Shëndet

Pse ndiheni të lodhur pasi keni ngrënë?

Published

4 years ago

May 24, 2021

Betim Gashi

E keni vënë re sa të plogësht e të përgjumur jeni pas konsumit të një dreke të bollshme? Ngopja dhe qetësia vështirësojnë mbajtjen hapur të syve dhe dëshira për një gjumë ‘të fuqishëm’ është shumë e madhe. Me zhargonin popullor, kjo ndjesi mund të përshkruhet mirë duke thënë se në këto raste ‘të zë buka.”

Në përgjithësi, dëshira për gjumë pas ngrënies është krejt normale dhe nuk ka vend për shqetësim. Ky fenomen ndodh si pasojë e disa faktorëve që shpjegohen më poshtë në këtë artikull.

Tretja
Ekzistenca jonë lidhet fort me energjinë e organizmit. Këtë energji e marrim nëpërmjet ushqimit që shpërbëhet në glukozë dhe kalon në sistemin tretës. Gjatë transformimit të ushqimit në energji, i gjithë cikli tretës ndez një sërë reagimesh në organizëm. Gjatë ngrënies çlirohen tre hormone që rrisin nivelin e ngopjes.

Është shumë interesant fakti që gjatë kësaj kohe, në tru çlirohet serotonina, hormoni i lumturisë që na trullos. Ushqimi ka ndikim edhe në prodhimin e melatoninës, hormoni që nxit gjumin. Kjo është arsyeja përse ndihemi si të dehur pasi kemi ngrënë.

Regjimi ushqimor
Ushqimet mund të treten njësoj, por ndikimi i tyre në organizëm nuk është i njëjtë. Disa ushqime si gjeli i detit ju përgjumin më shpejt se të tjerët. Ushqime të tjera me proteinë siç janë spinaqi, soja, vezët, djathi dhe peshku përmbajnë një amino acid që përdoret në organizëm për të krijuar serotoninën, që shkakton ndjesinë e plogështisë pas ushqimit. Lajmi i mirë është se ka ushqime që mund të kenë një ndikim të kundërt. Për shembull, një regjim ushqimor i pasur me perime, drithëra dhe yndyrna të shëndetshme promovon energji të qëndrueshme për organizmin. Pirja e ujit, shmangia e sheqerit të tepërt dhe racionet e vogla mund t’ju ndihmojnë.

Regjimi i gjumit
Nuk është çudi që, nëse nuk flini mjaftueshëm gjatë natës mund të jeni më të përgjumur pas ngrënies. Kur jeni të qetë dhe të ngopur, trupi ka dëshirë të pushojë, veçanërisht nëse nuk keni fjetur mjaftueshëm një natë më parë. Ekspertët rekomandojnë që të krijoni një regjim të rregullt të gjumit, të mbani stresin nën kontroll dhe të kryeni aktivitet fizik të rregullt. Shmangni gjumin e drekës, nëse keni vështirësi të flini natën.

Aktiviteti fizik
Aktiviteti i rregullt fizik rrit nivelin e energjisë dhe ul lodhjen. Aktiviteti në fjalë ju mban aktiv gjatë ditës dhe ju ndihmon të bëni një gjumë më të mirë natën.

Faktorë të tjerë
Me raste, lodhja që mund të ndjeni pas ngrënies mund të jetë shenjë e një sëmundjeje siç është diabeti, anemia, tiroidja e të tjerë. Konsultohuni me një mjek nëse lodhja pas ngënies është e tepërt. Por gjithsesi, nëse ndiheni paksa të lodhur pasi keni ngrënë, me siguri trupi po reagon kundër ndryshimeve biokimike të shkaktuara nga tretja. Me fjalë të tjera, lodhja është krejt normale./AgroWeb

Shëndet

Avokado: sekret i natyrës për çrregullimet hormonale

Published

2 hours ago

November 5, 2025

UBT News

Edhe pse avokado ka mbërritur më vonë në tregun tonë krahasuar me Evropën dhe pjesë tjera të botës, ai është bërë shpejt një nga frutat më të çmuara për shëndetin.

Ky frut i mrekullueshëm mund të ndihmojë në rivendosjen e ekuilibrit hormonal, humbjen e peshës dhe mbrojtjen kundër kancerit.

Përmirëson shëndetin e zemrës

Ndihmon në balancimin e lipideve në gjak falë acideve yndyrore të shëndetshme që përmban. Një avokado mesatare përmban 71% acide yndyrore mono të ngopura, 13% poli të ngopura dhe 16% të ngopura. Konsumi i rregullt përmirëson qarkullimin e gjakut e ndihmon në pastrimin e arterieve dhe venave.

Lëkurë dhe flokë të shëndetshëm

Vitamina dhe acidet Omega-3 tek avokado mbajnë lëkurën të shëndetshme, ndihmojnë në balancimin e nivelit të sebumit. Avokado është hidratues i shkëlqyer për skalpin dhe flokët, ndërsa luteina që përmban mbron dhe forcon shikimin.

Parandalon kancerin

Sipas një studimi të publikuar në Journal of Nutrition and Cancer, fitokimikët në avokado kanë efekt të fuqishëm dhe ndihmojnë në mbështetje të trajtimeve për pacientët me kancer të gojës. Po ashtu, antioksidantët karotenoidë të avokados mund të pengojnë rritjen e qelizave kancerogjene të lëkurës.

Ndihmon në humbjen e peshës

Dietat e varfra në karbohidrate, por të pasura me yndyrna të shëndetshme, përshpejtojnë rënien nga pesha. Për këtë arsye, avokado është një shtesë ideale në regjimet dobësuese.

Balancimi i hormoneve

Acidet yndyrore esenciale që gjenden tek avokado ndihmojnë natyrshëm në balancimin e çrregullimeve hormonale dhe ndikojnë pozitivisht në funksionin riprodhues dhe atë njohës. /A.Z/UBT News/

Shëndet

Dy aleatë të mëngjesit për djegie yndyre dhe trup më të lehtë

Published

7 hours ago

November 5, 2025

UBT News

Shumë njerëz e nisin ditën me kafe, por ekspertët sugjerojnë se disa çajra bimorë janë një alternativë më e shëndetshme për të stimuluar tretjen, për të eliminuar lëngjet e tepërta dhe për të përshpejtuar metabolizmin.

Në mëngjes, trupi është më i gatshëm për pastrim natyral, ndaj pirja e çajit të duhur mund të ndihmojë në detoksifikim dhe në uljen e fryrjes.

Çaji jeshil

I pasur me antioksidantë dhe përbërësin EGCG, ndihmon në zbërthimin e yndyrës e rrit metabolizmin. Ai ofron energji pa rritur sheqerin në gjak, ka efekt të lehtë diuretik. Pirja në mëngjes, me stomak bosh ose pas një mëngjesi të lehtë, ndihmon trupin të përthithë më mirë substancat aktive.

Çaji i xhenxhefilit

Xhenxhefili stimulon tretjen, përmirëson qarkullimin e gjakut dhe përshpejton metabolizmin. Një filxhan në mëngjes zvogëlon ndjenjën e oreksit, duke ndihmuar në kontrollin e peshës. Përgatitet më mirë me rrënjë të freskët, ujë të nxehtë dhe, sipas dëshirës, limon ose mjaltë.

Këto dy çajra janë mënyra të thjeshta për të mbështetur trupin në pastrim dhe për të filluar ditën me më shumë energji.

Megjithatë, duhet kujdes: çaji jeshil përmban kafeinë, ndërsa xhenxhefili mund të mos përshtatet për ata me stomak të ndjeshëm. Nëse keni probleme shëndetësore, konsultohuni me mjekun para konsumimit. /A.Z/UBT News/

Shëndet

Djathi, një aleat i mundshëm kundër plakjes së trurit

Published

20 hours ago

November 4, 2025

UBT News

Një studim japonez tregon se edhe konsumimi i moderuar i djathit një herë në javë mund të ndihmojë në ruajtjen e shëndetit të trurit dhe të ulë rrezikun e demencës, sipas news-medical.net.

Demenca është një problem shëndetësor në rritje, që pritet të prekë mbi 150 milionë njerëz deri në 2050.

Pavarësisht përparimeve mjekësore, trajtimet mbeten të kufizuara, duke bërë dietën një faktor të rëndësishëm mbrojtës.

Djathi përmban komponime bioaktive si vitamina K2, peptide dhe probiotikë, që mbrojnë qelizat nervore përmes veprimit antiinflamator dhe metabolik.

Studimi përdori të dhëna nga Studimi Gerontologjik i Japonisë (JAGES) 2019 dhe gjeti se personat mbi 65 vjeç që konsumonin djathë të paktën një herë në javë kishin 21-24% rrezik më të ulët të demencës dhe një ndryshim prej rreth 7,7 ditësh në kohën mesatare të mbijetesës krahasuar me të tjerët.

Rezultatet sugjerojnë se edhe zakonet e thjeshta dietike, si konsumimi i moderuar i djathit, mbështesin shëndetin kognitiv gjatë plakjes. /A.Z/UBT News/

Shëndet

Mos hani çokollatë pas orës 3 të pasdites!

Published

23 hours ago

November 4, 2025

UBT News

Kur bëhet fjalë për një gjumë të mirë, shumica e njerëzve e dinë të shmangin përdorimin e telefonit para gjumit ose konsumimin e kafesë dhe alkoolit.

Por, sipas dietologes britanike Frances Ralph, disa ushqime që shpesh neglizhohen mund të ndikojnë negativisht në cilësinë e gjumit.

Në një intervistë për Metro.co.uk, Ralph këshillon që konsumimi i çokollatës të shmanget pas orës 15:00.

“Mund të mendoni se dy copa çokollatë e zezë pas darkës janë të shëndetshme për shkak të antioksidantëve, por sabotojnë gjumin në heshtje,” shpjegon ajo.

Çokollata e zezë përmban kafeinë dhe teobrominë, dy stimulues që zgjojnë sistemin nervor. Vetëm 20 gramë çokollatë e zezë mund të kenë aq kafeinë sa një filxhan i vogël çaji jeshil, ndërsa teobromina mund të qëndrojë në trup për 6–8 orë, duke ndikuar në gjumin e natës.

“Nëse ju pëlqen çokollata, shijoni më herët gjatë ditës, para orës 15:00, kur trupi mund t’i përpunojë më lehtë këta stimulues,” shton dietologia.

Por, çokollata nuk është e vetmja që mund të ndikojë keq. Ralph përmend edhe salcat me bazë domatesh, të cilat shkaktojnë refluks acid, si dhe djathrat e vjetër dhe mishrat e kuruar, të pasura me tiraminë, një substancë që nxit zgjimin dhe të pengojë gjumin e thellë.

Ekspertja këshillon që vakti i mbrëmjes të përfundojë tre orë para gjumit dhe të zgjidhen ushqime të lehta, pa stimulues “të fshehur”. /A.Z/UBT News/