

Lajmet
PSD: Kosovës i duhet një president që frenon tendencat autoritariste të Kurtit
Published
4 years agoon
By
Betim GashiAnëtari i Partisë Social Demokrate, Nol Nushi, thotë se Kosova ka nevojë për një president që frenon tendencat autoritariste të kryeministrit Albin Kurti.
Në një intervistë për Ekonomia Online, Nushi tha se kandidatja për presidente, Vjosa Osmani, nuk është zgjedhja e duhur, pasi nuk përfaqëson unitet politik.
“Sigurisht që nuk mendojmë se Vjosa Osmani është zgjedhja e duhur për presidente, pasi në këtë mënyrë po përfundon cikli i kapjes së institucioneve kryesore nga një subjekt. Pra kemi kryeministrin, kryetarin e Kuvendit dhe nëse zgjidhet presidentin do ta kemi persona që e përfaqësojnë një subjekt politik që është VV-ja. Në këtë mënyrë i shuhet ajo vlerë institucionale që e ka posti i presidentit i cili duhet të shërbej si ruajtës i balancave politik. Unë ende kam shpresë që kjo nuk do të ndodhë, nuk është puna vetëm me personin konkret por edhe me personin konkret, e cila është një figurë përçarëse dhe mjaftë e anshme për t’u thënë që mund të bëhet presidente unifikuese, ajo ka pozicione shumë të qarta karshi partive politike, të cilat përfaqësojnë një masë shumë të madhe të elektoratit, unë nuk kam dëgjuar se do të mbahet nesër (sot, e premte), por Kosova ka nevojë për një presidente që frenon tendencat autoritariste të Kurtit”, tha ai.
Tutje, Nushi tha se çështja e presidentit duhet të zgjidhet me marrëveshje politike brenda Kuvendit, dhe jo të përdoret shantazhi i numrave, pasi kjo mënyrë e rrezikon demokracinë.
“Nuk është shumë te personat konkret siç thash, është më shumë te marrëveshjet politike që bëhet përmes Kuvendit Kosovës, jo rastësisht kërkohen 2/3 të qëndrojnë në sallë që të votohet presidenti i Kosovës, pra vet Kushtetuta jonë, e ka bërë të detyrueshme kompromisin në politik. Nuk është këtu fituesi i zgjedhjeve i merr të gjitha postet. Pavarësisht rezultatit, kompromisi duhet të jetë i detyrueshëm. Gjuha e shantazhit të numrave është e papranueshme, është gjuhë që tenton ta nënshtrojë tjetrin dhe kjo është e rrezikshme për demokracinë”, u shpreh ai për Ekonomia Online.
Në anën tjetër, anëtari i PSD-së thotë se Kurti do të dorëzohet karshi kërkesës për themelimin e Asociacionit të komunave me shumicë serbe.
“Së pari qeveria e re na ka gënjyer, ka thënë që prioritet e ka të gjashtë ose të shtatë, pastaj e qiti prioritet të katër dhe në ditën e parë të qeverisjes tij kur është emëruar kryeministër, punën e parë që bëri është mori pjesë në një tryezë online për dialogun. Ne e kemi pa qysh secili takim me ambasadorë që diskutohet është tema e dialogut që duhet të fillojë shpejt dhe të kryhet shpejt me atë që po shohim nga deklarata, pasi nuk kemi informacione të brendshme. Pozicioni i Kurtit është pozicion i BE-së që po kërkon me ngul themelimin e Asociacionit me komuna me shumicë serbe, që është një marrëveshje që e kemi diskutua atëherë, dhe tashmë nuk po e dëgjojmë VV-në të flet një gjë për të. Këta e ka kusht nga BE-ja, ata e kanë zgjedh këtë pozicion edhe gradualisht ka me u nënshtrua edhe brenda këtij pozicioni. Është një gënjeshtër e shumëfishtë që i është bërë elektoratit, kur ka dalë Kurti në fushatë nuk ka përmend asnjë plan se si do t’i qaset kësaj teme, pavarësisht që ne si PSD kemi thënë që ka me qenë tema kryesore, pasi dy ose tri qeveri të fundit janë rrëzuar për shkak të dialogut. Të fitosh zgjedhjet me kaq shumë vota dhe të mos kesh program për temën kryesore është mashtrim i qytetarëve, edhe njëjtë me mashtrim do të përfundojë edhe tendenca e Kurtit për ta përfunduar këtë çështje”, tha ai.
