Lajmet

Protestojnë punëtorët e Feronikelit, Qeveria thotë se së shpejti do t’iu kthejë përgjigje

Protestuesit tentuan të futen edhe në Kuvendin e Kosovës.

Published

4 years ago

on

Numër i madh i punëtorëve të ‘Ferronikelit’ protestuan para objektit të Qeverisë së Kosovës. Me pankarta në duar me mbishkrimet “Nuk duam të jemi në rrugë, por në fabrikë”, “Kryeministër edhe punëtorët e ‘Ferronikelit’ janë Kosovë”, “Na siguroni rrymën, na keni siguruar bukën”, ata kërkuan kthimin e punëtorëve në punë. Protestuesit tentuan të futen edhe në Kuvendin e Kosovës duke bërë thirrje që deputetët të dalin e të përballen me problemet e tyre.

Në lidhje më këto kërkesa punëtorët e “Ferronikelit” po protestojnë për herë të tretë. Abedin Haxhiu nënkryetar i Sindikatës së Punëtorëve të “Ferronikelit” teksa shtroi kërkesën e tyre për rikthimin në punë nënvizoi që ndërprerja e punës prej 8 nëntorit ka krijuar edhe probleme sociale.

“Nuk po kërkojmë që të na u falet energjia, por po kërkojmë që të na trajtoni si bizneset tjera që konsumojnë këtë resurs energjetik edhe ne jemi kontribuues të barabartë të zhvillimit të vendit dhe kërkojmë të njëjtin standard të vlerësimit. Na mundësoni që t’i rikthehemi vendit të punës dhe të punojmë atje ku na pret mundësia për të ushtruar profesionet tona. Nuk dëshirojmë që me kamerat, mediumet informative të na fokusojnë në rrugë, po në hallkat e prodhimit ku jemi mësuar derdhim djersen dhe mundin tonë. Ndërprerja e punës në kompani ka degjeneruar edhe tjera probleme si ndërprerjen e pagesës së plotë mujore të punëtoreve, krijimin e rasteve sociale”, ka thënë ai.

Para tyre dolën deputetet Ferat Shala e Arben Gashi, ndërsa Mimoza Kusari-Lila ftoj përfaqësuesit e Sindikatës së Punëtoreve të ‘Ferronikelit’ në takim.

Ferat Shala nga Partia Demokratike e Kosovës ju ofroi mbështetje, duke premtuar se do të ngrisin zërin për të drejtat e tyre. Majde ai tha se Qeveria Kurti i ka mundësitë ligjore për t’i ndihmuar, por që siç tha ai “nuk ju kanë parë dhe nuk duan të ju shohin”.

“Unë jam politikisht edhe profesionalisht edhe si vendas i juaji me ju për mënyrën më demokratike më të qetë do bëjë të pamundurën që të ngriti zërin me argumentet e arsyes edhe sot edhe nesër edhe në parlament edhe kudo që jam. Kërkoj mirëkuptim por sinqerisht mundësit tona parlamentare janë të kufizuara për shkak të numrit. Këta e kanë mundësinë ligjore, por nuk ju kanë parë dhe nuk duan të ju shohin”, ka thënë ai.

Edhe Shefi i Grupit parlamentar i Lidhjes Demokratike të Kosovës, Arben Gashi tha se si parti politike do të mundohen të gjejnë një zgjidhje për punëtorët e “Ferronikelit”.

“Ne si parti politike e përkrahim shqetësimin e juaj edhe do mundohemi me gjet zgjidhjen më përkrah edhe qeverinë me ndonjë zgjidhje ose edhe më kërkua ne zgjidhje për çështjen e juaj. ‘Ferronikeli’ është eksportues I madh dhe duhet të mbrohet, por interesat e punëtorëve që janë mijëra familje të Drenicës duhet me u mbrojt edhe me u përkrah. Brenda hapësirës tonë ne do ta ushtrojmë”, tha ai.

Pas takimit me përfaqësuesit e punëtoreve Shefja e Grupit Parlamentar të Lëvizjes Vetëvendosje, Mimoza Kusari-Lila në një konference për medie e cila tha se gjatë dy muajve në vazhdim do bëje të mundshme që të mos ketë ndalesë për ndërmarrjen dhe se shumë shpejt do kthejnë edhe një përgjigje konkrete.

“Dëgjova nga përfaqësuesit e punëtorëve kërkesën që kjo sasi e energjisë elektrike që kërkohet të furnizohet është më e vogël. Ne morën zotimin si grup parlamentar me Qeverinë e Republikës së Kosovës do të shohim modalitet për çfarëdo mundësie të zgjedhjes që të mos ketë probleme dhe ndalesë të vazhdueshme për muajin mars dhe prill për ndërmarrjen[…]Megjithatë përkushtimi ynë është për ekonominë e vendit për punëtorët e ‘Feronikelit’, natyrisht për një qëndrueshmëri dhe një stabilitet. Prandaj jemi dakorduar që shumë shpejt t’i kthejmë një përgjigje konkrete në kërkesat me shkrim të cilat edhe i kemi pranuar”, tha ajo.

Ndërsa punëtorët tregojnë se Ferronikel nuk po kërkon që tu falet energjia elektrike dhe se ata kërkojnë që nga KEK-u t’i blejnë deri në 20 MË maksimum që fabrika të kthehet në prodhim. Madje ata thonë se janë në gjendje të paguajnë trefish për blerjen e energjisë.

Kujtojmë që “Ferronikeli” ka ndërprerë prodhimin me 8 nëntor të 2021-ës për shkak të krizës energjetike.

Related Topics:
Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

10 hours ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Vendi

Në Zubin Potok identifikohen mbetje kockore të së paku 23 personave

Published

10 hours ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Vendi

PDK i kërkon përseri Avni Deharit vazhdimin e seancës konstituive më 20 gusht

Published

11 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

12 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Të kërkuara