TikTok po i bëhet presion që ta heqë përgjithmonë funksionin e shpërblimeve të përdoruesve në aplikacionin e përdorur në Francë dhe Spanjë. Ky presion u bë nga rregullatorët evropianë, thanë të hënën Bashkimi Evropian (BE) dhe kompania kineze.

Platforma TikTok Lite mbërriti në Francë dhe Spanjë, në prill të këtij viti. Përdoruesit mbi 18 vjeç mund të fitojnë pikë për shikimin dhe pëlqimin e videove, të cilat i shkëmbejnë me mallra si kuponë ose karta dhuratash (gift card) përmes një programi shpërblimi.

“Ne ia dolëm të tërhiqnim përgjithmonë programin TikTok Lite Rewards, i cili mund të kishte efekte të varësisë”, tha komisionari evropian për Tregun e Brendshëm, Thierry Breton.

TikTok Lite është  version më i vogël i TikTok, i cili merr më pak memorie në telefon dhe është krijuar për të punuar me lidhje më të ngadaltë interneti.

TikTok u zotua ta heqë programin nga blloku 27-vendesh dhe të mos ekzekutojë “asnjë program tjetër që do të anashkalonte tërheqjen”, tha Komisioni Evropian në një deklaratë.

Është fitorja e parë e madhe për Aktin e Bashkimit Evropian për Shërbimet Digjitale, një ligj i ri gjithëpërfshirës që kërkon që firmat digjitale që operojnë në bllok të monitorojnë përmbajtjen në internet për të mbrojtur përdoruesit nga efektet e dëmshme, komisioni nisi një hetim mbi aplikacionin Lite në prill për shqetësimet rreth efekteve “varësi” duke e detyruar TikTok-un të pezullojë përkohësisht programin.

Çështja tani është mbyllur pasi TikTok, në pronësi të kompanisë kineze ByteDance, hyri në angazhime të detyrueshme.

Çdo shkelje e premtimit mund të çojë në dënime të rënda, sipas DSA-së.

“Ne do të monitorojmë nga afër pajtueshmërinë e TikTok-ut. Vendimi i sotëm dërgon gjithashtu një mesazh të qartë për të gjithë industrinë e mediave sociale”, tha zëvendëspresidentja Ekzekutive e Komisionit, Margrethe Vestager.

TikTok ka konfirmuar se ka “tërhequr” programin e shpërblimeve.

“Ne gjithmonë përpiqemi të bashkëpunojmë në mënyrë konstruktive me Komisionin Evropian dhe rregullatorët e tjerë. TikTok është i kënaqur që ka arritur një zgjidhje miqësore”, tha një zëdhënës i kompanisë.

TikTok mbetet nën hetim që kishte nisur që nga shkurti mes shqetësimeve se rrjeti social mund të mos jetë duke bërë mjaftueshëm për t’i trajtuar ndikimet negative te të rinjtë, TikTok është ndër 25 platformat “shumë të mëdha” në internet, përfshirë Facebook-un, Instagram-in dhe YouTube-n, të cilat duhet të jenë në përputhje me rregullat më të rrepta të DSA-së nga gushti i vitit 2023.

Rregullat presin që shitësit digjitalë me pakicë të veprojnë në mënyrë efektive për t’i mbrojtur blerësit në internet. DSA i jep BE-së fuqinë për të gjobitur kompanitë deri në gjashtë për qind të të ardhurave vjetore globale. Shkelësit e përsëritur mund të shohin platformat e tyre të bllokuara në BE.

Hetimet po vazhdojnë për rrjetin social X, i njohur si Twitter, faqen kineze të shitjeve AliExpress dhe kompaninë Meta, e cila përfshin Facebook dhe Instagram.

TikTok po përballet me një sërë problemesh përtej Atlantikut. Kompania që zotëron TikTok-un, ka ngritur padi për të ndaluar një ligj amerikan që kërkon që aplikacioni të shitet vitin e ardhshëm ose të përballet me ndalim nga SHBA. ByteDance pretendon se kjo shkel të drejtën e Amendamentit të Parë për fjalën e lirë.

SHBA rritën presionin javën e kaluar me padi, duke e akuzuar aplikacionin për shkelje të privatësisë së fëmijëve duke mbledhur të dhëna pa lejen e prindërve kur përdorin platformën. TikTok tha se nuk pajtohet me pretendimet dhe kompania ka masa mbrojtëse për të siguruar përvoja të përshtatshme për moshën. /UBTNews/

Prodhuesi gjerman i veturave Volkswagen po planifikon të mbyllë të paktën tri fabrika në Gjermani, të shkurtojë mijëra vende pune dhe të ulë pagat me 10%, ka zbuluar sindikata e kompanisë.

Daniella Cavallo, kreu i këshillit të punëtorëve të Volkswagen, u ka thënë punëtorëve në selinë qendrore të VW në Wolfsburg të hënën, se kompania po planifikon shkurtime edhe më të thella se sa pritej, raporton The Guardian.

Kjo do të ishte mbyllja e parë e fabrikave brenda shtëpisë, në historinë 87-vjeçare të Volkswagenit.

Cavallo i ka thënë stafit se menaxhmenti i VW-së ka një “synim të qartë” për të shkurtuar dhjetëra mijëra vende pune, raporton Reuters, dhe për të tkurrur fabrikat gjermane që mbeten të hapura.

Në fillim të shtatorit, Volkswageni i ka thënë stafit se po planifikonte të mbyllte të paktën një fabrikë më të madhe të prodhimit të automjeteve dhe një fabrikë të komponentëve në Gjermani.

Kompania ka luftuar për të menaxhuar kalimin nga veturat me lëndë djegëse fosile në veturat elektrike, ku po përballet me konkurrencë të ashpër nga prodhuesit kinezë.

Volkswageni ka rreth 120,000 punonjës në Gjermani, ku ka 10 fabrika, gjashtë prej tyre në shtetin verior të Saksonisë së Poshtme, duke përfshirë Wolfsburgun. /Koha.net/

Sfida më e madhe në këtë kohë është se si ta ruajmë baterinë e telefonit nga mëngjesi deri në darkë.

TikTok, Snapchat dhe disa aplikacione të tjera u’a harxhojnë më së shumti atë.

Por, ka diçka që mund ta bëni nëse doni që ta zgjasni jetëgjatësinë e baterisë.

Ju duhet ta vendosni në modalitetin me energji të ulët për t’i kursyer vetes vrapin deri në shtëpi për ta mbushur.

Është një truk i shpejtë dhe i lehtë ku iOS kufizon ose çaktivizon veçoritë për të ndihmuar baterinë të zgjasë pak më shumë.

Çka është modaliteti me fuqi të ulët?

Modaliteti me energji të ulët është cilësim i iOS që çaktivizon disa veçori të telefonit për të kursyer ngarkesën e baterisë.

Telefoni ju pyet nëse doni të aktivizoni modalitetin me energji të ulët kur bateria të bjerë nën 20%, ekspertët thonë se kjo zvogëlon sasinë e energjisë që përdor telefoni për ta bërë të zgjasë sa më gjatë.

Mund ta dalloni kur jeni në modalitetin me energji të ulët sepse ikona e baterisë do të jetë e verdhë.

Çfarë veçorish çaktivizon modaliteti me energji të ulët?

-Çaktivizon 5G (përveç publikimit të videove)

-Fik ekranin e celularit pas 30 sekondash pasiviteti

– Ul ndriçimin e ekranit

-Ul shpejtësinë e rifreskimit të ekranit

-Eliminon disa efekte vizuale

-Ndalon sinkronizimin e iCloud Photos

-Pezullon shkarkimet automatike

-Ndalon marrjen e emaileve

Modaliteti i ulët i energjisë çaktivizon shikimin e videove me cilësi të lartë, çaktivizon ekranin, hapjen automatike të videove.

Si ta aktivizoni modalitetin me energji të ulët në celular?

Aktivizoni manualisht duke shkuar te Settings më pas Battery dhe duke aktivizuar modalitetin me energji të ulët. Por, mund të aktivizoni edhe nëpërmjet Siri-t. /UBTNews/

Secili rrjet social ka një logo përkatëse.

Logo është identifikuese për secilin biznes apo në këtë rast, rrjet.

E keni pyetur veten pse logoja unike e Snapchat është ajo që e shohim.

Ajo ka tërhequr vëmendjen që nga fillimi i platformës më 2011 dhe që atëherë, dizajni që përmban një skicë të fantazmes së vendosur në sfond të verdhë, nuk ka ndryshuar shumë.

Logoja është një nga më të njohurat në  botë falë popullaritetit të Snapchat, i cili ka rreth 375 milionë përdorues të përditshëm.

CEO i Snapchat, Evan Spiegel e ka zbërthyer atë.

Pjesa më e dukshme e logos është fantazma, ajo është projektuar nga vetë Speigel, ai vizatoi skicën e thjeshtë të fantazmës pasi u frymëzua nga anëtari i Klanit Wu-Tang, Ghostface Killah.

Fantazma ka një emër: Ghostface Chillah, sipas SlashGear.

Speigel thuhet se e ka dizajnuar fantazmën para se të lançohej Snapchat, për aplikacionin paraardhës “Picaboo”. Picaboo funksionoi në mënyrë të ngjashme me Snapchat në atë që përdoruesit dërguan një foto që u zhduk me hapjen e saj.

Me kalimin e viteve, dizajni fantazmë i Snapchat ka ndryshuar, fillimisht ajo kishte dy sy e një gjuhë të mbërthyer.

Me kalimin e viteve, dizajni u bë më minimal dhe përfundimisht u shndërrua në logon që njohim tani.

Në lidhje me sfondin e verdhë, Speigel te zgjodhi sepse pas një logo tjetër nuk e përdorte atë ngjyrë në atë kohë.

Pati spekuloime se Speigel zgjodhi të verdhën sepse është një ngjyrë e lehtë dhe argëtuese, shkëlqimi i nuancës së verdhë tërheq sytë menjëherë nga logoja. /UBTNews/