Shëndeti

Pse ndiheni të lodhur pasi keni ngrënë?

Published

4 years ago

on

E keni vënë re sa të plogësht e të përgjumur jeni pas konsumit të një dreke të bollshme? Ngopja dhe qetësia vështirësojnë mbajtjen hapur të syve dhe dëshira për një gjumë ‘të fuqishëm’ është shumë e madhe. Me zhargonin popullor, kjo ndjesi mund të përshkruhet mirë duke thënë se në këto raste ‘të zë buka.”

Në përgjithësi, dëshira për gjumë pas ngrënies është krejt normale dhe nuk ka vend për shqetësim. Ky fenomen ndodh si pasojë e disa faktorëve që shpjegohen më poshtë në këtë artikull.

Tretja
Ekzistenca jonë lidhet fort me energjinë e organizmit. Këtë energji e marrim nëpërmjet ushqimit që shpërbëhet në glukozë dhe kalon në sistemin tretës. Gjatë transformimit të ushqimit në energji, i gjithë cikli tretës ndez një sërë reagimesh në organizëm. Gjatë ngrënies çlirohen tre hormone që rrisin nivelin e ngopjes.

Është shumë interesant fakti që gjatë kësaj kohe, në tru çlirohet serotonina, hormoni i lumturisë që na trullos. Ushqimi ka ndikim edhe në prodhimin e melatoninës, hormoni që nxit gjumin. Kjo është arsyeja përse ndihemi si të dehur pasi kemi ngrënë.

Regjimi ushqimor
Ushqimet mund të treten njësoj, por ndikimi i tyre në organizëm nuk është i njëjtë. Disa ushqime si gjeli i detit ju përgjumin më shpejt se të tjerët. Ushqime të tjera me proteinë siç janë spinaqi, soja, vezët, djathi dhe peshku përmbajnë një amino acid që përdoret në organizëm për të krijuar serotoninën, që shkakton ndjesinë e plogështisë pas ushqimit. Lajmi i mirë është se ka ushqime që mund të kenë një ndikim të kundërt. Për shembull, një regjim ushqimor i pasur me perime, drithëra dhe yndyrna të shëndetshme promovon energji të qëndrueshme për organizmin. Pirja e ujit, shmangia e sheqerit të tepërt dhe racionet e vogla mund t’ju ndihmojnë.

Regjimi i gjumit
Nuk është çudi që, nëse nuk flini mjaftueshëm gjatë natës mund të jeni më të përgjumur pas ngrënies. Kur jeni të qetë dhe të ngopur, trupi ka dëshirë të pushojë, veçanërisht nëse nuk keni fjetur mjaftueshëm një natë më parë. Ekspertët rekomandojnë që të krijoni një regjim të rregullt të gjumit, të mbani stresin nën kontroll dhe të kryeni aktivitet fizik të rregullt. Shmangni gjumin e drekës, nëse keni vështirësi të flini natën.

Aktiviteti fizik
Aktiviteti i rregullt fizik rrit nivelin e energjisë dhe ul lodhjen. Aktiviteti në fjalë ju mban aktiv gjatë ditës dhe ju ndihmon të bëni një gjumë më të mirë natën.

Faktorë të tjerë
Me raste, lodhja që mund të ndjeni pas ngrënies mund të jetë shenjë e një sëmundjeje siç është diabeti, anemia, tiroidja e të tjerë. Konsultohuni me një mjek nëse lodhja pas ngënies është e tepërt. Por gjithsesi, nëse ndiheni paksa të lodhur pasi keni ngrënë, me siguri trupi po reagon kundër ndryshimeve biokimike të shkaktuara nga tretja. Me fjalë të tjera, lodhja është krejt normale./AgroWeb

Related Topics:
Continue Reading

Shëndeti

Këto ushqime forcojnë dhe pastrojnë mushkëritë

Published

22 minutes ago

on

September 15, 2025

By

Continue Reading

Shëndeti

Ngërçet në këmbë: A rrezikon të çahet muskuli?

Published

2 hours ago

on

September 15, 2025

By

Ngërçet në këmbë janë të dhimbshme dhe të pakëndshme, por a mund të shkaktojnë realisht çarje të muskujve? Ja çfarë duhet të dini rreth shkaqeve, simptomave dhe kur duhet të kërkoni ndihmë mjekësore.

Ngërçi është tkurrje e papritur dhe e pakontrolluar e muskujve, që ndodh kur nervat dërgojnë impulse të tepruara drejt qelizave muskulore.

Prek pulpat ose shputat e këmbëve, sidomos pas lodhjes, dehidratimit ose mungesës së mineraleve si magnezi, kaliumi dhe kalciumi.

Gjatë ngërçit, muskuli bëhet i fortë, i tendosur dhe i dhimbshëm, por relaksohet pas disa sekondash ose minutash. Dhimbja mund të jetë aq intensive sa të zgjojë nga gjumi dhe të krijojë përshtypjen se muskuli do të çahet.

A mund të çojë ngërçi në çarje muskulore?

Ngërçi nuk shkakton çarje të muskulit, nëse tkurrja është e fortë e përpiqemi ta shtrijmë këmbën me forcë, ndodhë shtrirje e tepruar ose edhe këputje e pjesshme e fibrave muskulore.

Kjo gjendet shpesh te sportistët, personat me qarkullim të dobët të gjakut ose ata që ekspozojnë muskujt ndaj ngarkesave të menjëhershme.

Në përgjithësi, ngërçet janë të padëmshme, por duhet të tregoni kujdes në rastet ekstreme për të shmangur dëmtime më serioze.

 

Continue Reading

Shëndeti

Studimi: Plakja e trurit u përshpejtua gjatë COVID-19

Published

3 hours ago

on

September 15, 2025

By

Hulumtimet e reja kanë treguar se plakja e trurit u rrit më shpejt gjatë COVID-19 edhe për njerëzit që nuk u infektuan me virusin.

Hulumtimi nga shkencëtarët britanikë tregoi se izolimi dhe frika e përjetuar gjatë kulmit të pandemisë mund të kenë ndikime afatgjata në funksionin njohës të njerëzve, transmeton KosovaPress.

Hulumtuesit shqyrtuan skanimet e trurit nga gati një mijë të rritur të shëndetshëm për të kuptuar ndikimin e pandemisë në plakjen e trurit, duke përdorur të dhëna nga UK Biobank.

Përveç të moshuarve, “plakja e përshpejtuar e trurit është më e theksuar tek meshkujt dhe ata nga prejardhje socio-demografike të privuar dhe këto devijime ekzistojnë pavarësisht nga infeksioni SARS-CoV-2”, zbuloi studimi i Nature Communications, revistë multidisiplinare.

Ai vuri në dukje se faktorët socio-psikologjikë, përveç infeksionit, ndikuan në plakjen e trurit.

“Përtej efekteve të drejtpërdrejta të infeksionit, pandemia mund të ketë ndikuar në mënyrë të pavarur në plakjen e trurit për shkak të stresorëve psiko-socialë, ndërprerjeve sociale e ndryshimeve në stilin e jetës, në mesin e grupeve të cenueshme si të moshuarit e individët që përjetojnë vështirësi ekonomike”, tha ai.

Sipas hulumtimit, pjesëmarrësit që u infektuan gjatë pandemisë treguan rënie në performancën njohëse, si fleksibiliteti dhe shpejtësia e përpunimit të detyrave, megjithëse pjesëmarrësit që përjetuan pandeminë pa infeksion të raportuar ende kishin rënie të lidhura me moshën.

“Gjetjet tona nxjerrin në pah nevojën për të adresuar pabarazitë shëndetësore dhe socio-ekonomike, përveç faktorëve të stilit të jetës për të zbutur plakjen e përshpejtuar të trurit”, përfundoi hulumtimi.

Continue Reading

Shëndeti

Katër ushqimet që kanë ndikimin më të madh në nivelet e stresit

Published

3 days ago

on

September 12, 2025

By

Stresi është pjesë e jetës, por ajo që hamë mund të përcaktojë se sa fort e ndiejmë atë. Ndërsa ushqime të caktuara e ndihmojnë trupin të qetësohet më lehtë, të tjera në fakt rrisin tensionin dhe stimulojnë prodhimin e hormonit të stresit, kortizolit.

Ekspertë të ndryshëm të të ushqyerit paralajmërojnë se konsumi afatgjatë i ushqimeve të tilla përkeqëson humorin dhe zvogëlon rezistencën ndaj sfidave të përditshme. Pra, këto janë disa nga llojet e ushqimeve që mund të kenë ndikimin më të madh në nivelet e stresit.

Pije me kafeinë

Kafeja dhe pijet energjike mund të rrisin nivelet e kortizolit në trup. Nutricionistët theksojnë se shumë kafeinë çon në një rrahje më të shpejtë të zemrës, pagjumësi dhe ndjenja nervozizmi, të cilat vetëm sa rrisin stresin në vend që ta lehtësojnë atë.

Ushqim i pasur me sheqer

Ëmbëlsirat, pijet e gazuara dhe produktet e pjekura me shumë sheqer të shtuar i rrisin shpejt nivelet e glukozës në gjak, por ato gjithashtu shkaktojnë që ato të bien po aq shpejt. Dietologët shpjegojnë se janë këto rritje dhe ulje të papritura të sheqerit në gjak që mund të çojnë në nervozizëm, lodhje dhe rritje të ndjenjave të stresit.

Ushqim i përpunuar

Vaktet e menjëhershme, ushqimet e lehta dhe produktet e gatshme shpesh përmbajnë shumë kripë, yndyrna të pashëndetshme dhe aditivë. Nutricionistët paralajmërojnë se një dietë e tillë rrit proceset inflamatore në trup, gjë që nxit më tej ndjenjat e ankthit dhe tensionit.

Alkooli

Edhe pse shumë njerëz i drejtohen alkoolit për t’u çlodhur, ekspertët theksojnë se në fund të fundit ai rrit nivelet e stresit. Alkooli prish cilësinë e gjumit dhe e varfëron trupin, gjë që në planin afatgjatë çon në lodhje dhe nervozizëm edhe më të madh.

Identifikimi i llojeve të ushqimeve dhe lëndëve ushqyese që përkeqësojnë stresin është hapi i parë drejt bërjes së zgjedhjeve më të shëndetshme dhe një ndjenje më të mirë ekuilibri në jetën tuaj të përditshme.

 

 

Continue Reading

Të kërkuara