Lajmet

PSD pyet kryeministrin Kurti: Kur do të përjashtohet ministrja Nagavci?

Nga PSD-ja thonë se pushteti aktual gjatë mandatit të saj nuk ka asnjë lajm të mirë në fushën e arsimit.

Published

2 years ago

December 6, 2023

Betim Gashi

“990 ditë mungesa pa arsye” është mbishkrimi i Partisë Socialdemokrate në objektin e Ministrisë së Arsimit. Përmes këtij aksioni simbolik u kritikua ministrja Arbërie Nagavci, ku u tha se përgjatë tërë këtyre ditëve ka mungesa të paarsyeshme dhe nuk është përjashtuar nga shefi i saj, Albin Kurti.

Donjeta Demolli nga Partia Socialdemokrate, teksa komentoi rezultatet e testit PISA, tha se pushteti aktual gjatë mandatit të saj nuk ka asnjë lajm të mirë në fushën e arsimit.

“Në një rast normal, në një qeverisje normale kritikat ndaj pushtetit ishte dashur të drejtohen në dështimet e pushtetit, mirëpo ne këtu e kemi një rast special të pa precedentë të një ministre, e cila nuk ka dështuar sepse nuk ka provuar asgjë. E kemi një ministre, e cila është 990 ditë në mungesë dhe këto mungesa i ka të paarsyeshme, është e pa përjashtuar ende nga kryeministri. Dhe pse po ndodh kjo edhe pse ne asnjë lajm të mirë në fushën e arsimit sot e tri vjet nuk e kemi marrë. Për më shumë që dje e morëm një lajm shumë të keq në raport me rezultatet e testit PISA dhe patëm një ministre, e cila paturpësisht në vend të marrjes së përgjegjësisë doli dhe gënjeu para qytetarëve”, deklaroi Demolli.

Ajo tha se Qeveria Kurti po tenton ta shtypë sindikalizimin dhe të disiplinojë mësimdhënësit kur ata kërkojnë paga më të larta.

Pas aktivitetit të PSD-së, Demolli tha para mediave se ministrja Nagavci e ka mbrojtjen e kryeministrit Kurti.

“Problemi kryesor në këtë rast është që ministrja e Arsimit, Nagavci nuk është vetëm. Ministrja e ka mbrojtjen e kryeministrit dhe pse ndodhë kjo? Kryeministrit nuk po i bëhet vonë për të zhvilluar këtë sektor sepse efektet, apo pasojat e këtij sistemi arsimor nuk i bart fëmija i tij e as ai vet. Kemi 990 ditë mungesë interesimi, kemi 990 ditë mungesa të paarsyeshme. Pyetja e PSD-së për kryeministrin është ‘kur do të përjashtohet ministrja Nagavci?”, përfundoi ajo.

Demolli shtoi se pushteti aktual nuk po realizon as premtimet që i kishte dhënë dikur.

“Premtimi kryesor i kësaj qeverisje që mbahet mend edhe që mund të themi që ishte një premtim i mirë- ndërtimi i 160 çerdheve ka dështuar është dështim spektakolar. I kemi vetëm katër çerdhe të ndërtuara deri më tani. Ky dështim e afekton edhe fëmijën, e afekton edhe pavarësimin e gruas edhe papunësinë edhe ekonominë e vendit, mirëpo e kemi një ministre e cila nuk punon tash e 990 ditë. Në universitet nuk ka ndërruar asgjë, përveçse ka degraduar gjendja. Kemi buxhet më të ultë për universitet dhe kemi paga më të ultë për profesorët por i kemi ministrat të cilët i dërgojnë fëmijët e tyre në universitete private brenda dhe jashtë shtetit. Gjendja me testet shkollore është gjendje që e shfaq që kjo ministre është e pa interesuar dhe është e paaftë të bëjë çfarëdo veprimi i cili do të zhvillonte arsimi në Kosovë”, përfundoi ajo.

Kosova është renditur pothuajse në vendet e fundit në rezultatet e testit PISA-s për 2022. Kosova ka zënë vendin e 78-të nga 80 shtete pjesëmarrëse, duke pësuar rënie nga viti 2018 për 11 pikë. Vendi ka zënë pozitën 76 për lexim, 77 për shkencë dhe 74 për matematikë.

Related Topics:Albin Kurti PSD Arbërie Nagavci

Up Next

Përse Strasburgu njihet si kryeqyteti i Krishtlindjeve?

Don't Miss

Srpska Demokratija, partia më e re në Kosovë

Lajmet

KQZ-ja me detaje për verifikimin e rezultateve, përmbyllet procesi në 13 komuna

Published

2 hours ago

October 16, 2025

UBTnews

Zëdhënësi i Komisionit Qendror të Zgjedhjeve, Valmir Elezi ka thënë se deri më tani janë verifikuar rezultatet për 1 mijë e 531 vendvotime nga votimet për kryetarë të 12 tetorit.

Ai njëherësh ka treguar edhe për verifikimin e rezultateve për asamble.

“Sipas informacioneve nga Qendrat Komunale të Numërimit, deri në orën 10:00 të ditës së sotme, janë verifikuar rezultatet për 1,531 vendvotime nga zgjedhjet për Kryetarë të Komunave dhe rezultatet për subjektet politike nga zgjedhjet për Kuvende Komunale nga 1,494 vendvotime”.

“Nga po kaq vendvotime, 1,494, janë numëruar votat e kanidatëve nga zgjedhjet për Kuvendet Komunale. Pra, deri më tani, nga 5,142 kuti votimi që i takojnë dy llojeve të zgjedhjeve, janë procesuar 3,025”, tha ai.

