Lajmet

Pse duhet të studioni Inxhinieri e Energjisë në UBT?

Published

1 year ago

on

Programi i Bachelorit në Inxhinieri të Energjisë në UBT është krijuar për të përgatitur studentët për një karrierë të suksesshme në fushën e energjisë, me një fokus të veçantë në prodhimin, shpërndarjen dhe përdorimin e qëndrueshëm dhe efikas të energjisë. Ky program ofron një bazë të fortë në parimet e inxhinierisë së energjisë dhe t’i pajisë studentët me njohuritë dhe aftësitë e nevojshme për të projektuar, analizuar dhe zbatuar sisteme energjetike efikase, duke adresuar sfidat aktuale dhe të ardhshme të energjisë.

Përgjigje ndaj nevojës për personel të kualifikuar, programi ka për qëllim t’i përgjigjet nevojës për specialistë të kualifikuar në fushën e energjisë. Studentët që diplomojnë në këtë program do të jenë të përgatitur për të kontribuar në prodhimin dhe shpërndarjen e elektricitetit dhe në industrinë e ndërlidhur shërbyese. Studentët do të marrin një edukim profesional në sistemet e energjisë, duke përfshirë prodhimin, shpërndarjen dhe përdorimin e qëndrueshëm të energjisë. Përveç teorisë, ata do të kryejnë praktikë dhe një tezë të Bachelorit, që do të ndihmojë në integrimin e tyre në tregun e punës dhe në zgjidhjen e problemeve reale.

Qasje multidisiplinore dhe inovative, programi ofron një qasje multidisiplinore që përfshin aspekte të fizikës, inxhinierisë dhe shkencës mjedisore. Kjo qasje ndihmon studentët të zhvillojnë një kuptim të plotë të aspekteve teknologjike dhe ekonomike të sistemit energjetik, duke përfshirë teknologjitë e avancuara si Smart Grid dhe burimet e rinovueshme të energjisë.

Kulturë pune dhe bashkëpunimi në ekip, UBT promovon zhvillimin e një kulture pune në formë ekipore, duke i bërë studentët pjesë të proceseve moderne dhe trendeve globale në fushën e energjisë. Kjo është e rëndësishme për të ndihmuar në krijimin e një ambienti të favorshëm për të mësuar dhe për të kontribuar në industrinë energjetike.

Mbështetje nga Strategjia e Energjisë së Kosovës, programi është në përputhje me Strategjinë e Energjisë së Republikës së Kosovës 2022-2031, e cila promovon zhvillimin e energjisë së rinovueshme dhe krijimin e një mjedisi miqësor për investimet private në sektorin e energjisë. Ky fokus përfshin energjinë solare, energjinë e erës, energjinë gjeotermale, biomasën dhe gazin, si dhe rivitalizimin e termocentraleve.

Kualifikimi dhe ekspertiza, studentët që përfundojnë programin do të jenë të aftë të përvetësojnë një kuptim të avancuar të parimeve të inxhinierisë së energjisë, të demonstrojnë njohuri në teknologjitë e Smart Grid dhe të kuptojnë aspektet ekonomike dhe politike të prodhimit dhe konsumit të energjisë. Ata do të jenë në gjendje të zgjidhin probleme komplekse, të menaxhojnë projekte teknike dhe të kontribuojnë në zhvillimin e zgjidhjeve energjetike inovative dhe të qëndrueshme.

Studimi i Inxhinieri e Energjisë në UBT ofron një mundësi të jashtëzakonshme për të ndjekur një karrierë në një fushë dinamike dhe në zhvillim të shpejtë, duke i përgatitur studentët për të kontribuar në zgjidhjen e sfidave energjetike të së ardhmes. Zgjedh liderin që të udhëheqësh në sfidat e së ardhmes dhe të kontribuosh në zhvillimin e qëndrueshëm të sektorit të energjisë./UBTNews/

 

Related Topics:
Continue Reading

Lajmet

Ambasadori Hargreaves i shkon në zyrë Dimal Bashës

Published

5 hours ago

on

September 4, 2025

By

Kryeparlamentari Dimal Basha priti sot në takim ambasadorin britanik në Kosovë, Jonathan Hargreaves me të cilin ka biseduar mbi zhvillimet e fundit politike në vend, me theks të veçantë për procesin e seancës konstituive të Kuvendit.

Basha shprehu mirënjohjen e thellë të popullit të Kosovës ndaj Britanisë së Madhe për rolin e saj gjatë luftës, dhe mbështetjen e vazhdueshme në fuqizimin e shtetit, ekonomisë dhe institucioneve demokratike të vendit tonë.

Ai tha se Kosova mbetet e palëkundur në mbrojtjen e interesave dhe të drejtave të të gjithë qytetarëve të saj, si dhe qëndron e vendosur në avancimin e integrimit në familjen evropiane, dhe synimin e qartë për anëtarësim në NATO.

