Lajmet

Punonjësit e centralit bërthamor dënojnë sulmet ‘e tmerrshme’

Ata thonë se vendi është bërë “objektiv i sulmeve të vazhdueshme ushtarake” në dy javët e fundit.

Published

4 years ago

on

Duke iu rikthyer shqetësimeve për centralin bërthamor të Zaporizhzhias dhe ndërkohë që zyrtarët ukrainas dhe sekretari i përgjithshëm i OKB-së kanë paralajmëruar për kërcënimet nga ai, stafi ukrainas që po punon atje po jep alarmin!

Ata thonë se vendi është bërë “objektiv i sulmeve të vazhdueshme ushtarake” në dy javët e fundit.

“Ajo që po ndodh është e tmerrshme dhe përtej sensit të përbashkët dhe moralit”, shkroi stafi në një postim në Telegram (në gjuhën ukrainase).

Forcat ruse kapën vendin, centralin bërthamor më të madh në Evropë, në fillim të marsit, por mbajtën stafin e saj ukrainas si teknikë.

Tre nga katër linjat e furnizimit me energji elektrike që lidhin termocentralin me rrjetin kombëtar të Ukrainës tani janë dëmtuar nga granatimet dhe rregullatori bërthamor i Ukrainës ka paralajmëruar se një humbje e plotë e furnizimit me energji do të nënkuptojë se “karburanti bërthamor do të fillojë të shkrihet, që rezulton në çlirimin e substancave radioaktive në mjedis”.

Të enjten, qeveria ukrainase tha se anëtarët e Rosatom, korporata shtetërore bërthamore e Rusisë, ishin larguar “urgjentisht” nga objekti dhe paralajmëroi se Rusia mund të “përgatiste një provokim”.

Megjithatë, pavarësisht shqetësimeve, vendi thuhet se është shumë më i sigurt se uzina e Çernobilit – vendi i incidentit më të keq bërthamor në histori./UBTNews/

Related Topics:
Continue Reading

Lajmet

Një i arrestuar për dyshime për falsifikim dokumentesh dhe keqpërdorim të detyrës zyrtare

Published

5 minutes ago

on

May 21, 2026

By

Sipas raportit të Policisë së Kosovës, në koordinim me prokurorin për krime të rënda, janë realizuar kontrolle në dy lokacione të ndryshme në rajonin e Prishtinës dhe Mitrovicës, me qëllim të sigurimit të provave lidhur me dyshimet për veprën penale të falsifikimit të dokumenteve.

Gjatë këtij operacioni, janë shoqëruar dy të dyshuar meshkuj kosovarë, të cilët dyshohet se në bashkëveprim kanë kryer falsifikim të dokumenteve, si dhe keqpërdorim të pozitës apo autoritetit zyrtar.

Si prova materiale janë sekuestruar një laptop, telefona mobilë, para në euro dhe dokumentacione të ndryshme.

Me vendim të prokurorit kompetent, njëri nga të dyshuarit është arrestuar dhe dërguar në mbajtje, ndërsa i dyshuari tjetër është liruar në procedurë të rregullt.

Rasti po vazhdon të hetohet nga organet kompetente.

Continue Reading

Lajmet

UBT organizon ligjëratë me arkitektin austriak Heinz Neumann mbi arkitekturën, ndërtimin dhe dizajnin bashkëkohor

Published

1 hour ago

on

May 21, 2026

By

UBT, gjegjësisht Fakulteti i Arkitekturës dhe Planifikimit Hapësinor do të organizojë një ligjëratë tematike ndërkombëtare me titull “Competitions, Building Constructions and Design”, duke mirëpritur në Kosovë arkitektin e njohur austriak Heinz Neumann, një personalitet me kontribut të shquar në fushën e arkitekturës, urbanizmit dhe projektimit bashkëkohor.

Ngjarja do të mbahet më 22 maj 2026, duke filluar nga ora 13:30, në ambientet e Parkut Shkencor, Inovativ dhe Teknologjik të UBT-së (Biblioteka), duke sjellë për studentët, stafin akademik dhe profesionistët e fushës një mundësi të rëndësishme për të përfituar njohuri dhe përvoja nga një ekspert me karrierë të gjerë ndërkombëtare në projektim arkitektonik dhe zhvillim urban.

Arkitekti Heinz Neumann njihet për angazhimin e tij në projekte të shumta profesionale dhe akademike në nivel ndërkombëtar, ndërsa gjatë ligjëratës do të trajtojë tema që lidhen me konkurset arkitektonike, proceset moderne të ndërtimit, projektimin inovativ dhe sfidat bashkëkohore të arkitekturës dhe urbanizmit.

Ky aktivitet synon të krijojë një platformë të avancuar akademike dhe profesionale ku studentët do të kenë mundësinë të lidhen drejtpërdrejt me praktikat më moderne të arkitekturës ndërkombëtare, duke kuptuar më mirë raportin ndërmjet kreativitetit, funksionalitetit dhe teknologjisë në projektim.

Në këtë ngjarje do të marrin pjesë gjithashtu përfaqësues të odave profesionale dhe asociacioneve të arkitekturës dhe ndërtimit, duke e kthyer aktivitetin në një hapësirë të rëndësishme të dialogut profesional, shkëmbimit të ideve dhe krijimit të bashkëpunimeve ndërmjet akademisë dhe industrisë.

Continue Reading

Lajmet

Në New York promovohet romani “Një fije shprese, Një fije shkrepëse” i Ag Apollonit

Published

2 hours ago

on

May 21, 2026

By

Në ambientet e Konsullatës së Përgjithshme të Republikës së Kosovës në New York do të mbahet promovimi i romanit “Një fije shprese, Një fije shkrepëse” të autorit Ag Apolloni.

Ngjarja organizohet nën kujdesin e ambasadorit Blerim Reka dhe do të ketë si folës profesorin David Damrosch. Promovimi do të zhvillohet sot, më 21 maj 2026, në orën 17:30, në adresën 801 2nd Ave, Suite 301, New York.

Romani “Një fije shprese, Një fije shkrepëse”, i botuar në vitin 2020, është një vepër dokumentare që trajton pasojat e luftës në Kosovë përmes historive të nënave që humbën familjarët e tyre, përfshirë Ferdonije Qerkezin nga Gjakova dhe Pashke Markun nga Zllakuqani.

Vepra sjell një reflektim të thellë mbi dhimbjen, kujtesën dhe qëndresën njerëzore, ndërsa aktiviteti pritet të mbledhë komunitetin shqiptar dhe dashamirësit e letërsisë në SHBA.

Continue Reading

Lajmet

Ministri Gashani vlerëson sukseset e kick-boksierëve kosovarë në garat ndërkombëtare

Published

2 hours ago

on

May 21, 2026

By

Ministri i Sportit dhe Rinisë, Blerim Gashani, ka zhvilluar një takim me drejtuesit e Federatës së Kick Boksit të Kosovës, të udhëhequr nga kryetari Fatmir Makolli, si dhe me sportistët që përfaqësuan Kosovën në kampionatin botëror në Turqi.

Gjatë takimit u prezantuan aktivitetet, planet dhe programi i federatës, ndërsa u diskutua edhe për organizimin e garave dhe zhvillimin e mëtejmë të këtij sporti në vend.

Një vëmendje e veçantë iu kushtua rezultateve të arritura në “Turkish WAKO World Cup”, ku Kosova fitoi një medalje të artë dhe dy të bronzta.

Nga ministria u theksua se këto rezultate dëshmojnë nivelin e lartë të përgatitjes dhe potencialin e sportistëve kosovarë në arenën ndërkombëtare.

Në takim u diskutua gjithashtu për vazhdimin e mbështetjes institucionale ndaj federatës dhe sportistëve, me synim avancimin e mëtejmë të kick boksit dhe përmirësimin e kushteve për zhvillimin e tij në vend.

Continue Reading

Të kërkuara