Lifestyle

Pse nuk duhet ta shmangni pauzën e drekës?

Shumë njerëz e shohin atë kohë si një mënyrë për tu përkushtuar më shumë në projektet ku janë të angazhuar.

Published

2 years ago

on

Nëse keni ngrënë ndonjëherë në tavolinën tuaj të punës ose keni anashkaluar pauzën e drekës për të kryer më shumë punë, nuk jeni i vetmi që e bëni këtë. Ka edhe shumë punëtorë që veprojnë njësoj.

Shumë njerëz e shohin atë kohë si një mënyrë për tu përkushtuar më shumë në projektet ku janë të angazhuar. Të tjerë ndihen nën presion nga kolegët ose mbikëqyrësi i tyre.

Por shmangja e pauzës a ja vlen në plan afatgjatë? Hulumtimet dëshmojnë se përgjigja për këtë pyetje është “JO”. Përkundrazi, pushimet e rregullta të drekës përmirësojnë performancën në punë dhe mund t’ju bëjnë të ndiheni më të lumtur, më të shëndetshëm dhe më kreativ. AkademiPune ju përcjell tetë arsyet e bazuara në dëshmi se pse duhet të bëni një pushim dreke çdo ditë.

1.Rrit produktivitetin

Njerëzit nuk janë makina. Ne kemi një sasi të kufizuar të energjisë mendore dhe të fokusit çdo ditë. Sigurisht, ju gjithmonë mund të pini një filxhan kafeje që ju ndihmon që të jeni më të por përsëri do të arrini në një pikë ku produktiviteti juaj fillon të bjerë. Kjo është arsyeja pse pushimet veçanërisht gjatë drekës janë shumë të rëndësishme.

Pushimet e drekës ju lejojnë të shkëputeni nga stresi dhe të rimbusheni. Ata gjithashtu ju japin një nxitje energjie që ju ndihmon të përballoni pjesën tjetër të ditës. Ndërkohë, stresi i vazhdueshëm ju kursen energjinë dhe ju bën më pak produktivë. Duke ofruar një mundësi për t’u socializuar, pushimet e drekës gjithashtu mund ta bëjnë më të lehtë shoqërimin mes kolegëve, gjë që çon në përmirësimin e performancës së punës. Për shembull, zjarrfikësit që hanin së bashku gjatë pushimeve të drekës ishin më bashkëpunues dhe performuan më mirë si ekip.

2.Përmirëson shëndetin mendor

Ndarja e kohës për të ngrënë drekën larg nga tavolina juaj nuk është e dobishme vetëm për produktivitetin. Gjithashtu është shumë pozitive edhe për shëndetin mendor.

Për më tepër, kur nuk çliroheni nga stresi i lidhur me punën kjo mund të ndikoj në uljen e stabilitetit tuaj emocional, gjë që mund të çojë në sfida në vendin e punës. Kur jeni të stresuar ose keni vështirësi, mund të keni më shumë gjasa të reagoni ashpër ndaj një komenti të padëmshëm nga kolegu juaj ose të humbni durimin me bashkëshortin dhe fëmijët tuaj kur të ktheheni në shtëpi nga puna. Një pushim dreke është mënyra për të hequr qafe stresin e punës, i cili është çelësi për të mbajtur një gjendje të mirë të shëndetit mendor për të qenë më energjik dhe më pozitiv.

3.Ndihmon në kujdesin për veten

Kur përkushtoheni për vetë-kujdes duhet pasur gjithmonë parasysh që pauza e drekës ka shumë rëndësi. Të largoheni nga tavolina e punës për të shijuar drekën është një akt i kujdesit për veten që mund të shtrihet në fusha të tjera të jetës suaj. Me këtë po tregoni se gjendja juaj mendore dhe emocionale ka rëndësi. Duke vepruar kështu, ju po e vendosni shëndetin tuaj mbi punën tuaj. Për shembull, një studim i infermierëve të kujdesit paliativ zbuloi se marrja e pushimeve të rregullta të vakteve ishte një strategji efektive për përmirësimin e qëndrueshmërisë, promovimin e shëndetit mendor dhe rritjen e mirëqenies së përgjithshme. Kjo ju ndihmon që të jeni më të fokusuar edhe kur jeni jashtë punës dhe ju ndihmon që të merrni vendimet e duhura për shëndetin tuaj. Kur ktheheni nga puna të rraskapitur nga lodhja më nuk mund të shijoni asgjë.

