Lajmet

PSD do të ftojë në takim partitë opozitare: Rezistencë të përbashkët kundër shtrenjtimit të rrymës

Molliqaj shtoi se do të vazhdojnë me tubime dhe me aksione simbolike për të kundërshtuar propozimet për ngritje të çmimit.

Published

4 years ago

on

Partia Socialdemokrate ka dorëzuar komentet e saj në ZRrE në lidhje me propozimin e saj për shtrenjtimin e energjisë elektrike. Gjithashtu, kryetari i kësaj partie, Dardan Molliqaj paralajmëroi një takim me të gjitha partitë opozitare parlamentare dhe jo parlamentare, përfshirë edhe shoqëritë civile, për bashkërenduar aktivitetet për të kundërshtuar ngritjen e çmimit të energjisë.

“Gjatë kësaj jave do ta ftojmë një takim të përbashkët të partive opozitare parlamentare dhe jashtëparlamentare, të shoqërisë civile ose të organizatave të shoqërisë civile, të cilat kanë interesim për çështjen dhe që janë marrë me çështjen, dhe po ashtu individë apo persona publikë që janë njohës të fushës, apo që kanë shpreh interesim për këtë çështje. Ky takim ka për qëllim diskutimin e organizimit të përbashkët të rezistencës ose të kundërshtimit të kësaj qeverie sa i përket çështjes së energjisë. Pra do të jetë takim organizativ, konsultativ, bashkëpunues, që të jemi bashkë me të gjithë ata që pajtohen që kjo që po bën qeveria është edhe e dëmshme edhe e padrejtë”, deklaroi Molliqaj.

Përkundër këtij takimi, Molliqaj shtoi se do të vazhdojnë me tubime dhe me aksione simbolike për të kundërshtuar propozimet për ngritje të çmimit.

“Në të njëjtën kohë Partia Socialdemokrate do t’i vazhdojë tubimet, do t’i vazhdojë takimet, aksionet simbolike derisa ky vendim të ndërrojë rrënjësisht dhe në të njëjtën kohë nga sot do të hapim edhe një peticion online që të gjithë ata që janë të pakënaqur me vendimin e qeverisë për çështjen e energjisë elektrike, të shprehen të nënshkruhen të bëhen pjesë online për shkak të situatës në të cilën gjendemi, dhe rrjedhimisht këto janë disa prej aktiviteteve të cilat tashmë këto do të nisin këtë javë por nuk do të ndalen derisa të ndalet qeveria”, tha ai.

I pyetur nëse ka ftesë paraqitjeje në stacion policor pas goditjes që i bëri zyrtarit policor, Molliqaj tha se nuk është i informuar për këtë gjë.

“Mua nuk më ka ftuar askush, unë kam qenë në shtëpinë time tërë ditën dje, nga shtëpia ka ardhur në zyrë, mirëpo nuk më ka ftuar askush, nuk ka qenë askush tek banesa ime, policia i ka të dhënat edhe të banesës edhe të shtëpisë, edhe të telefonit. Kjo është më shumë luftë politike pra më së pari po e qesin një video në media dhe po nis procedura ndaj meje dhe pastaj po bëhet një presion publik thua se unë jam diku tjetër, unë jam në shtëpi erdha këtu, pra kuptojeni se mbrapa një akti të gabuar nga ana ime ka një organizim politik dhe policor kundër nesh”, tha ai.

Ndërsa, anëtari i PSD-së, Nol Nushi, protestën e 29 janarit e cilësoi si të suksesshme dhe si një përgjigje nga qytetarët për qeverinë dhe ZRrE-në.

