Lajmet

​Qalaj bën thirrje që tre zyrtarët policorë të hiqen nga lista e INTERPOL-it

Në seancë plenare, Qalaj përmendi tre zyrtarët policorë për të cilët kërkoi mbrojtje.

Published

on

Deputeti i Partisë Demokratike të Kosovës, Rashit Qalaj ka bërë thirrje që të hiqen nga lista e INTERPOL-it, tre zyrtarët e njësive elite. Ai tha se të njëjtit në vitin 2019 kishin përdorur forcën e nevojshme për të arrestuar zyrtarin rus të UNMIK-ut.

Në seancë plenare, Qalaj përmendi tre zyrtarët policorë për të cilët kërkoi mbrojtje.

“Qëllimi pse e mora fjalën është që të bëjë thirrje publike si deputet, si qytetar i këtij vendi, shtetit të Kosovës, Qeverisë së Kosovës, Ministrisë së Punëve të Brendshme, partnerëve tanë që të bëjnë të pamundurën që këta policë, majori i Policisë së Kosovës Alban Jetullahu, kapiteni Besart Ahmeti, polici i Njësisë Speciale, Faruk Gashi, janë në listën e Interpol-it dhe ata të hiqen sa më shpejt që është e mundur”, deklaroi ai.

Deputeti i Partisë Demokratike të Kosovës, Rashit Qalaj tha se lajmi për futjen në listën e INTERPOL-it të tre policëve është shqetësues.

“Më 28 maj të vitit 2019 është zhvilluar një operacion policor që ka pasur qëllim luftimin e dukurisë që ishte bërë dukuri e kontrabandës, krimit të organizuar, dhe përfshirjes së disa pjesëtarëve të Policisë së Kosovës dhe disa qytetarëve serbë e shqiptarë në aktivitete kriminale. Hetimet ishin zhvilluar për një kohë të gjatë nga hetuesit e policisë kufitare të PK-së dhe hetuesit e Inspektoratit të Policisë së Kosovës. Në fillim të operacionit u plagosën disa policë, u lënduan disa policë, u dëmtuan veturat e Policisë së Kosovës, mirëpo Policia e Kosovës arriti në atë kohë të zhbllokojë të gjitha rrugët dhe të arrestojë një numër mjaft të madh të invovluar në krim dhe të qytetarëve të cilët kanë qenë të involuar në krim. Në ballë të këtyre forcave kriminale serbe dhe turmave serbe ka qenë një zyrtar i UNMIK-ut nga Rusia dhe një zyrtar lokal i UNMIK-ut nga komuniteti serb. Të cilët i kanë prirë turmës kundër Policia së Kosovës duke i keqpërdorur imunitetin që kanë pasur në misionin e Kombeve të Bashkuara. Dhe për më keq, nga vetura e UNMIK-ut është nxjerr një pajisje që ka shërbyer për prerje të drunjve, të cilat janë hedhur në barrikada në rrugën kryesore që shpie për në Zubin Potok. Zyrtari rus i Kombeve të Bashkuara ka refuzuar që të legjitimohet dhe ishte barrikaduar në veturë”, deklaroi ai.

Ai theksoi se zyrtari rus më pas ishte shpallur non-grata nga qeveria, e cila drejtohej nga Ramush Haradinaj.

“Ata kanë marrë udhëzime nga dhoma komanduese se si të veprojnë. Policët që sot janë në listën e INTERPOL-it kanë përdorur forcën e nevojshme, forcën e arsyeshme, forcën e domosdoshme dhe proporcionale për të zbatuar ligjin. Dhe normalisht kanë arrestuar, identifikuar zyrtarin, i cili ka qenë zyrtar i UNMIK-ut apo i kombit rus”, shtoi ai.

Lajmet

Pep Guardiola përballë sfidës më të vështirë në Man City

Published

on

Brenda Manchester Cityt kishte filluar të lëkundej pushteti që sezonin e kaluar pas dy humbjeve në tri ndeshjet e para të këtij edicioni, por çarjet janë thelluar edhe më shumë.

Ajo që dikur ishte makina më dominuese e Premierligës, papritmas duket e cenueshme madje edhe pas lëvizjeve të fundit në tregun e transferimeve.

Ardhja në ditën e fundit të afatit e Gianluigi Donnarummës, i cili nënshkroi për të zëvendësuar Edersonin pas kalimit të tij te Fenerbahçe, konsideroht një shtresë e ndryshimeve. Donnarumma është portier i nivelit botëror, por jo i tipit që zakonisht lidhet me Guardiolën.

Përveç Edersonit, gjatë verës janë larguar edhe emra si Kevin De Bruyne, Kyle Walker, Jack Grealish, James McAtee, Ilkay Gundogan dhe Manuel Akanji. Pa shumë zhurmë, një nga skuadrat më të mëdha që ka parë ndonjëherë Premier League është shpërbërë.

