Lajmet

Pse duhet të studioni Menaxhment, Biznes dhe Ekonomi në UBT?

Published

on

Studimi i Menaxhmentit, Biznesit dhe Ekonomisë në UBT ofron një gamë të gjerë mundësish për studentët që dëshirojnë të zhvillojnë një karrierë në fushën e biznesit dhe ekonomisë. Programi është i dizajnuar me qëllim që të sigurojë njohuri të thella në menaxhim, biznes dhe ekonomi, duke përfshirë praktikat më të mira të mësimdhënies dhe metodat moderne të edukimit.

Një nga avantazhet kryesore të programit është përdorimi i metodave të ndryshme mësimore si debatet, rastet studimore dhe klasat interaktive. Kjo ndihmon studentët të zhvillojnë aftësi të mendimit kritik dhe të gjejnë zgjidhje inovative për sfidat në botën e biznesit dhe ekonomisë.

Infrastruktura dhe laboratorët e avancuar të teknologjisë informative ofrojnë studentëve mundësi unike për të aplikuar teorinë në praktikë. Bashkëpunimi i ngushtë me industrinë përfshin punë praktike, vizita në kompani dhe institucione, duke e bërë që përvoja e tyre të jetë e pasur dhe relevante me kërkesat e tregut të punës.

Programi ofron specializime në fusha të ndryshme si Financa, Banka dhe Sigurime; Kontabilitet, Auditim dhe Tatime; Marketing dhe Shitje; Menaxhment, Ndërmarrësi dhe Inovacion; si dhe Biznes Ndërkombëtar. Ky diversitet e bën të mundur për studentët të përgatiten për karrierë në sektorin publik dhe privat, në organizata vendore dhe ndërkombëtare.

Përmes këtij programi, studentët zhvillojnë njohuri të thella mbi funksionimin e organizatave dhe ekonomive moderne, duke u përgatitur profesionalisht për të bërë dallim në karrierën e tyre të ardhshme. UBT ofron një ambient të përshtatshëm për rritjen dhe zhvillimin e aftësive të studentëve, duke i bërë ata të gatshëm për sfidat e botës së biznesit dhe ekonomisë së sotme dhe të ardhshme. Bashkohu me liderin dhe udhëheq në ekonomi./UBTNews/

 

 

 

 

 

Continue Reading

Lajmet

”Deputetë, emri juaj është bllokadë”, organizatat e shoqërisë civile me aksion para Kuvendit

Published

on

By

Organizatat e shoqërisë civile kanë zhvilluar sot një performancë simbolike përpara hyrjes së Kuvendit të Kosovës, në shenjë proteste ndaj bllokimit të vazhdueshëm të konstituimit të legjislaturës së re.

Të pajisur me pankarta me mesazhe të drejtpërdrejta si “Kur t’ju bëhet boll, kallxoni”, “Deputetë, emri juaj është bllokadë” dhe “Karriget janë për punë, jo për pushtet”, përfaqësuesit e shoqërisë civile kërkuan t’i japin fund krizës institucionale dhe theksuan përgjegjësinë e deputetëve për të përmbushur mandatin e tyre.

Protesta u zhvillua në prag të vazhdimit të seancës së 37-të të seancës konstituive të Kuvendit të Kosovës.

Continue Reading

Lajmet

Bahtiri: Qytetarët votuan deputetët të votojnë e jo të sabotojnë dhe shantazhojnë

Published

on

By

Deputeti i Lëvizjes Vetëvendosje, Agim Bahtiri, është përballur sot me protestuesit e organizatave të shoqërisë civile para hyrjes së Kuvendit të Kosovës, pak para vazhdimit të seancës konstituive.

Protestuesit po mbanin pankarta me mesazhe kundër bllokimit të konstituimit të Kuvendit, duke pyetur deputetin se a është boll, ndërkohë që Bahtiri komentoi situatën duke kritikuar opozitën për bllokadën.

“Qytetarët e kanë votuar çdo deputet të votojë e jo të sabotojnë dhe shantazhojnë”, tha Bahtiri.

Continue Reading

Lajmet

Kompania “Pastrimi” rifillon largimin e mbeturinave në Prishtinë pas ndërprerjes së grevës

Published

on

By

Kompania Rajonale për Menaxhimin e Mbeturinave “Pastrimi” ka rifilluar punën në terren për largimin e mbeturinave në të gjitha zonat që mbulon me shërbime, pas një ndërprerjeje të përkohshme që zgjati rreth një muaj.

Sipas njoftimit të kompanisë, puna ka rinisur të martën në mbrëmje me ndërrimin e tretë, duke u përqendruar fillimisht në zonat më të ndjeshme dhe të ngarkuara me mbeturina. Ekipet janë angazhuar me kapacitete të plota për të rikthyer pastërtinë dhe higjienën në hapësirat publike sa më shpejt të jetë e mundur.

“Pastrimi” thekson se mbetet e përkushtuar ndaj misionit të saj për të ofruar shërbime të rregullta dhe cilësore, duke u udhëhequr nga përgjegjësia publike dhe respekti ndaj qytetarëve. Kompania falënderon qytetarët për mirëkuptimin dhe durimin gjatë periudhës së vështirë dhe kërkon bashkëpunim të vazhdueshëm në ruajtjen e pastërtisë.

Kujtojmë se ndërprerja e shërbimit erdhi si pasojë e një greve të punëtorëve, që protestuan për shkak të borxheve prej 2.7 milionë eurosh që Komuna e Prishtinës i kishte ndaj kompanisë. Më 22 maj, rreth 300 punëtorë bllokuan hyrjen e komunës me rreth 20 kamionë në shenjë proteste.

Marrëveshja për ndërprerjen e grevës u arrit së fundmi mes Komunës së Prishtinës dhe Këshillit Grevist të “Pastrimit”, por kjo nuk u formalizua me dokument të nënshkruar.

Continue Reading

Lajmet

I dyshuari për sulm seksual në Mitrovicë të Veriut dërgohet në mbajtje

Published

on

By

Sipas raportit 24 orësh të Policisë së Kosovës, në Mitrovicë Veri është arrestuar një mashkull i dyshuar për kryerjen e sulmit seksual ndaj një viktime femër kosovare.

Pas intervistimit, me vendim të prokurorit, i dyshuari është dërguar në mbajtje.

Rasti po hetohet nga organet kompetente.

Continue Reading

Të kërkuara