Lajmet

Pse duhet të zgjidhni të studioni Juridik në UBT?

Published

2 years ago

on

Programi i Juridikut në UBT mbulon të gjitha fushat kryesore të drejtësisë, sikurse e drejta civile, penale, administrative, tregtare dhe kushtetuese. Nëpërmjet studimeve në UBT, ju do të keni mundësinë të zhvilloni një sërë aftësish të rëndësishme, duke përfshirë kuptimin e thellë të ligjit dhe aftësitë për të analizuar dhe trajtuar çështje të ndryshme juridike. Kjo jo vetëm që do të ndikojë në një përshtatje më të mirë në fushën e drejtësisë, por gjithashtu do të kontribuojë në integrimin tuaj në shkencat humane dhe shoqërore, duke ju ofruar një perspektivë të pasur dhe të gjerë.

Drejtimi gërsheton në vete pjesën teorike dhe praktike duke iu mundësuar studentëve të marrin njohuritë e nevojshme rreth fushës së drejtësisë. Përmes vizitave studimore, punëtorive dhe praktikave profesionale në gjykata, organizata vendore dhe të huaja, studentët kanë mundësinë të zbulojnë dhe të aplikojnë njohuritë e tyre në situata reale. Kjo përvojë e dobishme jo vetëm që i forcon ato në zgjedhjen e çështjeve komplekse juridike, por gjithashtu i përgatit ata për sfidat e vërteta të fushës së drejtësisë. Nëpërmjet këtij drejtimi, studentët zhvillojnë aftësi të nevojshme si analizimi i rasteve, argumentimi i argumenteve ligjore dhe zbatimi i ligjit me integritet dhe etikë.

Ky program ju ndihmon të zhvilloni të menduarit kritik dhe aftësitë analitike që janë tejet të rëndësishme për ata që mëtojnë të bëhen profesionistë të kësaj fushe. Studentët duhet të jenë të gatshëm të analizojnë dhe gjejnë zgjidhje për situata komplekse, të ofrojnë argumente për to dhe të veprojnë gjithmonë përkitazi me etikën profesionale.

Veçantia e këtij programi janë profesorët, kurrikula dhe metodat e mësimdhënies. Programi i Juridikut në UBT ka profesorët më eminentë të fushës, të cilët aplikojnë metodat më të mira të mësimdhënies që juve ua lehtësojnë zhvillimin profesional dhe rrugën drejt suksesit në fushën gjegjëse.

Punësimi i garantuar është një nga avantazhet kryesore të programit të Juridikut në UBT. Gjatë dhe pas përfundimit të studimeve, studentët kanë mundësinë e sigurt për t’u integruar në tregun e punës dhe për të kontribuar me njohuritë e tyre në fushën e drejtësisë. UBT-ja ofron një ambient të përshtatshëm mësimor dhe zhvillon njohuri të pafundme përvojash, duke ju përgatitur për një karrierë të suksesshme si profesionistë të fushës së drejtësisë. Prandaj, ju e keni mundësinë të bashkoheni me liderin në këtë fushë dhe të udhëheqni me drejtësi./UBTNews/

Related Topics:
Continue Reading

Lajmet

Justina Shiroka-Pula merr zyrtarisht detyrën e presidentes

Published

6 hours ago

on

October 7, 2026

By

Justina Shiroka-Pula ka marrë zyrtarisht detyrën e presidentes së Republikës së Kosovës.

Në ceremoninë e inaugurimit, ushtruesja e detyrës së presidentes, Albulena Haxhiu, ia ka dorëzuar Kushtetutën presidentes së re.

Justina Shiroka-Pula mori 81 vota në Kuvend, në votimin që u zhvillua në mesnatën mes të martës dhe të mërkurës, në fund të afatit kushtetues që e caktoi 6 tetorin si datë të fundit për zgjedhjen e presidentit. Detyrën e siguroi pas dakordimit të Vetëvendosjes dhe Partisë Demokratike të Kosovës./A.K/

Continue Reading

Lajmet

BE-ja shqetësohet për ndryshimet në Ligjin për Dhomat e Specializuara

Published

6 hours ago

on

October 7, 2026

By

Bashkimi Evropian ka shprehur shqetësim të thellë për miratimin nga Kuvendi i Kosovës të Projektligjit për ndryshimin dhe plotësimin e Ligjit për Dhomat e Specializuara të Kosovës.

Në një përgjigje për KOHËN, një zëdhënës i BE-së ka thënë se ndryshimet e miratuara janë në kundërshtim me obligimet ndërkombëtare të Kosovës ndaj Bashkimit Evropian.