Nushi thekson se është e nevojshme arritja e një marrëveshje gjithëpërfshirëse me Serbinë, pasi kjo do t’i ndihmonte bashkëpunimit rajonal.
“Për ne si PSD është e nevojshme arritja e marrëveshjes gjithëpërfshirëse me njohje të ndërsjellët në këtë mënyrë që t’i hapet rrugë, jo largimit nga njëra-tjera, por bashkëpunimit rajonal, pasi perspektiva e vetme aktuale, është bashkëpunimi rajonal me shtetet e rajonit, pasi avancimi në BE është i pamundur, jo për fajin tonë por për fajin e BE-së”, u shpreh ai.
Lajmet
KQZ dhe Komisioni i Venecias mbajnë punëtori për zgjedhjet parlamentare të 9 shkurtit
Published
2 hours agoon
June 26, 2025By
UBTnews
Komisioni Qendror i Zgjedhjeve në bashkëpunim me Komisionin e Venecias të Këshillit të Evropës organizoi punëtorinë për mësimet nga zgjedhjet e fundit për Kuvendin e Kosovës, të cilat u mbajtën më 9 shkurt 2025.
Gjatë kësaj punëtorie, ku morën pjesë anëtarë dhe zyrtarë të KQZ-së, përfaqësues të institucioneve të ndryshme (Avokati i Popullit, Paneli Zgjedhor për Ankesa dhe Parashtresa dhe Agjencioni për Parandalimin e Korrupsionit) u trajtuan çështje të ndryshme nga zgjedhjet e 9 shkurtit, me theks të veçantë zgjidhjen e kontesteve zgjedhore dhe monitorimin, dokumentimin dhe sanksionimin e keqpërdorimit të burimeve shtetërore.
Në hapje të punëtorisë, kryesuesi i KQZ-së, Kreshnik Radoniqi shprehu mirënjohje për Komisionin e Venecias për prezencën e tyre në vendin tonë, si një dëshmi e qartë e përkushtimit të përbashkët për të mbështetur standardet demokratike, transparencën dhe sundimin e ligjit në proceset zgjedhore në Kosovë dhe më gjerë.
Po ashtu, kryesuesi Radoniqi shpalosi ecurinë e procesit të fundit zgjedhor dhe sfidat me të cilat është përballur KQZ dhe për mësimet që të bëhen përmirësimet e nevojshme për proceset e ardhshme zgjedhore.
Ndërkaq, nga Sekretariati i Komisionit të Venecias, Michael Janssen falënderoi KQZ-në për këtë organizim të përbashkët dhe shprehu rëndësinë e trajtimit të rekomandimeve.
Punëtoria e organizuar është në përputhje me praktikën standarde të Komisionit të Venecias, i cili zakonisht ofron asistencë para ose pas zgjedhjeve gjatë të cilave merr pjesë në misione vëzhgimi të Asamblesë Parlamentare të Këshillit të Evropës (PACE). Qëllimi i takimit është të ndihmojë në analizën paszgjedhore dhe të kontribuojë në forcimin e integritetit dhe funksionalitetit të proceseve zgjedhore në Kosovë.
Në zgjedhjet e fundit për Kuvendin e Kosovës, një delegacion i Asamblesë Parlamentare të Këshillit të Europës (PACE) ka qëndruar në Kosovë me qëllim që të vlerësojë fushatën zgjedhore dhe klimën politike para zgjedhjeve parlamentare të cilat u mbajtën më 9 shkurt 2025.
Lajmet
KQZ: Fillon periudha për aplikim të partive për zgjedhjet lokale
Published
8 hours agoon
June 26, 2025By
UBTNews
Komisioni Qendror i Zgjedhjeve (KQZ) ka hapur zyrtarisht periudhën për aplikim të subjekteve politike që synojnë të marrin pjesë në zgjedhjet lokale të 12 tetorit 2025. Afati për aplikim do të zgjasë 49 ditë, deri më 13 gusht.
Zëdhënësi i KQZ-së, Valmir Elezi, ka bërë të ditur se për të lehtësuar këtë proces, aplikimi do të mund të bëhet online përmes platformës elektronike të KQZ-së.
“Duke filluar nga sot, subjektet politike mund të aplikojnë për certifikim për pjesëmarrje në zgjedhje. Gjatë kësaj periudhe, ato duhet të dorëzojnë edhe listën me emrat e kandidatëve për kryetarë të komunave dhe për kuvendet komunale”, tha Elezi.
