Lajmet

Pse duhet të studiohet Muzika Moderne, Prodhimi Digjital dhe Menaxhimi në UBT?

Published

on

Programi i Muzikës Moderne, Prodhimit Digjital dhe Menaxhimit në UBT është krijuar për t’u ofruar studentëve një edukim të avancuar dhe të shumëanshëm, që i përgatit për sfidat dhe mundësitë e industrisë muzikore dhe prodhimit digjital. Ky program integron muzikën moderne me teknikat e prodhimit digjital dhe menaxhmentin e industrisë muzikore, duke i ofruar studentëve një kurikulë të pasur dhe të ndërthurur.

Kurikula multidisiplinare, kombinimi i muzikës moderne dhe prodhimit digjital ofron një qasje të integruar që bashkon artin e muzikës moderne me teknikat e prodhimit digjital. Studentët do të mësojnë të krijojnë dhe të menaxhojnë muzikën duke përdorur teknologjitë më të fundit dhe të zhvillojnë aftësi të nevojshme për të prodhuar dhe shpërndarë muzikë në një ambient të avancuar digjital. Programi gjithashtu përfshin komponentë të menaxhmentit të industrisë muzikore, duke përfshirë strategjitë për menaxhimin e karrierave artistike dhe planifikimin e aktiviteteve dhe projekteve muzikore.

Infrastrukturë moderne me studio dhe pajisje të avancuara, UBT ofron akses në studio të pajisura me teknologjinë më të fundit dhe softuerë të avancuar për prodhimin dhe regjistrimin e muzikës. Kjo infrastrukturë moderne i ndihmon studentët të aplikojnë njohuritë e tyre në një mjedis të sofistikuar dhe profesional.

Staf akademik profesional, ekspertë të fushës, ligjëruesit janë profesionistë të kualifikuar dhe me përvojë të gjerë në muzikë, prodhim digjital dhe menaxhment të industrisë muzikore.

Rrjetëzim me industrinë, programi ofron mundësi të shumta për të ndërtuar lidhje me profesionistë të industrisë muzikore dhe prodhimit digjital. Studentët do të kenë mundësinë të marrin pjesë në ngjarje dhe aktivitete që i lidhin ata me ekspertë dhe mundësi në industrinë muzikore.

Punësim dhe praktikë, programi i UBT-së ofron mundësi për të kryer praktika në kompani dhe organizata dhe institucione që operojnë në fushën e muzikës dhe prodhimit digjital. Këto mundësi ndihmojnë studentët të fitojnë përvojë të vlefshme dhe të sigurojnë pozita të qëndrueshme në tregun e punës pas diplomimit.

Studimi i Muzikës Moderne, Prodhimit Digjital dhe Menaxhimit në UBT ofron një përgatitje të plotë dhe të avancuar që i përgatit studentët për sukses në një industri që është në vazhdimësi në zhvillim dhe ndryshim./UBTNews/

 

 

 

 

Continue Reading

Lajmet

Duda Balje: Nuk ndryshojmë qëndrim për koalicion me Vetëvendosjen

Published

on

By

Deputetja nga radhët e komunitetit boshnjak dhe kryetare e Unionit Socialdemokrat, Duda Balje, ka deklaruar se partia e saj nuk ka ndryshuar qëndrim sa i përket bashkëpunimit me Lëvizjen Vetëvendosje. Deklarata e saj erdhi si përgjigje ndaj deputetit të VV-së, Arbër Rexhaj, i cili kishte përmendur një ofertë për pozitë ministrore ndaj Unionit Socialdemokrat.

“Unë jam mbrapa qëndrimit, të cilin e kemi marrë si parti. Ne nuk e ndryshojmë qëndrimin,” u shpreh Balje.

Ajo gjithashtu reagoi ndaj komenteve të Rexhajt lidhur me deputetët me pak vota, duke rikujtuar se ajo dhe partia e saj kanë mbështetur Vetëvendosjen në të kaluarën.

“Arbër Rexhaj ka pasur një pikëpyetje se çka është duke ndodhur me deputetët që i kanë pasur 500 vota. Unë e kam një përgjigje për Arbërin se ku ishte Arbëri kur ne kemi votuar për qeverisjen lokale të VV-së dhe për kryeministrin Kurti. Unë i them se kjo nuk ka logjikë prej Arbërit,” tha Balje

Continue Reading

Lajmet

Murati: Propozimi për Albulena Haxhiun nuk do të ndryshojë, zgjedhjet janë opsioni i fundit

Published

on

By

Ministri në detyrë i Financave, Hekuran Murati, ka deklaruar se propozimi i Vetëvendosjes për kandidatin për kryetare të Kuvendit, Albulena Haxhiu, do të mbetet i pandryshuar. Ai theksoi se ky propozim është bërë pas shfrytëzimit të të drejtës së Vetëvendosjes si fituese e zgjedhjeve.

Murati theksoi gjithashtu se zgjedhjet e reja nuk janë qëllimi i Vetëvendosjes dhe se ato do të ishin opsioni i fundit. Ai theksoi se duhet të arrihet një dakordim politik për nënkryetarët, duke shtuar se strategjitë aktuale janë më shumë taktizime.

“VV-ja si fitues e zgjedhjeve e ka të drejtën e propozimit të kandidatit dhe këtë të drejtë e ka shfrytëzuar duke propozuar Albulena Haxhiun. Këto sjellje janë më shumë taktizime. Kemi propozuar gruan më të votuar. Ky është propozimi ynë dhe nuk do të ndryshojë. Duhej dakordim politik, i cili mund të arrihet për nënkryetarët. Nuk është qëllimi ynë për të shkuar në zgjedhje. Ai do të ishte opsioni ynë i fundit”, tha Murati.

Continue Reading

Lajmet

Krasniqi: Nëse nuk ka zgjidhje, zgjedhjet mund të mbahen në maj ose qershor

Published

on

By

Pas dështimit të sërishëm të seancës konstituive, kryetari i PDK-së, Memli Krasniqi, ka deklaruar se nëse nuk arrihet një zgjidhje për konstituimin e Kuvendit, Kosova mund të shkojë në zgjedhje të reja në muajin maj ose qershor.

Krasniqi ka theksuar se partia në pushtet, Vetëvendosje, nuk ka arritur të sigurojë votat e nevojshme për formimin e qeverisë dhe për zgjedhjen e kryetarit të Kuvendit. Ai ka shtuar se nëse nuk ka një marrëveshje politike për të zhbllokuar situatën, zgjedhjet janë një opsion i mundshëm.

“Nuk i ka votat as për qeveri. Sikur t’i kishte votat për qeveri do t’i kishte edhe votat për kryetar të Kuvendit. Ose duhet konstituar Kuvendi ose një marrëveshje politike, ose të shkohet në zgjedhje. Duhet ta propozojmë dikë tjetër. Nuk dua t’ua imponoj kandidatin. Veten ta propozon ai (Albin Kurti). Nëse nuk dalim nga kjo situatë, zgjedhje do të kemi në maj ose në qershor. Albulena Haxhiu nuk kalon. I ftoj të ndërrojnë kandidatin, nxirreni dikë që i merr votat”, tha Krasniqi.

Continue Reading

Lajmet

Dështon për të gjashtën herë konstitutimi i Kuvendit të Kosovës

Published

on

By

Konstitutimi i Kuvendit të Kosovës ka dështuar për të gjashtën herë, pasi kandidatja e Vetëvendosjes për kryeparlamentare, Albulena Haxhiu, nuk ka arritur të sigurojë më shumë se 57 vota. 

Emri i Albulena Haxhiut u hodh në votim pas propozimit të deputetit Glauk Konjufca, i cili kërkoi mirëkuptimin e deputetëve për të zhbllokuar situatën politike.

“Emri ynë i vetëm është Albulena Haxhiu, për kryetare të Kuvendit të Kosovës, ju kërkoj mirëkuptimin tuaj që ta zhbllokojmë situatën në të cilën kemi mbetur”, tha Konjufca para procesit të votimit.

Continue Reading

Të kërkuara