

Published
2 years agoon
By
UBT newsTë gjithë ndihemi më mirë kur dielli rrezon, kështu që të gjithë duam ta ndjejmë vazhdimisht ndjesinë dhe pozitivitetin që sjell stina e verës. Mjedisi ynë i punës mund të ketë një ndikim të madh në dispononim dhe produktivitetin tonë, dhe nuk është sekret që rrezet e diellit sjellin shumë gjëra pozitive në jetën tonë, duke përfshirë rritjen e niveleve të vitaminës D, përmirësimin e funksionit të trurit dhe një ndjenjë më të madhe të lumturisë.
Kur vjen stina e verës, nëse jeni një person që nuk ju pëlqen ideja për të qenë të bllokuar brenda të katër mure të zyrës këtë verë, atëherë AkademiPune ju sjell disa nga profesionet të cilat janë më të mirat për t’i ushtruar gjatë stinës së verës.
Kopshtaria
Kopshtaria është një mundësi shumë e mirë për të nxjerrë anën tuaj krijuese dhe për të ndërtuar diçka të bukur që mund të shijohet nga të tjerët. Për shumë njerëz, kopshtaria është gjithashtu një formë largimi nga realiteti dhe që mund të ndikojë në zvogëlimin e niveleve të stresit dhe të rrisë disponimin tuaj.
Shumë persona në vende të ndryshme të botës mbështeten te kopshtarët për t’u kujdesur për tokat e tyre duke kryer detyra të tilla si krasitja heqja e barërave të këqija dhe pastrimi i gjetheve – ju gjithashtu do të ndihmoni me mbjelljen dhe mirëmbajtjen e pemëve dhe bimëve. Me kopshtarinë, ajo që vendosni është ajo që merrni dhe mund të jetë shumë shpërblyese të shikosh gjërat të rriten dhe lulëzojnë ndërsa i ushqeni ato, ose të shohësh rezultatet e një përpjekjeje të madhe pastrimi.
Po ashtu nëse ju pëlqen të qenit shefi i vetes suaj, atëherë mund të provoni gjithashtu të reklamoni shërbimet tuaja në nivel lokal dhe të paguheni për të ndihmuar njerëzit në komunitetin tuaj lokal me kopshtet e tyre.
Agjent i udhëtimeve
Agjentët e udhëtimit në punën e tyre ndihmojnë njerëzit të entuziazmohen për aventurat e tyre të udhëtimit dhe të marrin një shije të vetë aventurave. Mund të jetë shumë e këndshme të kaloni ditët tuaja duke diskutuar klimat tropikale dhe arratisjet me diell.
Si agjent udhëtimesh, ju do të keni në thelb një bazë njohurish për njerëzit që vijnë tek ju duke dashur të dinë më shumë për një destinacion specifik udhëtimi ose duke kërkuar rekomandime. Ata do t’ju besojnë që t’u gjeni vendndodhjet, hotelet dhe fluturimet/lundrimet më të mira në dispozicion – dhe të gjitha me çmimin më të mirë.
E gjithë kjo njohuri do t’ju ndihmojë gjithashtu të planifikoni aventurat tuaja me diell dhe vetë puna vjen me mundësinë për udhëtime të rastësishme. Ju gjithashtu mund të keni të drejtë për zbritje në udhëtime dhe zbritje të para për ofertat më të fundit.
Mësues i gjuhës angleze jashtë vendit
Mësimdhënia ka potencialin t’ju çojë në aventura në klimat më me diell, ku mund të mbani kurse në vende të ndryshme me diell në rajone të tilla si Amerika Latine ose Evropa Jugore. Përndryshe, ju gjithashtu mund t’u mësoni anglisht studentëve jashtë vendit nga komoditeti i shtëpisë tuaj.
