Botë

Putin viziton Azerbajxhanin pas 6 vjetësh

Published

on

Presidenti rus, Vladimir Putin, vizitoi Azerbajxhanin për herë të parë në gjashtë vjet dhe shprehu entuziazmin për zhvillimin e kryeqytetit, Bakusë. Në takimin me homologun e tij azerbajxhanas, Ilham Aliyev, më 19 gusht, Putin e cilësoi Baku-n si një “oaz” në rajon. Ky takim dhe deklarata e Putinit pasqyrojnë ndryshimet e mëdha në marrëdhëniet e Rusisë me vendet e Kaukazit Jugor.

Në Baku, presidenti Aliyev e mirëpriti Putin në rezidencën e tij. Putin e vlerësoi mikpritjen e ngrohtë dhe atmosferën e krijuar nga anfitrionët. Sidoqoftë, pas buzëqeshjeve dhe përqafimeve, Azerbajxhani ka shprehur synimin për të reduktuar ndikimin e Rusisë në politikën rajonale, duke ndikuar në mënyrë të ndjeshme në marrëdhëniet mes dy vendeve.

Azerbajxhani është përpjekur të distancohet nga ndikimi rus në politikën e saj të jashtme. Pas viteve të përpjekjeve të përbashkëta për të zgjidhur konfliktet me Armeninë, Azerbajxhani ka kërkuar të marrë përsipër një rol më të madh në zgjidhjen e çështjeve të rajonit, duke reduktuar përfshirjen e Rusisë dhe fuqive të tjera të jashtme.

Një nga veprimet që ka nxitur shqetësim në Moskë është heqja e një çështjeje të rëndësishme nga negociatat për traktatin e paqes: lidhja e transportit mes Azerbajxhanit dhe enklavës së tij, Nakhçivanit, përmes Armenisë jugore, e njohur si Korridori Zangezur. Kjo rrugë është thelbësore për Azerbajxhanin dhe do t’i jepte mundësi Rusisë për të rritur ndikimin e saj në rajon.

Brenda Rusisë, Putini po përballet me sfida të tjera, përfshirë inkursionin ushtarak të Ukrainës në rajonin e Kurskut, një situatë që ka shqetësuar dhe ka ecur ngadalë për forcat ruse. Në këtë kontekst, komentet e Putinit në Baku për negociatat e paqes ishin relativisht të zbehta, duke pasqyruar ndoshta një ndjenjë të humbjes së ndikimit.

Putini shprehu dëshirën për të arritur një marrëveshje paqeje midis Azerbajxhanit dhe Armenisë, duke theksuar rëndësinë e përfundimit të përcaktimeve dhe demarkimeve të kufirit për të zhbllokuar logistikën dhe ekonominë rajonale. Ai theksoi se Rusia do të ishte shumë e kënaqur nëse do të arrihej një marrëveshje e tillë, por komentet e tij tingëlluan disi ankuese përsa i përket rolit të vendit në procesin e negociatave./UBTNews/

Botë

Shkalla e ulët e lindjeve në Angli mund të detyrojë mbylljen e 800 shkollave fillore deri në vitin 2029

Published

on

Rënia e lindjes së numrit të fëmijëve në Angli mund të çojë në mbylljen e deri në 800 shkollave fillore deri në vitin 2029, sipas një studimi nga Instituti i Politikave të Arsimit (EPI).

Instituti i atribuoi rënien kombëtare të nxënësve të shkollave fillore shtetërore kryesisht rënies së nivelit të lindjeve.

Gjithashtu, Instituti paralajmëroi se rënia e numrit të nxënësve mund t’i vërë shkollat nën presion të rëndë financiar, me shumë këshilla lokale që tashmë po përpiqen të mbajnë operacionet.

Raporti gjithashtu vuri në dukje se faktorë përtej nivelit të lindjeve, të tilla si kostot e larta të strehimit, po formësojnë vendimet familjare se ku të jetojnë dhe ku t’i dërgojnë fëmijët e tyre.

Trendi është më i theksuar në Londër mbetet ku familjet po zhvendosen jashtë kryeqytetit ose po zgjedhin shkolla private, thuhet në raport.

Regjistrimi në shkollat fillore kombëtare arriti kulmin në rreth 4.5 milionë në 2018-19, por që atëherë ka rënë me gati 2%.

Kjo rënie parashikohet të bjerë edhe me 4% gjatë pesë viteve të ardhshme, duke përfaqësuar një humbje prej 162,000 nxënësish,  ekuivalent i 800 shkollave fillore./S.K/KP/The Guardian.

