Lajmet

Putini dërgon raketa të reja hipersonike në Atlantik

Ministri rus i mbrojtjes poashtu tha se anija do të lundronte në Detin Mesdhe.

Published

on

Presidenti rus ka dërguar një anije të armatosur me raketa të reja hipersonike Zircon drejt oqeanit Atlantik dhe atij Indian.

Vladimir Putin, i cili është i përfshirë në një përplasje me Perëndimin për pushtimin e Ukrainës, tha se armët ishin sistemi “më i fundit” i raketave hipersonike.

Ministri rus i mbrojtjes, Sergei Shoigu, tha gjithashtu se anija do të lundronte në Detin Mesdhe.

“Kjo anije, e armatosur me “Zirkon”, është e aftë të kryejë goditje të forta dhe të fuqishme kundër armikut në det dhe në tokë”, tha ai, duke shtuar se armët mund të kapërcejnë çdo sistem mbrojtjeje raketore.

Raketat fluturojnë me nëntë herë shpejtësinë e zërit dhe kanë një rreze prej mbi 1000 km, tha Shoigu.

Raketat hipersonike janë veçanërisht të shpejta dhe të manovrueshme, dhe objektivi i tyre i synuar është shumë më i vështirë për t’u llogaritur sesa për raketat balistike ndërkontinentale./UBTNews/

Aktualitet

Ambasada e Italisë: Mirëpresim zgjedhjen e Dimal Bashës si kryeparlamentar

Published

on

Ambasada e Italisë në Kosovë ka uruar Dimal Bashën për zgjedhjen e tij në postin e kryeparlamentarit të Kuvendit të Kosovës.

“Ne mirëpresim zgjedhjen e Dimal Bashës si Kryetar i ri i Kuvendit të Kosovës dhe presim me padurim konstituimin e plotë të institucioneve dhe formimin e shpejtë të Qeverisë.”, ka shkruar Ambasada e Italisë në Kosovë në rrjetin social “X”.

Me 73 vota për, kujtojmë që Kuvendi i Kosovës zgjodhi Bashën si kryeparlamentar në tentimin e 58-të për konstituim të institucionit legjislativ.

Continue Reading

Aktualitet

Drejtori i ATK-së në takim me përfaqësues të Ambasadës së Mbretërisë së Bashkuar në Kosovë

Published

on

Drejtori i Përgjithshëm i Administratës Tatimore të Kosovës, z. Mentor Hyseni, priti sot në takim përfaqësues të Projektit për Ekipet e Përbashkëta Hetimore (EPH) të Ambasadës Britanike, në kuadër të një vizite njoftuese me z. Alan Edwards, mentor për EPH.

Gjatë takimit u diskutua për rëndësinë e bashkëpunimit institucional për fuqizimin e sundimit të ligjit dhe përmirësimin e efikasitetit në luftimin e krimit të organizuar dhe evazionit tatimor.

Z. Edwards ka një përvojë të gjatë profesionale në këtë fushë. Në rolin e tij të ri, ai do të mbështesë institucionet e zbatimit të ligjit përfshirë Administratën Tatimore të Kosovës në themelimin dhe funksionimin e EPH, duke kontribuar në krijimin e një precedenti të suksesshëm që do të lehtësojë trajtimin e rasteve të tjera në mënyrë më efektive.

Drejtori Hyseni vlerësoi lart këtë mbështetje, duke potencuar gatishmërinë e ATK-së për të qenë pjesë aktive në proceset e përbashkëta të bashkëpunimit ndërinstitucional që synojnë forcimin e integritetit dhe transparencës.

Continue Reading

Aktualitet

Blerim Sallahu caktohet ushtrues i detyrës së Ministrit të Drejtësisë

Published

on

Kryeministri në detyrë i Republikës së Kosovës, Albin Kurti, ka caktuar sot zëvendësministrin e deritanishëm të Drejtësisë, Blerim Sallahu, ushtrues të detyrës së Ministrit të Drejtësisë.

Kjo vije pas zgjedhjes së Albulena Haxhiut në pozitën e nënkryetares së Kuvendit të Republikës së Kosovës.

Kryeministri Kurti e uron z. Sallahu për përgjegjësinë e re dhe i dëshiron suksese në përmbushjen e detyrave”, thuhet në njoftim.

 

Continue Reading

Bota

Shirat e rrëmbyeshëm përfshijnë Tajlandën, një i vdekur dhe një i zhdukur

Published

on

Një person ka humbur jetën si dhe një tjetër rezulton i zhdukur pas rrëshqitjes së dheut si pasojë e shirave të rrëmbyeshëm, në qytetin Chiang Mai, të Tajlandës.

Pamjet e transmetuara nga transmetuesi tajlandez TPBS tregonin rrugë të përmbytura në pjesë të provincave Nan dhe Lampang, në lindje të Chiang Mai, raporton AP.

Departamenti për Parandalimin dhe Zbutjes së Fatkeqësive në Tajlandës, njoftoi për shumë shtëpi të prekura dhe disa persona të lënduar nga përmbytjet e menjëhershme dhe rrëshqitjet e dheut në provincat veriore.

Departamenti Meteorologjik i Tajlandës paralajmëroi për shira të rrëmbyeshëm në rajonet veriore dhe verilindore të mërkurën.

Banorët në zonat kodrinore dhe zonat e ulëta pranë rrugëve ujore u paralajmëruan për përmbytje të mundshme dhe rrëshqitje dheu.

Shiu ishte pasojë e Stuhisë Tropikale Kajiki, e cila zbarkoi të hënën pasdite në Vietnamin qendror, ku mijëra njerëz u evakuuan nga zonat me rrezik të lartë.

Continue Reading

Të kërkuara