Kulturë

Pyetja që duhet t’ia bëni vetes, çdo ditë

E gjitha fillon me një vendim.

Published

4 years ago

on

Çdo mëngjes, kur na është dhënë privilegji që të zgjohemi dhe të fillojmë një ditë të re, na është dhënë gjithashtu mundësia që të rritemi si individë. Një nga pyetjet më të rëndësishme që duhet të pyesni çdo ditë është: “Si mund të rritem sot?”

Kjo pyetje e veçantë është e fuqishme sepse kur fillon ditën duke pyetur veten se cilat janë mënyrat që mund të rriteni, mendja juaj do të funksionojë në gjetjen e përgjigjeve.

Në shumicën e kohës, unë vazhdimisht përqendrohesha më shumë në punën time sesa tek vetja.

Mërzitesha shumë sepse po shpenzoja shumë kohë duke punuar në detyra, projekte dhe gjëra të tjera, ndërkohë që nuk po përqendrohesha në një rritje më të mirë të vetes time.

Jim Rohn ka thënë: “Punoni më shumë për veten sesa për punën tuaj. Nëse punoni shumë për punën tuaj, ju mund të jetoni mirë. Nëse punoni shumë për veten ju mund të bëni pasuri”.

Gjatë viteve, kam zbuluar se kjo thënie përmban shumë të vërteta.

Dita që fillova ta pyes veten: “Si mund të rritem sot?” ishte dita që jeta dhe biznesi im ndryshuan për mirë. Çdo mëngjes, unë fillova të shkruaj në një bllok shënimesh gjërat për të cilat unë do të përqendrohesha atë ditë sa i përket rritjes time personale. Një ditë mund të jetë për të mësuar një aftësi të re ose për të praktikuar diçka që ndjeja se më mungonte. Në çfarëdolloj rasti, unë sigurohesha që do të bëhesha më mirë dhe do të rritesha si profesionalisht ashtu dhe në jetën personale.

Rritja nuk është e detyrueshme

Ne të gjithë rritemi në moshë, por rritja si individ është fakultative. Kjo është një zgjedhje që ju dhe vetëm ju mund ta bëni. Çdo përvojë, mendim, marrëdhënie dhe takim në jetë na jep mundësinë të rritemi, qoftë në mënyrë negative apo pozitive.

Kur ju vendosni të rriteni çdo ditë, filloni të kuptoni bukurinë dhe gëzimin e vërtetë që jeta na ofron. Nuk ka kënaqësi më të madhe sesa të dish se po rritesh gjithnjë e më shumë nga personi që ke qenë më parë. Meqenëse rritja në moshë është e detyrueshme, kjo e lë shumicën e popullsisë të marrë rrugën e lehtë dhe të mos përqendrohet në rritjen ditore.

Arsyeja pse shumica nuk angazhohen në rritjen e përditshme është për shkak se kërkon që ju të lëvizni jashtë zonës tuaj të rehatisë. Ju nuk mund të rriteni gjatë kohës që jeni të kënaqur. Mësoni një aftësi të re, duke rafinuar një të vjetër, duke ndryshuar procesin e mendimeve tuaja, duke lexuar më shumë ose duke u zgjuar më herët se normalisht në mënyrë që ju të lëvizni përtej zonës tuaj të rehatisë.

E gjitha fillon me një vendim

Të bëheni më të mirët dhe të rriteni çdo ditë nuk ndodh rastësisht. Fillon me një vendim të fortë dhe të guximshëm. Ashtu si çdo gjë në jetë, ne jemi të detyruar të marrim vendime. Merrni kohë tani për të marrë vendimet që do t’iu rritin si individ çdo ditë, disi, në një farë mënyre.

Krijo programin tënd të rritjes ditore. Çfarëdo që vepron më mirë për ju, bëjeni atë. Për sa kohë që merrni një vendim që do të çojë në rritjen qoftë dhe shumë të pakët, në njëfarë mënyre kjo është e gjitha ajo që ka rëndësi. Ju ia keni borxh vetes për të korrur përfitimet e plota që jeta ka për të ofruar.

Në fund të fundit, ne mund t’i rritim bizneset tona pasi ne të rritim veten.

Related Topics:
Continue Reading

Lajmet

Përurohet “Oda e Zejtarëve” në Çarshinë e Vjetër të Gjakovës

Published

17 hours ago

on

June 22, 2026

By

Në Çarshinë e Vjetër të Gjakovës është përuruar “Oda e Zejtarëve”, një projekt i dedikuar promovimit të zejeve tradicionale dhe ruajtjes së trashëgimisë kulturore të qytetit.

Lajmin e ka bërë të ditur kryetari i Komunës së Gjakovës, Ardian Gjini, i cili ka vlerësuar rëndësinë e këtij investimi për zhvillimin kulturor dhe turistik të komunës.

“Sot, në Çarshinë e Vjetër të Gjakovës, përuruam Odën e Zejtarëve – një projekt i veçantë për qytetin dhe trashëgiminë tonë kulturore”, ka deklaruar Gjini.

Sipas tij, projekti do t’u shërbejë zejtarëve lokalë si një hapësirë e dedikuar për promovimin e zejeve tradicionale, ndërsa të rinjtë dhe vizitorët do të kenë mundësi të njihen më nga afër me këtë pjesë të rëndësishme të trashëgimisë kulturore.

Investimi është realizuar në kuadër të projektit “Ndërlidhja e turizmit përmes trashëgimisë kulturore dhe zgjidhjeve inteligjente në Lezhë dhe Gjakovë”, i financuar nga Programi IPA Cross-Border Shqipëri–Kosovë.

Kryetari Gjini ka theksuar se zhvillimi i turizmit dhe fuqizimi i ofertës kulturore të Gjakovës mbeten ndër prioritetet kryesore të qeverisjes lokale./A.K/

Continue Reading

Lajmet

Siparantum Kids sjell mbrëmje artistike në Prishtinë për Festën Ndërkombëtare të Muzikës

Published

17 hours ago

on

June 22, 2026

By

Në kuadër të Festës Ndërkombëtare të Muzikës, Siparantum Kids organizoi një mbrëmje të veçantë artistike në zemër të Prishtinës, duke sjellë para publikut performanca të zërave të rinj.

Me një program të përzgjedhur muzikor, fëmijët interpretuan këngë korale dhe përcollën mesazhe bashkimi, gëzimi dhe shprese, duke dëshmuar fuqinë e muzikës si një gjuhë universale që lidh njerëzit përtej kufijve.

Sipas Ambasadës Franceze në Kosovë, e cila ka mbështetur këtë aktivitet kulturor, çdo tingull, buzëqeshje dhe duartrokitje e mbrëmjes ishte një festë e talentit, kreativitetit dhe dashurisë për artin.

Ngjarja mblodhi artdashës dhe qytetarë të shumtë, duke e kthyer Prishtinën në një hapësirë feste dhe promovimi të kulturës përmes muzikës.

/A.K/

Continue Reading

Lajmet

Mbyllet edicioni i 26-të i Panairit të Librit në Prishtinë

Published

22 hours ago

on

June 22, 2026

By

Pas gjashtë ditësh me aktivitete letrare, dje është mbyllur edicioni i 26-të i Panairit të Librit në Prishtinë, një nga ngjarjet më të rëndësishme kulturore në vend.

Panairi mblodhi dhjetëra shtëpi botuese nga Kosova, Shqipëria, Maqedonia e Veriut dhe treva të tjera shqiptare, duke sjellë mijëra tituj librash, promovime dhe takime me autorë. Mysafir nderi i këtij edicioni ishte shkrimtari italo-francez Francesco Rapazzini.

Një ditë para mbylljes, u ndanë edhe çmimet tradicionale të panairit, me të cilat u vlerësuan autorë, përkthyes, studiues dhe vepra të spikatura të vitit.

Përfaqësues të shtëpive botuese vlerësuan interesimin e lexuesve, por theksuan se ndryshimi i datave të organizimit ka ndikuar në numrin më të vogël të vizitorëve krahasuar me vitet e kaluara.

Në kuadër të panairit, lexuesit patën mundësi të përfitojnë nga oferta të shumta, tituj të rinj dhe zbritje të konsiderueshme, ndërsa interesim të veçantë pati për librat akademikë, teknologjinë, inteligjencën artificiale, si dhe literaturën për fëmijë.

Panairin e Librit “Prishtina 2026” e vizitoi edhe kryeministri në detyrë, Albin Kurti, së bashku me ministren në detyrë të Kulturës dhe Turizmit, Saranda Bogujevci./rtk/

/A.K/

Continue Reading

Lajmet

Mbrëmje përkujtimore në Bernë për 95-vjetorin e Dritëro Agollit

Published

4 days ago

on

June 19, 2026

By

Ambasada e Shqipërisë në Bernë organizoi në bibliotekën Kornhausbibliothek një mbrëmje të veçantë kushtuar 95-vjetorit të lindjes së poetit dhe shkrimtarit shqiptar Dritëro Agolli.

Në aktivitet morën pjesë nxënës shqiptarë, mësues dhe dashamirës të kulturës shqiptare në Zvicër, të cilët u njohën me jetën dhe veprën e një prej figurave më të rëndësishme të letërsisë shqipe.

Ambasadori Ermal Dredha e vlerësoi Agollin si një krijues që e shndërroi përvojën e njeriut të zakonshëm në art, duke theksuar se veprat e tij mbeten aktuale për shkak të trajtimit të vlerave universale si dinjiteti njerëzor, dashuria dhe raporti i njeriut me kohën.

Mbrëmja u pasurua me recitime nga nxënësit e shkollave shqipe në Zvicër, interpretime muzikore nga Mimoza Nazarko dhe nxënësit, si dhe me materiale filmike dhe incizime nga zëri i vetë Agollit.

Ambasada falënderoi Brikela Andera, bibliotekën Kornhausbibliothek dhe Muzeu Kadare–Agolli për kontributin në realizimin e aktivitetit, i cili mundësoi ekspozimin e dorëshkrimeve dhe materialeve krijuese të autorit.

Pas Bernës, aktivitetet e Vitit të Agollit dhe Kadaresë do të vazhdojnë në Gjenevë, ku gjatë vjeshtës pritet të organizohet një veprimtari kushtuar shkrimtarit Ismail Kadare.

/A.K/

Continue Reading

Të kërkuara