Përfaqësues të UBT-së dhe të Qendrës së Karrierës në UBT zhvilluan një sesion informues për nxënësit e Shkollës Profesionale “Bahri Haxha” në Vushtrri.

Në kuadër të këtij sesioni, përfaqësuesit e UBT-së i njoftuan nxënësit për programet, kurrikulat multidisiplinare dhe gjithëpërfshirëse, infrastrukturën moderne, si dhe angazhimet jashtëkurrikulare të UBT-së.

Nxënësit u njoftuan edhe për programet më unike të UBT-së dhe se si ato mund t’i ndihmojnë ata të ndjekin qëllimet e tyre akademike dhe profesionale.

Rektori i UBT-se, Prof. Dr. Edmond Hajrizi ishte pjesëmarrës në Konferencën “DOKUTECH”, ku u diskutua rreth temës: “Inteligjencën artificiale dhe si ndikon në përfaqësimin e grave”.

Mes pjesëmarrësve të shumtë, rektori Hajrizi në panelin e diskutimit shpalosi avancimin e UBT-së në fushën e teknologjisë, si dhe arritjet e institucionit në teknologjinë e avancuar.

Ndër të tjera, rektori Hajrizi tregoi konceptin e UBT-së për avancimin e gruas në teknologji dhe inxhinieri, duke potencuar se 50 për qind e studentëve në UBT janë femra, një indikator shumë i rëndësishëm dhe premtues për të ardhmen e tyre në teknologji.

“Shumica e njerëzve po studiojnë shkenca kompjuterike. Kemi qendrën më të madhe të arsimit dhe edukimit në teknologji dhe shkencë në Ballkan, dhe nga kjo 50% janë femra”, ka thënë rektori Hajrizi.

Në panelin e diskutimit pjesëmarrës ishte edhe nënkryetarja e Komunës së Prishtinës, Donjeta Sahatçiu, ambasadorja e grave në Tech në Maqedoni të Veriut, Monika Rizovska Tanevska, si dhe Senior Data & AI Solutions Architect at Microsoft, Fatos Ismaili, moderuar nga ambasadorja e grave në teknologji në Kosovë, Teuta Sahatqija.

Në qendrën e UBT-së në Prishtinë, është mbajtur konferenca: “Elementet e Sigurisë në Rrugë dhe Auditimi i tyre”, organizuar nga Fakulteti Inxhinieri e Ndërtimit dhe Infrastrukturë në UBT.

Paneli ishte i përbërë nga rektori i UBT-së, Prof. Dr. Edmond Hajrizi, profesorët: Nol Dedaj, Beni Kizolli, Visar Baxhuku, nga Ministria e Mjedisit, Planifikimit Hapësinor dhe Infrastrukturës, Milaim Ahmetaj, si dhe përfaqësuesit nga Policia e Kosovës, Nazmi Zogaj dhe Naim Latifi.

Në fjalën e tij, rektori Hajrizi vlerësoi organizimin e kësaj konference dhe trajtimin e temave të tilla, të cilat janë me karakter sensibilizues dhe informues, teksa theksoi nevojën për siguri më të shtuar në komunikacionin rrugor.

Panelistët e tjerë me ekspertizën e tyre të thellë dhe përvojën në fushën e sigurisë rrugore, kontribuuan në trajtimin e temave dhe prezantuan informacione të rëndësishme për audiencën.

Në këtë konferencë u prezantuan edhe gjetje të një hulumtimi shkencor lidhur me sigurinë në komunikacion, shkaqet e aksidenteve, si dhe statistika të tjera të cilat lidhen me komunikacionin rrugor.

Nxënësit e Shkollave të Mesme të UBT-së, në kuadër të Panairit të Shkencës prezantuan projektet hulumtuese të realizuara me përkushtim e profesionalizëm nën udhëheqjen e mësimdhënësve të shkencave të natyrës.

Përmes procesit të hartimit dhe realizimit të projekteve të tilla, nxënësit zhvillojnë shkathtësitë hulumtuese, duke ndjekur të gjithë hapat e një hulumtimi shkencor.

Kjo formë e punës me nxënës është një nga rrugët e mësimit dhe zhvillimit të nxënësve, e cila fuqizon zhvillimin kompetentë më shumë se përmbajtjet mësimore.