Ai shtoi se vendimi për llojin e pjesëmarrjes dhe për komunat ku do të garojnë i mbetet në dorë secilit subjekt politik. “Subjektet politike mund të vendosin nëse duan të garojnë vetëm për kryetar komune, për kuvend komunal ose për të dyja”, deklaroi Elezi.
Lajmet
Falsifikim parash në Prishtinë, arrestohet një person
Published
8 hours agoon
June 26, 2025By
UBTNews
Njësia për Hetimin e Krimeve Ekonomike në Prishtinë ka ndaluar një person nën dyshimin për prodhim të parasë së falsifikuar. Sipas raportit 24-orësh të Policisë së Kosovës, i dyshuari është arrestuar pas një pune operative hetimore.
Me urdhër të prokurorit, është kryer bastisje në banesën e të dyshuarit, ku janë sekuestruar materiale të ndryshme që shërbenin për prodhimin e kartëmonedhave false. Në mesin e provave të konfiskuara janë: 135 fletë formati A4 me fotokopje të kartëmonedhave të ndryshme, një xham me holograme të prera, një skalper dhe vizore, katër ngjitës, shirit izolues, një printer, një telefon dhe një shumë parash në vlerë prej rreth 4,796 euro.
Pas intervistimit, me vendim të prokurorit, i dyshuari është dërguar në mbajtje.
Lajmet
Gjashtë raste dhune në familje brenda një dite, tre të dyshuar në mbajtje
Published
8 hours agoon
June 26, 2025By
UBTNews
Në raportin 24-orësh të Policisë së Kosovës janë evidentuar gjithsej gjashtë raste të dhunës në familje në qytete të ndryshme të vendit. Rastet përfshijnë dhunë fizike dhe psikike, ndërsa në disa prej tyre janë ndërmarrë masa ligjore ndaj të dyshuarve.
Në Prishtinë janë regjistruar dy raste. Në një rast, një grua ka raportuar se bashkëshorti i saj ka ushtruar dhunë psikike ndaj saj pas një mosmarrëveshjeje. Palët janë shoqëruar në stacionin policor dhe rasti është proceduar në procedurë të rregullt. Në një rast tjetër, një burrë është arrestuar pasi dyshohet se ka sulmuar fizikisht partneren me të cilën bashkëjeton. I njëjti është dërguar në mbajtje me vendim të prokurorit.
Në Ferizaj, është arrestuar një person pasi nëna e tij ka raportuar se i dyshuari, nën ndikim të alkoolit, kishte fyer dhe shtyrë atë. Pas intervistimit, i dyshuari është dërguar në mbajtje.
Në Pejë, është raportuar se një grua ka qenë viktimë e keqtrajtimit fizik nga i dashuri i saj. I dyshuari nuk është gjetur në vendbanimin e tij dhe rasti është duke u hetuar.
Në Vitomiricë, është arrestuar një person nën dyshimin se kishte ushtruar dhunë psikike ndaj babait të tij. I njëjti është dërguar në trajtim psikiatrik dhe më pas i është caktuar masa e ndalimit për 48 orë me vendim të prokurorit.
Në Mitrovicën e Jugut, është raportuar se një grua ka qenë viktimë e dhunës nga bashkëshorti i saj. Është bërë bastisje në shtëpinë e të dyshuarit, por nuk është gjetur ndonjë provë dhe nuk është raportuar për ndonjë arrestim.

Si ndikon ambienti ynë në qetësinë e mendjes dhe fuqinë e shpirtit?

“Smoke”, serial i bazuar në ngjarje të vërteta

Si ndikon qumështi i gjirit në kohët e nxehta?

KQZ dhe Komisioni i Venecias mbajnë punëtori për zgjedhjet parlamentare të 9 shkurtit

Hegseth mbron sulmet amerikane ndaj Iranit, paraqet 2 objektiva të qarta

Keni shumë mesazhe të palexuara? WhatsApp tani ka një zgjidhje

Influencuesja e famshme vdes pas një operacioni plastik në Turqi

UBT International Smart Schools tani edhe në Gjilan me dy programe në mjekësi

Tani edhe në Prizren: UBT International Smart Schools me dy drejtime të mjekësisë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore