Lajmet

Protesta e mësimdhënësve të Vitisë, Jasharaj: Java e ardhshme mund t’i gjejë në grevë nëse nuk ekzekutohen pagat

Published

12 months ago

October 4, 2024

UBTNews

Për shkak të mos procedimit të pagave për punëtorët e arsimit në Viti, kryetarët dhe kryesitë e shoqatave sindikale nga shkollat e kësaj komune kanë protestuar të premten para Qeverisë së Kosovës.

“Edhe Vitia është n‘Kosovë”, “Duam pagat tona”, kanë qenë thirrjet e mbishkrimet në pankartat e protestuesve, të cilët kanë kërkuar që pagat të ekzekutohen sot (e premte), ose më së largu të hënën, në të kundërtën kjo komunë do të fillojë me veprime sindikale nga java e ardhshme.

Kryetari nga Sindikata e Bashkuar për Arsim, Shkencë dhe Kulturë (SBAShK), Rrahamn Jasharaj ka thënë se mësimdhënësit janë të pafajshëm në këtë drejtim, ndërsa i ka bërë thirrje Qeverisë të fillojë me ekzekutimin e pagave.

Jasharaj ka theksuar se nga ajo që ka parë në takim nga kryetarët e shoqatave, ata janë shumë të revoltuar dhe java e ardhshme mund ta gjejë Vitinë në grevë.

“Ne kishim një takim këtë javë me Kuvendin e Sindikatave të Arsimit Para universitar të Vitisë dhe mësimdhënësit arsyeshëm ishin të indinjuar dhe kërkonin hapa radikal, sindikal. I lutem që të presin pak dhe të shkojnë me veprimin e parë me alarmin e tashëm, më këtë protestë, por nga ajo që kam parë në takim nga kryetarët e shoqatave, ata janë shumë të revoltuar dhe java e ardhshme mund ta gjejë Vitinë në grevë. Dhe ajo që e bëjmë gjithmonë, solidaritetin, kam frikë se nëse ndodh greva në Viti, atëherë veprime sindikale do të ketë edhe në komuna tjera, cilat do jenë ato, vendos secila komunë, por Vitia, koleget tanë e dinë, por edhe Qeveria ta dijë se punëtorët e arsimit në Viti e kanë zërin e tyre që i mbron, SBAShK-u. Dje i kam dërguar një letër Muratit, duke e lutur që pozitën që e ka si ministër i Financave t’i le deklaratat se kush ka faj, mësimdhënësit nuk kanë faj. Që sot Qeveria le të procedojë pagat në të kundërtën do të fillohet me Vitinë”, tha ai.

Ndërsa, Kemail Bislimi, kryetar i nivelit komunal të sindikatës së arsimit në Viti ka thënë se kanë protestuar edhe në Komunën e Vitisë, mirëpo sipas tyre, faji qëndron tek Qeveria.

Ai ka thënë vetëm mësimit fillor dhe të mesëm nuk janë ndarë mjetet, duke shtuar se aty janë 775 punëtorë.

“Ne kemi protestuar edhe në Komunën e Vitisë atje, dhe na kanë thënë se faji qëndron tek Qeveria, kemi ardhë t’i drejtohemi edhe qeverisë në qoftë se na pret dikush këtu, qëllimi është një, pagat vetëm Komunës së Vitisë nuk janë dalë… Ne kemi caktuar protestën një orë, dhe presim që të del dikush të na drejtohet… Komuna e Vitisë ka 812 punëtorë, çerdheve ju kanë ndarë mjetet, ndërsa vetëm mësimit fillor dhe të mesëm nuk u janë ndarë, aty janë 775 punëtorë…. Mësimdhënësit kanë edhe ditën e hënë që të presin, ndërsa prej të martës do të shikojmë se cilët do të jenë hapat tjerë, sigurisht sindikal, një orëshe, ditëshe…Ne nuk po lypim faj, pagat tona dhe asgjë tjetër”, tha ai.

Në anën tjetër, pjesëmarrës në këtë protestë ishte edhe kryetari i Bashkimit të Sindikatave të Pavarura të Kosovës, Atdhe Hykolli, i cili ka bërë thirrje qeverisë të bëjë ekzekutimin e pagave të mësimdhënësve të Komunës së Vitisë.

