

Lajmet
Qerkini: Serbia po luan me fatin e të pagjeturve, partitë s’po bëjnë asgjë
Published
5 years agoon
By
Betim GashiPërfaqësuesi i shoqatës së familjarëve të personave të pagjetur, Bajram Qerkini, u shpreh pesimist rreth zbardhjes së fatit të personave të zhdukur gjatë luftës së fundit në Kosovë, pasi sipas tij Serbia po bën lojë me këtë çështje.
“Unë para thashë dhe prapë po them, është një lloj loje të cilën është zor të ia lexosh Serbisë. Ata ose grupi punues i përbashkët me tonët, u gjinden pas pesë vitesh me imazhe satelitore në Kizhivak, dhe çka ka ndodh, është mbulua me disa najlon edhe po i ruan Serbia, kjo është jashtë gjitha normave për familjarët, i ka çua i ka shti 4m në dhe, kanë hasur në pesë apo gjashtë dhe e kanë lanë për shkak kohës, në rregull, por kush po i ruan Daçiqi edhe Vuçiqi, a janë këta normal që nuk kanë kërkuar me qenë prezentë një përfaqësues ndërkombëtar apo përfaqësues dhe i Kosovës. Unë besoj që nëse kanë qenë dhe kanë premtuar 20 tash nuk kanë me i gjet as gjashtë, edhe gjashtë pos këtyre pesëve ma shumë nuk gjejnë sepse i kanë fshehur, do të thotë gërmimet e tashme janë lojë ku tash përmendet edhe në vendet e tjera”, tha Qerkini në një intervistë për Ekonomia Online.
Ai tutje u shpreh i pakënaqur me punën që është bërë nga partitë politike për personat e pagjetur.
“Si është fati i të pagjeturve, është i mjerueshëm, dhe e the një fjalë që është e ndjeshme për krejt njerëzimin e Kosovës, unë po them edhe më larg mirëpo me fol është lehtë por me punua për ta pak po punohet. Nuk jemi të kënaqur as nuk mundemi me qenë të kënaqur kur janë edhe 1634 persona ende të pagjetur dhe në një mënyrë vetëm tash që kanë nevojë për vota i thonë janë rregullua gjërat e kemi me i rregullua gjërat, është një marrëveshje në Bruksel, është një marrëveshje në Washington, bëhet kjo e ajo premtime që ta merr mendja që me të vërtetë do të punojnë, mirëpo të gjitha kur t’i përmbledhim tash sot qysh është gjendja është e mjerueshme”, tha ai.
“Nuk them që nuk kanë punuar, por kanë punuar pa një agjendë të rregullt e cila është dashur të bëhet. 21 vite kaluan, nuk e kanë vendos një agjendë të rregullt, ajo agjendë po na kushton neve. Neve familjarëve po na duket se janë ka na bëjnë një lojë bash qysh po e donë edhe Serbia”, shprehet tutje Qerkini.
Lidhur me pritshmërinë e tyre në të ardhmen, ai tha që shumë pak presin për zbardhjen e fatit të personave të pagjeturve.
“Dorën në zemër me thanë çka na presim e tregova edhe njëherë që shumë pak presim, çka duhet me bë ose si duhet të bëhet, ose si duhet të kenë një kusht. Na kemi propozuar shumë herë bile disa konkluzione, gjatë takimit me familjarë, ku ata kërkojnë që më mos të ulen me bisedua pa i pasë imazhet satelitore, mos të luajnë si po luan Serbia, Kizhevak punohet pesë vjet e në fund me thanë na sjellën një fotografi Ambasada Amerikane dhe i gjetëm, është lojë ajo me mijëra tona me gërmua edhe njerëzit e gjallë janë, nuk i tregojnë serbët, ka thënë Daçiqi nuk guxoni me tregu, athu çka? çka presim na, na presim që vizioni qeveritar ose grupi dialogues ose pa marrë parasysh çfarë politike të caktohet, çfarë ekspertë të caktohen të ulen të bisedojnë për të pagjeturit, dhe të kenë të qartë se kriminelët nuk tregojnë vendin e ngjarjes ose ku i kanë lënë, por i tregojnë imazhet satelitore apo fotografitë të cilat i kanë bërë. Se na jem shtet i vogël, është përcjellë masakra prej qiellit dhe neve duhet të i kemi njerëz të cilët thonë që ne me u ulë për të pagjeturit, por nuk ulemi pa na tregu fotografitë se ku ndodhen. Nëse kërkojnë deri sot vetëm Serbia me tregu ku i kanë fshehur, këtë lë ti gjuajë në bërllok se nuk ka fjalë qysh të them më të keqe se me i besua atij personi që e ka marrë e ka dërguar 500 km larg, e me ardhë që ku e kam fshehur, kjo është përrallë. Për mua duhet të jenë këmbëngulës para krejt botës tu thuhet ndërkombëtarëve ju mundeni me na dhanë imazhet satelitore aty ku janë, tash a i ka NATO,a i kanë shtetet e QUINTI-it, unë nuk e di mirëpo me pasë i kanë”, u shpreh tutje ai.
