Sport

PSG – Barcelona, formacionet e mundshme të derbit në Ligën e Kampionëve

Published

6 years ago

March 10, 2021

Betim Gashi

Paris Saint-Germaini do të jetë nikoqir i Barcelonës në takimin e dytë që luhet në kuadër të 1/8 së finales në Ligën e Kampionëve.

Ndeshja e parë e zhvilluar në Camp Nou kishte përfunduar 4-1 për parisienët, derisa ky takim do të jetë mjaftë interesant për t’u ndjekur.

Takimi do të luhet sot (e mërkure) nga ora 21:00 në stadiumin “Parku i Princave”, por që të dyja skuadrat kanë mungesa.

PSG tashmë ka konfirmuar se në këtë sfidë do të jetë pa Neymarin dhe Juan Bernat që vazhdojnë të jenë të lënduar, derisa Moise Kean është ende pozitiv me coronavirus.

Në anën tjetër, Barcelona nuk mund të llogarisë në Philippe Coutinhon, Ansu Fatin, Gerard Pique dhe Sergi Roberton, që po ashtu janë të lënduar.

Fakte

Barcelona ka arritur që prej tetë nga nëntë takimet e luajtura në Ligën e Kampionëve të shënojë 2.5 gola për ndeshje.

Ndërsa, PSG ka po të njëjtën shifër të golave për pesë ndeshjet e fundit të zhvilluara ndaj katalunasëve në të gjitha garat.

Skuadra nga Ligue 1 ka fituar katër takimet e tyre të fundit në garën më të madhe për klube në Evropë.

PSG ka shënuar më së paku tre gola në tri takimet e fundit që i kanë luajtur në Ligën e Kampionëve.

Analizë

PSG janë në një pozitë të favorshme fal rezultatit nga takimi i parë, aty ku fituan 4-1. Sidoqoftë, skuadra franceze e di tashmë se më kë ka punë, pasi Barcelona ua kishte përmbysur një përparësi të tillë në vitin 2017.

Blaugranasit tashmë kanë shkaktuar një përmbysje rezultati në këtë edicion, pasi nga humbja 2-0 ndaj Sevillës në Kupën e Mbretit, ata arritën që të kalonin në finale.

Parisienët në anën tjetër ka humbur takimin e tyre të fundit në shtëpi me rezultat 2-0 ndaj Monacos. Por, edhe pse në mungesë të Neymarit, është e vështirë për Barcelonën që të përmbysë një skuadër aktuale që ka PSG.

Formacioni i mundshëm i PSG-së: Navas; Florenzi, Marquinhos, Kimpembe, Kurzawa; Gueye, Paredes; Di Maria, Verratti, Mbappe; Icardi.

Formacioni i mundshëm i Barcelonës: Ter Stegen; Mingueza, Lenglet, Umtiti; Dest, de Jong, Busquets, Pedri, Alba; Messi, Dembele

Related Topics:barcelona Paris Saint-Germain Liga e Kampionëve UBTSPORT Camp Nou

Up Next

Robinho dënohet me 9 vjet burgim për përdhunimin dhe turpërimin e 23-vjeçares

Don't Miss

Haaland shkruan historinë në Ligën e Kampionëve

Sport

Më 20 shtator mbahet Kampionati Shtetëror i Karatesë për Kadetë, Juniorë dhe U21

Published

18 hours ago

September 15, 2026

UBTNews

Federata e Karatesë e Kosovës ka njoftuar se këtë të diel, më 20 shtator 2026, do të organizohet Kampionati Shtetëror për kategoritë e kadetëve, juniorëve dhe moshat e reja U21.

Garat do të zhvillohen në Pallatin e Rinisë në Prishtinë, me fillim nga ora 11:00.

Marrë parasysh rëndësinë e këtij eventi për promovimin e talentit dhe përkushtimit të karatekave kosovarë, Federata u ka uruar sukses të gjithë pjesëmarrësve, ndërsa u ka bërë thirrje sportistëve, trajnerëve dhe dashamirësve të karatesë që të pranishëm për të mbështetur garuesit.

D.L

Sport

UEFA cakton stadiumet e finaleve të Ligës së Kampionëve për vitet 2028 dhe 2029

Published

20 hours ago

September 15, 2026

UBTNews

Stadiumet ikonike “Allianz Arena” në Mynih dhe “Camp Nou” në Barcelonë do të jenë nikoqire të finaleve të mëdha të UEFA Champions League për vitet 2028 dhe 2029. Vendimi zyrtar u mor gjatë mbledhjes së Komitetit Ekzekutiv të UEFA-s.

Mynih 2028: Në shtëpinë e Bayern München, finalja do të zhvillohet për herë të tretë në histori (pas edicioneve të vitit 2012 dhe 2025).

Barcelonë 2029: “Camp Nou” do të presë gjithashtu finalen e tij të tretë historike, pikërisht një vit para se Spanja të bashkëorganizojë Kupën e Botës 2030 me Portugalinë dhe Marokun.

Sezonet e ardhshme: Finalja e edicionit të ardhshëm është caktuar të luhet në stadiumin “Estadio Metropolitano” në Madrid.

D.L

Sport

Enzo Maresca po e fiton sfidën e madhe pas Guardiolas te Manchester City

Published

23 hours ago

September 15, 2026

UBTNews

Një analizë e BBC-së vë në pah se si Enzo Maresca po e menaxhon me sukses një nga detyrat më të vështira në futbollin modern: zëvendësimin e Pep Guardiolas te Manchester City. Pavarësisht presionit të madh, tekniku italian po e bën këtë tranzicion të duket i lehtë, duke udhëhequr Cityn drejt katër fitoreve në po aq ndeshje në Premier League, ku ndan kryesimin me Arsenalin.

Testi më i madh i Marescas erdhi në fundjavë me fitoren 1:0 ndaj Manchester Unitedit në “Old Trafford”, ku City luajti shumicën e kohës me një lojtar më pak pas përjashtimit të Phil Foden. Qetësia e skuadrës pasqyroi vetëpërmbajtjen e trajnerit në vijën anësore. Ndryshe nga sezoni i kaluar te Chelsea, ku një karton i kuq në të njëjtin stadium e bëri të reagonte me panik, këtë herë Maresca ruajti gjakftohtësinë, vlerësoi situatën dhe bëri lëvizje vendimtare taktike, si kalimi i Rayan Cherkit në të djathtë dhe inkuadrimi i Iliman Ndiayes.

BBC vëren një kontrast të madh mes Marescas dhe Guardiolas. Italiani shfaqet gjithmonë i buzëqeshur në konferenca për media dhe ka sjellë një frymë të re në stërvitje, përfshirë vendosjen e muzikës “house” për të rritur disponimin e lojtarëve. Kapiteni i ri, Ruben Dias, konfirmoi se parimet bazë të lojës mbeten të ngjashme me ato të Guardiolas, por me detaje të reja taktike që mbajnë vulën e trajnerit të ri.

Përderisa zëvendësimi i menaxherëve legjendarë si Ferguson apo Wenger solli kriza te klubet e tyre, Maresca po e përqafon këtë sfidë si një privilegj dhe nuk ndjen presion nga hija e paraardhësit të tij. Pavarësisht humbjes fillestare 3:0 ndaj Arsenalit në Superkupë, City është rikthyer fuqishëm me pesë fitore radhazi në të gjitha garat. Me ndeshjet e radhës ndaj Norwichit dhe Sunderlandit, Maresca është rrugës për të kompletuar një fillim pothuajse të përsosur në krye të gjigantit anglez.

D.L

Sport

Dy golat ndaj Sassuolos e ndryshojnë situatën e Zhegrovës, por e ardhmja mbetet e paqartë

Published

1 day ago

September 15, 2026

UBTNews

Dy golat e shënuar ndaj Sassuolos kanë përmirësuar ndjeshëm situatën e Edon Zhegrovës te Juventusi, por e ardhmja e sulmuesit kosovar në Torino ende nuk është e sigurt.

Sipas “Tuttomercatoweb”, emri i Zhegrovës vazhdon të përmendet në mesin e lojtarëve që mund të largohen nga Juventusi gjatë afatit kalimtar të janarit.

Në garë për shërbimet e tij është edhe Atalanta, e cila po e monitoron nga afër situatën e reprezentuesit të Kosovës.

Klubi nga Bergamo po shqyrton mundësinë e huazimit të Zhegrovës me opsion për blerjen e kartonit të tij në fund të sezonit. Megjithatë, deri më tani nuk ka pasur kontakte zyrtare mes dy klubeve dhe Atalanta nuk ka bërë ende ndonjë ofertë konkrete për Juventusin.

Sipas mediumit italian, gjithçka mund të varet nga situata e të dyja skuadrave në janar, si dhe nga roli që Zhegrova do të ketë te Juventusi deri në atë periudhë.

Dy golat ndaj Sassuolos padyshim që i kanë dhënë një shtysë të rëndësishme kosovarit, por mbetet për t’u parë nëse kjo paraqitje do të mjaftojë për ta bindur Juventusin që ta mbajë atë në skuadër.

D.L