Anglishtja është një gjuhë e vlefshme që kërkohet gjerësisht nga vendet në mbarë botën, kështu që mundësitë e mësimdhënies janë të mëdha dhe gjithmonë dikush në botë është që mund të përfitojë nga aftësitë dhe përvoja juaj.
Mënyra më e mirë për t’u përgatitur për të mësuar anglisht si gjuhë e huaj është të ndiqni një kurs TEFL) që do të mbulojë tema të tilla si planifikimi i mësimit, gramatika dhe menaxhimi i klasës. Kjo duhet t’ju japë aftësitë dhe besimin që ju nevojitet për të përfituar sa më shumë nga pozita juaj – dhe kurset zakonisht mund të studiohen në internet, fizikisht ose të dyja.
Në dyqan lulesh
Puna me lule çdo ditë është një mënyrë e shkëlqyeshme për t’u lidhur me natyrën, ndërkohë që siguron jetesën. Njerëzit zakonisht i mendojnë lulet si produkte të verës, dhe vetëm qëndrimi rreth tyre mund t’ju bëjë të ndiheni më të gëzuar dhe pozitiv.
Për shumicën e luleshitësve, dy ditë nuk janë kurrë të njëjta, sepse klientët ndryshojnë dhe ju kurrë nuk e dini se çfarë lloji të krijimit me lule do t’ju kërkohet të krijoni në vijim. Njerëzit thërrasin luleshitës gjatë shumë fazave kryesore të jetës dhe përfshirja në disa nga rastet më të veçanta të njerëzve mund të jetë jashtëzakonisht shpërblyese.
Shkalla e asaj që njerëzit kërkojnë mund të ndryshojë – një ditë mund të mblidhni një tufë lulesh për ditëlindjen e dikujt dhe një ditë tjetër mund të krijoni dhjetë kurora për një martesë verore. Por sido që të jetë, ka të ngjarë që do të bëni dikë shumë të lumtur me punën tuaj.
Një nga mënyrat më të mira për të filluar një karrierë në këtë fushë është të aplikoni për një punë si shitës ose praktikant në një kompani lulesh. Ose, përndryshe, mund të provoni të merrni një kurs të akredituar mësimor dhe më pas të provoni të krijoni dyqanin tuaj ose stallën e luleve në natyrë. / AkademiPune
Lifestyle
Ja gjërat që prindërit e fëmijëve të suksesshëm i bëjnë ndryshe
Published
6 days agoon
June 17, 2025By
UBT News
Prindërit e fëmijëve me arritje të larta ndajnë disa zakone të përbashkëta që i ndihmojnë të rrisin fëmijët e tyre, por rrallë flasin për to me zë të lartë.
Në vend që të ushtrojnë presion, ata udhëheqin me dashuri, ushqejnë kuriozitetin dhe i lejojnë fëmijët të eksplorojnë botën vetë. Ja çfarë i dallon ata nga të tjerët.
Në shtëpinë e tyre, optimizmi është themeli i gjithçkaje.
Suksesi fillon me besimin se suksesi është i mundur. Prindërit e tyre ngjallin optimizëm që në moshë të vogël. Pavarësisht rrethanave përçojnë mesazhin se çdo gjë është e mundur. Në shtëpinë e tyre, motoja është e qartë: Çfarëdo që ëndërroni dhe për të cilën përpiqeni, mund ta arrini, raporton The Times of India.
Ata e përshtatin motivimin me interesat e fëmijës
Prindër bëjnë gabimin duke u përpjekur t’i motivojnë fëmijët në të njëjtën mënyrë. Ata që rrisin fëmijë të suksesshëm e dinë se motivimi duhet të jetë personal. Në vend që të shtyjnë para qëllime të përgjithshme, i lidhin me atë që fëmija i pëlqen. Nëse një fëmijë i do filmat, tregojini se si matematika mund ta ndihmojë në menaxhimin e financave të një karriere të ardhshme si aktor. Personalizimi i motivimit është çelësi i motivimit të brendshëm.
