Lajmet

Promovohet libri i 20-vjetorit të UBT-së

UBT ka promovuar para shumë personaliteteve në ceremoninë qendrore të fund vitit librin kushtuar 20-vjetorit të themelimit.

Published

4 years ago

on

Historia e UBT-së për këto 20 vite nuk kishte se si të dokumentohet ndryshe përpos një libri i cili përmbledh gjithë të kaluarën, sfidat dhe rrugëtimin nëpër të cilin ka ecur UBT si institucion akademik.

Për këtë, UBT ka promovuar para shumë personaliteteve në ceremoninë qendrore të fund vitit librin kushtuar 20-vjetorit të themelimit të institucionit të arsimit të lartë – UBT, libër ky i punuar me shumë përkushtim mbi detajet e arritjeve dhe rrugëtimit të institucionit nga viti 2001 e deri më sot.

Rektori i UBT-së, prof.dr. Edmond Hajrizi tha se përmes këtij libri janë vënë në pah aktivitetet më kryesore të institucionit, e që kanë qenë përcaktuese në periudha të ndryshme kohore në zhvillimin e institucionit.

“Ky libër i sapo dalë nga shtypi përfshin aktivitete nga puna e përditshme e një institucioni që filloi nga zero dhe sot ka një rol kyç në arsimin e lartë, teknologjinë dhe inovacionin në vendin tonë dhe rajon. Gjatë shfletimit të tij do të shihni një rrugëtim interesant dhe me sfida përmes fotografive, fakteve dhe shifrave të cilat vijnë nga periudha të ndryshme kohore, e që ishin kyçe për zhvillimin tonë”, ka thënë rektori Hajrizi.

Profesori i Fakultetit Media dhe Komunikim në UBT, e i cili ka punuar në këtë libër, Safet Zejnullahu, ka shpalosur përmbajtjen e librit, shifra kryesore rreth tij, si dhe aktivitetet që janë përfshirë në të.

“Te ky libër i gjejmë aktivitetet e para të UBT-së, disa mjeshtër që po murosin një mur dhe disa tjerë që po vendosin një kornizë për diçka, janë fillimet e institucionit dhe ju do të mendoni se ishte e lehtë, ju do të mendoni se edhe ligjëratat dhe ushtrimet që nisën në atë kohë ishin të thjeshta. Këtu është një histori, ndoshta sot do të themi e parëndësishme sepse i kemi të gjitha në një ueb faqe, mirëpo pas 50 viteve kjo do të jetë historia e institucionit më të përparuar dhe më të madh privat të arsimit të lartë në Kosovë”, ka thënë profesori Zejnullahu.

Libri që përfshin 20 vite aktivitete të UBT-së përmban në tërësi 961 faqe, 646 lajme, si dhe 496 fotografi dhe ilustrime, të cilat konkretizojnë punën dhe aktivitetet kryesore të njërit prej institucioneve më të mëdha akademike në vend dhe rajon.

Related Topics:
Continue Reading

Aktualitet

Çitaku kritikon MPJD për ​arrestimin e ish-ushtarit të UÇK-së në Serbi

Published

8 minutes ago

on

July 23, 2025

By

Sekretarja e përgjithshme e PDK-së, Vlora Çitaku ka reaguar lidhur me arrestimin e ish-ushtarit të UÇK-së në Serbi, Lulzim Halili duke thënë se misionet diplomatike duhet të jenë më të angazhuara për lirimin e ish-ushtarëve të UÇK-së nga autoritetet serbe. 

Çitaku u shpreh se liria e lëvizjes duhet të jetë e garantuar, teksa kërkoi aktivizimin e misioneve diplomatike.

“Sigurisht që ne i ndjekim, e kemi parë dhe është lajm jashtëzakonisht shqetësues. Fatkeqësisht kjo tashmë është shndërruar në lajm të rregullt, sepse nuk është rasti i parë ka edhe ushtarë të tjerë të Ushtrisë Çlirimtare të Kosovës që po mbahen tash e disa muaj nëpër burgjet e Serbisë. Qeveria e Republikës së Kosovës, kjo në largim duhet të jetë shumë më aktive. Misionet tona diplomatike duhet të jenë shumë më të angazhuara në mënyrë që të vihen në funksion mekanizmat ndërkombëtarë për lirimin e tyre. Ata nuk janë njerëz pa atdhe, nuk duhet të trajtohen si njerëz pa atdhe, si njerëz pa institucione, si njerëz për fatin e të cilëve nuk brengoset askush”, tha ajo për media.

Kritika pati për Ministrinë e Punëve të Jashtme, për çka Çitaku tha se në vend se të merret me beteja të vogla të brendshme, duhet të jenë në funksion të qytetarëve.

Sipas Novosti-it, ish-luftëtarit të UÇK-së iu caktua masa e ndalimit prej 48 orëve nga Zyra e Prokurorit për Krime të Luftës. /Telegrafi

Continue Reading

Aktualitet

Dështon përpjekja e 51-të për konstituim të Kuvendit

Published

10 minutes ago

on

July 23, 2025

By

Edhe në përpjekjen e 51-të për konstituim të Kuvendit seanca dështoi nga kryesuesi Avni Dehari i cili ia ndërpreu fjalën deputetes Ganimete Musliut në foltore.

Pasi që deputetja e PDK-së Ganimete Musliut në nisi fjalimin e saj me “Nëse ke pak moral njerëzor…”, kryesuesi Dehari ia ndërpreu fjalë.

Musliu iu afrua Deharit, u fjalosën dhe kryesuesi e shpalli të ndërprerë seancën duke ftuar deputetët të mblidhen sërish pas 48 orësh, më 25 korrik.

Edhe më tej nuk ka pajtueshmëri midis Lëvizjes Vetëvendosje në njërën anë dhe partive të tjera në anën tjetër, për formimin e një komisioni për votim të fshehtë të kandidates për kryetare të Kuvendit, Albulena Haxhiu.

Gjykata Kushtetuese më datë 26 qershor i kishte dhënë 30 ditë për përfundimin e seancës konstituive përmes zgjedhjes së Kryetarit dhe nënkryetarëve të Kuvendit.

 

Continue Reading

Aktualitet

Musliu ia largoi mikrofonin Deharit, ndërpritet seanca

Published

48 minutes ago

on

July 23, 2025

By

Është ndërprerë seanca e sotme konstituive e Kuvendit të Kosovës me vendim të kryesuesit, Avni Dehari, pasi deputetja e PDK-së, Ganimete Musliu ia largoi mikrofonin. Dehari pasi këtij veprimi të Musliut tha se e ndërpret seancën dhe e njëjta vazhdon me 25 korrik në orën 11:00. 

Paraprakisht, Musliu mori fjalën në emër të PDK-së për të propozuar anëtarin e komisionit verifikues për votim të fshehtë të kryeparlamentarit, mirëpo asaj ia ndali fjalën Dehari.

Kjo nxiti Musliun t’i shkojë te hapësira e kryesuesit të seancës duke ia marrë mikrofonin dhe ndal fjalën atij.

 

Continue Reading

Aktualitet

Nura nga PDK: E votoj Limajn për kryetar të Kuvendit

Published

58 minutes ago

on

July 23, 2025

By

Deputeti i Partisë Demokratike të Kosovës, Jakup Nura, ka thënë se do të votonte Fatmir Limajn për kryetar të Kuvendit të Kosovës. Ai tha se lideri i Nisma Socialdemokrate është më i devotshëm sesa gjysma e deputetëve të LVV-së.

Nura duke hyrë në objektin e Kuvendit, në përpjekjen e 51-të për konstituimin e legjislaturës së nëntë, përsëriti qëndrimin e PDK-së se nuk do të votojnë për kryeparlamentar asnjë deputet të LVV-së i cili ka qenë anëtarë i kabinetit qeveritar, përfshirë edhe kandidaten e tanishme të LVV-së, Albulena Haxhiu.

“PDK e voton Fatmir Limajn duke e ditur se ai është më i devotshëm dhe ka dinjitet se gjysma e deputetëve të Lëvizjes Vetëvendosje. Ne kemi një qëndrim se vetëm ministrat nuk do t’i votojmë. Fatmir Limaj do të e meritonte votën e PDK-së”, tha Nura për media.

Continue Reading

Të kërkuara