Lajmet

​Qalaj bën thirrje që tre zyrtarët policorë të hiqen nga lista e INTERPOL-it

Në seancë plenare, Qalaj përmendi tre zyrtarët policorë për të cilët kërkoi mbrojtje.

Published

on

Deputeti i Partisë Demokratike të Kosovës, Rashit Qalaj ka bërë thirrje që të hiqen nga lista e INTERPOL-it, tre zyrtarët e njësive elite. Ai tha se të njëjtit në vitin 2019 kishin përdorur forcën e nevojshme për të arrestuar zyrtarin rus të UNMIK-ut.

Në seancë plenare, Qalaj përmendi tre zyrtarët policorë për të cilët kërkoi mbrojtje.

“Qëllimi pse e mora fjalën është që të bëjë thirrje publike si deputet, si qytetar i këtij vendi, shtetit të Kosovës, Qeverisë së Kosovës, Ministrisë së Punëve të Brendshme, partnerëve tanë që të bëjnë të pamundurën që këta policë, majori i Policisë së Kosovës Alban Jetullahu, kapiteni Besart Ahmeti, polici i Njësisë Speciale, Faruk Gashi, janë në listën e Interpol-it dhe ata të hiqen sa më shpejt që është e mundur”, deklaroi ai.

Deputeti i Partisë Demokratike të Kosovës, Rashit Qalaj tha se lajmi për futjen në listën e INTERPOL-it të tre policëve është shqetësues.

“Më 28 maj të vitit 2019 është zhvilluar një operacion policor që ka pasur qëllim luftimin e dukurisë që ishte bërë dukuri e kontrabandës, krimit të organizuar, dhe përfshirjes së disa pjesëtarëve të Policisë së Kosovës dhe disa qytetarëve serbë e shqiptarë në aktivitete kriminale. Hetimet ishin zhvilluar për një kohë të gjatë nga hetuesit e policisë kufitare të PK-së dhe hetuesit e Inspektoratit të Policisë së Kosovës. Në fillim të operacionit u plagosën disa policë, u lënduan disa policë, u dëmtuan veturat e Policisë së Kosovës, mirëpo Policia e Kosovës arriti në atë kohë të zhbllokojë të gjitha rrugët dhe të arrestojë një numër mjaft të madh të invovluar në krim dhe të qytetarëve të cilët kanë qenë të involuar në krim. Në ballë të këtyre forcave kriminale serbe dhe turmave serbe ka qenë një zyrtar i UNMIK-ut nga Rusia dhe një zyrtar lokal i UNMIK-ut nga komuniteti serb. Të cilët i kanë prirë turmës kundër Policia së Kosovës duke i keqpërdorur imunitetin që kanë pasur në misionin e Kombeve të Bashkuara. Dhe për më keq, nga vetura e UNMIK-ut është nxjerr një pajisje që ka shërbyer për prerje të drunjve, të cilat janë hedhur në barrikada në rrugën kryesore që shpie për në Zubin Potok. Zyrtari rus i Kombeve të Bashkuara ka refuzuar që të legjitimohet dhe ishte barrikaduar në veturë”, deklaroi ai.

Ai theksoi se zyrtari rus më pas ishte shpallur non-grata nga qeveria, e cila drejtohej nga Ramush Haradinaj.

“Ata kanë marrë udhëzime nga dhoma komanduese se si të veprojnë. Policët që sot janë në listën e INTERPOL-it kanë përdorur forcën e nevojshme, forcën e arsyeshme, forcën e domosdoshme dhe proporcionale për të zbatuar ligjin. Dhe normalisht kanë arrestuar, identifikuar zyrtarin, i cili ka qenë zyrtar i UNMIK-ut apo i kombit rus”, shtoi ai.

Bota

Trump njofton tarifa 25% për makinat e importuara në SHBA

Published

on

Presidenti i SHBA, Donald Trump, ka njoftuar tarifa të reja prej 25% për makinat dhe pjesët e makinave të importuara në Shtetet e Bashkuara, një masë që pritet të thellojë luftën tregtare globale. Tarifat do të hyjnë në fuqi më 2 prill dhe do të prekin 15 vende që kanë një disbalancë tregtare me SHBA-në, përfshirë Bashkimin Evropian.

Trump e ka justifikuar këtë hap si një mundësi për të stimuluar prodhimin vendas dhe për të mbrojtur industrinë amerikane të makinave, por analistët paralajmërojnë se mund të sjellë rritje të kostos për konsumatorët dhe të dëmtojë prodhuesit që varen nga zinxhirët globalë të furnizimit.

Reagimi i tregjeve ka qenë negativ, me aksionet e kompanive automobilistike që kanë rënë pas njoftimit të tarifave. Ky vendim mund të shkaktojë përplasje të mëtejshme me Bashkimin Evropian, Japoninë dhe Korenë e Jugut, pasi shumë nga makinat dhe pjesët që shiten në SHBA vijnë nga këto shtete. Shumica e ekspertëve vlerësojnë se tarifat mund të kenë një ndikim të konsiderueshëm në ekonominë globale dhe mund të përkeqësojnë marrëdhëniet ndërkombëtare të SHBA-së.

Për të reaguar ndaj masave të SHBA-së, Bashkimi Evropian ka përgatitur një paketë sanksionesh prej 26 miliardë eurosh, që do të zbatohet nga 12 prilli. Këto tarifat priten të godasin jo vetëm Shtetet e Bashkuara, por edhe sektorët evropianë, duke rritur tensionet tregtare. Për më tepër, disa shtete europiane, si Franca, kanë arritur të shtyjnë vendosjen e tarifave për të shmangur një përshkallëzim të mëtejshëm të krizës tregtare./UBTNews/

Continue Reading

Lajmet

​Arrestohen dy të dyshuar për fajde, detyruan viktimën të vepronte në dëm të pasurisë së tij

Published

on

By

Policia e Kosovës ka njoftuar se ka arrestuar dy persona në Prizren, nën dyshimin për kryerje të veprës penale të “fajdes” gjatë periudhës shkurt 2021.

Sipas policisë arrestimi i të dyshuarve ka ndodhur dje derisa sipas policisë ata në vazhdimësi kanë ushtruar presion ndaj viktimës me qëllim të marrjes së interesit nga fajdeja dhe duke e detyruar të veprojë në dëm të pasurisë së tij.

“Nga njësitë relevante policore me datën 26.03.2025 janë arrestuar dy të dyshuar meshkuj kosovar për shkak të dyshimit se kanë kryer veprën penale Fajde ndaj viktimës mashkull kosovar. Të dyshuarit në vazhdimësi kanë ushtruar presion ndaj viktimës me qëllim të marrjes së interesit nga fajdeja duke e detyruar atë të veproj në dëm të pasurisë së tij dhe duke i shkaktuar dëme materiale”, ka njoftuar policia në raporton 24 orësh.

Sipas policisë gjatë kontrollit në shtëpitë e dyshuarve dhe në një veturë të tyre janë gjetur dhe sekuestruar: një pistoletë me 13 fishek, një pushkë ajrore, 42 copë fishek cal. 9×19 mm, një fishek cal. i panjohur dhe dy automjete.

Dy të dyshuarit me vendim të prokurorit janë dërguar në mbajtje.

Continue Reading

Lajmet

KQZ sot pritet të certifikojë rezultatet e zgjedhjeve të 9 shkurtit

Published

on

By

Komisioni Qendror i Zgjedhje të enjten pritet të certifikojë rezultatet e zgjedhjeve parlamentare të 9 shkurtit.

Mbledhja është paraparë të mbahet nga ora 16:00.

Në rend dite është edhe zëvendësimi i deputetëve të zgjedhur të cilët kanë hequr dorë.

Të mërkurën Gjykata Supreme ka përfunduar shqyrtimin e ankesave të fundit të cilat i ka refuzuar.

Nga ana tjetër Prokuroria Speciale ka bërë të ditur se ka autorizuar Policinë e Kosovës për mbledhjen e fakteve për pretendimet për manipulim të votave me postë nga diaspora.

Më 15 mars, KQZ mori vendim për shpalljen e rezultateve përfundimtare të Zgjedhjeve për Kuvendin e Republikës së Kosovës, të cilat janë mbajtur më 9 shkurt 2025.

Sipas këtyre rezultateve Lëvizja Vetëvendosje (LVV) ka dalë e para me mbi 390.000 vota apo 42.30 për qind.

E dyta ka dalë Partia Demokratike e Kosovës (PDK) me mbi 190.000 vota, apo 20.95 për qind, pasuar nga Lidhja Demokratike e Kosovës (LDK) me mbi 170.000 mijë vota, apo 18.27 për qind.

Në vendin e katërt është koalicioni mes Aleancës për Ardhmërinë e Kosovës (AAK) dhe Nismës Social-demokrate me mbi 66.000 vota apo 7.06 për qind.

Lista Serbe – partia më e madhe e serbëve në Kosovë, ka siguruar mbi 39.000 vota apo 4.26 për qind.

Continue Reading

Bota

Këshilli Bashkiak i Stambollit zgjedh kryebashkiak të përkohshëm pas arrestimit të Imamoglu

Published

on

Pas burgosjes së Ekrem Imamoglu, kryebashkiakut të Stambollit, për akuzat për korrupsion, Këshilli Bashkiak i Stambollit, i drejtuar nga opozita, zgjodhi Nuri Aslan si kryebashkiak të përkohshëm. Arrestimi i Imamoglu, rival i Presidentit Tayyip Erdogan, ka shkaktuar demonstrata masive antiqeveritare në Turqi dhe ka çuar në arrestime të shumta. Këshilli Bashkiak e emëroi Aslanin me shumicën e votave të anëtarëve.

Ky veprim u pasua nga kritika të shumta, duke përfshirë Partinë Popullore Republikane (CHP) të Imamoglu dhe grupe të të drejtave, të cilët e kanë konsideruar arrestimin si një hap antidemokratik për të eliminuar një kërcënim elektoral ndaj Erdoganit. Qeveria turke mohon ndikimin mbi gjyqësorin, duke theksuar se gjykatat janë të pavarura, ndërsa Erdogan ka quajtur protestat një “shfaqje”. Pas këtyre ngjarjeve, qeveria ndaloi protestat për një javë./UBTNews/

Continue Reading

Të kërkuara