet tek përpjekja për të gjetur rrugën përpara në arritjen e dakordimit rreth formalizimit dhe planit të sekuencimit për zbatimin e plotë të Marrëveshjes Bazike të cilën BE-ja e ka shpallur si ligjërisht të obligueshme në tërësinë e saj dhe aneksit të zbatimit, që pikë filletare duhet ta ketë formalizimin e marrëveshjes mes palëve”, thuhet në komunikatë.

Lajmet

Costa: Evropa duhet të sjellë paqe afatgjatë në Ukrainë dhe Lindjen e Mesme

Published

on

By

Në nisje të Samitit të Komunitetit Politik Evropian që po zhvillohet në Tiranë, Presidenti i këshillit Europian Antonio Costa bëri thirrje për unitet dhe përkushtim në mënyrë kolektive.

Paqja në Ukrainë ishte një nga pikat kyçe në fjalimin e Costës të përbashkët për paqe, duke e cilësuar sigurinë e Ukrainës si pjesë të sigurisë së vetë Evropës.

Titulli i takimit të sotëm është me vend. Një Evropë e re, në një botë të re. Dhe unë besoj se kjo është cështja kryesore për këtë samit të sotëm. Ky rend botëror i bazuar tek rregullat po minohet nga shumë palë. Agresioni rus kundër Ukrainës solli luftën e madhe në kontinentin europian sërish. Kjo luftë është një sulm ndaj komunitetit ndërkombëtar. Situata në Gazë është një tragjedi humanitare, e drejta ndërkombëtare po dhunohet. Bashkëpunimi ndërkombëtar dhe tregtar ka bërë që njerëzit të lidhen me njëri-tjetrin, ndërkohë që kjo ndërvarësi që kishim krijuar është shndërruar në një instrument pushteti dhe presioni“, u shpreh Costa.

Nga ana tjetër, mënhyra sesi ne kemi funksionuar me rendin shumëpalësh ka bërë që ne të kishim paqe, siguri. Kemi promovuar të drejtat e njeriut të cilat mund të avancohen sërish vetëm nëse ne bashkëpunojmë në formë kolektive. Rendi shumëpalësh vazhdon të sulmohet dhe Europa ka për detyrë të punojë për këtë çështje, duhet të jemi të bashkuar dhe t ia dalim mbanë për të sjellë një paqe te drejtë për Ukrainën. Siguria e Ukrainës është edhe siguria jonë. Europa duhet të investojë më shumë tek mbrojtja e saj. Kemi mësuar se mbrojtja pa paqe është iluzion”, shtoi Costa.

Continue Reading

Lajmet

Erdogan: Në Shqipëri e gjithë bota do të thërrasë zërin e paqes

Published

on

By

Presidenti i Turqisë, Recep Tayyip Erdogan ka mbërritur në Samitin e Komunitetit Politik në Tiranë, ku është pritur nga kryeministri Edi Rama.

Ai u shpreh për mediat se priten vendime pozitive nga Samiti që po mbahet sot në kryeqytetin shqiptar.

Çfarë është ajo që prisnim, presim shumë gjëra me vëllan tim shqiptar. Në Shqipëri e gjithë bota do të thërrasë zërin e paqes”, ka thënë në turqisht Erdogan./atsh

Continue Reading

Lajmet

Meloni: Të këmbëngulim për armëpushim të pakushtëzuar mes Ukrainës dhe Rusisë

Published

on

By

Kryeministrja e Italisë, Giorgia Meloni ka mbërritur në Samitin Politik Evropian të Tiranës ku u prit nga kryeministri Edi Rama.

Në një prononcim të shkurtër për mediet lidhur me agresionin rus në Ukrainë, Meloni tha se “mendoj se nuk do të kërkojmë alternativa, por duhet të këmbëngulim për një armëpushim të pakushtëzuar”.

Të këmbëngulim për marrëveshje serioze paqeje që të ketë garanci dhe siguri edhe për Ukrainën. Po vazhdojmë të punojmë edhe në këtë format për këtë objektiv”, tha meloni

E pyetur nëse do të vizitojë qendrën e emigrantëve në Gjadër, Meloni tha se nuk ka pasur kohë.

Puna po vazhdon, kjo tregon edhe shpejtësinë e funksionimit duke dëshmuar siç kishim premtuar jemi në rrugën e duhur”, theksoi ajo.

Continue Reading

Lajmet

Starmer: Putini nuk është serioz sa i takon paqes, po i tërheq gjërat zvarrë

Published

on

By

Kryeministri i Britanisë së Madhe, Keir Starmer deklaroi sot nga Tirana se “Putini nuk është serioz sa i takon paqes dhe po i tërheq gjërat zvarrë”.

Në një prononcim për mediet pas pritjes nga Kryeministri Edi Rama në kuadër të Samitit të Komunitetit Politik Evropian që mbahet sot në Tiranë, i pyetur lidhur me agresionin rus në Ukrainë, Starmer tha se “ajo çfarë pamë dje është një tjetër provë që vërteton se Putini nuk është serioz sa i takon paqes dhe po tërheq gjërat zvarrë”.

Është e nevojshme për rrjedhojë që ne të kemi unitet absolut me aleatët tanë dhe do ta diskutojmë edhe sot për të qenë të qartë që të ketë një armëpushim. Për të qenë të qartë gjithashtu nëse nuk veprojmë së bashku për sansksionet nuk do të ketë armëpushim”, deklaroi ai.

Starmer u shpreh se “sot është një mundësi e rëndësishme, e vërtetë, për të punuar me kolegët që të jemi të bashkuar tërësisht, presidenti Zelensky do të jetë këtu do ta diskutojmë me të”.

I pyetur lidhur si po shkojnë bisedimet lidhur me rivendosjen e Brexit, kryeministri britanik u shpreh se “në fakt keni parë dy javët e fundit një marrëveshje tregtare me Indinë me SHBA, që është shumë e rëndësishme, mendoj që do të vazhdojë. Të hënën do të ketë diçka do të jetë një moment shumë i rëndësishëm për të përmirësuar jetën e njerëzve që punojnë. Kjo është shumë pozitive për të pritur edhe Samitin e të hënës”./atsh

Continue Reading

Të kërkuara