Lajmet

Pse plazhi është kaq i mirë për shëndetin!

Nga flladi i lehtë, te rëra dhe deti.

Published

3 years ago

August 2, 2021

Betim Gashi

Plazhi mund të jetë shumë i dobishëm për ne, emocionalisht dhe fizikisht. Për shumë njerëz, pa e kuptuar, të bërit plazh mund të jetë kura më e mirë kur janë të zemëruar, të shqetësuar ose të stresuar. Ja se çfarë bën plazhi për shëndetin tonë:

– Deti

Uji i detit është i pasur me shumë minerale të cilat mund të ndihmojnë në shërimin e kushteve të lëkurës si ekzema, apo me probleme si sinusi, temperatura etj. Ai gjithashtu mund të rrisë lirimin e hormoneve që na bëjnë të ndihemi mirë: dopaminën dhe serotoninën. Nga ana tjetër, noti është një ushtrim që ka përfitime të mëdha për shëndetin mendor për shkak të efekteve çliruese që ka ndërsa jemi në kontakt me natyrën.

– Flladi

Flladi i lehtë i plazhit ju bën të ndiheni më të relaksuar pas një dite të gjatë. Në mbrëmje ju ndihmon të flini mirë dhe mund të ketë një efekt qetësues, anti-depresiv tek shumë njerëz.

– Rëra

Rëra është një eksfoliant natyral dhe mund të largojë lëkurën e vdekur nga këmbët tona. Akti i vendosjes së këmbëve në rërë të ngrohtë gjithashtu i bën njerëzit të pushojnë dhe të ndihen të relaksuar. Ndërkohë, ecja në rërë ju ndihmon të qëndroni në formë, pasi kërkon më shumë përpjekje për të ecur mbi të. Kështu, ju përfundoni duke djegur më shumë kalori nëse ecni ose vraponi në rërë.

– Tingujt

Tingulli i valëve të detit sjell ndjesinë e paqes dhe ekuilibrit. Përmirëson forcën dhe shërimin e trurit, pasi na ndihmon të arrijmë një gjendje medituese. Truri ynë tenton të reagojë pozitivisht ndaj ujit në përgjithësi, përfshirë tingullin e tij. Ai ka aftësinë për të rritur vetë-njohjen dhe depërtimin tonë, si dhe për të “shëruar atë që ne mendojmë se është thyer”.

– Ngjyrat

Një studim zbuloi se njerëzit që jetojnë me pamje nga deti janë më pak të stresuar. Sipas këtij studimi, ekziston një lidhje midis shëndetit dhe ngjyrës blu të ujit dhe qiellit. Në përgjithësi, ngjyra blu i bën njerëzit të ndihen më të qetë dhe të relaksuar.

Lajmet

Asnjë nga tre të akuzuarit nuk pranojnë fajësinë për rastin Banjska

Published

9 mins ago

October 9, 2024

UBTNews

Asnjëri nga tre të akuzuarit për sulmin terrorist në Banjskë të Zveçanit një vit më parë, nuk ka pranuar fajësinë.

Blagoje Spasojeviq, Vladimir Toliq dhe Dushan Maksimoviq kanë thënë se janë të pafajshëm për akuzat ndaj tyre.

Lajmet

Arrestohet një person, dyshohet për kontrabandim të emigrantëve në Ferizaj

Published

18 mins ago

October 9, 2024

UBTnews

Policia e Kosovës ka arrestuar të martën një person në Ferizaj, i cili dyshohet se është marrë me kontrabandë të emigrantëve.

“Ferizaj 08.10.2024-15:00. Është arrestuar i dyshuari mashkull kosovar, nën dyshimin e bazuar se i njëjti është marr me kontrabandë me emigrantë”, thuhet në raportin 24 orësh të Policisë së Kosovës.

Më tej thuhet se me vendim të prokurorit i dyshuari është dërguar në mbajtje./UBTNews/

Lajmet

Osmani përfaqëson Kosovën në Samitin Ukrainë-Evropë Juglindore në Dubrovnik

Published

20 mins ago

October 9, 2024

UBTnews

Presidentja Vjosa Osmani, me ftesë të Kryeministrit të Kroacisë, Andrej Plenković, ka udhëtuar në Dubrovnik për ta përfaqësuar Republikën e Kosovës në Samitin Ukrainë-Evropë Juglindore.

Në këtë samit, presidentja Vjosa Osmani do të pritet nga Kryeministri kroat Plenković dhe Presidenti i Ukrainës, Volodymyr Zelensky, teksa do t’u bashkohet liderëve të tjerë nga Evropa Juglindore në seancën plenare.

“Gjatë këtij samiti, pritet të riafirmohet mbështetja e palëkundur për integritetin territorial dhe sovranitetin e Ukrainës, rëndësia e sanksioneve kundër Rusisë, bashkëpunimi me BE-në dhe mbështetja e vendeve të Evropës Juglindore për Ukrainën. Përveç pjesëmarrjes në seancën plenare ku Presidentja do të mbajë një fjalim, ajo do të zhvillojë takime edhe me homologët e saj”, thuhet në komunikatën e lëshuar nga presidenca./UBTNews/

Lajmet

Kampionet Olimpike të Xhudos në UBT

Published

32 mins ago

October 9, 2024

UBT NEWS

UBT priti me krenari kampionet olimpike në xhudo, duke shënuar një moment të rëndësishëm për institucionin. Rektori i UBT-së, Prof. Dr. Edmond Hajrizi, mirëpriti medalistet Distria Krasniqi dhe Laura Fazliu, si dhe trajnerët Driton Kuka dhe Majlinda Kelmendi, në Qytetin e Mençur të UBT-së në Lipjan.

Rektori Hajrizi përgëzoi ekipin e Kosovës për arritjet e tyre të jashtëzakonshme, duke nënvizuar angazhimin e UBT-së për të promovuar ekselencën në performancë dhe sport. Ai theksoi rëndësinë e rritjes së bashkëpunimit ndërmjet kampionëve dhe liderëve në arsim, duke inkurajuar të gjithë studentët që të ndjekin shembujt e këtyre kampionëve.

“Me punë të palodhur dhe përkushtim, çdo qëllim mund të arrihet,” tha Hajrizi, duke theksuar se sukseset e kampionëve janë një burim frymëzimi për të gjithë studentët.

Nga ana e tij, Driton Toni Kuka njoftoi vazhdimin e bashkëpunimit të fuqishëm me UBT-në, e cila është e njohur si universiteti kampion i performancës. Kuka theksoi se ky partneritet është thelbësor për zhvillimin e sportit dhe edukimit në vend.

Duke forcuar lidhjet mes sportit dhe arsimimit dhe duke motivuar të rinjtë që të ndjekin ëndrrat e tyre me përkushtim dhe pasion, UBT mbetet një bastion i ekselencës, duke kontribuar në suksesin e sportistëve të ardhshëm./UBTNews/