4.Rrit kreativitetin

Kur nuk po përpiqeni në mënyrë aktive të zgjidhni problemet në punë, mendja juaj e pavetëdijshme fillon të kërkojë zgjidhje. Jeni përpjekur ndonjëherë të mendoni për emrin e një miku të vjetër, të hequr dorë dhe më pas disa orë ose ditë më vonë, ai papritmas ju ka dalë në kokë? Kreativiteti funksionon në mënyrë të ngjashme. Marrja e pauzës së drekës lejon mendjen tuaj të kërkojë zgjidhje, njohuri ose ide të reja. Pushimi i drekës gjithashtu mund të rivendosë energjinë tuaj dhe fokusin që ju nevojitet për të krijuar ide unike ose për t’iu qasur punës suaj nga një kënd tjetër.

5.Parandalon konsumimin në punë

Kjo ndjenjë e konsumimit nga puna është shumë e zakonshme, ajo manifestohet me humbjen e motivimit, mungesën e energjisë dhe ankthin për punën. Zakonisht vjen pas një periudhe intensive të punës së vazhdueshme pa pushim dhe rikuperim të mjaftueshëm.

Pushimet e rregullta të drekës mund të jenë një faktor. Një sondazh i punëtorëve të Amerikës së Veriut zbuloi se ata që bënin një pushim të përditshëm të drekës ishin më të kënaqur me punën e tyre dhe më shumë gjasa të vazhdonin të punonin në të njëjtën kompani. Kur qëndroni në tryezën tuaj për drekë, kolegët ose mbikëqyrësi juaj mund të mendojnë se është në rregull t’ju drejtohen për çështje që lidhen me punën. Fatkeqësisht, kjo mund të rezultojë që të merrni më shumë punë sesa keni menduar, duke shkaktuar stres dhe lodhje. Duke bërë një pushim dhe duke shijuar drekën tuaj, mund t’i ktheheni punës tuaj me më shumë entuziazëm dhe energji.

“Nëse mundeni, kaloni disa minuta të pushimit tuaj jashtë,” thotë Tara Tomaino, një dietologe dhe drejtoreshë ushqimore në The Park.

“Të kaloni pak kohë jashtë zyrës gjatë ditës së punës mund të ndihmojë në uljen e niveleve të stresit. Një verandë, oborr mund të jetë një vend i mrekullueshëm për të ngrënë drekë nëse punoni nga shtëpia.

Nëse dëshironi të rrisni edhe më tej reduktimin e stresit, Tamaino sugjeron të shtoni pak lëvizje në pushimin tuaj të drekës. Sipas saj, një shëtitje e shkurtër jashtë para ose pas ngrënies së drekës mund të zvogëlojë nivelet e kortizolit.

6.Ndihmon në një orar më të rregullt të ngrënies

Kur e shmangni kohën e pauzës ju krijoni një çrregullim të orarit të ngrënies. Në fakt, një studim zbuloi se studentët që kishin pushime më të shkurtra të drekës kishin më shumë gjasa të hanin ushqime të pashëndetshme.

“Është e rëndësishme të bëni një pushim dreke me qëllimin e vetëm për të ngrënë gjatë ditës. Shumë njerëz punojnë gjatë drekës së tyre ose harrojnë të hanë. Kapërcimi i vakteve, veçanërisht dreka mund ta bëjë edhe më të vështirë kalimin e atyre orëve të punës pasdite. Ushqimi i siguron trupit tonë dhe më e rëndësishmja—trurit tonë—energjinë që i nevojitet për të menduar në mënyrë kritike dhe të kryeni detyrat”, ka thënë ajo.

7.Ju ndihmon të ndiheni më të pushueshëm

Ashtu si trupi edhe truri ka nevojë për pushim. Prandaj, pushimi i duhur është vendimtar për të bërë më të mirën tuaj në punë. Në fakt, studiuesit zbuluan se punëtorët në Finlandë, të cilët bënin pushime për drekë që përfshinin shkëputjen nga puna, kishin nivele më të larta energjie dhe motivim më të madh për punën e tyre. Ju keni nevojë për atë pushim gjatë ditës ku mund të largoheni nga puna dhe të rikuperoheni. Pa këtë, ju po e shpenzoni vazhdimisht energjinë tuaj pa e rimbushur atë.

8.Zvogëlon dhimbjen e shpinës

Siç rezulton, qëndrimi i vazhdueshëm në një tavolinë gjatë gjithë ditës nuk është i mirë për shpinën tuaj. Pushimet e rregullta ku ngriheni nga tavolina juaj mund të ndihmojnë në reduktimin e dhimbjeve të shpinës dhe parandalimin e lodhjes.

Sipas Akademisë Amerikane të Kirurgëve Ortopedikë, marrja e një pushimi nga qëndrimi ulur për t’u ngritur dhe për t’u shtrirë është një nga çelësat për të parandaluar dhimbjen e shpinës dhe për të mbajtur shpinë të shëndetshme. Një pushim dreke ofron mundësinë e përkryer për ta bërë këtë./AkademiPune

Related Topics:
Continue Reading

Lifestyle

Katër fajtorët e padukshëm për rrudhat: Nga dielli tek ëmbëlsirat

Published

4 days ago

on

July 11, 2025

By

Fajtorët që s’i shihni. Përderisa lëkura është duke u plakur vazhdimisht, sasitë e tepërta të sheqerit u’a shpejtojnë edhe më shumë këtë proces.

Ka disa gjëra në jetë që e shpejtojnë procesin e plakjes, shpesh nuk vërehen menjëherë. Ekspertët kanë treguar se cilët janë shkaktarët kryesorë të rrudhave.

Sheqeri

A ju pëlqejnë gjërat e ëmbla? E vërteta e hidhur është se kur konsumoni shumë sheqer, lëkura futet në një proces të quajtur glication, kjo e shkakton trupin të ndalojë të prodhojë proteina si kolagjeni dhe elastini, ku që të dyja e bëjnë lëkurën të duket e re dhe e bukur. Veç kësaj, sheqeri është agjent dehidratues, që nënkupton se vetëm e dobëson më shumë shëndetin e lëkurës.

Ndotja

Nëse jetoni në një zonë me ajër të ndotur apo jeni duhanpirëse, shanset janë se lëkura vuan nga stresi oksidativ që shkaktohet nga mos balancimi i rrezatimeve të lira – molekula që i dëmtojnë qelizat. Stresi oksidativ zvogëlon rreziqet e kolagjenit dhe elastinit në indet e lëkurës.

Rrezet ultravjollcë

Shpeshherë mendohet se gjendja e lëkurës ka të bëjë me gjenet, por gjenet e mira nuk nënkuptojnë se ju nuk mund ta dëmtoni ADN-në dhe ta shpejtoni procesin e plakjes. Dëmi gjenetik, apo mutacioni i ADN-së, kryesisht shkaktohet nga inflamacioni dhe dëmet e rrezeve ultravjollcë.

Përgjatë kohës, rrezet ultravjollcë të diellit i dëmtojnë fibrat e elastinit në lëkurë , e që pastaj e dëmtojnë shëndetin e lëkurës.

Kujdesi ndaj lëkurës

A jeni duke i përdorur produktet e gabuara?

Lëkura nga natyra është acidike, prandaj produktet e gabuara mund ta dëmtojnë atë më shumë.

Continue Reading

Lifestyle

Perfeksioni: Ndihmë apo pengesë në jetën tënde?

Published

1 week ago

on

July 5, 2025

By

Dëshira për perfeksion, shihet si cilësi e dëshirueshme, shenjë e përkushtimit dhe e standardeve të larta. Por, si çdo cilësi tjetër, ka dy anë dhe mund të jetë si një aleat i fuqishëm ashtu edhe një pengesë.

Aleat për arritjet e larta

Të jesh perfeksionist mund të të ndihmojë të arrish rezultate të mira. Njerëzit me këtë prirje vendosin standarde të larta për veten e punojnë për t’i përmbushur. Ata janë të përkushtuar për të bërë më të mirën dhe nuk dorëzohen lehtë. Kjo i çon në arritje të mëdha në karrierë dhe në jetën personale.

Kujdesi ndaj detajeve

Perfeksionistët janë të njohur për vëmendjen ndaj detajeve. Ata nuk lënë asgjë pas dore e përpiqen të sigurohen që çdo gjë të jetë në vendin e duhur. Kjo mund të jetë e dobishme, sidomos në profesione që kërkojnë saktësi. Ky kujdes për detajet mund të bëhet një pengesë kur personi përqendrohet aq shumë në perfeksion, sa mund të vonojë përfundimin e detyrave të caktuara.

Frika nga dështimi

Një nga aspektet më të vështira të perfeksionizmit është frika nga dështimi. Perfeksionistët i kanë pritshmëritë të larta për veten dhe çdo gjë që nuk përmbush këto pritshmëri mund të përjetohet si një dështim. Kjo frikë mund t’i pengojë të marrin vendime të rëndësishme ose të ndërmarrin rreziqe që mund t’i ndihmojnë të rriten dhe të zhvillohen.

Ngarkesa emocionale dhe stresi

Perfeksionizmi i tepruar shoqërohet me nivele të larta stresi e ngarkese emocionale. Duke u përpjekur të arrijnë rezultate, perfeksionistët mund të ndiejnë se kurrë nuk janë mjaftueshëm të mirë dhe kjo ndjenjë mund të çojë në lodhje mendore dhe emocionale. Prandaj, është e rëndësishme të gjejnë një ekuilibër dhe të mësojnë të pranojnë se askush nuk është perfekt.

Të jesh perfeksionist, por brenda kufijve

Për të menaxhuar perfeksionizmin në një mënyrë të shëndetshme, është e rëndësishme të mësosh të vlerësosh përpjekjet dhe përmirësimet, në vend që të përqendrohesh vetëm te rezultati përfundimtar. Pranimi i faktit se gabimet janë pjesë e procesit të të mësuarit dhe të rritjes mund të ndihmojë në uljen e presionit të brendshëm dhe të çojë në një jetë më të kënaqshme.

Perfeksionizmi mund të jetë një cilësi e jashtëzakonshme nëse menaxhohet me kujdes. Duke njohur si anët pozitive ashtu edhe ato negative, mund të përfitojmë nga cilësitë e mira të tij, ndërkohë që shmangim efektet e tij më të dëmshme.

Continue Reading

Lifestyle

Zhvillimi i këtyre aftësive është thelbësor për përmirësimin e inteligjencës tek fëmijët

Published

2 weeks ago

on

July 3, 2025

By

Inteligjenca është tipar që një fëmijë e trashëgon pjesërisht, por kërkon punë për zhvillimin e saj, ekspertët nxjerrin në pah tre aftësi themelore që mund të ndihmojnë në zhvillimin e inteligjencës së fëmijëve: të menduarit kritik, rregullimi emocional dhe përshtatshmëria sociale.

Konkretisht, të menduarit kritik i aftëson fëmijët të analizojnë situatat, të identifikojnë opsionet, të marrin në konsideratë pasojat dhe të marrin vendime të informuara.Kjo aftësi zhvillohet duke i inkurajuar fëmijët të bëjnë pyetje dhe të mendojnë për zgjidhje të ndryshme.

Përveç kësaj, të luash lojëra që përfshijnë vendimmarrje dhe të menduar strategjik, siç është shahu ose enigmat, mund t’i ndihmojë fëmijët të praktikojnë të menduarit kritik. Përmes kësaj, fëmijët mësojnë të mendojnë “jashtë kornizave”, gjë që është e nevojshme për t’u menaxhuar në situata të paparashikueshme.

Përveç kësaj, aftësia e një fëmije për të njohur e rregulluar emocionet luan rol të madh në zhvillimin e inteligjencës. Fëmijët që dinë të njohin emocionet dhe mësojnë t’i përballojnë ato janë më të përgatitur për t’u përballur me situatat e paparashikueshme ose stresuese që janë të pashmangshme në jetë. Një fëmijë që ndihet i frustruar sepse nuk ka arritur të përfundojë një detyrë, duhet të mësojë si të qetësohet, identifikojë shkakun e frustrimit të tij dhe të ecë para.

Aktivitete të tilla si ushtrimet e frymëmarrjes mund t’i ndihmojnë fëmijët e vegjël të mësojnë të qetësohen në situata stresuese. Përmes këtyre aftësive të rregullimit emocional, fëmijët zhvillojnë forcën dhe fleksibilitetin e brendshëm, gjë që i ndihmon ata të jenë më elastikë në situata sfiduese.

Gjithashtu, përshtatshmëria sociale është aftësi që i ndihmon fëmijët të lidhen me sukses me të tjerët e të përshtaten në situata të ndryshme sociale. Fëmijët që dinë të krijojnë marrëdhënie pozitive, të negociojnë dhe të zgjidhin konfliktet me bashkëmoshatarët e tyre ia dalin mbanë më mirë në mjedise shoqërore.

Të gjitha nuk janë të dobishme në marrëdhëniet me miqtë, por edhe në shkollë dhe në jetën e mëvonshme, sepse fëmijët që janë të adaptueshëm shoqërisht kanë më shumë gjasa të përballen me sfida në situata të ndryshme shoqërore dhe profesionale.

Continue Reading

Lifestyle

Çka duhet të dini para se të vendosni qerpikë false?

Published

2 weeks ago

on

July 2, 2025

By

Të pasurit qerpikë perfektë, të gjatë, të plotë, është ndoshta një nga arritjet më të lakmuara të grave.

Për të arritur këtë qëllim, shumë prej nesh harxhojnë kohë, duke i grimuar për t’i bërë të duken sa më bukur.

Në të vërtetë nuk është befasi, një numër në rritje i grave po zgjedhin mundësi më të përhershme për përmirësimin e qerpikëve që nuk kërkon këtë nivel të përkushtimit. Pra, bëhet fjalë për vendosjen e qerpikëve fallso.

Edhe kjo metodë nuk është aq e thjeshtë sa mendohet, duhet cilësia e profesionalizmi për të arritur rezultat të mirë dhe të shkaktojë sa më pak dëm tek personi që i mban. Stilistja profesioniste Charlotte, jep disa informacione që duhet t’i dijë çdo vajzë para se të vendosë qerpikë.

1. Duhen një deri tre orë për të aplikuar zgjatime të qerpikëve.

2. Qerpikët profesionalë mund të zgjasin gjashtë javë.

3. Qerpikët do të bien gradualisht një nga një.

4. Jo të gjitha vajzat që vënë qerpikë janë të njëjta, sytë e ndjeshëm mund të irritohen, bisedoni me stilistin për alergjitë që keni para procesit të vënies.

5. Ju mund të kërkoni provë të vogël para aplikimit.

6. Nuk mund të përdorni kremra ose produkte vajorë afër qerpikëve, sepse shkatërrojnë materialin ngjitës të tyre.

7. Qerpikët tuaj natyralë mund të trajtojnë vetëm një peshë të caktuar, kështu që më të mëdhenjtë nuk janë gjithmonë më të mirët.

8. Zgjatimet fallso nuk do të dëmtojnë qerpikët natyralë kur aplikohen në mënyrë korrekte me produktet e duhura, nga duart e një profesionisti.

9. Disa sallone përdorin flokët e kafshëve, ekzistojnë opsione të flokëve mëndafshi e sintetikë, nëse jeni vegan, pyesni sallonin se cilat janë opsionet e tyre.

10. Stilimi i duhur mund t’i bëjë sytë të duken më të mëdhenj e të kenë një efekt dramatik në pamjen tuaj të përgjithshme.

11. Mos e lani fytyrën natën e parë.

12. Sytë tuaj janë mbyllur gjatë gjithë procedurës, por mund të ndodhë që shpesh t’ju zërë gjumi!

13. Rimeli është i ndaluar në zgjatjet e qerpikëve, pasi mund t’i dëmtojë ato.

14. Ju mund të duhet të rregulloni pozicionin tuaj të gjumit pasi qerpikët fallso mund të ngatërrohen nëpër jastëk.

15. Higjiena është faktori më i rëndësishëm në një sallon për të shmangur infeksionin, sigurohuni të kontrolloni që të gjitha mjetet e sallonit janë sterile.

16. Zgjatjet e qerpikëve mund të krijojnë varësi. Sapo të zgjoheni me qerpikë të plotë, nuk do të doni kurrë të ktheheni përsëri tek rimeli.

Continue Reading

Të kërkuara