Në kuadër të Global UBT Fest, Akademia Verore e Fakultetit të Biokimisë Mjekësore dhe Bioteknologjisë vazhdoi aktivitetet e saj me ditën e tretë, e cila u karakterizua nga puna praktike dhe përvoja e drejtpërdrejtë në mjedise moderne laboratorike dhe klinike.

Gjatë këtij aktiviteti, pjesëmarrësit patën mundësinë të njihen nga afër me organizimin dhe funksionimin e laboratorëve klinikë, menaxhimin dhe ruajtjen e mostrave biologjike, përdorimin e analizatorëve bashkëkohorë, teknikat e pipetimit dhe mikroskopisë, si dhe proceset e diagnostikimit laboratorik dhe imazherik.

Përmes demonstrimeve praktike dhe punës në laborator, studentët dhe pjesëmarrësit zgjeruan njohuritë e tyre mbi standardet profesionale që udhëheqin praktikën laboratorike moderne. Vëmendje e veçantë iu kushtua saktësisë analitike, biosigurisë, kontrollit të cilësisë dhe etikës profesionale, si elemente kyçe për garantimin e rezultateve të besueshme dhe mbrojtjen e shëndetit të pacientëve.

Aktiviteti dëshmoi edhe një herë qasjen bashkëkohore të Fakultetit të Biokimisë Mjekësore dhe Bioteknologjisë, i cili ndërton një model arsimimi të bazuar në integrimin e mësimit teorik me praktikën profesionale, duke krijuar një ekosistem ku universiteti, laboratori dhe institucionet shëndetësore bashkëpunojnë për zhvillimin e dijes, kërkimit shkencor dhe inovacionit.

Përmes Akademisë Verore, UBT vazhdon të krijojë mundësi për zhvillimin profesional të studentëve dhe profesionistëve të rinj, duke i pajisur ata me kompetenca praktike dhe njohuri të avancuara, në përputhje me standardet bashkëkohore të diagnostikës laboratorike dhe shkencave biomjekësore.

Qendra e UBT-së në Ferizaj, ka nisur zyrtarisht fushatën e regjistrimit të studentëve të rinj për vitin akademik. Përmes një oferte akademike të ndërtuar mbi kërkesat e tregut modern të punës, kjo qendër po shndërrohet në destinacionin kryesor për të gjithë të rinjtë e rajonit të Ferizajt që duan të ndërtojnë një karrierë të suksesshme në fushën e teknologjisë, planifikimit hapësinor dhe ekonomisë.

Në kuadër të shënimit të një çerekshekulli ekselencë akademike nga UBT, Qendra në Ferizaj ofron tri nga drejtimet më të kërkuara: Shkenca Kompjuterike dhe Inxhinieri, Arkitekturë dhe Planifikim Hapësinor, si dhe Menaxhment, Biznes dhe Ekonomi. Ky model studimi kombinon anën teorike me praktikat më moderne, duke u dhënë studentëve mundësinë të pajisen me aftësi ndërkombëtare pa pasur nevojë të largohen nga qyteti i tyre.

Mbi rëndësinë e këtij afati dhe vizionin e kampusit, drejtoresha e qendrës, Fatime Tahiri, ka theksuar se Ferizaji po e përqafon çdo ditë e më shumë inovacionin, duke shtuar se përmes këtij kampusi të rinjtë po përfitojnë standarde të larta akademike dhe infrastrukturë moderne për një të ardhme të sigurt profesionale.

“Ferizaji po dëshmon çdo ditë e më shumë se është një qytet që e përqafon inovacionin dhe zhvillimin. Përmes kampusit tonë, ne po u ofrojmë të rinjve të këtij rajoni standardet më të larta akademike dhe infrastrukturën më moderne. Zgjedhja e UBT-së është një hap i sigurt drejt një të ardhmeje të ndritur profesionale, prandaj i ftojmë të gjithë maturantët që të bëhen pjesë e rrjetit tonë të ekselencës”, u shpreh Tahiri.

Ndërsa, të gjithë të interesuarit mund të aplikojnë tani duke vizituar uebfaqen zyrtare të institucionit në www.ubt-uni.net.

Për informata shtesë rreth procesit të regjistrimit, UBT ka vënë në dispozicion numrin e telefonit +383 38 541 400 si dhe adresën elektronike [email protected].

Në kampusin e UBT-së në Emshir, sot u përmbyllën me sukses punimet katërditore të Akademisë Verore të Fakultetit të Inxhinierisë Ndërtimore dhe Infrastrukturës, e cila këtë vit u mbajt në kuadër të “Global UBT Fest 2026” nën moton “Green Buildings and Green Infrastructure”.

Ky edicion, i cili u udhëhoq nga Dekani i Fakultetit, Prof. Visar Krelani, pas aktiviteteve të shumta të ditëve të kaluara – ku përfshiheshin vizita studimore në fabrikën “Sharrcem” dhe sesione mbi efiçiencën e energjisë e menaxhimin e mbetjeve – në ditën e sotme përmbyllëse solli në fokus diskutimet mbi Ndërtimin e Gjelbër dhe Performancën Termike të Ndërtesave. Profesorë, studentë dhe përfaqësues të industrisë shkëmbyen njohuri mbi metodat më të reja të izolimit ekologjik dhe ndërtimit të qëndrueshëm.

Krejt në fund, akademia u përmbyll me ligjëratën mjaft praktike e frymëzuese “Nga Student deri te Inxhinier i Licencuar”. Ky sesion shërbeu si një udhërrëfyes i qartë për studentët e rregullt dhe ata të rinj, duke u treguar hapat konkretë dhe procedurat që duhet të ndjekin për t’u integruar me sukses dhe për t’u licencuar në tregun e punës.

Prizreni, qyteti i historisë, kulturës dhe trashëgimisë, po bëhet gjithnjë e më shumë edhe një qendër e arsimit modern dhe inovacionit teknologjik. Në këtë frymë, kanë nisur zyrtarisht regjistrimet në Gjimnazin TIK të UBT International Smart Schools në Prizren, duke u ofruar të rinjve një mundësi unike për të ndërtuar karrierën e tyre në profesionet më të kërkuara të së ardhmes.

Regjistrimet janë të hapura jo vetëm për nxënësit nga Prizreni, por edhe për të rinjtë nga e gjithë rajoni i Prizrenit, si Suhareka, Dragashi, Malisheva, Rahoveci dhe Mamusha, si dhe për nxënësit nga Kukësi dhe zonat përreth në Shqipëri, të cilët dëshirojnë të ndjekin një arsim të standardeve ndërkombëtare në një nga institucionet më moderne të vendit.

Në një kohë kur tregu global i punës kërkon gjithnjë e më shumë profesionistë të fushës së teknologjisë, programimit dhe inteligjencës artificiale, Gjimnazi TIK sjell një model bashkëkohor të arsimit, ku teoria ndërthuret me praktikën dhe inovacioni bëhet pjesë e përditshmërisë së nxënësve.

Përmes laboratorëve modernë, pajisjeve të teknologjisë së fundit dhe metodave inovative të mësimdhënies, nxënësit zhvillojnë aftësi në programim, zhvillim të aplikacioneve, inteligjencë artificiale (AI), robotikë dhe realizimin e projekteve praktike, duke u përgatitur për studime universitare dhe për një treg pune që ndryshon me ritme të shpejta.

Ajo që e bën edhe më të veçantë këtë institucion është fakti se UBT International Smart Schools është plotësisht i akredituar nga Cambridge International Education, duke ofruar standarde ndërkombëtare të cilësisë në arsim dhe një përvojë mësimore të krahasueshme me shkollat më të avancuara në botë.

Me një staf të kualifikuar, ambiente moderne, teknologji të avancuar dhe një qasje që promovon kreativitetin, mendimin kritik dhe inovacionin, Gjimnazi TIK në Prizren synon të formojë gjeneratën e ardhshme të programuesve, inxhinierëve, zhvilluesve të teknologjisë dhe liderëve në këto fusha.

Regjistrimet tashmë janë të hapura për të gjithë të rinjtë që dëshirojnë të jenë pjesë e një shkolle ku teknologjia, dijet dhe vizioni për të ardhmen ecin paralelisht, duke e shndërruar arsimin në një investim të sigurt për suksesin akademik dhe profesional.

Aplikimet mund të bëhen online: LINKU ONLINE