Continue Reading

Botë

​Rritja ekonomike e SHBA-së rishikohet në rritje për shkak të shpenzimeve të konsumatorëve

Published

on

Sipas të dhënave të reja qeveritare, ekonomia amerikane u rrit më shpejt nga sa mendohej më parë, sepse ishte e nxitur nga shpenzimet e forta të konsumatorëve dhe rënia e importeve.

Produkti i brendshëm bruto (PBB), i cili mat prodhimin e mallrave dhe shërbimeve, u rrit me një normë vjetore prej 3.8% në periudhën nga prilli deri në qershor nga vlerësimi i mëparshëm prej 3.3%.

Rritja e tremujorit të dytë, ritmi më i shpejtë në gati dy vjet  pasoi një tkurrje në fillim të këtij viti.

Ekonomistët thanë se ekonomia amerikane po shkonte mjaft mirë, por disa pasiguri mbeten. Shpenzimet e konsumatorëve u rritën me 2.5% në vitin deri në fund të qershorit, nga një vlerësim i mëparshëm prej 1.6%.

Në tre muajt e parë të vitit 2025, ekonomia amerikane u tkurr me një normë prej 0.6%, ndërsa kompanitë nxituan në importe për të kapërcyer tarifat e Presidentit të SHBA-së Donald Trump, të cilat ulën PBB-në.

Konsumatorët amerikanë, motori i ekonomisë më të madhe në botë, kanë mbetur të qëndrueshëm përballë tarifave dhe pasigurisë ekonomike.

Punëdhënësit shtuan vetëm 22,000 vende pune në gusht, më pak se sa pritej, ndërsa shkalla e papunësisë u rrit nga 4.2% në 4.3%, sipas Departamentit të Punës.

Ekonomistja e lartë në EY-Parthenon, Lydia Boussour tha se momenti ekonomik mbeti i qëndrueshëm në gjysmën e parë të vitit pavarësisht vështirësive politike në rritje.

Por, ajo paralajmëroi se me ndikimin e tarifave dhe pasigurisë politike që po bëhet gjithnjë e më e dukshme, rritja më e ngadaltë e SHBA-së dhe inflacioni më i lartë janë ende në horizont./S.K/KP/

Continue Reading

Botë

Sllovenia e shpall Netanyahun non-grata

Published

on

Sllovenia e ka shpallur kryeministrin izraelit Benjamin Netanyahu si persona non-grata.

Qeveria e udhëhequr nga Robert Golob ka miratuar një rezolutë që e shpall kryeministrin izraelit Benjamin Netanyahu person non-grata.

Sipas sekretares së Ministrisë së Jashtme Neva Grasic, masa vjen pas të njëjtave masave të miratuara korrikun e kaluar kundër ministrave izraelitë Itamar Ben Gvir dhe Bezalel Smotrich, të cilët u akuzuan për ekstremizëm.

Profili zyrtar X i qeverisë thotë se me këtë vendim, ata duan t’i dërgojnë një mesazh të qartë Izraelit se Sllovenia pret që vendimet e gjykatave ndërkombëtare të respektohen, si dhe e drejta ndërkombëtare humanitare./S.K/KP/

Continue Reading

Botë

Italia dërgon 24 karabinierë në Kosovë para zgjedhjeve lokale të 12 tetorit

Published

on

Ambasada italiane në Prishtinë ka njoftuar se Italia ka dërguar 24 karabinierë italianë në Kosovë para zgjedhjeve lokale të 12 tetorit.

Nga ambasada thonë se karabinierët janë dërguar për të ndihmuar forcimin e sigurisë para zgjedhjeve lokale bashkë me partnerët e tjerë evropianë.

“Jemi të lumtur të mirëpresim në Kosovë 24 karabinierë italianë, të cilët së bashku me partnerët tanë evropianë do të ndihmojnë në forcimin e sigurisë para zgjedhjeve të ardhshme lokale. Si pjesë e #EUROGENDFOR, ata po formojnë Njësinë Policore të Formuar Rezervë të EULEX-it (RFPU), duke punuar për të mbështetur stabilitetin dhe për të ndërtuar besimin brenda komuniteteve”, thuhet në njoftim.

Italia thekson se mbetet e përkushtuar për paqen dhe sigurinë në Kosovë dhe në gjithë Ballkanin./S.K/KP/

Continue Reading

Të kërkuara