Lajmet

Putin urdhëron bllokimin e Azovstal ‘në mënyrë që asnjë mizë mos të mund të kalojë’

“Nuk ka nevojë të ngjitesh në këto katakomba” i tha ai ministrit rus të Mbrojtjes.

Published

3 years ago

on

Presidenti rus Vladimir Putin shpalli përpjekjet e forcave ruse për të kapur Mariupolin një “sukses”, por urdhëroi forcat ruse të ndalojnë jashtë fabrikës së çelikut Azovstal të rrethuar të qytetit dhe ta bllokojnë atë ‘në mënyrë që as edhe një mizë të mos mund të kalojë’.

Forcat ukrainase mbajnë ende fabrikën Azovstal në qytetin port juglindor dhe Shoigu i tha Putinit se forcave ruse do t’u duheshin tre ose katër ditë për të marrë nën kontroll fabrikën.

Putin më pas tha se forcat ruse “duhet të mendojnë … për ruajtjen e jetës dhe shëndetit të ushtarëve dhe oficerëve tanë”, duke shtuar se:

“Nuk ka nevojë të ngjitesh në këto katakomba dhe të zvarritesh nën tokë nëpër këto objekte industriale. Bllokojeni këtë zonë industriale që as edhe një mizë të mos mund të kalojë”.

Putin tha se Rusia do t’u ofrojë mbrojtësve ukrainas që janë ende në uzinë një mundësi të dorëzojnë armët.

“Pala ruse garanton jetën e tyre dhe trajtimin e denjë në përputhje me aktet përkatëse ligjore ndërkombëtare”, tha ai. “Të gjithë të lënduarit do të marrin ndihmë të kualifikuar mjekësore”.

Komandantët ukrainas në terren kanë thënë se forcat ruse nuk i kanë respektuar marrëveshjet për hapjen e korridoreve humanitare apo zbatimin e armëpushimeve dhe kanë vazhduar të bombardojnë qytetin.

Sipas zyrtarëve ukrainas, qyteti port është shkatërruar pothuajse plotësisht nga javë të tëra të bombardimeve ruse dhe dhjetëra mijëra civilë ende presin evakuimin.

Në një deklaratë të enjten, zëvendëskryeministrja ukrainase Iryna Vereshchuk i kërkoi palës ruse të hapte një korridor evakuimi nga Azovstal. “Ka rreth 1000 civilë dhe 500 ushtarakë të plagosur atje tani” tha ajo./UBTNews/

Related Topics:
Continue Reading

Lajmet

Osmani në Sofje, takoi presidentin bullgar dhe mbretin e Jordanisë

Published

8 hours ago

on

April 4, 2025

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

8 hours ago

on

April 4, 2025

By

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

9 hours ago

on

April 4, 2025

By

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

9 hours ago

on

April 4, 2025

By

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara