Lajmet

Protestuesit në Tiranë kërkojnë largimin e kryebashkiakut të arrestuar dhe dorëheqjen e kryeministrit

Published

on

Një ditë pas arrestimit të kryebashkiakut të Tiranës, Erion Veliaj, qytetarët dhe aktivistët organizuan një protestë të martën në kryeqytet, duke kërkuar shkarkimin e tij nga posti dhe dorëheqjen e kryeministrit shqiptar, Edi Rama. Protesta u zhvillua para Kryeministrisë dhe u mbështet nga disa parti dhe lëvizje politike, si dhe nga aktivistë të shoqërisë civile.

Veliaj, i cili është kryebashkiak i Tiranës që nga viti 2015, u ndalua të hënën me urdhër të Prokurorisë së Posaçme (SPAK) për akuzat e pastrimit të parave, fshehjes së pasurisë dhe korrupsionit aktiv. Akuzat kundër tij kanë shkaktuar një reagim të fortë publik, duke nxitur protestat e qytetarëve që kërkojnë një hetim të shpejtë dhe ndëshkim të autorëve.

Protestuesit, të cilët mbanin pankarta me mesazhe kundër Veliajt dhe Ramës, kërkuan që hetimet ndaj kryebashkiakut të përfundojnë sa më shpejt, duke i bërë thirrje gjithashtu Këshillit Bashkiak të Tiranës që ta shkarkojë Veliajn nga detyra. Ata e akuzojnë kryebashkiakun për keqpërdorim të postit dhe shkelje të ligjit.

Në përgjigje të thirrjeve për dorëheqjen e tij, kryeministri Edi Rama hodhi poshtë kërkesat e opozitës dhe të qytetarëve, duke i cilësuar si një përpjekje të opozitës për të minuar qeverisjen. Në një postim në rrjetet sociale, Veliaj e quajti akuzën “të sajuar” dhe shprehu besimin se do të del i pafajshëm.

Ky zhvillim vjen pas një periudhe tensioni, pasi demonstratat kundër Veliajt filluan që në prill të vitit 2024. Gjatë këtyre protestave, ka pasur herë pas here përplasje mes protestuesve dhe forcave të rendit. Veliaj është një prej figurave kyçe të Partisë Socialiste dhe një aleat i ngushtë i Edi Ramës, i cili e ka mbështetur vazhdimisht gjatë mandatit të tij si kryebashkiak.

Gjykata pritet të vendosë të mërkurën për fatin e kryebashkiakut të Tiranës, duke vendosur nëse do të lirohet apo do të mbetet në burg ndërkohë që zhvillohen hetimet./UBTNews/

  

Lajmet

Konfiskohen nëntë armë në formë stilolapsi, arrestohet i dyshuari

Published

on

By

Një person është arrestuar pasi të njëjtit i janë gjetur nëntë armë në formë stilolapsi dhe katër fishek.

Policia në Pejë njoftoi se pas informacionit për një përleshje fizike në fshatin Carrabreg-Deçan njësitet policore kanë dalë në vendin e ngjarjes ku edhe i janë gjetur dhe i janë konfiskuar armë të dyshuarit.

Nё koordinim me prokurorin e Shtetit, ёshtё kryer kontroll/bastisje ne shtёpinё e personit tё dyshuar mirёpo nuk ёshtё gjetur diçka e kundёrligjshme.I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё“, thuhet në njoftim.

Continue Reading

Aktualitet

Ambasadori francez: Manipulimi i informacionit po bëhet sistematik

Published

on

Politizimi i dërgimit të njësiteve të kërkim-shpëtimit të FSK-së në Liqenin e Ujmanit për të ndihmuar në gjetjen e një personi të zhdukur ka nxitur reagime të forta nga ambasadorët ndërkombëtar.

Ambasadori francez, Olivier Guerot, dënoi ashpër veprimin e qeverisë në detyrë. Ai shtoi se Franca do t’i ofrojë mbështetjen e nevojshme misionit paqëruajtes në Kosovës në një kontekst ku dezinformimi dhe manipulimi i informacionit po bëhen sistematike.”

Geurot shprehu gjithashtu respekt për mediat “që kanë raportuar saktë për rolin e KFOR-it në përpjekjet për gjetjen e trupit të personit të zhdukur nga Liqeni i Gazivodës.”

Franca e mbështet plotësisht KFOR-in dhe Komandantin e tij. Që nga krijimi i tij, KFOR-i ka luajtur dhe vazhdon të luajë një rol të pazëvendësueshëm në sigurimin e sigurisë për të gjithë. Ai meriton respektin dhe mirënjohjen e të gjithë aktorëve në rajon. Franca do të vazhdojë t’i ofrojë atij gjithë mbështetjen e nevojshme në një kontekst ku dezinformimi dhe manipulimi i informacionit po bëhen sistematike. Po ashtu, i bëj nder mediave që kanë raportuar saktë për rolin e KFOR-it në përpjekjet për gjetjen e trupit të personit të zhdukur nga Liqeni i Gazivodës.” – tha Geurot.

Continue Reading

Aktualitet

Oda Ekonomike: Tregu i papërgatitur për liberalizim, s’kemi marrë as faturat nga KEK-u

Published

on

Kryetari i Odës Ekonomike të Kosovës, Lulzim Rafuna, ka bërë thirrje sërish që të pezullohet deri më 1 shkurt të vitit të ardhshëm vendimi i Zyrës së Rregullatorit të Energjisë për daljen e bizneseve në treg të hapur të energjisë.

Rafuna thotë se ka shumë pasiguri te bizneset dhe se nuk janë kundër daljes në treg të lirë të energjisë, por thotë se tregu nuk është i përgatitur ende për këtë.  Ai ka shtuar se bizneset ende nuk i kanë marrë faturat për dy muaj sa janë furnizuar nga furnizuesi i fundit KEK-u.

“Asnjë biznes ende s’ka pranuar faturën e KEK-ut. Na është thënë se KEDS-i i lëshon pasi i shikon orët. KEDS ende nuk i ka lëshuar. Është gjuajtje ZRRE me KEDS derisa gjejnë rrugën, mënyrën e kalkulimit. Ka lloj-lloj kalkulimi. Është çmimi i rrymës që blihet, transmisionit, marzhës, shpenzime administrative etj. Kjo është ajo që kemi thënë nga fillimi. Duhet të përgatitet tregu. Nuk është përgatitur as në kuptim të furnizuesve”, ka thënë Rafuna.

Ai ka potencuar se shumë biznese janë detyruar të lidhin kontrata, pasi ZRRE-ja ka njoftuar se nga 1 gushti bizneset që plotësojnë kushtet për të kaluar në treg të hapur e që s’kanë lidhur marrëveshje do të shkëputen nga rrjeti energjetik.

Rafuna ka thënë se është shqetësuese pasi po goditet prodhimi dhe se për të shtyrë vendimin deri më 1 shkurt, ZRRE-ja ka thënë se duhet subvencionuar 50 milionë euro.

Kreu i Odës Ekonomike ka treguar se në takim që kishin pasur me kryeministrin në detyrë Albin Kurti, para 1 qershorit, ai u kishte thënë biznese se është me to. Ai ka treguar se bizneset kishin dëshmuar se si dëmtohen dhe se ka monopol.

 

Continue Reading

Aktualitet

Dita Botërore kundër Trafikimit të Personave

Published

on

E miratuar nga Asambleja e Përgjithshme e Kombeve të Bashkuara në vitin 2013 me anë të rezolutës A/RES/ 68/192, 30 korriku u caktua si Dita Botërore kundër Trafikimit të Qenieve Njerëzore.

Në rezolutë thuhet se një ditë e tillë ishte e nevojshme për të rritur ndërgjegjësimin mbi gjendjen e viktimave të trafikimit njerëzor dhe për promovimin, mbrojtjen e të drejtave të tyre.

Simboli i kësaj dite është ”Zemra blu”, e cila përfaqëson trishtimin e atyre që trafikohen duke na kujtuar zemrën e ftohtë të atyre që blejnë dhe shesin qeniet njerëzore.

Trafikimi i personave është një krim i rëndë dhe një shkelje e rëndë e të drejtave të njeriut. Çdo vit, mijëra burra, gra dhe fëmijë bien në duart e trafikantëve, në vendet e tyre dhe jashtë vendit. Pothuajse çdo vend në botë është i prekur nga trafikimi, qoftë si një vend i origjinës, tranzit apo destinacion për viktimat.

UNODC, si kujdestar i Konventës së Kombeve të Bashkuara kundër krimit të organizuar transnacional (UNTOC) dhe protokolleve të tij, ndihmon shtetet në përpjekjet e tyre për të zbatuar Protokollin për Parandalimin, Frenimin dhe Ndëshkimin e Trafikimit të Personave (Protokolli i Trafikimit të Personave).

Protokolli për parandalimin, shtypjen dhe ndëshkimin e trafikimit të personave përcakton trafikimin e personave si rekrutimin, transportin, transferimin, strehimin ose pranimin e personave, me anë të kërcënimit ose përdorimit të forcës ose formave të tjera të shtrëngimit, rrëmbimit, mashtrimit, abuzimit të pushtetit ose i një pozicioni të cenueshmërisë ose i dhënies ose marrjes së pagesave ose përfitimeve për të arritur pëlqimin e një personi që ka kontroll mbi një person tjetër, me qëllim të shfrytëzimit.

Continue Reading

Të kërkuara