Ato i lejojnë fëmijët të mësojnë përmes përvojës së tyre
Mësimi nuk ndodh vetëm në klasë, por çdo ditë, përmes lojës, eksplorimit dhe gabimeve të vogla. Prindërit e suksesshëm nuk i zgjidhin çdo problem fëmijës, por i japin hapësirën për të provuar vetë. Prindërit i rezistojnë dëshirës për t’i bërë gjërat të lehta sepse e dinë se sfidat janë ato që ndërtojnë vetëbesim dhe zgjuarsi.
Ata kultivojnë kuriozitet, jo vetëm zakone pune
Kurioziteti është një nga themelet më të rëndësishme të suksesit. Prindërit përqendrohen jo vetëm në punë të palodhur, dhe në zbulimin e botës me gëzim. Udhëtimet, librat, bisedat rreth pyetjeve të mëdha, të gjitha këto janë mënyra për të inkurajuar dashurinë për të mësuar. Në vend që dija të jetë një detyrim, ajo bëhet një aventurë.
Ata udhëheqin me dashuri, jo me presion
Në shtëpi nuk ka disiplinë ushtarake. Prindërit nuk veprojnë si trajnerë ose komandantë. Përkundrazi, janë të pranishëm, mbështetës dhe e lejojnë fëmijën të udhëheqë lojën. Ata nuk e detyrojnë, nuk urdhërojnë, nuk kontrollojnë, por janë aty kur nevojitet ndihmë. Është ky ekuilibër që i jep fëmijës sigurinë për të eksploruar, për të bërë gabime dhe për t’u rritur.
Lifestyle
Lëngu i qepës për rritjen e flokëve – A funksionon vërtetë?
Published
3 weeks agoon
June 4, 2025By
UBT News
Jo vetëm për gatim, qepët mund t’i përdorni mirë edhe jashtë kuzhinës. Megjithëse kanë erë karakteristike që për disa edhe nuk preferohet duket se me anë të vlerave te tyre kanë gjetur vend edhe në trajtimet e bukurisë.
Shpesh përdoret si një kurë natyrale për të rritur flokët e për t’i bërë ata më të shëndetshëm.
Por, a është vërtetë efektiv përdorimi i lëngut të saj në flokët tuaj?
Çfarë thonë ekspertët?
Studimet e të dhënat për këtë çështje janë të pakta, disa të dhëna domethënëse ekzistojnë, një studim zbuloi se aplikimi i rregullit i lëngut të qepës në rrënjët e flokëve ndihmon në rritjen e tyre. Pjesëmarrësit përdorën lëng qepe për të lyer flokët dy herë në ditë.
Nga 23 pacientë që aplikuan trajtimin, 20 pësuan rigjenerim të flokëve pas 2 muajsh përdorimi, 10 të tjerë panë rigjenerim të plotë të flokëve pas 6 muajsh.
Ka vend për diskutim e studimet nuk janë të plota, por mendohet se ai që ndihmon është squfuri. Qepët kanë sasi squfuri në to gjë që ndihmon edhe në rritjen e flokëve, duke rritur qarkullimin e duke ulur inflamacionin si dhe rrit prodhimin e kolagjenit në kokë.
Këto veti sulfurike ndihmojnë në rigjenerimin e flokëve, parandalojnë rënien, kjo veçanërisht tek njerëzit që kanë mungesë mineralesh në organizëm.
Mund të luftojë thinjat
Ndërsa plakemi, radikalet dëmtojnë flokët duke shkaktuar humbje të dendësisë së tyre si dhe humbje të pigmentit e lindin thinjat. Squfuri duke rritur prodhimin e kolagjenit lufton radikalet e lira duke lënë një efekt parandalues për thinjat.
Lufton problemet me skalpin
Për shkak se lëngu i qepës është antinflamator natyral, mund të përdoret për të trajtuar skalpin e irrituar të kokës, ekstrakti i qepës i aplikuar pati efekte në shërimin e skalpit me probleme. Eekspertët nuk janë të sigurt mbi efikasitetin 100% lëngu në rritjen e flokëve a daljen e flokëve të rinj.
Gjithsesi duke qenë një trajtim me bazë natyrale gjithsecili mund ta provojë duke lënë mënjanë bezdinë e aromës së qepës.
Si ta përdorni?
Mjafton të qëroni katër qepë ta prini në copa të vogla e më pas t’i shtypni për t’i nxjerrë lëngun, ose mund ta shtrydhni dhe të merrni lëngun për ta aplikuar më pas në të gjithë zonën e skalpit të kokës me lëvizje rrethore. Lëreni në kokë derisa të thahet e më pas mund ta shpëlani.
Ky trajtim duhet përdorur për disa muaj rresht ndaj për të mposhtur erën mund të shtoni disa pika vaj esencial rozmarine, livandë apo trëndafili.
Lifestyle
Këto zakone po ju pengojnë të jeni më inteligjent, ja cilat duhen shmangur
Published
3 weeks agoon
May 30, 2025By
UBT News
Inteligjenca e një individi atet me koeficientin e saj të famshëm, IQ. Por, në realitet, të qenit i zgjuar nuk kufizohet vetëm në numra apo në zgjidhjen e ekuacioneve të ndërlikuara.
Zhvillimi kognitiv dhe shpirtëror ndikohet thellësisht nga zakonet e përditshme, mënyra se si e jetojmë ditën, dhe qëndrimet që mbajmë ndaj dijes dhe sfidave.
Studime të shumta, përfshirë edhe efektin e njohur Dunning-Kruger, e përforcojnë këtë ide: ata që shmangin sfidat intelektuale e tregojnë indiferencë ndaj të mësuarit të ri, kanë më shumë gjasa të mbeten në nivele më të ulëta zhvillimi.
Ky efekt, i dokumentuar në fillim të viteve 2000, tregon se individët me njohuri të kufizuara kanë tendencën të mbivlerësojnë aftësitë, pikërisht sepse nuk e kuptojnë sa pak dinë.
Por cilat janë zakonet që, sipas shkencës, e ‘bllokojnë’ trurin dhe frenojnë përparimin?
Multitasking-u i tepërt, përpjekja për të bërë gjëra njëkohësisht, tingëllon efikase, është kundërproduktive. Përqendrimi dobësohet, kujtesa zbehet dhe efikasiteti bie. Në vend të një truri të mprehtë, përfundojmë me mendje të shpërndarë.
Një tjetër sinjal alarmi është mungesa e kuriozitetit. Njerëzit që nuk shfaqin interes për njohuri, eksperienca të panjohura apo për pyetje, ngadalësojnë zhvillimin e tyre mendor. Truri, ashtu si muskujt, ka nevojë për ushtrime të vazhdueshme.
Zvarritja kronike, ajo tendencë për të shtyrë detyrat nga dita në ditë, tregon mungesë vetëdisipline dhe vështirësi në marrjen e vendimeve. Është një zakoni që, në heshtje, gërryen vetëbesimin dhe ndalon rritjen personale.
Edhe ajo që vendosim në pjatë ndikon në mënyrën si funksionon truri. Një dietë e dobët, e mbushur me sheqerna është lidhur me probleme në kujtesë dhe përqendrim. Truri ushqehet jo vetëm me informacion, por edhe me lëndë ushqyese.
Ka dy mënyra të të menduarit: ai që beson se inteligjenca është e pandryshueshme, për këtë arsye shmang sfidat nga frika e dështimit dhe ai që beson se mëson diçka të re. Ky i fundit, i njohur si ‘mentaliteti i rritjes’, është çelësi i përparimit të vazhdueshëm. Ndërkohë, shpresa nuk humbet kurrë. Truri është i adaptueshëm. Me zakone të reja, si rritja e kuriozitetit, disiplina personale dhe gatishmëria për të përballuar sfida, funksioni njohës mund të përmirësohet ndjeshëm.