Elezi bëri me dije më tutje se deri më tani aktivitetet në Qendrën Komunale të Numërimit sa i përket numërimit të votave janë përmbyllur në 13 komuna.

“Deri më tani (e enjte, ora 10:00), aktivitetet në QKN janë përmbyllur në 13 komuna: Hani i Elezit (e hënë), Junik, Mamushë, Zveçan (e martë), Mitrovicë e Veriut, Zubin Potok, Deçan, Shtime, Klinë, Shtërpcë, Obiliq, Istog dhe Skenderaj (e mërkurë). Në përgjithësi, në Qendrat Komunale të Numërimit zhvillohen 3 aktivitete të rëndësishme: verifikimi i rezultateve nga zgjedhjet për Kryetarë të Komunave; verifikimi i rezultateve të subjekteve politike nga zgjedhjet për Kuvende Komunale; dhe numërimi i votave të kandidatëve për anëtarë të Kuvende Komunale”, shtoi Elezi.

Në zgjedhjet e së dielës votuan 811 mijë e 984 qytetarë nga 2milionë e 25mijë e 105 me të drejtë vote./EO

Lajmet

Kapen dy kosovarë me mbi 27 mijë euro të padeklaruara në kufi me Shqipërinë

Published

3 hours ago

October 16, 2025

UBTnews

Dy shtetas nga Kosova janë kapur në Pikën e Kalimit Kufitar në Morinë, teksa tentonin të futnin në territorin e Shqipërisë 27 mijë e 550 euro pa i deklaruar në doganë.

Policia shqiptare bëri të ditur se në hetim janë vënë dy persona me inicialet A. G., njëri 51-vjeçar nga Kosova me vendbanim në Suedi, të cilit iu gjetën 12 mijë e 550 euro, dhe tjetri 44-vjeçar nga Suhareka, me 15 mijë euro në posedim.

Shuma e parave është sekuestruar, ndërsa ndaj të dyve janë nisur procedurat hetimore në Prokurorinë pranë Gjykatës së Kukësit për veprime të mëtejshme.
“Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme”./EO

Lajmet

Gjashtë të arrestuar pas një përleshjeje në Viti, në vendngjarje konfiskohet drogë

Published

3 hours ago

October 16, 2025

UBTnews

Gjashtë persona janë arrestuar në Viti pasi dyshohen se u përleshën mes vete. Të gjithë të dyshuarit pësuan lëndime dhe pranuan ndihmë mjekësore.

Në raportin 24-orësh të Policisë, thuhet se rasti ka ndodhur të mërkurën në Viti dhe u iniciua si “Lëndim i lehtë trupor”.

“Viti 15.10.2025-14:30. Janë arrestuar gjashtë të dyshuar meshkuj kosovarë, pasi që të njëjtit pas një mosmarrëveshje janë rrahur në mes veti. Si pasojë e rrahjes lëndime trupore kanë pësuar të gjithë personat të cilët kanë pranuar tretman mjekësor. Në vendin e ngjarjes është gjetur dhe konfiskuar edhe 5.38 gram substancë të dyshuar narkotike. Me vendim të prokurorit gjashtë të dyshuarit dërgohen në mbajtje”, thuhet në njoftim./EO

Lajmet

Verifikohen dhe numërohen rreth 60% e vendvotimeve në nivel vendi, 13 komuna përmbyllin procesin

Published

3 hours ago

October 16, 2025

UBTnews

Të enjten në mëngjes, Komisioni Qendror i Zgjedhjeve ka përditësuar të dhënat nga aktivitetet që janë duke u zhvilluar në Qendrat Komunale të Numërimit në komuna të ndryshme të Kosovës.

Sipas Zëdhënësit të KQZ-së, Valmir Elezi, rreth 60% e vendvotimeve kanë përfunduar procesin e numërimit të votave të kandidatëve për Kuvende Komunale si dhe të verifikimit të rezultateve nga zgjedhjet për Kryetarë të Komunave dhe rezultateve të subjekteve politike nga zgjedhjet për Kuvende Komunale.

“Sipas informacioneve nga Qendrat Komunale të Numërimit, deri në orën 10:00 të ditës së sotme, e enjte, janë verifikuar rezultatet për 1,531 vendvotime nga zgjedhjet për Kryetarë të Komunave dhe rezultatet për subjetet politike nga zgjedhjet për Kuvende Komunale nga 1,494 vendvotime. Nga po kaq vendvotime, 1,494, janë numëruar votat e kanidatëve nga zgjedhjet për Kuvendet Komunale”, tha Elezi.

Sipas tij, deri më tani, nga 5,142 kuti votimi që i takojnë dy llojeve të zgjedhjeve, janë procesuar 3,025 të tilla.

Më tej, ai ka bërë të ditur se nga e hëna deri të enjten në mëngjes, aktivitetet në QKN janë përmbyllur në 13 komuna: Hani i Elezit (e hënë), Junik, Mamushë, Zveçan (e martë), Mitrovicë e Veriut, Zubin Potok, Deçan, Shtime, Klinë, Shtërpcë, Istog dhe Skenderaj (e mërkurë) dhe Obiliq.

Sipas ligjit për zgjedhjet e përgjithshme dhe akteve nënligjore të KQZ-së, në Qendrat Komunale të Numërimit zhvillohen 3 aktivitete të rëndësishme: verifikimi i rezultateve nga zgjedhjet për Kryetarë të Komunave; verifikimi i rezultateve të subjekteve politike nga zgjedhjet për Kuvende Komunale; dhe numërimi i votave të kandidatëve për anëtarë të Kuvende Komunale.

Në platformën e KQZ-së për rezultate https://resultslocal2025.kqz-ks.org/ janë duke u prezantuar rezultatet nga QKN-të, vendvotim pas vendvotimi./EO