Ndërsa, ambasadori Hargreaves ri-konfirmoi gatishmërinë për bashkëpunim dhe intensifikim të raporteve të vendit të tij me Kuvendin dhe qytetarët e Kosovës, thuhet në njoftimin e Kuvendit të Kosovës./D.B/KP

Continue Reading

Bota

Numri i viktimave nga tërmeti i fuqishëm në Afganistan arrin në 2200

Published

6 hours ago

on

September 4, 2025

By

Operacionet e kërkim-shpëtimit nga tërmeti i fuqishëm i së dielës në Afganistanin lindor po vazhdojnë, me numrin e të vdekurve që tejkalon 2.200, sipas zyrtarëve.

Hamdullah Fitrat, zëvendës zëdhënës i administratës së përkohshme, tha në kompaninë amerikane të mediave sociale X se numri i të vdekurve u rrit në 2,205, ndërsa numri i të plagosurve arriti në 3.640, vetëm në provincën Kunar.

“Me shumë njerëz ende të bllokuar nën rrënoja, numri i të vdekurve mund të rritet më tej ndërsa operacionet e kërkimit për të mbijetuarit vazhdojnë“, tha më parë Rahimullah Hamzala, zëdhënës i forcave lokale të sigurisë në provincën Kunar.

Autoritetet në Kabul kanë frikë gjithashtu se numri i të vdekurve mund të rritet, ndërsa ndajnë të dhëna nga provincat Nangarhar, Laghman dhe Panjshir, të cilat u goditën gjithashtu. Të paktën 12 vdekje janë raportuar tashmë në Nangarhar.

Agjencitë humanitare paralajmërojnë se shkalla e shkatërrimit kërkon mbështetje urgjente ndërkombëtare për të parandaluar një krizë të përkeqësuar.

Turqia këtë javë dërgoi 25 ton ndihma në vend, duke përfshirë materiale strehimi, pako higjienike dhe kuti ushqimore.

Pakistani fqinj gjithashtu ka dërguar 105 ton ndihma, ndërsa Irani, Kina dhe India, si dhe vendet perëndimore, janë zotuar të dërgojnë ndihmë./D.B/KP

Continue Reading

Lajmet

Më 22 shtator shpallet konkursi për pranimin e 60 ushtarëve nga radhët e komuniteteve jo shumicë

Published

6 hours ago

on

September 4, 2025

By

Më 22 shtator do të shpallet konkursi për pranimin e gjashtëdhjetë (60) ushtarëve aktiv nga radhët e komuniteteve jo shumicë.

Kështu ka bërë të ditur përmes një njoftimi në Facebook, ministri në detyrë i Mbrojtjes, Ejup Maqedonci.

“Të gjithë të rinjët e të rejat e interesuara për t’iu bashkuar Forcës së Sigurisë së Kosovës mund të gjejnë kushtet e konkursit në web faqen https://mod.rks-gov.net/Page/16 / që do të bëhet publik me rastin e hapues së konkursit”, thuhet në njoftimin e tij.

 

Continue Reading

Bota

​Rutte thekson garanci të forta sigurie për Ukrainën, të mbështetura nga Evropa, Kanadaja e SHBA

Published

6 hours ago

on

September 4, 2025

By

Sekretari i Përgjithshëm i NATO-s, Mark Rutte, tha se presidenti amerikan Donald Trump e theu bllokimin me presidentin rus Vladimir Putin dhe “tani Evropa dhe Kanadaja me SHBA-në duhet të hartojnë garanci sigurie për të siguruar që Ukraina të ketë mbështetje të plotë në bisedime”.

Duke folur në konferencën e përbashkët për shtyp me kryeministrin çek Peter Fiala në Pragë, Rutte theksoi se bashkësia ndërkombëtare po koordinohet ngushtë për të përgatitur garanci sigurie që do të siguronin që Ukraina të ketë mbështetjen e plotë të anëtarëve dhe partnerëve të NATO-s jashtë aleancës, së bashku me një mbrojtje të fortë kombëtare, raporton KosovaPress.

Shefi i NATO-s tha se pas takimit të 15 gushtit në Alaska midis Trump dhe Putin, “tani është për ne të hartojmë garancitë e sigurisë si evropianë dhe Kanadaja me SHBA-në për t’u siguruar që kur të fillojnë bisedimet, presidenti ukrainas e di se ka mbështetjen e plotë të SHBA-së, të Kanadasë, evropianëve, të gjithë neve në NATO, por edhe të vendeve tona jashtë NATO-s”.

Ai shtoi se themeli i këtyre garancive duhet të jetë forcimi i forcave të armatosura të Ukrainës.

Fiala theksoi qëndrimin e unifikuar të aleatëve të NATO-s, duke vënë në dukje nevojën për të vazhduar mbështetjen për Ukrainën në mënyrë që ajo të mund të mbrohet dhe të mbajë presionin mbi Rusinë, duke krijuar njëkohësisht kushte për një paqe të qëndrueshme.

Duke iu referuar takimit të koalicionit të të vullnetshmëve në Paris, udhëheqësi çek tha se ekziston gjithashtu një konsensus i fortë se duhet të ketë garanci të forta sigurie, të cilat do ta dekurajonin Rusinë nga agresioni i mëtejshëm.

Continue Reading

Të kërkuara