Lajmet

Punë e kryer, konfiskimi i pasurive të paligjshme nis së shpejti

Published

5 years ago

April 22, 2021

Betim Gashi

Lufta ndaj kriminalitetit do të jetë më efikase pas pak muajsh me konfiskimin e pasurive të fituara jashtëligjshëm.

E duke parë mungesën e një ligji adekuat për konfiskimin e pasurisë së paligjshme, institucionet e reja të udhëhequra nga LV-ja kanë hartuar Ligjin për Pasurinë e Pajustifikueshme të fituar në mënyrë të jashtëligjshme.

Sipas burimeve të “Syri. net”, ky ligj pritet të miratohet brenda pak kohësh.

Në këtë koncept dokument ndër të tjera thuhet se pasuria e fituar me kryerjen e veprave penale është nxitës kryesor i kriminalitetit.

Kjo pasuri i siguron kryesve të veprave penale burime të mëtejme për të vazhduar aktivitetet e tyre të paligjshme, veçanërisht kur bëhet fjalë për krimin e organizuar dhe korrupsionin ku sfondi i konsiderueshëm ekonomik është thelbësor për funksionimin e rrjeteve kriminale.

Derisa me fillimin e haritmit të këtij ligji ka nisur frika ndaj kryesve të veprave penale të cilët kanë përfituar pasuri në mënyrë jo logjore.

Anëtari i Komisionit për Siguri dhe Mbrojtje në Kuvendin e Kosovës Mefail Bajqinovci tha për “Syri.net”, se gjithsesi janë të vendosur që ky ligj duhet të miratohet dhe zbatohet në plotni.

Deputeti i VV-së shtoi se duhet të kemi parasysh se Kosova futet në vendet me korrupsion endemik, në çdo raport ndërkombetar jemi të listuar shumë keq.

Nga ana tjetër “Syri.net”, ka kërkuar deklarata edhe nga përfaqësues të subjekteve tjera politike, por që nuk kanë dashur të flasin.

Ministrja e Drejtësisë Albulena Haxhiu thotë se është e pashmangshme hartimi i ligjit për pasurinë e pajustifikueshme të fituar në mënyrë të jashtëligjshme.

Ajo e bëri të qartë që konfiskimi i pasurisë së fituar në mënyrë të paligjshme nuk mund të presë më.

Sipas saj ndër elementet thelbësore të sundimit të ligjit është edhe përgjegjësia para ligjit për pasurinë e fituar në mënyrë të jashtëligjshme, e cila si e tillë do konfiskohet me vendim të gjykatës dhe në asnjë mënyrë tjetër.

Kryeprokurori i Shtetit Aleksander Lumezi, tha se janë të vetëdijshëm se vetëm dënimi me burg i kryesve të veprave penale nuk e lëvizë seriozisht luftën kundër kriminalitetit, por krahas tyre duhet të nxirren edhe sanksione plotësuese vendime për konfiskimin e përhershëm të pasurisë së fituar me vepër penale.

“Çelësi i suksesit në luftën kundër kriminalitetit qëndron në marrjen e fuqisë ekonomike dhe pasurisë së paligjshme të individëve dhe grupeve kriminale”, tha Lumezi.

Kryeprokurori shton se me qëllim të forcimit të sundimit të ligjit dhe avancimit të luftës kundër korrupsionit, krimit të organizuar dhe konfiskimit të pasurive të fituara jashtëligjshëm, janë nënshkruar disa memorandume të cilat do të ndihmojnë prokurorinë në gjurmimin dhe identifikimin e aseteve të fituara në mënyrë të kundërligjshme të shtetasve kosovarë, asete këto, të cilat gjenden jashtë territorit të Republikës së Kosovës.

Po ashtu, së bashku me Administratën Tatimore, kemi nënshkruar memorandum ndërinstitucional, me anë të të cilit synohet intensifikimi i bashkëpunimit
në shkëmbimin e informacioneve dhe evidentimin e rasteve kur ka mospërputhje në mes të hyrave dhe shpenzimeve të personave fizikë dhe atyre juridikë që veprojnë në Kosovë, të cilët dyshohen që kanë kryer vepër penale dhe kanë krijuar pasuri të pajustifikueshme.

Rajoni

Protestuesit sulmojnë objektin e Gjykatës së Apelit

Published

10 hours ago

October 19, 2026

UBTNews

Protestuesit në Shqipëri kanë hyrë në objektin e Gjykatës së Apelit.

Pasi kanë qëndruar për pak minuta aty, ata janë larguar.

Kjo është hera e parë që është sulmuar objekti i Gjykatës së Apelit.

Pasi janë larguar protestuesit, në vendngjarje kanë arritur pjesëtarë të Policisë. Njëri prej protestuesve është shoqëruar në Polici.

Vendi

Presidenti i Malit të Zi në vizitë në Kosovë

Published

10 hours ago

October 19, 2026

UBTNews

Presidenti i Malit të Zi Jakov Milatoviq do të qëndrojë sot për vizitë në Kosovë.

Policia e Kosovës ka njoftuar se sipas detyrës zyrtare, do të ndërmarrë masat e sigurisë si dhe do të kujdeset për rregullimin e trafikut, gjatë kohës së lëvizjes së eskortës dhe kohës së qëndrimit të tij në Kosovë.

Për të mundësuar qarkullim të lirë të eskortës, sipas itinerarit të lëvizjes, nga pika kufitare Kullë – Pejë, si dhe zhvillimin e aktiviteteve sipas agjendës zyrtare të vizitës në rajonin e Pejës, Policia e Kosovës, sipas nevojës, do të bëjë ndërprerje të përkohshme të qarkullimit të trafikut (në intervale të shkurtra kohore) të disa segmenteve rrugore (ku pritet të kalojë eskorta), ku edhe mund të ketë riorientim të trafikut në rrugë alternative.

Rajoni

Alarm për bombë në disa institucione në Shqipëri

Published

14 hours ago

October 19, 2026

UBTNews

Një mesazh kërcënues për bombë ka mbërritur në disa institucione shtetërore në Shqipëri. A2 CNN raporton se një email ka kërcënues ka mbërritur në kryeministri, ministri, institucione të drejtësisë dhe Bankën e Shqipërisë.

“Ju njoftojmë urgjentisht se në këtë moment brenda ndërtesës është vendosur një mjet shpërthyes që përmban nitrat amoni (ANFO). Sot, me lejen e Allahut, do të kryejmë një seri sulmesh terroriste të planifikuara në territorin e vendit. Ajo që do të përjetoni sot është vetëm fillimi. Një ditë, qeveria juaj do të dorëzojë pushtetin dhe do të vendoset Sheriati”, thuhet në mesazh.

Pas marrjes së mesazhit, është boshatisur Gjykata dhe Prokuroria e Fierit. Administrata është alarmuar, ndërsa në zonë është shtuar prania e forcave të Policisë. /A2 CNN/

Lajmet

Vitia: 53.4 për qind e grave me kancer të gjirit diagnostikohen në stadin e parë dhe të dytë

Published

15 hours ago

October 19, 2026

UBTNews

Ministri i Shëndetësisë, Arben Vitia, ka bërë të ditur se 53.4 për qind e grave të diagnostikuara me kancer të gjirit në Kosovë janë identifikuar në stadin e parë dhe të dytë të sëmundjes, duke theksuar rëndësinë e zbulimit të hershëm për suksesin e trajtimit dhe rritjen e mundësive për mbijetesë.

Këtë deklaratë Vitia e bëri në Simpoziumin e Tretë për Kancerin e Gjirit, të organizuar nga Kolegji i Kirurgëve të Kosovës, ku u diskutua për ndërgjegjësimin, diagnostikimin e hershëm dhe përmirësimin e shërbimeve shëndetësore për gratë.

Ai bëri të ditur se mamografia ofrohet falas në institucionet publike shëndetësore, ndërsa gjatë këtij viti pritet të shtohen edhe tetë mamografë digjitalë në komunat ku mungojnë këto pajisje. Gjithashtu, përmes mamografit mobil, shërbimi po u ofrohet edhe grave në komunat që nuk kanë aparatura të tilla.

Sipas Vitisë, Kosova tashmë ka edhe planin e veprimit për skriningun e kancerit të gjirit për periudhën 2026–2028, me synim përmirësimin e diagnostikimit dhe qasjes në shërbime shëndetësore.

Ndërkaq, drejtori i Shëndetësisë në Komunën e Prishtinës, Bujar Gashi, bëri të ditur se gjatë vitit 2025 janë realizuar gjithsej 1.847 mamografi në kuadër të aktiviteteve për zbulimin e hershëm të kancerit të gjirit. Prej tyre, 463 janë kryer vetëm gjatë muajit tetor.

Gashi njoftoi gjithashtu se gjatë këtij viti, deri në ditën e mbajtjes së simpoziumit, janë realizuar 700 mamografi, prej të cilave rreth 150 gjatë muajit tetor.

D.L