Lifestyle
Ka një mënyrë se si të siguroheni të mos humbni kurrë motivimin e stërvitjes
Published
4 weeks agoon
May 28, 2025By
UBT News
Të gjithë e dimë që të ushtrohemi rregullisht është e rëndësishme për shëndetin, por gjetja e motivimit është sfiduese. Lodhja, angazhimet e përditshme dhe mungesa e energjisë na bëjnë të mendojmë para se të ngrihemi nga divani.
Një studim i ri tregon se një nga mënyrat më efektive për të fituar dhe ruajtur motivimin është më e thjeshtë: ndërgjegjësimi. Studiuesit në Angli analizuan sjelljen e 109 të rriturve që nuk ishin shumë aktivë fizikisht. Për 30 ditë, ata u udhëzuan të synonin 8000 hapa në ditë, por gjysma ndoqi edhe një program të përditshëm përmes një aplikacioni, ku përfshinte praktika të shkurtra për të rritur ndërgjegjësimin ndaj trupit, lëvizjes dhe stërvitjes.
Rezultatet ishin mbresëlënëse: grupi që praktikoi ndërgjegjësimin kishte bërë 373 minuta aktivitet fizik në javë, përkundrejt 297 minutave të grupit tjetër. Për më tepër, ata ndiheshin më të motivuar për të vazhduar rutinën e tyre.
Po pse funksionon ndërgjegjësimi kaq mirë?
Sipas autores kryesore të studimit, Dr. Masha Remskar, ndërgjegjësimi u jep njerëzve aftësi psikologjike që i ndihmojnë të krijojnë zakone të qëndrueshme.
Shumë njerëz e gjejnë veten të motivuar për një periudhë të shkurtër, por ndërgjegjësimi ndihmon në zhvillimin e durimit dhe qëndrueshmërisë për t’ia dalë edhe kur nuk është e lehtë. Ajo rrit lidhjen mes mendjes dhe trupit, duke i bërë njerëzit më të pranishëm gjatë aktivitetit fizik.
Ushtrimet e ndërgjegjësimit nuk janë të ndërlikuara. Nëse jeni duke ecur apo ushtruar, përqendroheni në frymëmarrje, në ndjesitë që ndjeni në trup, apo në atë që ndodh përreth jush. Në vend që të shpërqendroheni me telefon apo muzikë, thjesht kushtojini vëmendje momentit dhe lëvizjes suaj.
Ekspertët sugjerojnë edhe disa mënyra tjera për të qëndruar të motivuar: stërvituni me mik, regjistrohuni në një kurs që ju pëlqen e lëvizni çdo ditë, edhe nëse janë vetëm 15 minuta. Është më mirë të bëni pak, por rregullisht, sesa të mos bëni fare. Mbi të gjitha, mos u tregoni të ashpër me veten.

Llapi “blindon” yllin e skuadrës

Pas 18 vitesh martesë, çifti i njohur i showbiz-it i jep fund martesës

Putini: Përfshirja e fuqive të huaja në Lindjen e Mesme e ka sjellë botën në një pikë të rrezikshme

Shishe plastike apo qelqi në punë? Ja çfarë thonë faktet!

Kancelari gjerman: Nuk ka “arsye për ne” të kritikojmë Izraelin ose SHBA-në për sulmet ndaj Iranit

Brad Pitt: Do të punoja përsëri me Tom Cruise me një kusht

Rutte: S’do lejojmë Iranin të zhvillojë armë bërthamore

Rektori Hajrizi për Albanian Post: Metaversi është përgjigjja e njerëzimit për të rritur produktivitetin dhe zhvillimin

Darwin Nunez jep sinjale pozitive për kalimin te Napoli
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore