Lajmet

Pse është mirë të konsumoni boronica të kuqe?

Boronicat e kuqe të freskëta janë të pasura me vlera ushqyese të shëndetshme.

Published

on

Ka mënyra të ndryshme për t’i ngrënë boronicat e kuqe, përfshirë këtu të freskëta, të thara apo të ziera në sos. Por boronicat e kuqe të freskëta janë të pasura me vlera ushqyese të shëndetshme si fibrat, karbohidratet, kaliumi dhe vitaminat e rëndësishme si vitamina C, vitamina E dhe vitamina K.

Derisa boronica e kuqe e tharë përmban më shumë kalori dhe sheqer.

Ka shumë arsye pse boronicat e kuqë janë të shëndetshme. Ato shquhen për faktin se i sjellin dobi të rëndësishme organizimit tuaj, transmeton Koha.

Boronica e kuqe është e mirë luftimin e infeksioneve urinare, janë të mira për barkun si dhe mund ta ndalojnë aktivizimin e Helikobakteres. Ato gjithashtu kontribuojnë në shëndetin e zemrës, e ulin shtypjen e gjakut dhe kolesterolin, sidomos nëse konsumohen në formën e lëngut.

Boronicat e kuqe të freskëta po ashtu përmbajnë shumë pak kalori dhe falë shijes së tyre, gjasat që t’i konsumoni më shumë se që nevojitet janë shumë të vogla. Përveç kësaj, ato kanë vlera anti-inflamatore të cilët i ndihmojnë njerëzit me sindromën metabolike, si dhe janë shumë të dobishme për imunitetin e njeriut.

Si të përfshihen ato në dietën tuaj?

Ka shumë mënyra si mund t’i shijoni boronicat e kuqe dhe jo vetëm gjatë sezonit të festive, por gjatë tërë viti.

Derisa nuk ka rekomandime të përgjithshme se sa shpesh duhet të konsumohen ato, është mirë ta bëni shprehi t’i përfshini në disa lloje të ushqimit.

Një dietë e larmishme e ushqimit ju siguron të konsumoni sa më shumë produkte që janë të mira dhe të shëndetshme për organizimin.

Prandaj, boronicat e kuqe mund të përfshihen në sallatë me tuna ose pulë. Sosi nga boronica e kuqe mund të përdoret për ta lyer bukën me të. Mund të gatuhen me shije për t’u shërbyer së bashku me mish. Boronicat e thara mund të përzihen me tërshërë dhe arra, dhe të hahen për mëngjes. Gjithashtu mund të përdoren kur gatuani kek apo ëmbëlsira tjera. Boronicat e kuqe të freskëta mund të shndërrohen në ‘smoothie’ dhe të tjerë.

Boronicat përmbajnë nivele mesatarisht të larta të substancave të quajtura oksalate. Prandaj, nëse keni probleme me gurë në veshka, konsumimi i sasisë së lartë të tyre mund ta rrisë rrezikun e formimit të tyre. Natyrisht, kjo varet nga sasia e boronicave të kuqe që ju i konsumoni.

Lajmet

Kosova lëshon urdhërarrest ndaj Milan Radoçiqit dhe 19 tjerëve për krime lufte

Published

on

By

Gjykata Themelore në Prishtinë ka lëshuar urdhërarrest ndaj Millan Radoiçiqit dhe 19 serbëve të tjerë për veprën penale “Krime lufte kundër popullatës civile”.

Ata dyshohen se kanë vrarë rreth 106 civilë shqiptarë në Gjakovë, raporton “Betimi për Drejtësi“.

Këtë e ka konfirmuar për “Betimi për Drejtësi” prokurori special, Ilir Morina.

Ndryshe, Milan Radoiçiq akuzohet edhe për sulmin terrorist në Banjskë të Zveçanit, sulm për të cilin edhe e ka pranuar përgjegjësinë. Për këtë rast, Gjykata ka lëshuar letërreshtime ndërkombëtar për sigurimin e prezencës së Radoiçiqit dhe të pandehurve tjerë në procedurë.

Prokuroria Speciale e Republikës së Kosovës (PSRK) më 11 shtator 2024 ka ngritur aktakuzë kundër Milan Radoiçiqit dhe 44 të tjerëve për sulmin terrorist të 24 shtatorit 2023 në Banjskë të Zveçanit. Të akuzuarit ngarkohen se përmes përdorimit të dhunës me armatim të rëndë, tentuan ta shkëpusin pjesën veriore të territorit të Republikës së Kosovës e t’ia bashkojnë Republikës së Serbisë, me ç’rast si rezultat i dhunës së përdorur ka mbetur i vdekur zyrtari policor Afrim Bunjaku e u rrezikua jeta e zyrtarëve tjerë policorë dhe popullatës civile.

Aktakuza e Prokurorisë Speciale ngarkon 44 persona fizikë dhe një person juridik “RAD D.O.O”. Listës së të akuzuarve i prin Milan Radoiçiq. /BetimipërDrejtësi

 

Continue Reading

Lajmet

Punimet në sheshin “Xhorxh Bush”, reagon Policia

Published

on

By

Drejtoria Rajonale e Policisë së Kosovës në Prishtinë bëri të ditur se prezenca e zyrtarëve policorë në sheshin  “Xhorxh Bush” sot ishte në asistim të Drejtorisë së Inspektoratit të Komunës së Prishtinës, për aktivitete të planifikuara në kuadër të punës sekondare, aktivitete këto që nuk ndërlidhen me asistimin e kryerjes se punimeve në atë zonë.

Zyrtarët policorë veprojnë në bazë të parimeve të ligjshmërisë, proporcionalitetit dhe neutralitetit, duke respektuar në çdo rast ndarjen e pushteteve dhe kompetencat e institucioneve të tjera.

 Çdo pretendim që sugjeron tejkalim të kompetencave nga Policia e Kosovës është i pabazuar dhe bie ndesh me misionin tonë për të vepruar në mënyrë të paanshme dhe në përputhje me ligjin.​

Policia e Kosovës mbetet e përkushtuar për të ofruar mbështetje institucionale në përputhje me ligjin dhe për të garantuar sigurinë publike, duke respektuar gjithmonë kufijtë e kompetencave të saj”, thuhet në reagimin e Policisë.

Continue Reading

Lajmet

Kaq mallra të falsifikuara ka konfiskuar Dogana e Kosovës gjatë vitit 2024

Published

on

By

Ministria e Industrisë, Ndërmarrësisë dhe Tregtisë, përmes Agjencisë për Pronësi Industriale ka shënuar Ditën Botërore të Pronësisë Intelektuale.

Ministrja në detyrë e Industrisë, Ndërmarrësisë dhe Tregtisë, Rozeta Hajdari, tha se qeveria e ka kuptuar rëndësinë e pronësisë intelektuale, andaj atë e ka shndërruar në politikë publike konkrete.

Sipas saj, përmes markave tregtare kanë avancuar në ruajtjen e pronësisë intelektuale, derisa përmendi se janë zgjidhur 741 raste të shkeljeve ndër vite të markave tregtare.

Ajo theksoi se pronësia intelektuale është e rëndësishme në shekullin e teknologjisë dhe revolucionit industrial.

Në anën tjetër, përfaqësuesi i Doganës së Kosovës, Driton Azemi, tha se vitin 2024 kanë pasur 148 kërkesa për veprim doganor në fushën e pronësisë intelektuale.

Po ashtu ai tha se në vitin e kaluar kanë konfiskuar mbi 272 mijë artikuj si mallra të falsifikuara me një vlerë të përgjithshme 12.5 milionë euro.