Sa i përket çështjes së dialogut, Qerkini tha që nuk ka ndodhur kurrë të ketë diçka konkrete, dhe propozon që të mos bisedohet për gjëra të kota, por pa pasur imazhet satelitore dhe e vërteta të del mos të bisedohet.
“Neve na u ka thënë që është një marrëveshje që do bëhet bisedë me ekspertë të Kosovës dhe të Serbisë në Bruksel, do të jetë në rend të parë çështja e të pagjeturve. Nuk ka thanë që tash por kanë thënë gjithmonë sa herë që janë taku, nuk ka ndodh kurrë të jetë pika e parë, nuk ka ndodhur kurrë të ketë diçka konkrete. Na propozojmë dhe themi, ju lutemi mos folni gjëra të kota por tregoni të vërtetën dhe thoni se ndërkombëtarët pa ndërmjetësues të ndërkombëtarëve as në Bruksel e as në Beograd nuk po munden me shku, dhe atyre ndërmjetësuesve duhet me ju thanë që duhet me i thanë që ne nuk ulemi pa i pasur ato imazhe, pa pasur argumentet të cilat pranohen se janë shku me mijëra njerëz jashtë Kosovës në Serbi e me i pasë fotografitë. Nuk e di pse ata ulen edhe bisedojnë gjëra të kota, unë e di kam marrë pjesë në grupe punuese dritë i pastë shpirti Pajazit Nushi, i thosha deri kur, deri sa të jesh gjallë me këta njerëz kështu ke me i pasë po nëse nuk donë bashkësia ndërkombëtare me i thanë Serbisë, këqyre ku e ke lanë, qysh i tha në Kizhevak, kjo ka me zgjat edhe 200 vjet, nuk kanë me i zbulua”, deklaroi ai.
Ndërsa, Qerkini u tregua mosbesues ndaj premtimeve të partive politike. Siç thotë ai, premtimet e subjekteve politike janë vetëm për fushatë.
“Unë besoj se këtë fushatë, deri sa kryhet fushata dhe të ulen në karrige i kemi tana të mirat, i kemi premtimet e mira dhe jo vetëm kjo fushatë por të gjitha fushatat kanë qenë kësisoj e tash shumë më shumë se po mendojnë me ardh partitë e reja në funksion edhe shumë na premtojnë por si neve na duket, ne nuk përzihemi në politikë, po e kanë punën politike që nuk kanë me realizua kurrë ashtu siç e flasin, por vetëm me ardh tek vendi dhe tek një post në Republikën e Kosovës”, përfundoi ai.
Aktualitet
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
Published
4 hours agoon
August 25, 2025By
Driton Iseni
Profesori i Fakultetit të Studimeve të Sigurisë në UBT, Bahri Gashi, është ftuar të kontribuojë si recensues i punimeve shkencore ndërkombëtare në një nga platformat më prestigjioze botërore të botimeve akademike, Taylor & Francis, me seli në Mbretërinë e Bashkuar.
Në këtë rol të rëndësishëm, profesori Gashi do të angazhohet në recensimin e artikujve shkencorë në fusha strategjike si:
- Inteligjenca dhe Kundërinteligjenca;
- Siguria Kombëtare;
- Mbrojtja dhe Politikat e Sigurisë.
Kontributi i tij do të jepet në kuadër të revistës akademike të specializuar “International Journal of Intelligence and CounterIntelligence”, një revistë e indeksuar në platformat më të larta ndërkombëtare të certifikimit shkencor, e cila gëzon reputacion të lartë në komunitetin akademik dhe profesional të sigurisë.
Ky angazhim i profesorit të UBT-së është një dëshmi e qartë se UBT po fuqizon gjithnjë e më shumë praninë e tij në skenën ndërkombëtare të kërkimit shkencor, duke rritur besueshmërinë e akademikëve të saj dhe duke kontribuar në zhvillimin e fushave të rëndësishme për sigurinë dhe mbrojtjen në nivel global.
Aktualitet
Kransiqi i LVV-së në KQZ me aksion simbolik pas vendimit të PZAP-së për Listën Serbe
Published
5 hours agoon
August 25, 2025By
UBT News
Në mbledhjen e sotme të Komisionit Qendror të Zgjedhjeve anëtari i saj nga radhët e Lëvizjes Vetëvendosje, Alban Krasniqi në hyrje të mbledhjes vendosi mbishkrimin “Po pluralizmit, jo terrorizmit”. Ky veprim i Krasniqit erdhi pas vendimit të Panelit Zgjedhor për Ankesa dhe Parashtresa, i cili kërkoi nga Komisioni Qendror i Zgjedhjeve të certifikojë Listën Serbe për pjesëmarrje në zgjedhjet lokale të 12 tetorit 2025.
Gjatë kësaj mbledhje, me qëllim të përmirësimit të listave votuese, u miratua edhe largimi i 1 mijë e 514 personave të vdekur.
Arianit Elshani, udhëheqës i Këshillit i Operacioneve Zgjedhore, tha se shifra në fjalë është verifikuar bashkë me zyrtarët ekzekutiv të Komisioneve Komunale të Zgjedhjeve.
“Bëhet fjalë për 1 mijë e 514 persona të evidentuar si të vdekur të cilët në bazë të verifikimeve që janë bërë nga zyrtarët ekzekutiv të Komisioneve Komunale të Zgjedhjeve në terren, ku kanë marrë përsipër një listë të personave që janë mbi 95 vjeç dhe figurojnë në listën votuese”, tha ai.
E me kërkesë të qytetarëve të lagjes “Marigona Residence”, Komisioni Qendror i Zgjedhjeve miratoi edhe hapjen e qendrës së re të votimit në këtë lagje.
Elshani tha se kjo ka qenë kërkesë e 260 votuesve dhe se qendra e votimit do të jetë në shkollën “Internacional School of Prishtina-ISP”.
“Bëhet fjalë për shkollën ‘Internacionale School of Prishtina – ISP’ që gjendet në lagjen Marigona këta votues kanë qenë të alookuar për të votuar në një qendër tjetër të votimit në fshatin Peroc në ‘Miladin Mitiq’, mirëpo është kërkuar një numër prej 260 votuesve në këtë rast ekziston mundësia me u bartë në këtë qendër të votimit”, deklaroi ai.
Në këtë mbledhje u votua edhe udhëzimi për votimin e Personave me Nevoja të Veçanta (VPNV), i cili synon lehtësimin dhe garantimin e të drejtës kushtetuese për të votuar për të gjithë qytetarët pa përjashtim dhe ka për qëllim të përcaktojë mënyrën e regjistrimit, evidentimit dhe votimit të Peronave me Nevoja të Veçanta, të cilët nuk mund të votojnë në vendvotimin e tyre.
Aktualitet
Kosova humb 114 milionë euro për energji, Shoqata e Prodhuesve fajëson institucionet
Published
6 hours agoon
August 25, 2025By
UBT News
Shoqata e Prodhuesve Vendor ka reaguar ashpër pas lajmeve se Kosova ka humbur 114 milionë euro nga projektet e Bashkimit Evropian të dedikuara për fushën e energjisë, si pasojë e sanksioneve të vendosura nga BE-ja.
Përmes një reagimi në Facebook, përfaqësuesi i shoqatës, Kushtrim Ajvazi, ka kritikuar institucionet e vendit për, siç e quan ai, dështimin në ruajtjen e interesit shtetëror dhe ekonomik.
“Për informaten tuaj, Kosova ka humbur 114 milionë € projekte në fushën e energjisë nga sanksionet e BE-së. Këto mjete ishin të destinuara për zhvillim dhe stabilitet të furnizimit energjetik”, ka shkruar Ajvazi.
Ai ka hedhur poshtë arsyetimin e institucioneve që dalja e Kosovës në tregun e lirë të energjisë ishte një kusht nga BE-ja.
“Mos e përdorni më arsyetimin se e kemi pas kusht nga BE-ja me dalë në treg të lirë, se është marre për juve”, ka përfunduar ai
Aktualitet
UBT ofron Master në Psikologji me standarde evropiane
Published
6 hours agoon
August 25, 2025By
Driton Iseni
UBT ofron programin Psikologji në nivelin Master, i cili synon përgatitjen e profesionistëve të aftë për të kuptuar mendjen dhe sjelljen njerëzore, si dhe për t’u shërbyer individëve dhe komunitetit në fusha të ndryshme të shëndetit mendor.
Ky program dyvjeçar, i akredituar sipas standardeve më të larta evropiane, ofron njohuri dhe përvojë praktike në psikologjinë klinike, këshilluese, edukative dhe organizative. Studentët mësojnë teknika të avancuara të vlerësimit psikologjik, terapitë moderne, si dhe metodologjitë kërkimore të cilat u japin atyre kompetencat e nevojshme për t’u bërë pjesë aktive e zgjidhjes së sfidave psiko-sociale.
Misioni i programit
Programi ka për qëllim të edukojë dhe fuqizojë psikologët e ardhshëm përmes një kurrikule kërkimore, duke promovuar praktikën etike, të menduarit kritik dhe ndjeshmërinë kulturore. Theksi vihet te përgatitja e profesionistëve që do të kontribuojnë jo vetëm në shëndetin mendor dhe kërkimin shkencor, por edhe në zhvillimin e politikave të nivelit kombëtar e ndërkombëtar.
Çfarë ofron Masteri në Psikologji?
- Kurse të specializuara në psikologji klinike, këshillim, psikologji zhvillimore dhe sociale
- Një kurrikulë të përputhur me standardet EuroPsy
- Praktika në institucione shëndetësore, shkolla, organizata joqeveritare dhe komunitete
- Pjesëmarrje në projekte kërkimore dhe punë në terren
- Përfshirje në aktivitete të komunitetit me fokus në shëndetin mendor
Karrierë dhe ndikim shoqëror
Diplomuarit e këtij programi janë të përgatitur për një gamë të gjerë rolesh profesionale, nga psikoterapia dhe këshillimi, deri te politika publike dhe hulumtimi shkencor. Ata do të jenë në gjendje të kryejnë vlerësime e ndërhyrje psikologjike, të hartojnë projekte kërkimore, të promovojnë shëndetin mendor në komunitet dhe të ndikojnë në hartimin e politikave sociale dhe shëndetësore.
Stafi dhe kërkimi shkencor
Fakulteti i Psikologjisë në UBT kontribuon në një kulturë të gjallë akademike dhe kërkimore, në përputhje me Strategjinë e Kërkimit 2024–2029. Programi synon zhvillimin e projekteve ndërdisiplinore, bashkëpunimet globale dhe botime shkencore, duke e vendosur Kosovën në hartën ndërkombëtare të studimeve psikologjike.
UBT bashkëpunon ngushtë me institucione shëndetësore dhe organizata të komunitetit për të zhvilluar iniciativa në shëndetin mendor, trajnime profesionale dhe konsultime. Deri në vitin 2029, Masteri në Psikologji synon të jetë:
- Lider kombëtar në kërkimin dhe trajnimin psikologjik
- Partner i njohur në Evropën Juglindore
- Qendër e konferencave dhe botimeve ndërkombëtare
- Promovues i mirëqenies psiko-sociale nëpërmjet arsimit cilësor dhe përfshirjes në komunitet
Struktura e studimeve
Programi ofron një kurrikulë të balancuar midis teorisë dhe praktikës, me lëndë të avancuara si Psikologji Klinike dhe Psikoterapi, Psikologji Kognitive, Psikopatologji, Psikometri, Etikë në Psikologji dhe përfundon me tezën e masterit dhe praktikën profesionale.

Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis

Kransiqi i LVV-së në KQZ me aksion simbolik pas vendimit të PZAP-së për Listën Serbe

Kosova humb 114 milionë euro për energji, Shoqata e Prodhuesve fajëson institucionet

Barcelona shqyrton alternativa për ndeshjen ndaj Valencias për shkak të vonesave në “Camp Nou”

UBT ofron Master në Psikologji me standarde evropiane

Andre Onana mbetet në Manchester United, nuk ka oferta për portierin

Arsenali synon të nënshkruajë me Piero Hincapie, sfidon Tottenhamin

Apple pritet të sjellë ndryshime të mëdha në dizajnin e iPhone, duke nisur me modelin 17 Air

Droni i ri Bayraktar TB2T-AI thyen rekordin e lartësisë në kategorinë e tij
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA