Aktualitet

Pronarët e mëdhenj në Gjermani konsiderojnë rritjen e qirasë me rritjen e inflacionit

Kancelari gjerman, i bëri thirrje të mërkurën qeverisë, që të diskutojnë masat e përbashkëta kundër inflacionit të lartë.

Publikuar

2 vjet më parë

më

Qiradhënësi më i madh i banimit në Gjermani, Vonovia, do të rrisë qiratë nëse vazhdojnë normat e larta të inflacionit, tha shefi ekzekutiv i saj, pasi çmimet e konsumit në ekonominë më të madhe të Evropës kanë arritur nivelin më të lartë në gati gjysmë shekulli.

“Nëse inflacioni është përgjithmonë në katër përqind, qiratë gjithashtu do të duhet të rriten në përputhje me rrethanat çdo vit në të ardhmen. Ne nuk mund të pretendojmë se inflacioni nuk do të ndikojë në qira“, tha Rolf Buch, i cili mbikëqyr një portofol prej rreth 565 mijë apartamentesh, i tha të përditshmes së biznesit Handelsblatt në një intervistë të botuar të mërkurën.

Rivali i Vonovia, LEG, pronar i rreth 166 mijë banesave, tha gjithashtu se inflacioni do të reflektohej në tarifat e qirasë nëse vazhdon.

“Tregu i qirasë nuk do të shkëputet nga zhvillimi i përgjithshëm i çmimeve“, i tha Reuters, një zëdhënës i LEG.

Ashtu si në vendet e tjera evropiane, çmimet në Gjermani janë rritur ndjeshëm muajt e fundit, të shtyrë më lart së pari nga problemet e zinxhirit të furnizimit pas pandemisë dhe më pas nga lufta në Ukrainë.

Çmimet e konsumit u rritën në 8.7% në maj, një nivel i paparë që nga dimri i vitit 1973/1974 gjatë krizës së parë të naftës.

Çmimet mesatare të qirasë në Vonovia u rritën me 3.1% në tremujorin e parë, tha Buch. Ai pret që rritja e çmimeve të energjisë t’u kushtojë qiramarrësve deri në dy muaj tarifa qiraje në vit.

Sipas zëdhënësit, LEG rriti qiratë me mesatarisht 2.7% në tremujorin e parë.

Është një çështje veçanërisht e ndjeshme në Gjermani, ku qiratë tradicionalisht kanë qenë relativisht të qëndrueshme gjatë shumë dekadave, duke çuar në një kulturë ku familjet e klasës së mesme jetojnë me qira gjatë gjithë jetës së tyre.

Inflacioni është kthyer në një shqetësim për një pjesë të madhe të popullsisë me 94% të gjermanëve që nuk presin që çmimet të bien së shpejti dhe 56% presin që çmimet të vazhdojnë të rriten, tregoi një sondazh i Forsa të mërkurën.

Kancelari gjerman, Olaf Scholz, i bëri thirrje të mërkurën qeverisë, sindikatave dhe punëdhënësve që të diskutojnë masat e përbashkëta kundër inflacionit të lartë.

“Ne kemi nevojë për një përpjekje të synuar në një situatë shumë të pazakontë“, tha Scholz. Subvencionet e financuara nga kredia nuk ishin një zgjidhje, tha ai, veçanërisht pasi Gjermania planifikon t’i kthehet një frenimi të borxhit të parashikuar me kushtetutë vitin e ardhshëm. /UBTNews/

Etiketa
Vazhdo të lexosh

Bota

Ekonomia gjermane sheh tkurrjen vjetore të pestë radhazi të PBB-së

Publikuar

1 ditë më parë

më

30 Prill, 2024

nga

Ekonomia gjermane është tkurrur me 0.2% në tremujorin e parë të vitit 2024 në bazë vjetore, deklaroi të martën departamenti i statistikave të vendit Destatis. Që nga fillimi i vitit të kaluar, ekonomia gjermane është tkurrur çdo vit për pesë tremujorë radhazi.

Vitin e kaluar, ekonomia gjermane u tkurr me 0.2% në tremujorin e parë, të dytë dhe të katërt, dhe 0.4% në tremujorin e tretë, në bazë vjetore. Në bazë tremujore, produkti i brendshëm bruto (PBB) i vendit u rrit lehtësisht me 0.2% në periudhën janar-mars.

PBB-ja u tkurr me 0.5% në tremujorin e fundit të vitit 2023. Për shkak të dy rënieve të njëpasnjëshme të PBB-së, ekonomia gjermane kishte hyrë edhe në një recesion teknik vitin e kaluar.

Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

1 javë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

3 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

1 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Të kërkuara