Lajmet

Pse vazhdojnë të jenë kaq të rrepta rregullat e Kinës për Covid-19?

Strategjia zero-Covid vazhdon të jetë në fuqi, pavarësisht se është zbuluar vaksina kundër virusit.

Published

on

Në shpërthimin e pandemisë COVID-19, Kina vendosi masat e saj “zero-COVID” që ishin të ashpra, por jo jashtë përputhjes me atë që po bënin shumë vende të tjera në mënyrë që të frenonin virusin.

Ndërsa shumica e kombeve të tjera i panë rregulloret e shëndetit dhe sigurisë si të përkohshme derisa vaksinat të ishin gjerësisht të disponueshme, Kina ka vazhduar me strategjinë e saj.

Të lodhur nga politika që ka mbyllur miliona njerëz në shtëpitë e tyre në një përpjekje për të izoluar çdo infeksion, protestat kanë shpërthyer në mbarë Kinën ditët e fundit, transmeton UBT News.

Megjithëse disa kufizime antivirus janë lehtësuar në disa vende, strategjia zero-Covid vazhdon të jetë e zbatueshme.

Këtu janë disa nga ligjet:

*Teste dhe karantinë për të gjithë pasagjerët

Udhëtarët në hyrje duhet të bëjnë një test PCR përpara se të fluturojnë dhe të karantinohen në një hotel për pesë ditë dhe në shtëpi për tre ditë pas mbërritjes. Kjo mund të duket e rreptë, por përpara rregulloreve të përditësuara në fillim të këtij muaji, udhëtarët duhej të bënin dy teste PCR përpara se të fluturonin dhe të karantinoheshin për shtatë ditë në hotel dhe tre ditë në shtëpi. Më herët periudha e karantinës ishte 14 ditë.

*Izolimi

Udhëtarët në fluturimet e brendshme, trenat ose autobusët që janë në kontakt të ngushtë me dikë me COVID-19 duhet të karantinohen për pesë ditë në vendet e caktuara, plus tre ditë në shtëpi. Para ndryshimeve të nëntorit, koha e karantinës ishte më e gjatë dhe kontaktet e ngushta të personit që kishte kontakt me dikë të infektuar me COVID gjithashtu duhej të izoloheshin.

“Kodi i Gjelbër”

Brenda Kinës, individët duhet të tregojnë “kodin e gjelbër” të tyre personal – duke treguar se janë negativë ndaj COVID– kur hyjnë në vende publike si qendrat tregtare dhe restorante, ose kur përdorin transport publik. Të gjithë duhet të regjistrohen me letrat e tyre të identifikimit dhe më pas kodi shfaqet përmes një aplikacioni smartphone. Të qëndrosh “gjelbër” do të thotë të mos kontraktosh COVID-19, të mos jesh në kontakt të ngushtë me dikë me virusin dhe të mos vizitosh zona që konsiderohen si rrezik.

Kush shkon në mbyllje?

Kina ka reaguar shpejt dhe me vendosmëri ndaj çdo zbulimi të COVID-19 dhe ka bllokuar qyteza ose qytete të tëra. Për momentin, zona qendrore urbane e Chongqing, me rreth 10.3 milion njerëz, është në izolim.

Vendimi se çfarë të mbyllet varet nga shkalla e shpërthimit, ndërsa mbylljet më të vogla të ndërtesave, zonave komplekse ose rrethet e qyteteve janë të zakonshme. Të gjitha njësitë e ndërtesave të apartamenteve mbyllen nëse një banor i vetëm zbulohet se ka COVID dhe njerëzit nuk lejohen të largohen për të paktën pesë ditë.

Kufizime të tjera

Kina ka në fuqi shumë rregullore të tjera që do të ishin të njohura për shumicën që nga muajt e parë të pandemisë. Distancimi social inkurajohet dhe njerëzit duhet të mbajnë maska ​​në ambiente publike. Në zonat ku besohet se ekziston rreziku i transmetimit të COVID, ka kufizime në tubime të mëdha, restorantet mbyllen për ngrënie në ambiente të mbyllura dhe kërkohen masa të forta dezinfektimi në ambientet publike./AP/UBTNews/

Lajmet

Ekipi përfaqësues i Kosovës gati për sfidën ndërkombëtare në Panama

Published

on

Ekipi përfaqësues i Kosovës ka filluar përgatitjet për garën ndërkombëtare më të madhe të robotikës, First Global Challenge, që do të mbahet këtë muaj në Panama. Për disa muaj, ata kanë punuar intensivisht në laboratorët e mekatronikës në UBT për të përfaqësuar Kosovën në këtë kompeticion prestigjioz.

Përmes mbështetjes së UBT-së, Kosova do të jetë pjesë e një gare me mbi 180 shtete nga e gjithë bota. Ky ekip i pasionuar, i përbërë nga të rinj të talentuar në shkencë, teknologji, inxhinieri dhe matematikë, do të testojë aftësitë e tij në fushën e robotikës.

Mentorja e ekipit, Elita Hajrizi, tregon se përgatitjet janë në fazën përfundimtare dhe se ekipi ka ndërtuar robotin inovativ që do të prezantohet në First Global Challenge 2025.