Dogana e Kosovës që nga fillimi ka marrë përgjegjësitë dhe rolin e saj me qëllim të mbrojtjes së të drejtave të pronësisë intelektuale dhe i ka kryer të gjitha detyrat e saj. Këtu po e veçoj se vetëm gjatë vitit 2024 ne kemi shqyrtuar 148 kërkesa për veprim doganor në fushën e të drejtave pronësisë intelektuale, ndërkaq 601 kërkesa që kanë të bëjnë me marka tregtare si dhe 40 kërkesa për të drejtat e autorit. Si rezultat i këtij angazhimi dhe falë bashkërendimit të ngushtë me të gjithë akterët të  tjerë relevant gjatë vitit 2024 Dogana e Kosovës ka iniciuar 805 raste për verifikimin e mallrave me dyshim për shkelje të pronësisë intelektuale. Ka arritur të konfiskojë mbi 272 mijë artikuj të cilët pas verifikimit janë konstatuar si mallra të falsifikuara me një vlerë të përgjithshme prej 12.5 milionë euro”, theksoi ai.

Krahas kësaj në kuadër të shënimit të Ditës Botërore të Pronësisë Intelektuale, u diskutua edhe për “Muzika dhe Pronësia Intelektuale: Krijimtaria, Institucionet dhe Mbrojtja Ligjore.

Continue Reading

Lajmet

Hapet edhe një zyrë e Postës së Kosovës në Leposaviq

Published

on

By

Autoritetet e Kosovës kanë hapur zyrën e katërt të Postës së Kosovës në Leposaviq, komunë në veri të Kosovës, e banuar me shumicë serbe.

Në hapjen e kësaj zyre, që është e dyta që është hapur në qendër të Leposaviqit, ishte i pranishëm edhe kryeministri në detyrë i Kosovës, Albin Kurti, dhe ministrja në detyrë e Ekonomisë, Artane Rizvanolli.

Ky është një lloj bashkëdyzimi i ligjshmërisë dhe cilësisë. Ata operatorët e palicencuar që kanë funksionuar më herët janë mbyllur dhe tash e kemi Postën e Kosovës, ku përveç dërgesave të zakonshme të Postës, mund të pranohen edhe mjete financiare në euro për qytetarët e Leposaviqit”, tha Kurti.

Nga Posta e Kosovës thanë se në katër komunat në veri – Mitrovicë e Veriut, Zveçan, Zubin Potok dhe Leposaviqit – tani ky institucion ka trembëdhjetë pika. Shumica e pikave – 11 prej tyre – sipas Postës, janë hapur vetëm në dy vjetët e fundit.

Megjithatë, një nga pikat e Postës së Kosovës në Zveçan më 1 prill u sulmua me dy granata dore. Sulmi ndodhi disa ditë pasi kjo pikë ishte hapur.

Sulmi u dënua nga zyrtarët në Kosovës dhe nga Gjermania. Kurti, e ishte cilësuar sulmin si “orvatje për të cenuar sigurinë dhe për të penguar integrimin e qytetarëve në sistemin ligjor dhe institucional të Republikës së Kosovës”.

Sulme në veriun e Kosovës janë regjistruar edhe vitin e kaluar, teksa institucionet e Kosovës kanë ndërmarrë një sërë hapash për, siç kanë thënë, shtrirjen e sovranitetit në këtë pjesë të vendit.

Këtu përfshihet mbyllja e organeve të përkohshme komunale – që funksiononin sipas sistemit të Serbisë – dhe ndërmarrjet e tyre publike. Po ashtu, janë mbyllur edhe Posta e Serbisë në veri, Banka Postare Kursimore, Thesari i Bankës Kombëtare, Drejtoria e Fondit për Sigurimin Pensional dhe Invalidor, Rrethi Administrativ i Mitrovicës së Kosovës dhe të tjera.

Në veri, po ashtu është ndaluar përdorimi i dinarit serb për kryerjen e pagesave. Serbia ka financuar strukturat paralele në veri dhe ka mbështetur serbët atje përmes pensioneve dhe shtesave të tjera, në dinarë.

Shtetet e Bashkuara dhe Bashkimi Evropian kanë kundërshtuar shumë nga veprimet e Prishtinës në veriun e Kosovës, duke i vlerësuar si veprime të paakordinuara./REL/

Continue Reading

Të kërkuara