Lajmet

Putini kërkon që ‘vendet jomiqësore’ të paguajnë në rubla për gazin rus

Masa përbën një “kundërsanksion simbolik” që synon Perëndimin.

Published

on

Rusia dëshiron që “vendet jomiqësore” të paguajnë për gazin natyror rus në rubla. Kjo është një direktivë e re nga presidenti Vladimir Putin teksa ai përpiqet të shfrytëzojë burimet e kërkuara të vendit të tij për të kundërshtuar një breshëri sanksionesh perëndimore.

“Kam vendosur të zbatoj një sërë masash për të ndryshuar pagesat – do të fillojmë me atë – [pagesat] për furnizimet tona me gaz natyror në të ashtuquajturat vende jomiqësore [do të bëhen] në rubla ruse”, tha Putin në një takim të qeverisë.

Marcel Salikhov, president i Institutit për Energjinë dhe Financat në Moskë, tha se masa përbën një “kundërsanksion simbolik” që synon Perëndimin. Ai vuri në dukje se Kremlini kishte urdhëruar tashmë eksportuesit të shkëmbejnë 80% të të ardhurave të tyre të valutave të huaja për rubla.

Biden dhe aleatët evropianë këtë javë pritet të shpallin sanksione të reja./UBTNews/

Lajmet

Historia e zgjedhjeve në Kosovë: Për 25 vite mbi 60 mijë persona kandiduan për deputetë, kryetarë e asambleistë

Published

on

Historia e zgjedhjeve në Kosovë ka filluar më 28 tetor në vitin 2000 kur edhe u organizuan zgjedhjet e para.

Zgjedhjet e para kanë shënuar nisjen e një procesi të gjatë për ndërtimin e institucioneve të një vendi që po përgatitej dalëngadalë të bëhej shtet, ku edhe proceset zgjedhore në Kosovë ndahen në dy etapa të rëndësishme historike: zgjedhjet para dhe pas pavarësisë së shpallur në vitin 2008.

Që nga viti 2000 dhe deri më tani, në vitin 2025, në Kosovë janë mbajtur me dhjetëra procese zgjedhore në nivel vendi apo të pjesshme.

Vetëm për Kuvendin e Kosovës janë organizuar 9 procese zgjedhore (2001, 2004, 2007, 2010, 2014, 2017, 2019, 2021 dhe 2025), ndërkaq për Kuvende Komunale 8 të tilla (2000, 2002, 2004, 2009, 2013, 2021 dhe 2025).

Zgjedhjet e drejtpërdrejta për Kryetar të Komunave filluan të mbaheshin në vitin 2007 dhe që nga ajo kohë janë organizuar 6 procese të tilla zgjedhore (2007, 2009, 2013, 2017, 2021 dhe 2025).

Zëdhënësi i KQZ-së, Valmir Elezi, ka prezantuar të dhëna vetëm për numrin e kandidatëve që janë certifikuar përgjatë këtyre 25 viteve në këto 23 procese zgjedhore në nivel vendi, pa përfshirë kandidatët e certifikuar nga zgjedhjet e pjesshme apo të jashtëzakonshme në ndonjë komunë të caktuar.

“Nëse e shqyrtojmë aspektin historik të proceseve zgjedhore në Kosovë, mund të theksojmë se gjatë këtyre 25 viteve ato kanë përfshirë drejtpërdrejt një numër të madh qytetarësh. Sipas statistikave, më shumë se 60 mijë persona kanë marrë pjesë në garat zgjedhore, si kandidatët për deputetë, kryetarë komunash, dhe anëtarë të Kuvendeve Komunale. Sigurisht se në këtë shifër përfshihen edhe personat që kanë kandiduar më shumë se një herë, por që janë certifikuar për më shmë se një proces zgjedhor”, tha Elezi.

Sipas tij, numri më i madh i kandidatëve të certifikuar i takojnë zgjedhjeve për Kuvende Komunale, për shkak të numrit të madh të ulëseve për të cilat është garuar dhe që ka variuar nga 900 deri në 1,000.

“Nga numri i përgjithshëm i kandidatëve që kanë garuar gjatë këtyre 25 viteve, më i madhi prej tyre, rreth 49 mijë, ka qenë i certifikuar në zgjedhjet për Kuvendet Komunale. Gjatë 9 proceseve zgjedhore për Kuvendin e Kosovës janë certifikuar më shumë se 10 mijë kandidatë, ndërsa për 6 procese të tjera zgjedhore për Kryetarë Komunash janë certifikuar mbi 1,200 kandidatë”, tha Elezi.

Të dhënat e prezantuara nga KQZ, të kandidatëve të certifikuar ndërvite, tregojnë për dallimin e thellë në mes të dy gjinive.

Gjatë këtyre dy dekadave e gjysmë, nga numri i përgjithshëm i kandidatëve, mbi 19 mijë femra dhe mbi 41 mijë meshkuj janë certifikuar nga KQZ për pjesëmarrje në proceset zgjedhore.

Vetëm për Zgjedhjet Lokale 2025, KQZ ka certifikuar 5,624 kandidatë, prej të cilëve 205 kandidatë për zgjedhjet për Kryetarë të Komunave dhe 5,419 kandidatë për Zgjedhjet për Kuvende Komunale.