“Edhe BSPK-ja është shumë e shqetësuar se çfarë ka ardhë deri këtu që pagat e mësimdhënëseve të mos ekzekutohen. Është diçka interesante se si edhe partneri social Qeveria, por edhe partneri social që është në Viti atje, nuk ulen, nuk dakordohen që të zgjedhin problemet, dhe sot të vendosin që pagat e mësimdhënësve të dalin në kontot e tyre. Kërkoj nga partneri social të ulet tani dhe të bëjë ekzekutimin e pagave të mësimdhënësve të Komunës së Vitisë”,tha Hykolli.

Ndërkaq, Ministria e Financave ka njoftuar se kjo komunë nuk ka siguruar buxhetin e nevojshëm, dhe se pagat janë ekzekutuar vetëm për një pjesë të punonjësve të komunës. Në njoftim thuhet se, përkundër që buxheti për paga ndahet asisoj që të mbulojë shpenzimin për tërë vitin, si pasojë e rasteve përmbarimore, disa komuna kanë filluar të kenë mungesë buxheti në kategorinë e pagave qysh tani. Ndërkaq, kanë shtuar se Komuna e vetme që nuk e ka bërë këtë rregullim është Vitia, e cila ka lënë programet e arsimit fillor dhe të mesëm pa buxhet të mjaftueshëm për ekzekutim të pagave të shtatorit.

Up Next

Lajçak: Përcaktimi i prioriteteve të BE-së për Ballkanin, shmang sfidat

Don't Miss

Bosnjë dhe Hercegovinë: Përmbytje në Jabllanicë dhe Kiseljak, pa sinjal për telefoninë celulare

Lajmet

Rubio shtron darkën “Transatlantike” në New York, të pranishëm edhe ministrat e Shqipërisë e RMV-së

Published

40 minutes ago

September 25, 2025

UBTnews

Sekretari amerikan i Shtetit Marco Rubio ka organizuar më 24 shtator atë që nihet si “Darka Transatlantike” 2025 me ministrat e jashtëm të shteteve anëtare të BE-së dhe NATO-s, Sekretarin e Përgjithshëm të NATO-s Mark Rutte dhe Përfaqësuesen e Lartë të Bashkimit Evropian Kaja Kallas.

Në këtë organizim kanë marrë pjesë gjithashtu edhe ministrat e Jashtëm të Armenisë, Azerbajxhanit, Zvicrës dhe Ukrainës, por jo edhe ndonjë përfaqësues i ndonjë shteti tjetër.

Rubio në këtë organizim kishte folur për rëndësinë e aleancave transatnaltike për ruajtjen e paqes dhe angazhimin historik të shteteve anëtare të NATO-s për të rritur shpenzimet e mbrojtjes dhe rëndësinë e angazhimit për t’i dhënë fund luftës Rusi-Ukrainë.

Në këtë darkë të shtruar në New York ka qenë e pranishme kryediplomatja shqiptare, Elisa Spiropali, e cila ka thënë se aleanca në mes të SHBA-së dhe Shqipërisë po frocohet edhe më tej në dimension politik, ekonomik dhe atë të sigurisë./D.B/EO

Aktualitet

Në UBT diplomon ushtaraku i FSK-së, Major Vilson Musaj

Published

45 minutes ago

September 25, 2025

Driton Iseni

Ushtaraku i FSK-së, Major Vilson Musaj, student në nivelin Master në Fakultetin e Politikave Publike dhe Menaxhimit në UBT, mbrojti me sukses tezën e tij me temë: “Rëndësia e regjimenteve të këmbësorisë në Forcën e Sigurisë së Kosovës – Një perspektivë strukturore: studim krahasimor (FSK, Ushtria Amerikane dhe NATO)”.

Ky punim, i cili u realizua me përkushtim të madh, i siguroi Major Musajt diplomën dhe gradën shkencore “Master në Politika Publike dhe Menaxhim”.

Komisioni vlerësues, i përbërë nga Prof. Dr. Hajdi Xhixha (kryetare), Prof. Dr. Arian Kadriu (anëtar) dhe Prof. Dr. Bahri Gashi (mentor), e vlerësuan këtë hulumtim si të parë në format dhe strukturën e tij në këtë fushë, duke e konsideruar si një punim serioz shkencor dhe mjaft kompleks.

Prezantimi i të gjeturave, argumentimi dhe krahasimi i hipotezave u vlerësuan me performancë të lartë akademike dhe notë maksimale, duke reflektuar një strukturë të qartë operacionale ushtarake dhe qasje profesionale në trajtimin e temës.

Major Vilson Musaj, i cili u gradua në këtë gradë më 1 korrik 2025, është emëruar Oficer për Bashkëpunim me ODC dhe Iowa (Office for Defense Cooperation – Zyra për Bashkëpunim të Mbrojtjes në Ambasadën Amerikane) në Departamentin për Bashkëpunim Ndërkombëtar dhe Integrime Euro-Atlantike në Ministrinë e Mbrojtjes. Ai vazhdon të shërbejë aktualisht në këtë departament të rëndësishëm, duke kontribuar në zhvillimin dhe integrimin e Forcës së Sigurisë së Kosovës.

Lajmet

Paraqiten në gjykatë shtatë të arrestuarit në operacionin “Qielli i thyer”

Published

55 minutes ago

September 25, 2025

UBTnews

Po mbahet seanca dëgjimore në Gjykatën Themelore në Prishtinë, pas kërkesës së Prokurorisë Speciale të Kosovës për caktimin e masës së paraburgimit, ndaj shtatë personave që u arrestuan gjatë ditës së djeshme në Prishtinë dhe Pejë, në kuadër të operacionit “Qielli i thyer”.

Të pandehurit dyshohen për veprat penale “pjesëmarrja ose organizimi i grupit kriminal të organizuar”, “blerja, posedimi, shpërndarja dhe shitja e paautorizuar e narkotikëve” si dhe pastrimi i parave.

Ata, dyshohet se kanë përdorur aplikacionin e njohur për komunikim të enkriptuar “SkyECC” për të organizuar aktivitetet e tyre kriminale.

Gjatë realizimit të urdhër kontrollit në këto lokacione është gjetur dhe sekuestruar sasi e konsiderueshme e provave materiale, dhe pasurive të specifikuara duke përfshirë 638 gramë substancë narkotike e dyshuar si kokainë, 11,065 euro para të gatshme, 34 automjete, shtatë armë zjarri, dokumente personale me identitet të rremë.

Operacioni është mbështetur nga një bashkëpunim i ngushtë ndërkombëtar, përmes shkëmbimit të të dhënave me autoritetet belge, franceze, holandeze dhe agjencinë evropiane Europol, duke siguruar koordinim të plotë ndërkufitar./D.B/KP

Lajmet

Ambasada gjermane njofton për takimin Kurti-Rohde

Published

1 hour ago

September 25, 2025

UBTnews

Ambasada gjermane ka njoftuar për takimin lamtumirës që pati ambasadori Jorn Rohde me kryeministrin në detyrë Albin Kurti në Kryeministri.

“Me rastin e lamtumirës së tij, Ambasadori Jörn Rohde u prit nga Kryeministri në detyrë Albin Kurti. Ai e falënderoi atë për pesë vitet e tij të shërbimit të përkushtuar”, tha ambasada.

Për këtë takim të para dy ditëve kishte njoftuar edhe Zyra e Kryeministrit.

“Kryeministri theksoi se Gjermania mbetet partner qendror i Republikës së Kosovës në bashkëpunim ekonomik dhe në rrugën tonë drejt integrimit evropian. Më tej, ai veçoi ndër të tjera bashkëpunimin e ngushtë në fusha si energjia, arsimi dhe mbrojtja e mjedisit. Gjatë bisedës, gjithashtu u përmend tema e sigurisë dhe bashkëpunimi me KFOR-in, si dhe liberalizimi i vizave për qytetarët e Republikës së Kosovës, si një arritje që u shënua gjatë mandatit të ambasadorit Rohde dhe kryeministrit Kurti. Kryeministri Kurti i uroi ambasadorit Rohde shëndet dhe fat në jetën e tij”, u tha në njoftim.

Rohde i shkoi në zyre Kurtit pas letrës së BE-së që të mos ketë takime më në zyrë te Kurti derisa të zgjidhet qeveria e re./D.B/EO