Lajmet

Putin për Afganistanin: Demokracia nuk mund të imponohet me forcë

Published

on

Presidenti rus Vladimir Putin e ka quajtur “katastrofë” situatën në Afganistan që pasoi tërheqjen e trupave perëndimore, duke thënë të premten se demokracia nuk mund të imponohet me forcë.

Duke folur në një sesion plenar të Forumit Ekonomik Lindor, Putin tha se njerëzit kanë nevojë për demokraci, por kjo duhet të vijë tek ata në mënyrë të natyrshme.

Presidenti rus shtoi se Kombet e Bashkuara dhe Këshilli i Sigurimit duhet të jenë përgjegjës për ruajtjen e rendit global.

“Organizata e Kombeve të Bashkuara dhe Këshilli i Sigurimit, duke përfshirë pesë anëtarët e përhershëm, duhet të jenë përgjegjës për rendin në botë”, tha Putin.

Putin, i cili tha se prania 20-vjeçare e Amerikës në Afganistan çoi vetëm në “tragjedi”, argumentoi se Rusia nuk ishte e interesuar në shpërbërjen e vendit të Azisë Jugore. Ai shtoi se shumë lëvizje radikale që aktualisht veprojnë në Afganistan përbëjnë një kërcënim për fqinjët dhe aleatët e Rusisë.

“Lëvizja talebane nuk është homogjene, edhe pse kryesisht përbëhet nga fiset pashtune. Përfaqësues të shumë organizatave të tjera, përfshirë ato radikale si Shteti Islamik, i ndaluar si organizatë terroriste në Rusi, janë të pranishëm në Afganistan. Shumë njerëz, përfshirë radikalët, u liruan nga burgjet”, tha presidenti gjatë forumit.

“Sa më shpejt talibanët të bashkohen me të ashtuquajturën familje të popujve të civilizuar, aq më e lehtë do të jetë të komunikosh, të kesh ndikim dhe të bësh pyetje”, shtoi ai.

Deklarata e presidentit rus pason atë të dy ditëve më parë, ku kritikoi SHBA-në për prezencën e Afganistanit.

Shtetet e Bashkuara përmbyllën në fund të gushtit luftën 20-vjeçare në Afganistan, e cila rezultoi në mbi 46 000 viktima dhe marrjen përfundimtare të pushtetit nga talebanët./a2

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara