Lifestyle

Pse duhet t’i ndërroni rrobat sapo të ktheheni në shtëpi?

Nuk është e mirë për venat tuaja.

Published

4 years ago

December 6, 2021

UBT news

Kur ktheheni në shtëpi pas një dite të ngarkuar në punë, shpesh jeni aq të rraskapitur sa nuk keni energji për të ndryshuar rrobat. Por ky zakon mund të dëmtojë shëndetin dhe pamjen tuaj.

“Bright Side” tregon se çfarë ndodh nëse qëndroni në shtëpi me rrobat që i keni mbajtur veshur gjatë gjithë ditës.

Nuk është gjë e mirë për venat tuaja

Xhinset tuaja të preferuara të ngushta me siguri mund t’ju bëjnë të dukeni mahnitëse, por nëse nuk i hiqni kur ktheheni në shtëpi, nuk do t’i bëni mirë shëndetit tuaj. Rrobat që veshim kur dalim janë shumë më të ngushta krahasuar me ato të rehatshmet që mbajmë në shtëpi. Si rrjedhojë, ato mund të ndikojnë negativisht në qarkullimin tuaj të gjakut. Veshjet e ngushta mund të ngadalësojnë rrjedhën e gjakut dhe nëse i vishni vazhdimisht mund të dëmtojnë venat tuaja.

Mund të sillni baktere të ndryshme në shtëpinë tuaj

Ekziston mundësia që duke mbajtur veshur rrobat me të cilat keni qenë jashtë, të sillni mikrobe në shtëpinë tuaj që mund të shkaktojnë infeksione të ndryshme. Disa nga këto baktere përfshijnë “Acinetobacter” që shkakton infeksione të frymëmarrjes dhe “Staphylocoçus aureus” që mund të shkaktojë inflamacion në pjesë të ndryshme të trupit dhe që është rezistent ndaj shumë ilaçeve.

Megjithëse mjekët besojnë se nuk duhet të shqetësoheni shumë për këto baktere, është ende e mundur që të prekeni prej tyre dhe zgjidhja më e mirë do të ishte të mos ecnit nëpër shtëpi me rrobat e jashtme.

Mund t’ju shkaktohen puçrra në trup

Edhe pse rrobat e bëra nga pëlhura sintetike mund të duken tërheqëse, ato nuk e lejojnë lëkurën të marrë frymë dhe bllokojnë nxehtësinë, duke shkaktuar puçrra.

Një arsye tjetër që shkakton puçrrat në qafë ose gjoks është mbajtja veshur e rrobave me të cilat jeni stërvitur pasi ktheheni në shtëpi. Veshjet atletike janë krijuar për t’ju bërë të ndiheni mirë gjatë stërvitjes, por nëse nuk i hiqni pas përfundimit të seancës së palestrës, mund të bllokohen poret dhe të shfaqen pikat e zeza.

Mund t’ju shkaktohen probleme me stomakun

Rrobat e ngushta që ushtrojnë presion tek beli juaj, mund të shkaktojnë probleme shëndetësore që shkojnë shumë përtej shqetësimit. Rrobat që ushtrojnë presion në bark mund të shkaktojnë probleme të ndryshme në procesin e tretjes, përfshirë refluksin e acidit, një nga ankesat më të zakonshme të zorrëve. Nëse nuk mund të hiqni dorë nga xhinset tuaja të preferuara të ngushta, përpiquni të mos i vishni ato çdo ditë./Burimi: Panorama

Lifestyle

Si të pastroni mikrovalën nga yndyra në mënyrë natyrale?

Published

4 days ago

November 6, 2025

UBT News

Yndyra në mikrovalë nuk është vetëm një problem estetik – ajo mund të mbajë aroma të pakëndshme dhe të pengojë ngrohjen e njëtrajtshme të ushqimit.

Fatmirësisht, ekziston një mënyrë e thjeshtë, e shpejtë dhe natyrale për ta pastruar, pa përdorur kimikate të ashpra.

Gjithçka që ju nevojitet është një limon dhe ujë. Mbushni një enë me ujë, shtoni lëngun dhe copat e limonit dhe vendoseni në mikrovalë.

Ndezni në fuqi të lartë për disa minuta, derisa uji të vlojë dhe të krijojë avull. Ky avull ndihmon në zbutjen e yndyrës në muret e mikrovalës, duke e bërë shumë më të lehtë pastrimin me një leckë mikrofibre ose sfungjer të butë.

Nëse ndonjë njollë është më e fortë, mund të përgatisni një pastë me sodë buke dhe ujë, ta aplikoni disa minuta dhe më pas ta fshini.

Për mirëmbajtje, rekomandohet që pas çdo ngrohjeje të ushqimit të fshihet pjesa e brendshme e mikrovalës dhe të përdoren kapakë ose enë të mbyllura për të parandaluar spërkatjet.

Pas pastrimit, lëreni derën hapur për disa minuta për të larguar aromat e pakëndshme. /A.Z/UBT News/

Lifestyle

Si ta forconi vetë-disiplinën në vendin e punës?

Published

5 days ago

November 5, 2025

UBT News

Vetë-disiplina është një nga aftësitë më të rëndësishme për sukses profesional.

Ajo nënkupton kontrollin e impulseve, përqendrimin e qëndrueshëm dhe përkushtimin ndaj qëllimeve, pavarësisht pengesave apo shpërqendrimeve.

Në punë, vetë-disiplina ndihmon të menaxhoni përgjegjësitë, bashkëpunimin me të tjerët dhe procesin e vendimmarrjes. Punonjësit e vetë-disiplinuar janë këmbëngulës, të qëndrueshëm dhe i përfundojnë detyrat me kujdes, duke ruajtur fokusin edhe kur përballen me sfida.

Për ta zhvilluar këtë aftësi, duhet të vlerësoni nivelin tuaj aktual të vetë-disiplinës, duke iu përgjigjur pyetjeve si:

Cilat janë qëllimet që i caktoj vetes çdo ditë?

A po shmang shpërqendrimet që më pengojnë në punë?

A po i përfundoj detyrat në kohë?

Cilat zakone të mira kam krijuar deri tani?

1. Kujtoni rregullat e motivimit

Motivimi është baza e çdo qëllimi. Vendosni objektiva të qarta, angazhohuni për t’i përmbushur. Çdo arritje, sado e vogël, forcon ndjenjën e suksesit e ju nxit të vazhdoni. Mos harroni të shpërbleni veten për përpjekjet dhe rezultatet, krijon cikël pozitiv vetë-motivimi përforcon dëshirën për të qenë më produktiv.

2. Shmangni shpërqendrimet

Vetë-disiplina kërkon praktikë të vazhdueshme. Një mënyrë efektive për ta forcuar është identifikimi dhe eliminimi i shpërqendrimeve që e dëmtojnë fokusin tuaj. Mbani shënim momentet kur shpërqendroheni gjatë punës, qoftë nga telefoni, mesazhet apo rrjetet sociale dhe mendoni mënyra konkrete për t’i kufizuar ato. Kujtoni se ndryshimi i zakoneve kërkon kohë; ndaj, durimi dhe qëndrueshmëria janë çelësi për sukses.

3. Reflektoni para vendimmarrjes

Vendimmarrja është pjesë e pandashme e çdo dite pune. Prandaj, merrni kohën e nevojshme për të analizuar situatat para se të veproni. Durimi e mendimi i qetë para vendimeve ndihmon në zhvillimin e vetë-disiplinës dhe në marrjen e vendimeve më të drejta. /A.Z/UBT News/

Lifestyle

Trafiku i përditshëm, rreziku i fshehur për shëndetin

Published

5 days ago

November 5, 2025

UBT News

Sipas një studimi të fundit, në momentin që ju jeni në makinë duke pritur në radhë jeni totalisht të ekspozuar ndaj shkarkimeve të naftës, gjë që dobëson të menduarit dhe memorien tuaj.

Tymi i motorëve ka sasi të larta të grimcave të blozës dhe përzierja përmban disa elementë kancerogjenë. Megjithëse efekti negativ konsiderohet afatshkurtër, nuk dihet ende nëse ekspozimi afatgjatë ndaj shkarkimit të naftës mund të çojë në dëme të përhershme në tru, siç është sëmundja e Alzheimerit.

Dr.Jodie Gawryluk, profesoreshë e asociuar e psikologjisë në Universitetin e Victoria në British Columbia të Kanadasë thotë se pas të dhënave që janë marrë rezulton se qëndrimi gjatë në makinë në trafik sjell efekte shumë negative në tru.

Ata zbuluan se shkarkimi i naftës redukton aftësinë njohëse, vendimmarrjen dhe shkakton depresion. Të njëjtin efekt dyshohet të ketë dhe ekspozimi ndaj emetimeve të gazit të benzinës apo tymi zjarreve.

Rreziku mendohet të jetë më i madh për njerëzit që jetojnë pranë autostradave dhe rrugëve të ngarkuara. /A.Z/UBT News/

Lifestyle

Pse fëmijët janë përzgjedhës në ushqim dhe si mund t’i ndihmojnë prindërit?

Published

3 weeks ago

October 21, 2025

UBT News

Një asistente e terapisë profesionale ka ndarë një këshillë të thjeshtë, por shumë të vlefshme për prindërit e fëmijëve që janë përzgjedhës në ushqim: mos hiqni dorë nga ofrimi i ushqimeve të reja, edhe nëse fëmija i refuzon fillimisht.

Ajo thekson se është krejtësisht normale që fëmijët të refuzojnë shije të reja, por prindërit duhet të jenë të durueshëm dhe të vazhdojnë t’ua ofrojnë ato pa presion.

Sipas saj, një fëmijë mund të ketë nevojë të ekspozohet ndaj një ushqimi deri në 20 herë përpara se ta pranojë.

“Qëllimi nuk është që fëmija ta pëlqejë menjëherë, por të ndihet i sigurt pranë ushqimit të ri,” shpjegon ajo.

Si shembull, përmend një rast me rrushin, pasi ia ofroi fëmijës për 11 ditë rresht, ai fillimisht refuzon, por më vonë e pranoi dhe e pëlqeu.

Ekspertja këshillon që ushqimet e reja të jenë gjithmonë të pranishme në pjatë, pa dramatizim, pasi shijet ndryshojnë me kohën.

Nëse një fëmijë refuzon pothuajse çdo ushqim pavarësisht përpjekjeve, mund të bëhet fjalë për një çrregullim si ARFID apo vështirësi ndijimore – në këto raste, rekomandohet konsultimi me pediatrin. /A.Z/UBT News/