“Ne si Parti Socialdemokrate i dërguam mesazhet tona, ishte protesta e të shtunës që ishte e madhe, e drejtë, dhe e saktë në kërkesat e saj. Andaj ZRrE para së gjithash se ai propozim të cilin e ka propozuar fillimisht, nuk ka përkrahje as popullore asnjë shtrese shoqërie dhe ai duhet të tërhiqet si i tillë, mirëpo duhet të kemi parasysh . Tash do ta shohim pushtetin që do të fillojë të ndryshojë vendimin, mirëpo ne duhet të japim edhe një paralajmërim nga këtu se ai ndryshim nuk duhet të jetë kozmetik, por duhet të jetë përmbajtjesor”, tha ai.

Në këtë protestë të PSD-së u panë vetëm dy deputetë të partive opozitare që po kundërshtojnë shtrenjtimin e rrymës, Hisen Berisha i PDK-së dhe Pal Lekaj i AAK-së.

Related Topics:
Continue Reading

Lajmet

​Rritet importi i energjisë elektrike, bie prodhimi i thëngjillit në Kosovë

Published

7 hours ago

on

October 16, 2025

By

Agjencia e Statistikave të Kosovës bën të ditur se gjatë muajit gusht të vitit 2025, energjia elektrike bruto në dispozicion ishte 502.12 GWh, kurse konsumi i energjisë elektrike ishte 411.92 GWh ose 1.29 për qind më i madh sesa në muajin e njëjtë të vitit paraprak.

Sipas ASK-së, pjesëmarrja e energjisë elektrike alternative në kuadër të konsumit të përgjithshëm ishte 7.78 për qind.

Agjencia e Statistikave të Kosovës njofton se importi i energjisë elektrike në gusht të këtij viti është rritur 69.95 për qind krahasuar me periudhën e njëjtë të vitit të kaluar. Sipas ASK-së ka shënuar rënie prodhimi bruto nga termocentralet në KEK.

ASK njofton po ashtu se importi i energjisë elektrike në gusht të vitit 2025 ishte 360.623 GWh, ndërsa në periudhën e njëjtë të vitit të kaluar, importi ishte 212,197 GWh ose 148. 432 GWh më shumë.

Kurse eksporti i energjisë elektrike në të njëjtën periudhë ishte 243.28 GWh (këtu janë të përfshira edhe sasitë e transmisionit).

Ndërsa, sipas ASK-së prodhimi i thëngjillit për muajin gusht 2025 ishte rreth 495.66 mijë ton, që paraqet një rënie prej 18.68 për qind në krahasim me të njëjtin muaj të vitit të kaluar./KP

Continue Reading

Lajmet

Gjermania konfiskon 720 milionë euro nga asetet e ngrira të bankës ruse

Published

7 hours ago

on

October 16, 2025

By

Gjykata e Lartë gjermane synon të konfiskojë rreth 720 milionë euro nga asetet e ngrira të një institucioni financiar rus, njoftoi sot sistemi gjyqësor në landin qendror Hesen.

Sipas autoriteteve, janë hapur procedura të posaçme me kërkesë të Zyrës Federale të Prokurorit të Përgjithshëm, raporton ATSH.

Banka ishte përfshirë në listën e embargos së Bashkimit Evropian ndaj Rusisë në qershor të vitit 2022, pas pushtimit të plotë të Ukrainës nga Rusia në shkurt të atij viti, thuhet në një deklaratë.

Si pasojë, të gjitha pasuritë e kompanisë në institucionet financiare dhe kreditore evropiane u ngrinë në përgjigje të sulmit ndaj Ukrainës.

Pak pas vendosjes së sanksioneve, persona të panjohur në bankë thuhet se kanë tentuar të tërheqin fondet, por urdhri përkatës elektronik i transferimit nuk është ekzekutuar.

Sipas procedurave, paratë do të konfiskohen në favor të arkës shtetërore./KP

Continue Reading

Lajmet

Bie numri i lindjeve në Kosovë

Published

7 hours ago

on

October 16, 2025

By

Në muajin gusht të këtij viti janë regjistruar 2 mijë e 516 lindje (brenda dhe jashtë Kosovës). Prej këtyre lindjeve të regjistruara, 1 mijë e 284 lindje janë meshkuj dhe 1 mijë e 232 lindje janë femra.

Sipas Agjencisë së Statistikave të Kosovës (ASK), në muajin gusht 2025 ka rënie të numrit të lindjeve me rreth 6.4 për qind, krahasuar me muajin korrik 2025.

Ndërkaq, gjatë muajit gusht 2025 janë regjistruar gjithsej 914 raste të vdekjeve (brenda dhe jashtë Kosovës). Nga gjithsej vdekje të regjistruara, 515 janë meshkuj dhe 399 janë femra. Krahasuar me muajin korrik 2025, në muajin gusht janë regjistruar 4,3% më shumë raste të vdekjeve.

Po ashtu sipas ASK-së, në muajin gusht 2025 janë regjistruar gjithsej 1 mijë 972 kurorëzime (brenda dhe jashtë Kosovës). Krahasuar me muajin korrik 2025, në muajin gusht ka rritje të numrit të kurorëzimeve për 59,5%.

Ndërsa, në këtë periudhë janë regjistruar 97 raste të shkurorëzimeve në Kosovë, ku krahasuar me muajin korrik 2025 ka rënie të numrit të shkurorëzimeve për (-45,2%)./KP

Continue Reading

Lajmet

Debat i ashpër për Kosovën në Kuvendin e Shqipërisë

Published

8 hours ago

on

October 16, 2025

By

Kuvendi i Shqipërisë ka rrëzuar kërkesën e opozitës për një mocion me debat në lidhje me programin qeverisës për katër vitet e ardhshme. Me 73 vota kundër nga shumica, mocioni nuk kaloi, duke nxitur kështu reagime nga përfaqësues të opozitës.

Kryetari i Grupit Parlamentar të Partisë Socialiste, Taulant Balla, u shpreh se kërkesa e opozitës ishte e mangët dhe në kundërshtim me rregulloren e Kuvendit.

“Opozita nuk ka vullnet për debat real, ndaj dhe kërkesat e tyre nuk janë të plota”, tha Balla.

Debatet në seancë gjatë ditës së sotme, u përqendruan edhe rreth Kosovës, ka raportuar Euronews.

Kryetari i Partisë Demokratike, Sali Berisha e quajti kryeministrin Edi Rama “shërbëtor të Vuçiçit”, ndërsa kritikoi edhe mungesën e një rezolute në Kuvend për gjenocidin serb në Kosovë. Poashtu edhe deputeti demokrat Tomor Alizoti e kritikoi mungesën e trajtimit të çështjes së Kosovës në programin qeverisës.

“Asnjë fjalë për Kosovën, asnjë qëndrim i qartë për rezolutën për gjenocidin. Kjo është një turp publik”, tha Alizoti.

Pjesë e debatit u bë edhe deputeti i PS-së, Ardit Bido, i cili tha se në Kuvend po dëgjohen deklarata që përshkruajnë liderët e UÇK-së si të akuzuar për gjenocid në Serbi – një gjë që, sipas tij, nuk e ka bërë as vetë Serbia. Berisha e mohoi këtë, duke e akuzuar Bidon për deformim të deklaratave.

Më vonë, përmes një video-mesazhi, Bido tha se nuk iu përgjigj dot Berishës në foltore për shkak të një problemi familjar, ndërsa sqaroi se deklarata për gjenocidin ishte bërë nga Tritan Shehu, jo nga Berisha.

Tutje gjatë këtij debati dhe në këtë seancë të Kuvendit, kreu i Partisë Republikane, Fatmir Mediu, deklaroi se do të marrë pjesë në protestën e së premtes në Tiranë në mbështetje të UÇK-së, duke theksuar se atje do të jetë si qytetar, jo si politikan.

Balla konfirmoi se kryeministri Edi Rama nuk do të marrë pjesë në protestë me arsyetimin se prezenca e tij do të politizonte ngjarjen./EO

Continue Reading

Të kërkuara