Sport

PSG e gatshme për shitjen e Neymarit, ky është klubi që mund ta paguajë çmimin e tij

Newcastle United mund të përmbushë kërkesat për transferimin dhe pagën e lojtarit.

Publikuar

2 javë më parë

më

Paris Saint-Germain është e hapur për të shitur Neymarin gjatë afatit kalimtar të verës nëse paraqitet një ofertë e pranueshme edhe pse braziliani do të hezitonte të largohej.

Sulmuesi erdhi në “Parc des Princes” nga Barcelona në vitin 2018, në atë që mendohej se ishte shenja vendimtare që klubi francez dëshiron të bëhet pretendent për çdo trofe evropian. Por dështimi për të fituar Ligën e Kampionëve dhe vendimi i Kylian Mbappes për të zgjatur qëndrimin e tij me klubin pas një sage të zgjatur transferimi me Real Madridin, do të thotë që skuadra kryeqytetase do të konsideronte ndarjen me 30-vjeçarin, veçanërisht pas një sezoni të luhatshëm në 2021-22.

Pavarësisht se ka rifituar titullin e Ligue 1 nën drejtimin e Mauricio Pochettinos këtë sezon, shumë mendojnë se PSG-ja ka përjetuar një sezon të lodhshëm duke pasur parasysh eliminimin e tyre të hershëm nga Liga e Kampionëve përball Real Madridit,

Neymar mori pjesën më të madhe të kritikave nga tifozët e klubit së bashku edhe me Lionel Messin. Tani sipas “Goal.com”, e ardhmja e brazilianit po shqyrtohet nga drejtuesit e klubit, sidomos pas rinovimit të kontratës me Kylian Mbappen, të cili thuhet se i janë besuar edhe shumë kompetenca ekzekutive dhe marrdhënja e tij me Neymarin nuk është edhe aq e mirë.

Nëse braziliani do të largohej nga “Parc des Princes”, numri i skuadrave që realisht mund të nënshkruajnë me të është i kufizuar duke pasur parasysh çmimin e madh që mund të kërkohet për shërbimet e tij.

Barcelona, skuadër e cila më parë kishte hapur bisedimet për rikthimin e tij, tani nuk e ka këtë mundësi për shkak të borxheve në të cilat është futur, kurse skuadra të tjera si Real Madridi, Juventusi dhe Manchester United thuhet se nuk kanë interesim për lojtarin.

Newcastle United mund të përmbushë kërkesat për transferimin dhe pagën e lojtarit, por Neymar nuk konsiderohet i interesuar të bashkohet me “Magpies”.

Etiketa
Vazhdo të lexosh

Sport

Reali merr vendim për të ardhmen e Asensios

Marco Asensios nuk do t’i ofrohet mundësia e rinovimit të kontratës së tij në “Santiago Bernabeu”, raporton “Marca”.

Publikuar

3 ditë më parë

më

1 Korrik, 2022

nga

Gjiganti spanjoll, Real Madrid, si duket ka marrë një vendim sa i përket të ardhmes së sulmuesit spanjoll, Marco Asensio.

Marco Asensios nuk do t’i ofrohet mundësia e rinovimit të kontratës së tij në “Santiago Bernabeu”, raporton “Marca”.

Reprezentuesi spanjoll, i cili së fundmi ka qenë i lidhur me Arsenalin dhe Liverpoolin, tani duhet të vendosë nëse dëshiron të largohet këtë verë nga Reali apo të pres deri verën tjetër, dhe të largohet si lojtar i lirë.

Që prej kalimit nga Espanyoli te Real Madridi, Marco Asensio ka arritur të bëjë 235 paraqitje, duke regjistruar 49 gola dhe 24 asistime mbi emrin e tij.

Vazhdo të lexosh

Sport

Shabani rikthehet në fole, nënshkruan me Llapin

Trajneri Tahir Batatina i dëshiroi mirëseardhje dhe shumë suksese te Llapi, Alban Shabanit.

Publikuar

3 ditë më parë

më

1 Korrik, 2022

nga

KF Llapi ka bërë zyrtare sot se ka arritur marrëveshje me mesfushorin Alban Shabani, i cili nënshkruan me klubin e Tahir Batatinës deri në vitin 2024.

Mesfushori me tipare defanzive rikthehet te Llapi, i cili përgjatë dy sezoneve paraprake luajti te skuadrat si Skënderbeu, Feronikeli e Drenica.

Shabani rikthehet në fole, aty ku u formua si futbollist dhe i morri hapat e parë të karrierës së tij.

Trajneri, Tahir Batatina i dëshiroi mirëseardhje dhe shumë suksese te Llapi, Alban Shabanit.

Vazhdo të lexosh

Sport

Raphinha refuzon kalimin te Chelsea, kjo është dëshira e tij

Ylli brazilian dëshiron që të kalojë te Barcelona, pasi që kjo ka qenë ëndrra e tij që kur ishte fëmijë.

Publikuar

3 ditë më parë

më

1 Korrik, 2022

nga

Ditë më parë skuadra e Chelseat pa një ofertë prej 75 milionë eurove të pranohet nga Leeds për yllin brazilian, Raphinha.

Me këtë ofertë, Chelsea mposhti Barcelonën e Arsenalin, të cilat ishin në garë për të siguruar shërbimet e sulmuesit brazilian.

Pasi që Leeds ishin të kënaqur me ofertën, në pyetje ishin vetëm kushtet personale me lojtarin, por si duket ky i fundit ka vendosur ta refuzojë kalimin te Chelsea.

Siç raportohet nga “Diario AS”, Raphinha i ka kërkuar agjentit të tij, Decos, që të bllokojë transferimin e tij te Chelsea, pavarësisht se ky i fundit ka marrëveshje në vlerë prej 75 milionë eurove me Leeds.

Ylli brazilian dëshiron që të kalojë te Barcelona, pasi që kjo ka qenë ëndrra e tij që kur ishte fëmijë.

Vazhdo të lexosh

Sport

Futbolli drejt ndryshimit, FIFA prezanton teknologjinë e re për offside

Nuk është ende e qartë nëse teknologjia do të përdoret gjatë 90 minutave.

Publikuar

3 ditë më parë

më

1 Korrik, 2022

nga

Përdorimi dhe zbatimi i ligjit të pozitës jashtë loje, të njohur ndryshe si offside, duket se është bërë më i diskutueshëm që kur VAR-i erdhi në skenë.

FIFA ka njoftuar se një sistem i ri jashtë loje gjysmë-automatike do të zbatohet në Kupën e Botës “Katar 2022” në nëntor të këtij viti.

Sistemi i ri, i cili duhet të jetë në gjendje të ndërtojë një paraqitje 3D të lojës brenda sekondave dhe t’i dërgojë një alarm gjyqtarit për të përcaktuar nëse një lojtar ishte jashtë loje apo jo.

Siç u përmend nga “Diario AS”, nuk është ende e qartë nëse teknologjia do të përdoret gjatë 90 minutave apo nëse do të aplikohet vetëm gjatë rishikimeve të VAR-it.

Foton se si duket ky projekt e gjeni më poshtë.

Vazhdo të lexosh

Të kërkuara