Mesfushori dirigjent dhe fituesi i Topit të Artë 2024 ka edhe dy vite kontratë, por ende nuk e ka rinovuar. Interesimi i hershëm i Real Madridit mbetet i gjallë, dhe ndjesia është se, nëse City nuk arrin ta rivendosë veten në majë, spanjolli mund të joshet për t’u rikthyer në qytetin e tij.

Brenda Etihad-it pranojnë se ekziston shqetësim. Rodri është i pazëvendësueshëm, zemra e sistemit të Guardiolës dhe rrjeti i sigurisë që u lejon yjeve të sulmit të shkëlqejnë. Humbja e tij do të ishte më shumë se një largim tjetër i profilit të lartë.

City ka kaluar tranzicione edhe më parë, por Pep Guardiola tani gjendet përballë sfidës së tij më të vështirë në Angli.

Ai ka rindërtuar skuadra, por jo nga një pozitë kaq e brishtë. Ky grup duket më pak i sigurt, më pak i paprekshëm.

Dhe nëse Rodri fillon të dyshojë në drejtimin e klubit, përballja me një tjetër lamtumirë të dhimbshme bëhet e pashmangshme. Burimet thonë se ai me të vërtetë po e peshojnë të ardhmen e tij.

Për City-n, çështja nuk është vetëm ndjekja e një titulli tjetër, por dëshmia ndaj vetë lojtarëve se ende i përkasin majës absolute.

/S.K/EO/

Continue Reading

Lajmet

Spanca: Mbi 60 mijë euro u dhanë si subvencione për libra pa plotësuar kriteret më 2024

Published

on

By

Auditorja e Përgjithshme, Vlora Spanca, ka deklaruar se gjatë auditimit të pasqyrave financiare të Ministrisë së Arsimit për vitin 2024 janë evidentuar parregullsi në procesin e subvencionimit të librave shkollorë. Sipas saj, ZKA-ja ka identifikuar mbi 60 mijë euro që janë dhënë si subvencion për qytetarë që kanë aplikuar pa i plotësuar kriteret për fëmijët e tyre.

Ajo në konferencë për media të mërkurën tha se për vitin shkollor 2025-2026 kanë diskutuar me MASHT-in dhe kanë ndërmarrë hapa të verifikimit, ku kanë obliguar shkollat që t’i verifikojnë paraprakisht cilët nxënës vijojnë mësimin në shkolla.

Aty kemi prezantuar mangësitë sa i përket çështjeve që ndërlidhen me subvencionimin e librave. ZKA-ja ka identifikuar mbi 60 mijë euro janë dhënë si subvencion apo kanë aplikuar qytetarë të cilët nuk i kanë plotësuar kriteret për fëmijët e tyre që të marrin subvencionimin për libra. Kjo ka ndodhur si pasojë e kontrolleve jo të mira nga Ministria e Arsimit në bashkëpunim me Agjencinë e Shoqërisë së Informacionit e cila e ka zhvilluar këtë aplikacion. Po ashtu ka qenë edhe një numër i qytetarëve që kanë aplikuar, vlera e tyre ka qenë 70 mijë euro, nuk mund të themi që nuk i kanë plotësuar kriteret por ka qenë e pamundur për neve të verifikojmë se për cilën shkollë kanë aplikuar. Stafi ynë ka biseduar me ministrin dhe aq sa kemi informacione për këtë sezon që ka filluar tashmë viti MASHT ka ndërmarrë hapa në bashkëpunim me nivelin lokal dhe kanë obliguar shkollat në komunë që t’i verifikojnë paraprakisht cilët nxënës vijojnë mësimin në shkollë”, tha ajo.

Vlora Spanca i bëri këto deklarata sot në një konferencë për media, ku u prezantuan rezultatet e Raportit Vjetor të Auditimit për vitin 2024./D.B/KP

Continue Reading

Aktualitet

Një hap drejt karrierës ndërkombëtare: Zgjidh Masterin në të Drejtën Komerciale në UBT

Published

on

Në epokën e globalizimit dhe digjitalizimit të tregjeve, ligji i biznesit është bërë një prej fushave më të rëndësishme dhe më të kërkuara në botën profesionale. Duke e njohur këtë nevojë, UBT ofron Programin Master (LLM) në të Drejtën Komerciale (Tregtare), i cili është dizajnuar për juristë, profesionistë dhe të diplomuar në drejtësi që synojnë të specializohen në sektorin e biznesit dhe tregtisë ndërkombëtare.

Ky program nuk është vetëm një rrugëtim akademik, por edhe një mundësi drejt karrierës ndërkombëtare, duke u ofruar studentëve njohuri të avancuara, përvojë praktike dhe një qasje kritike ndaj sfidave të së drejtës tregtare.

Çfarë përfiton një student i këtij programi?

  • Njohuri të avancuara mbi kontratat tregtare – nga hartimi deri te ekzekutimi i tyre, duke përfshirë rastet e shkeljes dhe arbitrazhit.
  • Të drejtën e shoqërive tregtare – themelimi, qeverisja, menaxhimi dhe shpërbërja e kompanive, sipas standardeve kombëtare dhe ndërkombëtare.
  • Ekspertizë në të drejtën e konsumatorit dhe konkurrencës – ku studentët aftësohen të analizojnë dhe krahasojnë kuadrot ligjore të Kosovës me ato të BE-së dhe tregjeve globale.
  • Pronësia intelektuale dhe inovacioni – trajnim i veçantë mbi menaxhimin e patentave, markave tregtare, të drejtave të autorit dhe sekreteve tregtare, thelbësore për bizneset moderne.
  • Simulime të proceseve gjyqësore – studentët marrin pjesë në skenarë praktikë, duke menaxhuar ekipe, hartuar kontrata reale dhe përgatitur mbrojtje ligjore.
  • Aftësi kërkimore dhe akademike – programi ofron mjete të avancuara për hulumtim shkencor, duke i përgatitur studentët për publikime dhe studime të thelluara.

Pse Master në të Drejtën Komerciale në UBT?

UBT është i vetmi institucion në Kosovë që kombinon teorinë e avancuar akademike me praktikën ligjore ndërkombëtare, përmes:

  • Punëtorive me juristë dhe ekspertë të shquar vendas e të huaj.
  • Pjesëmarrjes në raste reale të tregut global.
  • Integrimit të studentëve në rrjetin profesional të UBT-së, i cili përfshin partneritete me kompani, institucione publike dhe organizata ndërkombëtare.

Objektivat kryesore të programit:

  • Formimi i një baze solide mbi të drejtën tregtare kombëtare dhe ndërkombëtare.
  • Zhvillimi i aftësive për të adresuar çështje komplekse të qeverisjes korporative dhe përgjegjësisë sociale të bizneseve.
  • Nxitja e mendimit kritik dhe kreativ në menaxhimin e të drejtave të pronësisë intelektuale.
  • Përgatitja e profesionistëve për një treg pune që kërkon ekspertë të gatshëm të ofrojnë zgjidhje për sfidat ligjore të epokës moderne.

Misioni i programit

Misioni i Masterit në të Drejtën Komerciale është të edukojë juristë me standarde të larta etike dhe profesionale, të pajisur me njohuri që tejkalojnë kufijtë e zakonshëm të teorisë dhe që lidhen drejtpërdrejt me praktikën. Në këtë mënyrë, UBT synon të kontribuojë në forcimin e sundimit të ligjit, stabilitetit ekonomik dhe zhvillimit të qëndrueshëm në Kosovë dhe rajon.

Ky program është një mundësi e artë për të gjithë ata që duan të bëhen pjesë e një fushe ku ligji dhe biznesi takohen, krijojnë inovacion dhe udhëheqin zhvillimin global.

APLIKO TANI ONLINE!

Continue Reading

Lajmet

Nis viti i ri shkollor në Qendrën Korrektuese të Dubravës

Published

on

By

Ka nisur viti i ri shkollor 2025/26 në Qendrën Korrektuese të Dubravës, përmes paraleles së ndarë “Rudina” të Shkollës së Mesme Teknike “Mit’hat Frashëri” nga Gurrakoci.

Në njoftim bëhet e ditur se me të gjitha përgatitjet paraprake të përfunduara nga personeli mësimdhënës, materialet shkollore, mjetet didaktike e deri te pajisjet teknologjike, procesi mësimor ka filluar me sukses.

Në këtë vit shkollor, në klasën e X janë regjistruar një numër i konsiderueshëm nxënësish, të cilët do të ndjekin mësimet në teori dhe praktikë nën kujdesin e stafit profesional.

Arsimi dhe edukimi mbeten një nga shtyllat kryesore të procesit të risocializimit, duke i dhënë secilit individ mundësinë për zhvillim personal dhe ndërtimin e një të ardhme më të mirë. Përmes arsimit, nxënësit fitojnë aftësi, njohuri të dobishme dhe mbi të gjitha, besim në veten e tyre. Qendra Korrektuese e Dubravës, në bashkëpunim me Shkollën e Mesme Teknike “Mit’hat Frashëri” – paralelja “Rudina”, mbetet e përkushtuar që përmes edukimit të kontribuojë në riedukimin, integrimin dhe zhvillimin e të dënuarve”, thuhet tutje në njoftim./D.B/EO

Continue Reading

Të kërkuara