Sport

PSG dorëzohet para Messit, suspendimi nuk vlen më

Kontrata e tij nuk do të rinovohet me kampionin francez.

Published

on

Suspendimi i Lionel Messit nga Paris Saint-Germain zgjati vetëm 10 ditë, dhe jo dy javë siç ishte paralajmëruar.

Superylli argjentinas u suspendua për dy javë nga PSG për udhëtimin e tij të paautorizuar në Arabinë Saudite, dhe kontrata e tij nuk do të rinovohet me kampionin francez.

Tani, trajneri i PSG, Christophe Galtier e ka konfirmuar se Messi do të jetë titullar në ndeshjen e nesërme ndaj AC Ajaccios.

“Leo Messi do të jetë titullar nesër. Ai ishte duke stërvitur në një nivel tejet të mirë, sjellja e tij ishte perfekte”, tha Galtier.

Suspendimi i Messit ishte tërhequr të hënën, pas kërkim faljes së yllit argjentinas të premten e kaluar.

Lajmet

​Arsenali e nis me fitore rrugëtimin në Ligën e Kampionëve

Published

on

Arsenali ka startuar mbarë në këtë edicion të Ligës së Kampionëve, duke triumfuar 2-0 ndaj Athletic Bilbaos.

Pas një pjese të parë pa gola, londinezët gjetën rrugën e fitores në fraksionin e dytë të lojës.

Gabriel Martinelli zhbllokoi rezultatin në minutën e 72-të, duke e çuar skuadrën e tij në avantazh. Më pas, Leandro Trossard vulosi gjithçka në minutën e 87-të, duke realizuar golin e dytë që i siguroi Arsenalit tre pikët e para në grup.

Në ndeshjen tjetër të këtij grupi, PSV Eindhoven pësoi një humbje befasuese në shtëpi kundër Union SG me rezultatin 1-3, duke e komplikuar menjëherë garën për kualifikim./S.K/KP/

Continue Reading

Lajmet

​Kosova dhe Shqipëria zhvillojnë edhe një ndeshje miqësore

Published

on

Në kuadër të përgatitjeve për garat në UEFA Nations League, Kombëtarja e Kosovës në Futbollin e të Amputuarve do të zhvillojë një ndeshje miqësore kundër Kombëtares së Shqipërisë.

Përballja do të luhet të dielën, më 21 shtator në Kampin Nacional të FFK-së në Hajvali, me fillim nga ora 16:00.

Federata e Futbollit të Kosovës ka ftuar tifozët, qytetarët dhe përfaqësuesit e mediave që të jenë të pranishëm për ta përkrahur ekipin dhe për të përjetuar emocionet e një ndeshjeje të veçantë mes dy shteteve dhe një kombi./S.K/KP/

 

Continue Reading

Lajmet

Zhegrova ftohet për ndeshjen ndaj Dortmundit

Published

on

Edon Zhegrova është ftuar nga trajneri i Juventusit, Igor Tudor, për ndeshjen ndaj Borussia Dortmundit.

Juve sonte nga ora 21:00 e pret Dortmundin në kuadër të xhiros së parë të fazës së ligës së Ligës së Kampionëve.

Edhe pse trajneri Tudor ditë më parë deklaroi se Zhegrova nuk do të luaj ndaj Dortmundit ai ka vendosur që ta ftojë reprezentuesin e Kosovës. Zhegrova mund të debutoj për “Zonjën e Vjetër”.

26-vjeçari nuk luajti xhiron e kaluar në Serie A në derbin që e fitoi Juventusi 4:3 ndaj Interit.

Zhegrova u transferua te Juve nga Lille për afro 16 milionë euro në ditën e fundit të afatit kalimtar veror, por nuk ka luajtur prej 14 dhjetorit të vitit të kaluar./S.K/EO/

Continue Reading

Lajmet

Zyrtare: Loja Shqipëri-Serbi luhet në Leskovc

Published

on

Zyrtarisht, më datë 11 tetor, ndeshja Serbia-Shqipëria, nuk do të luhet në Beograd në stadiumin “Rajko Mitiq”, sepse shtëpia e futbollit evropian UEFA, ka vendosur që kjo lojë të luhet në Leskovc në stadiumin “Duboçica”.

Fillimisht, kjo sfidë ishte planifikuar të zhvillohej në “Rajko Mitiq” në kryeqytetin serb, por për arsye organizative dhe të sigurisë, autoritetet kanë vendosur ndryshimin e stadiumit.

Kjo konsiderohet një nga ndeshjet më të rëndësishme jo vetëm për kualifikueset e Botërorit, por gjithashtu edhe për historinë.

Në vitin 2014, Shqipëria luante një ndeshje të madhe në Serbi, teksa ëndrra për një vend në Europianin e Francës sapo kishte nisur.

Kuqezinjtë përballeshin jo vetëm me skuadrën serbe, por me terrorin serb, me tifozerinë e cila në çdo moment bënte thirrje për vdekjen e shqiptarëve, apo edhe me vendimet për të mos lejuar jo vetëm tifozët shqiptarë, por as flamurin kuqezi në stadium. /S.K/EO/

Continue Reading

Të kërkuara