“Pjesëmarrja e Kosovës në këtë garë ndërkombëtare është një ndjenjë e jashtëzakonshme. Të shohësh vendin tënd të përfaqësuar në një event kaq të madh është një moment krenarie, dhe tani që jemi në fazën përfundimtare të përgatitjeve, po e shijojmë çdo hap të këtij udhëtimi emocionues”, tha Elita Hajrizi, mentore e ekipit.

Tema e këtij viti do të fokusohet në zhvillimin e zgjidhjeve për ruajtjen e ekuilibrit të biodiversitetit dhe për luftimin e ndryshimeve klimatike, duke kontribuar kështu në përpjekjet globale për mbrojtjen e mjedisit.

Për më tepër, UBT është vlerësuar me medalje të artë për kontributin e tij në First Global Challenge, si dhe për mbështetje të vazhdueshme për zhvillimin e STEM (Shkencë, Teknologji, Inxhinieri dhe Matematikë) në të gjithë botën.

Continue Reading

Lajmet

UBT organizon Konferencën Ndërkombëtare të Dizajnit të Integruar – ICID 2025

Published

on

UBT do të organizojë Konferencën Ndërkombëtare të Dizajnit të Integruar (ICID 2025), një ngjarje prestigjioze që mbledh profesionistë, studiues dhe krijues nga mbarë bota për të ndarë ide, përvoja dhe risitë më të fundit në fushën e dizajnit bashkëkohor.

Kjo konferencë do të shërbejë si një platformë ndërdisiplinare ku krijimtaria, kërkimi shkencor dhe teknologjia ndërthuren për të formësuar të ardhmen e dizajnit dhe të mendimit kreativ.

Një nga qëllimet kryesore të ICID 2025 është promovimi i rolit të studentëve si gjenerata e re e dizajnerëve, duke i përfshirë ata aktivisht në diskutime, prezantime dhe sesione interaktive që nxisin mendimin kritik, bashkëpunimin dhe inovacionin.

Në kuadër të konferencës, pjesëmarrësit do të kenë mundësi të ndjekin:

  • Diskutime inspiruese me ekspertë të njohur vendorë dhe ndërkombëtarë
  • Prezantime të punimeve shkencore e profesionale
  • Mundësi rrjetëzimi për bashkëpunime akademike dhe profesionale

ICID 2025 pritet të jetë një ngjarje që frymëzon, lidh dhe nxit zhvillimin e dizajnit të integruar në nivel global, duke e pozicionuar UBT-në edhe një herë si qendër lidere të inovacionit dhe edukimit bashkëkohor në rajon.

Continue Reading

Rajoni

Rektori Hajrizi në takim me drejtuesit e Shkollës së Aviacionit, SevenAir

Published

on

Në një takim të rëndësishëm, Rektori i UBT-së, Prof. Dr. Edmond Hajrizi, dhe z. Alexandre Alves, Administrator i Shkollës së Aviacionit SevenAir, diskutuan për mundësitë e bashkëpunimit mes dy institucioneve.

Fokus i veçantë ishte instalimi i avionëve simulues në Kosovë, si dhe certifikimi dhe trajnimet profesionale për mirëmbajtjen e avionëve.

Rektori Hajrizi theksoi rëndësinë e zhvillimit të këtij programi të përbashkët, i cili do të ndihmojë në përgatitjen e pilotëve të rinj në përputhje me kërkesat e mëdha të tregut të punës në këtë profesion të fisnik.

Ndërkohë, z. Alves shprehu interesin e tij dhe të kompanisë SevenAir për të krijuar një marrëdhënie specifike me UBT në fushën e aviacionit dhe mirëmbajtjes së pajisjeve aeronautike, duke shprehur besimin se ky bashkëpunim do të sjellë rezultate të jashtëzakonshme!

Continue Reading

Lajmet

Rektori Hajrizi viziton kompaninë lider të prodhimit të vajit të ullirit dhe verërave në Portugali

Published

on

Gjatë qëndrimit të tij në Beja, Rektori i UBT-së, Prof. Dr. Edmond Hajrizi, pati nderin të vizitojë një nga kompanitë më të njohura në prodhimin e vajit të ullirit dhe verërave në Portugali – Figueirinha.

Në këtë takim, ai u prit nga CEO Filipe Cameirinha, i cili shprehu gatishmërinë për të krijuar sinergji bashkëpunimi ndërmjet UBT-së dhe sektorit të agrobiznesit dhe teknologjisë ushqimore.

Ky bashkëpunim ka për fokus të veçantë t’i jepet laboratori për institutin e hulumtimeve mbi verën të themeluar në UBT, si dhe mundësitë që studentët të zhvillojnë vizita pune dhe praktike, sidomos gjatë periudhës së vjeljeve.

Kjo vizitë nënvizon angazhimin e UBT-së për të forcuar lidhjet me sektorin privat, si brenda vendit ashtu edhe jashtë tij, duke hapur kështu horizonte të reja për edukim dhe inovacion në fushën e agrobiznesit!

Continue Reading

Të kërkuara