Nga numri i përgjithshëm, vetëm për zgjedhjet për Kryetarë të Komunave janë certifikuar 205 kandidatë (185 burra dhe 20 gra), ndërkaq, në zgjedhjet për Kuvende Komunale janë certifikuar 5,419 kandidatë (3,395 burra dhe 2,024 gra)./S.K/EO/

Continue Reading

Lajmet

Vazhdon sot seanca e radhës në rastin e Liridona Ademaj

Published

on

Sot do të vazhdoj seanca e shqyrtimit gjyqësor ndaj Naim Murselit, Granit Plavës dhe Kushtrim Kokallës, të akuzuar për përfshirje në vrasjen e Liridona Ademajt.

Në seancën e fundit u dëgjua, eksperti mjeko-ligjor, Naim Uka, e po ashtu u dëgjua edhe dëgjmitari Jeton Binaku.

Dëshmitari Binaku tha se ka pasur një pompë të derivateve në Rakovinë të Gjakovës, në të cilin ishin gjetur çelësat e veturës me qira, të cilën e kishte përdorur Granit Plava.

Megjithatë, është paraparë që të dëgjohet edhe Shaban Murseli, babai i Naim Murselit.

Seanca nis sot nga ora 09:00 në gjykatë./S.K/KP/

Continue Reading

Lajmet

Sot mbahet vazhdimi i seancës konstituive të Kuvendit të Kosovës

Published

on

Kuvendi i Kosovës rikthehet sot në seancë të re konstituive në orën 10:00 si një tentativë për të përfunduar procesin që ka ngecur tash e sa kohë.

Njoftimi është bërë në faqen zyrtare të parlamentit, ku theksohet se një nga pikat kryesore është zgjedhja e nënkryetarit të Kuvendit nga radha e komunitetit serb.

Gjykata Kushtetuese, në vendimin e saj të plotë, ka konstatuar se seanca Konstituive e Kuvendit, e filluar më 15 prill 2025, nuk ka përfunduar si rezultat i moszgjedhjes së nënkryetarit të Kuvendit nga radhët e deputetëve të komunitetit serb, dhe Kuvendi nuk është konstituuar në pajtim me përcaktimet e paragrafit 1 të nenit 66 dhe paragrafët 1 dhe 4 të nenit 67 të Kushtetutës së Republikës së Kosovës.

Kryetari i Kuvendit, Dimal Basha, kishte përmbyllur seancën e kaluar më 30 gusht pa zgjedhjen e këtij nënkryetari, duke lënë procesin pezull për më shumë se një muaj./S.K/KP/

Continue Reading

Lajmet

​Pezullohen zgjedhjet lokale në Tiranë, Kushtetuesja ngrin dekretin e Begajt

Published

on

Zyrtarisht, Gjykata Kushtetuese e Shqipërisë ka ngrirë dekretin e presidentit Bajram Begaj që vendosi datën 9 nëntor si ditë për mbajtjen e zgjedhjeve për bashkinë Tiranë.

Gjykata tha se vendimi u mor njëzëri dhe se padia e ish-kryebashkiakut Erjon Veliaj kalon në seancë plenare publike që do të mbahet më datën 31 tetor.

Vendimi i pezullimit të dekretit të presidentit Begaj do të thotë se për Tiranën gjykata kushtetuese urdhëron të mos ketë zgjedhje lokale, ndërkohë që më herët avokatët e Veliaj e konsideruan shkelje të rëndë kushtetuese dekretimin e datës së zgjedhjeve për sa kohë sipas mbrojtjes e trajtoi shkarkimin e Veliajt si një çështje administrative, duke prodhuar sipas tyre një akti juridik të pavlefshëm.

Po në kushtetuese Erjon Veliaj ka kundërshtuar edhe shkarkimin nga detyra e kryetarit të bashkisë së Tiranës, që nuk u paraqit në detyrë siç thotë ai për shkak të pamundësisë sepse është i paraburgosur nën akuzat për korrupsion ndërkohë që çështja është në seancë paraprake.

Pas kësaj padie avokatët shtuan edhe një pikë tjetër, ku kërkohej pezullim i dekretit derisa gjykata të shprehet për tërësinë e çështjes.

Në arsyetimin e saj, Gjykata thekson se pas shqyrtimit të animimit të bërë nga Veliaj, se në vlerësimin e Mbledhjes së Gjyqtarëve zbatimi i dekretit të presidentit për zhvillimin e zgjedhjeve vendore vetëm për Bashkinë e Tiranës, do të sillte pasoja të pariparueshme në drejtim të të drejtave të të zgjedhurit vendor (Erion Veliaj), për sa kohë çështja gjyqësore për shkarkimin e tij është ende në shqyrtim.

Zyra e presidentit Begaj në një njoftim për mediat deklaroi se respekton vendimin e Gjykatës Kushtetuese.

“Në përgjigje të interesit të mediave, ju bëjmë me dije se Institucioni i Presidentit të Republikës respekton vendimin e Gjykatës Kushtetuese për pezullimin e pjesës që përcakton datën e zgjedhjeve vendore në Bashkinë e Tiranës të dekretit me nr.350, datë 01.10.2025”, thuhet në deklaratë./S.K/KP/TopChannel/

 

Continue Reading

Të kërkuara