Lajmet

Qerkini kërkon që Qeveria t’i ftojë në takim

Published

3 years ago

September 10, 2021

Betim Gashi

Përfaqësuesi i Shoqatës së Familjarëve të Personave të Pagjetur, Bajram Qerkini ka thënë se është mëkat i madh nëse Qeveria nuk i fton në një takim për t’i informuar se çfarë është diskutuar në Bruksel.

Ai në një deklaratë për Ekonomia Online tha se kishte me qenë një gabim i madh nëse një gjysmë ore nuk iu kushtohet familjarëve për të ju treguar diskutimin në dialog dhe planin tutje.

“Kishte qenë gabim i madh dhe mëkat jashtëzakonisht i madh nëse nuk na thirrin dhe të na tregojnë se çfarë është folur dhe çka kanë në plan më tutje pasi është prioritet çështja e personave të pagjetur. Edhe familjarët do të jenë të zhgënjyer nëse nuk i thërrasim me ju tregu sepse nuk është punë e madhe me fol gjysmë ore me familjarët”, tha Qerkini.

Tutje, Qerkini theksoi se janë pro dialogut me kushtin e vetëm që të jetë njëra nga çështjet primare.

“Duhet të bëhet një bisedë e dialogut për personat e pagjetur me një grup ekspertësh dhe doli se nuk ka shku ky grup, por ka shku zëvendësministri dhe Andin Hoti i cili është emëruar në kryesinë e dialogut me Serbinë për personat e pagjetur. Të gjitha këto kryeministri i përfundoj me një fjalë se do të bisedojnë me Brukselin dhe jo Beogradin sepse është një çështje që nuk pret më”, deklaroi ai.

Ai po ashtu tha se nuk është bërë sa duhet për zbulimin e varrezave ku dyshohet se ka trupa të 15 intelektualëve në Zubin Potok, gërmime këto që do të rifillojnë nga java e ardhshme përsëri.

“Kemi një lloj kuraja se do të përshpejtohet ky proces, por se sa do të punohet le të shohim ku deri më tash kemi një stagnim pjesërisht të personave të pagjetur, pasi që ka një kohë që kemi urdhëresë të Prokurorisë që të gërmohet një pjesë ku është thënë se janë 23 persona të pagjetur në komunën e Zubin Potokut, ku ka edhe shënime dhe dëshmitarë dhe nga 2013 kërkohet që të gërmohet. Nga java tjetër pritet që prapë të fillon gërmimi të 15 intelektualëve”, deklaroi ai.

Ndryshe të martën dhe të mërkurën delegacionet nga Kosova dhe Serbia janë takuar në Bruksel, në kuadër të dialogut, ku Udhëheqësi i delegacionit të Kosovës në dialogun me Serbinë, Besnik Bislimi, ka thënë që gjatë takimeve në Bruksel me palën serbe lidhur me dialogun, çështja e vetme që është diskutuar ka qenë “çështja e të pagjeturve”.

Related Topics:Bajram Qerkini te pagjeturit

Up Next

Dyshohet se do shpërthenin parlamentin, 8 të arrestuar në Itali

Don't Miss

Sot varroset Astrit Ademaj që u vra në Pejë

Bota

Trump: Nëse Elon Musk do të blejë TikTok-un e mirëpres këtë vendim pozitiv

Published

5 minutes ago

January 22, 2025

UBT NEWS

Presidenti i SHBA-së, Donald Trump, ka shprehur mbështetje për idenë që miliarderi i teknologjisë, Elon Musk, të blejë aplikacionin TikTok. Gjatë një deklarate në Shtëpinë e Bardhë, Trump tha se do të ishte i hapur ndaj një marrëveshje të tillë, duke theksuar se nëse Musk do të dëshironte ta blinte TikTok-un, ai e mirëpriste këtë vendim pozitiv.

Trump përmendi se gjatë mandatit të tij të mëparshëm ishte takuar me pronarët e TikTok-ut dhe kishte sugjeruar që aplikacioni të blihej dhe t’i jepej “gjysma” e SHBA-së. Ai argumentoi se Shtetet e Bashkuara duhet të kenë një partneritet të fuqishëm me TikTok-un dhe se kjo marrëveshje mund të ishte shumë e arsyeshme për të dyja palët.

Gjithashtu, Trump nënshkroi një urdhër ekzekutiv që shtynte ndalimin e TikTok-ut për 75 ditë, duke cituar çështje të sigurisë kombëtare dhe duke u munduar të shpëtojë aplikacionin, i cili përdoret nga rreth 170 milionë amerikanë. Ai theksoi se TikTok mund të kishte një vlerë deri në një trilion dollarë, dhe se SHBA kishte të drejtën ta shesë ose ta mbyllë aplikacionin.

Në këtë kontekst, Trump pohoi se administrata e tij po punonte për të krijuar një “sipërmarrje të përbashkët” me kompanitë që mund të ishin të interesuara për të blerë TikTok-un, me Shtetet e Bashkuara si partner. Ai theksoi se shumë investitorë dhe kompani mund të kishin interes në një marrëveshje të tillë, duke e bërë TikTok një mundësi tërheqëse për SHBA-në.

Vendimi i fundit i Gjykatës së Lartë të SHBA-së miratoi një ligj që mund të ndalonte TikTok-un nëse ByteDance, kompania kineze që e zotëron, nuk pranonte investime të tjera për aplikacionin. Pas një periudhe të shkurtër pa funksionim të shërbimeve, TikTok njoftoi se ishte duke rikthyer shërbimet për përdoruesit amerikanë pas garancive nga Trump./UBTNews/

Bota

Huamarrja në Mbretërinë e Bashkuar arrin nivelin më të lartë në katër vjet

Published

20 minutes ago

January 22, 2025

UBT NEWS

Huamarrja e qeverisë në Mbretërinë e Bashkuar ka arritur nivelin më të lartë në katër vitet e fundit, duke shkuar në afro 18 miliardë paund. Sipas Zyrës për Statistikat Kombëtare, huamarrja neto e sektorit publik ka arritur në 17.8 miliardë paund për muajin dhjetor, duke shënuar nivelin e tretë më të lartë për çdo dhjetor. Kjo shifër është 10.1 miliardë paund më e lartë se në të njëjtin muaj të vitit të kaluar dhe ka tejkaluar parashikimet e shumicës së ekonomistëve, të cilët kishin pritur një huamarrje prej 14.1 miliardë paund.

Rritja e huamarrjes është shpesh e lidhur me rritjen e pagesave të interesit të borxhit, një faktor që ka shtuar barrën për financat publike. Kjo situatë ka vënë nën presion Rachel Reeves, kancelaren, e cila po përballet me kritikë për rritjen e vazhdueshme të borxhit, pavarësisht premtimit të saj gjatë fushatës zgjedhore për të stimuluar ekonominë dhe për të rregulluar situatën ekonomike të vendit. Kjo huamarrje e lartë vjen pas një periudhe të gjatë të krizave ekonomike në Mbretërinë e Bashkuar, e cila ka përjetuar një rënie të ndjeshme të zhvillimit ekonomik dhe një situatë të pasigurt financiare./UBTNews/

Bota

Scholz dhe Macron takohen pas kthimit të Trump në Shtëpinë e Bardhë

Published

32 minutes ago

January 22, 2025

UBT NEWS

Kancelari gjerman Olaf Scholz do të udhëtojë në Paris më 24 janar për një takim me Presidentin francez Emmanuel Macron, vetëm dy ditë pasi Donald Trump do të marrë detyrën si president i SHBA-së. Takimi pritet të zhvillohet në Pallatin Elysee rreth mesditës, dhe në fokus të bisedimeve do të jenë pozicionimi i ardhshëm i Bashkimit Evropian ndaj Shteteve të Bashkuara, situata në Ukrainë, si dhe zhvillimet në Lindjen e Mesme.

Scholz nuk është i vetmi politikan gjerman që do të udhëtojë në Paris në këtë periudhë. Anke Rehlinger, presidente e dhomës së lartë të parlamentit gjerman, Bundesrat, ndodhet në Paris për një vizitë nga 21 deri më 24 janar, ku do të takohet me kryetarët e dy dhomave të parlamentit francez. Po ashtu, Ministri i Mbrojtjes, Boris Pistorius, do të zhvillojë një takim me homologun e tij francez, Sébastien Lecornu, më 25 janar. Takimet e këtyre liderëve kanë për qëllim forcimin e marrëdhënieve dhe koordinimin mes dy shteteve evropiane në përgjigje të sfidave globale./UBTNews/

Lajmet

Haradinaj takon Serwer: Kosova të rikthehet në partneritetin strategjik me aleatë

Published

37 minutes ago

January 22, 2025

UBTNews

Kryetari i AAK-së, Ramush Haradinaj ka takuar profesorin e marrëdhënieve ndërkombëtare dhe të politikës së jashtme Amerikane Daniel Serwer.

Ai ka njoftuar se ka zhvilluar një bisedë e gjatë dhe përmbajtësore me profesorin e marrëdhënieve ndërkombëtare dhe të politikës së jashtme Amerikane Daniel Serwer.

“Diskutuam për proceset dhe sfidat nëpër të cilat është duke kaluar Kosova. Angazhimi me dekada i Prof. Serwer në Kosovë dhe Ballkan dhe memoria institucionalë si ish diplomat në Ballkan janë shumë me vlerë për rrugën dhe përcaktimet e Kosovës dhe prioritetet që garantojnë paqen dhe sigurinë në Ballkan. E ftova z. Serwer që të vijë në Kosovë për të ndarë pikëpamjet dhe për të ofruar ndihmën e tij, që Kosova të rikthehet në partneritetin strategjik me aleatë, posaçërisht Shtetet e Bashkuara të Amerikës”, shkruan Haradinaj.