Lajmet

Pse Evropa po përballet me rritje të çmimeve të energjisë dhe krizë të kostos së jetesës?

Njerëzit po gjejnë mënyra se si të kursejnë energji, ndërsa qeveritë po përpiqen të kufizojnë çmimet.

Publikuar

2 vjet më parë

më

Evropianët po përballen me faturat më të larta të energjisë pasi rritja globale e çmimeve të energjisë dhe gazit ekspozon vendet më të varfëra me karburant, paralajmërojnë grupet e konsumatorëve.

Njerëzit po gjejnë mënyra se si të kursejnë energji, ndërsa qeveritë po përpiqen të kufizojnë çmimet dhe t’i ndihmojnë familjet dhe bizneset më të goditura.

Pse janë çmimet e energjisë kaq të larta?

Kompanitë energjetike e blejnë në tregjet me shumicë gazin dhe energjinë elektrike që ua shesin konsumatorëve. Ashtu si në çdo treg, çmimet mund të rriten ose ulen, varësisht nga oferta dhe kërkesa. Në dimër çmimet rriten për shkak të kërkesës më të lartë për ngrohje dhe ndriçim, kurse gjatë verës çmimet bien.

Çmimet filluan të rriten mbi nivelin normal shtatorin e vitit të kaluar dhe janë rritur edhe më tej pas ndërprerjes së furnizimit si pasojë e pushtimit rus të Ukrainës, që filloi më 24 shkurt. Pak para fillimit të luftës, qeveria gjermane ndaloi gazsjellësin Nord Stream 2, i cili do të dyfishonte sasinë e gazit rus të dërguar në Evropë.

Në korrik, Rusia uli vëllimet e pompuara përmes Nord Stream 1 deri në 20 për qind të kapacitetit, për arsye mirëmbajtjeje, në atë që qeveria gjermane tha se është një pretekst i përdorur nga Moska për t’iu kundërpërgjigjur sanksioneve të Perëndimit.

Më 2 shtator, Rusia ndërpreu furnizimin treditor përmes Nord Stream 1 në Gjermani, duke thelluar vështirësitë e Evropës në sigurimin e karburantit dimëror, pasi tha se ka gjetur defekte në tubacion gjatë mirëmbajtjes. Nord Stream 1, i cili kalon nën Detin Baltik, duhej të rifillonte funksionimin pas një ndalese treditore për mirëmbajtje. Ndërprerjet bërthamore franceze dhe një valë e të nxehtit në të gjithë Evropën këtë verë kanë rritur gjithashtu kërkesën për energji.

Çmimet standarde evropiane të gazit në qendrën holandeze TTF janë rritur me gati 350 për qind nga viti në vit, ndërsa kontratat e energjisë gjermane dhe franceze të vitit të parë janë rritur me 540 për qind dhe 790 për qind respektivisht.

Sa mund të zgjasë?

Shumë analistë të tregut të gazit thonë se çmimet mund të mbesin të larta për dy ose më shumë vjet. Konkurrenca globale për gazin dhe qymyrin këtë dimër pritet të parandalojë rënien e çmimeve, ndërkohë që çdo ndërprerje e mëtejshme e furnizimeve me gaz rus, si ndërprerja e plotë e Nord Stream 1, mund të ndikojë që çmimet të rriten edhe më tej.

Megjithëse vendet evropiane janë në rrugën e duhur për të rimbushur vendet e depozitimit të gazit në një nivel minimal prej 80 përqind deri më 1 tetor, një dimër i ftohtë mund t’i varfërojë shpejt ato rezerva.

Çfarë po bëjnë qeveritë për të trajtuar krizën energjetike?

Në korrik, Bashkimi Evropian u kërkoi vendeve anëtare të reduktojnë vullnetarisht kërkesën për gaz me 15 për qind këtë dimër. Disa qeveri evropiane kishin marrë tashmë masa për të ulur konsumin para thirrjes së BE-së, të tilla si ligjet për nivelet e ajrit të kondicionuar dhe ngrohjes në ndërtesat publike dhe tregtare.

Presidenti francez, Emmanuel Macron tani po bën thirrje për reduktim të mprehtë prej 10 për qind të përdorimit të energjisë në vend në javët e ardhshme për të shmangur rrezikun e racionimit dhe shkurtimeve këtë dimër.

Gjermania tashmë ka kaluar në fazën e dytë të një plani trenivelësh të gazit emergjent. Faza e tretë parashikon që oferta të kufizohet në industri.

Britania, e cila mbështetet shumë te gazi për ngrohje, prezantoi një kufi çmimi për tarifat më të përdorura të energjisë në vitin 2019 që përcakton një tarifë maksimale për njësi të energjisë dhe kufizon fitimet e furnitorëve në 1.9 për qind.

Çfarë mund të bëjnë konsumatorët për të mbajtur nën kontroll faturat e energjisë?

Familjet evropiane përbëjnë 30-40 për qind të kërkesës për gaz. Rreth 80 për qind e kërkesës për gaz familjar vjen nga ngrohja, ndërsa pjesa tjetër nga uji i nxehtë dhe gatimi. Kërkesa është zakonisht më e lartë në sezonin e gazit dimëror, i cili zgjat nga muaji tetor deri në muajin mars.

Megjithatë, sipas analistëve të Bernstein, disa masa mund të zvogëlojnë kërkesën për gaz për familjet me një të tretën. Analistët thonë se ndalja e radiatorëve në dhomat e papërdorura, mospërdorimi i shpeshtë i kaldajave, ulja e termostatit, e masa të tilla mund të ndihmojnë në reduktimin e përdorimit të energjisë./UBTNews/

Etiketa
Vazhdo të lexosh

Lajmet

Gërvalla: Ende asnjë pasojë ndaj Serbisë për sulmin në Banjskë

Publikuar

15 orë më parë

më

23 Maj, 2024

nga

Ndikimi rus në Ballkanin Perëndimor, rreziku i destabilizimit të rajonit si pasojë e veprimeve të Serbisë dhe Rusisë si dhe angazhimi i Republikës së Kosovës për paqe dhe siguri, ishin në fokus të takimit të zëvendëskryeministres dhe ministres së Punëve të Jashtme dhe Diasporës, Donika Gërvalla, me kongresistin republikan, Keith Self.

Sipas njoftimit nga MPJD, gjatë këtij takimi ministrja Gërvalla e njoftoi kongresistin Self lidhur me kërcënimet e vazhdueshme të Serbisë ndaj Kosovës duke përmendur faktin që ende nuk ka asnjë pasojë për Serbinë pas sulmit në Banjskë, sulmit ndaj KFOR-it dhe veprimeve të vazhdueshme agresive por edhe vendosmërinë e Republikës së Kosovës për t’i qëndruar besnike parimeve të saj.

Duke njoftuar kongresistin Self për progresin e Republikës së Kosovës në shumë fusha, ministrja Gërvalla falënderoi ShBA-të për mbështetjen e vazhdueshme në çlirimin, shtetndërtimin, zhvillimin dhe integrimet euroatlantike të Kosovës.

Vazhdo të lexosh

Lajmet

Szunyog: Të tregojmë unitetin e përbashkët mes BE-së dhe Kosovës

Publikuar

15 orë më parë

më

23 Maj, 2024

nga

Në takimin e ambasadorit të Zyrës së Bashkimit Evropian, Tomas Szunyog dhe kryetarit të Komunës së Suharekës, Bali Muharremaj është premtuar për bashkëpunim në projekte të reja, dhe për një mirëqenie më të mirë sociale mes BE-së dhe kësaj komune.

Ambasadori Szunyog, ka thënë se këto vizita janë të rëndësishme, pasi që sipas tij në këtë mënyrë shprehet uniteti dhe veprimi i përbashkët mes Bashkimit Evropian karshi Kosovës.

“Është një aktivitet shumë i rëndësishëm për ne, sepse dëshirojmë të tregojmë unitetin dhe veprimin e përbashkët mes BE-së karshi Kosovës. Kemi biseduar për zhvillimin ekonomik, sfidat që përballet komuna për furnizim me rrymë elektrike dhe ujë, që do të bëjë jetën më të mirë për qytetarët. Edhe për çështjen e sigurisë dhe bizneset për interesat e tyre, e përfshimë pak edhe futbollin. Biseduam edhe për çështjen e arsimit dhe regjistrimin e popullsisë”, ka thënë Szunyog.

Ndërsa, kryetari i Komunës së Suharekës, Bali Muharremaj ka shtuar se në takimin e tij me ambasadorin Szunyog është biseduar rreth zhvillimit ekonomik, shtimin e popullsisë, mjekësinë dhe sportin në këtë komunë.

“Biseduam për zhvillimin ekonomik në komunën e Suharekës, për shtimin e popullatës, mjekësinë, edhe për sportin, dhe për një bashkëpunim shumë të mirë. Ne morëm përkrahjen e BE-së për projekte të reja dhe do të jemi bashkë për një mirëqenie speciale më të mirë”, ka shtuar Muharremaj.

Pas vizitës në Komunën e Suharekës, ambasadorët e BE-së kanë vizituar tri kompani në zonën industriale, të cilët kanë fituar grand nga Banka Evropiane për rindërtim dhe zhvillim. Dy nga tre kompani janë të mbështetura nga BE, vetëm një nga BERZH, kompania Metal “FIX”.

I kënaqur me bashkëpunimin me BE-në, pronari i kësaj fabrike, Burim Devetaku është shprehur se me ndihmën e tyre është investuar në makineri moderne ku 80 për qind janë në tregun e jashtëm.

“Me ndihmën e tyre ne kemi investuar shumë në makineri moderne ku 80 për qind janë për tregun e jashtëm. Një ndihmesë të madhe na ka dhënë edhe Kuvendi Komunal. Numrin e nxënësve e ndanë shkolla 4-5 nxënës çdo vit aftësohen më shumë për punë”, është shprehur ai.

Gjithashtu Szunyog ka theksuar se në këto kompani punësohen edhe nxënës të shkollave profesionale që Kosova të ketë fuqi punëtor të kualifikuar.

“80 për qind e prodhimit që bëhet në këtë kompani eksportohet jashtë vendit në shtetet e BE-se. Kjo kompani tashmë punëson 15 punëtorë edhe eksporton prodhim. I trajnojnë edhe nxënësit e shkollës profesionale që të dinë dhe të punojnë këtu, dhe kjo është një arsye shtesë që Kosova po mundohet të zgjerojë rrjetin e shkollave profesionale në mënyrë që të ketë fuqi punëtore të kualifikuar”, ka theksuar Szunyog.

Të pranishëm në këto vizita ishin edhe shefi i EULEX-it, Giovanni Pietro Barbano, Ambasadori gjerman, Jorn Rohde, Ambasadori i Francës, Olivier Guero, Ambasadori italian, Antonello De Riu si dhe përfaqësues të shteteve të tjera anëtare të BE-së.

Vazhdo të lexosh

Lajmet

Kremlini ka mohuar pretendimin e Trumpit mbi lirimin e gazetarit amerikan

Publikuar

15 orë më parë

më

23 Maj, 2024

nga

Ish-presidenti amerikan, Donald Trump dhe njëkohësisht kandidat për president nga Partia Republikane për zgjedhjet presidenciale, pretendoi se presidenti rus, Vladimir Putin, do të lironte pothuajse menjëherë, gazetarin e Wall Street Journal, Evan Gershkovich, pas zgjedhjeve, nëse do fitoi ai.

Ai shtoi në platformat dixhitale se këtë gjë Putin do e bënte për mua. Por pas këtij postimi, zëdhënësi i Kremlinit, Dmitry Peskov, tha se Trump dhe Putin nuk kanë pasur asnjë kontakt, duke shtuar se duhet “një heshtje e plotë” për arritjen e rezultateve për çdo këmbim të të burgosurve.

Evan Gershkovich është në burg që nga marsi i vitit të kaluar në Rusi, të cilin autoritetet ruse e akuzojnë për spiunazh./UBTNews/

Vazhdo të lexosh

Lajmet

​Putin nënshkruan dekretin që lejon përdorimin e pronës amerikane në Rusi si kompensim

Publikuar

16 orë më parë

më

23 Maj, 2024

nga

Presidenti rus Vladimir Putin nënshkroi të enjten një dekret që lejon përdorimin e pronës amerikane në Rusi si kompensim për dëmet e shkaktuara nga sekuestrimi i pronës ruse në SHBA.

Dekreti që përmban dispozitën përkatëse u publikua në portalin qeveritar, i cili udhëzoi qeverinë e vendit të vendoste një procedurë të veçantë për kompensimin e dëmit të shkaktuar ndaj Rusisë dhe Bankës së saj Qendrore nga qeveria amerikane ose vendimet gjyqësore.

“Qeveria e Federatës Ruse, brenda një periudhe katërmujore, siguron futjen e ndryshimeve në legjislacionin e Federatës Ruse që synojnë zbatimin e këtij dekreti”, thuhet më tej në document. /AA/

Vazhdo të lexosh

Të kërkuara