“Partneriteti ynë nënkupton jo vetëm interesa të përbashkëta, por edhe përgjegjësi të përbashkëta”, thuhet në përgjigje.

BE-ja ka theksuar se vazhdimisht ka mbështetur punën e Dhomave të Specializuara të Kosovës si institucion të pavarur gjyqësor, të themeluar përmes vendimeve të Kuvendit në vitet 2014–2015 dhe të përcaktuar në Kushtetutën e Kosovës.

Sipas BE-së, mandati dhe pavarësia e Dhomave të Specializuara duhet të respektohen plotësisht, ndërsa drejtësia duhet të vazhdojë të bazohet në parimin e përgjegjësisë penale individuale.

BE-ja i ka bërë thirrje Kosovës që t’u përmbahet obligimeve të saj ndërkombëtare dhe të garantojë pavarësinë gjyqësore të Dhomave të Specializuara, si dhe llogaridhënien dhe drejtësinë për viktimat dhe familjet e tyre nga të gjitha komunitetet në Kosovë.

Projektligji u miratua në Kuvend të martën, pak para përfundimit të afatit për zgjedhjen e Presidentit, pas një marrëveshjeje mes Lëvizjes Vetëvendosje dhe Partisë Demokratike të Kosovës.

Miratimi i tij u shoqërua me protesta në Kosovë, ndërsa kundërshtimi ndaj Dhomave të Specializuara është rritur pas aktgjykimit të 16 shtatorit ndaj Hashim Thaçit, Kadri Veselit, Jakup Krasniqit dhe Rexhep Selimit./A.K/

Continue Reading

Lajmet

Schuebel uron presidenten e re, mbështetja e BE-së do të mbetet e palëkundur

Published

8 hours ago

on

October 7, 2026

By

Ambasadori i Bashkimit Evropian në Kosovë, Dirk Schuebel, ka uruar Justina Shiroka-Pulën për zgjedhjen e saj në postin e Presidentes së Republikës së Kosovës.

Schuebel ka shprehur shpresën për rikthimin e stabilitetit politik dhe institucional në vend, duke theksuar gatishmërinë për të bashkëpunuar me presidenten e re, institucionet e Kosovës dhe spektrin politik.

“Me shpresën për ripërtëritjen e stabilitetit politik dhe institucional, pres me kënaqësi të punoj me Presidenten Shiroka-Pula, institucionet e Kosovës dhe spektrin e gjerë politik për ta afruar vendin më pranë Bashkimit Evropian”, ka deklaruar Schuebel.

Ai ka theksuar gjithashtu se mbështetja e Bashkimit Evropian për Kosovën do të vazhdojë të jetë e palëkundur.

Justina Shiroka-Pula u zgjodh Presidente e Kosovës në raundin e parë të votimit, duke marrë 81 vota në seancën e Kuvendit që kishte nisur më 6 tetor. Votimi përfundoi pak pas mesnate, ndërsa numërimi i votave përfundoi rreth 15 minuta më vonë.

Me zgjedhjen e Shiroka-Pulës, Kosova tashmë ka presidenten e re, ndërsa mesazhi i BE-së vjen me theks të veçantë te stabiliteti institucional dhe vazhdimi i rrugëtimit të vendit drejt Bashkimit Evropian.

D.L

Continue Reading

Lajmet

15 milionë euro për subvencionimin e faturave të energjisë për familjet në nevojë

Published

9 hours ago

on

October 7, 2026

By

Ministri për Punë, Familje dhe Vlerat e Luftës Çlirimtare, Andin Hoti, ka bërë të ditur se janë ndarë 15 milionë euro për mbështetjen e familjeve për faturat e energjisë elektrike, përmes Programit për Mbrojtjen e Konsumatorëve të Cenueshëm të Energjisë Elektrike 2026–2027.

Hoti ka njoftuar se programi është miratuar në mbledhjen e pestë të Qeverisë dhe synon subvencionimin e faturave për familjet që plotësojnë kriteret për përfitim.

Ai ka thënë se në ditët në vijim do të nënshkruajë vendimin që përcakton kushtet dhe kriteret për përfituesit, pas së cilës pritet të hapet thirrja për aplikim.

Sipas Hotit, programi lidhet edhe me obligimet e Kosovës në kuadër të procesit të integrimit evropian dhe zbatimit të Planit të Rritjes për Ballkanin Perëndimor, veçanërisht për identifikimin dhe mbështetjen e konsumatorëve të cenueshëm.

“15 milionë euro mbështetje. Drejtpërdrejt në faturat e familjeve”, ka shkruar Hoti./A.K/

Continue Reading

Të kërkuara