Lajmet

Prokuroria Speciale kërkon ndihmën e gjykatës për të marrë në pyetje Kurtin

Published

on

Prokuroria Speciale e Republikës së Kosovës ka kërkuar që kryeministri Albin Kurti të paraqitet për të dëshmuar si dëshmitar në lidhje me rastin e rezervave shtetërore. Kërkesa është dorëzuar në Gjykatën e Kosovës javën e kaluar, dhe nëse miratohet, Kurti do të jetë i detyruar të paraqitet vullnetarisht për të dhënë dëshminë e tij.

Nëse ai nuk paraqitet, mund të përballet me gjobë, dhe në rast të moszbatimit të këtij vendimi, mund të arrijë deri në paraburgim. Urdhri i gjykatës do të dorëzohet dhe ekzekutohet nga Policia, e cila do të sigurojë paraqitjen e kryeministrit në Prokurorinë Speciale.

Nëse kërkesa miratohet, procedurat do të fillojnë në javën e parë të marsit./UBTNews/

Continue Reading

Lajmet

Ndalohen barna dhe suplemente të padeklaruara në Vërmicë

Published

on

By

Zyrtarët doganorë në Vërmicë kanë ndaluar mbrëmë një automjet, ku kanë zbuluar një sasi barnash dhe suplemtentesh të padeklaruara të fshehura në bagazhin e automjetit.

Sipas Doganës, vlera e përgjithshme e mallrave të ndaluara arrin shumën mbi 1,600 euro.

Në bazë të legjislacionit në fuqi, ndaj personit përgjegjës është iniciuar procedurë për kundërvajtje doganore, ndërsa mallrat janë ndaluar deri në përfundimin e procedurave përkatëse. Dogana e Kosovës rikujton të gjithë qytetarët dhe udhëtarët se çdo mall që bartet përtej kufirit duhet të deklarohet, dhe mosdeklarimi i tyre përbën shkelje ligjore”, thuhet në njoftimin e Doganës./EO

Continue Reading

Lajmet

Komandanti i KFOR-it takohet me Sveçlën

Published

on

By

Komandanti i KFOR-it në Kosovë Ozkan Ulutas ka takuar ministrin e Brendshëm në detyrë, Xhelal Sveçla, e ku  disikuat për sigurinë në Kosovë dhe bashkëpunimin me KFOR.

Ulutas, ka përsëritur angazhimin e KFOR-it për të kryer misionin në interes të të gjithë njerëzve në Kosovë.

Komandanti i misionit të udhëhequr nga NATO, KFOR, Gjeneral Major Özkan Ulutaş, u takua me Xhelal Sveçlën në Prishtinë. Ata ndanë mendime mbi situatën e sigurisë në Kosovë dhe mbi bashkëpunimin ndërmjet KFOR-it dhe organizatave të sigurisë së Kosovës. Gjeneral Major Ulutaş përsëriti angazhimin e vazhdueshëm të KFOR-it për të kryer misionin e tij në interes të të gjithë njerëzve që jetojnë në Kosovë. KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qetë për të gjithë njerëzit dhe komunitetet që jetojnë në Kosovë dhe në lirinë e lëvizjes, në çdo kohë dhe në mënyrë të paanshme”, thuhet në njoftimin e KFOR./EO

Continue Reading

Lajmet

Ndalet rryma në QKUK, ShSKUK: Për shkak të mungesës së energjisë elektrike nuk funksionon sistemi elektronik

Published

on

By

Qendra Klinike Universitare e Kosovës, njofton se sot, rreth orës 11:50, ka ndodhur një ndërprerje e paplanifikuar e furnizimit me energji elektrike.

“Sipas informacioneve nga KEDS, bëhet fjalë për një defekt jashtë hapësirave të QKUK-së. Menjëherë pas ndërprerjes, gjeneratorët në të gjitha klinikat me ndjeshmëri të lartë janë aktivizuar automatikisht, duke bërë që puna dhe ofrimi i shërbimeve të mos ndërpriten asnjë moment. Aktualisht, situata në QKUK është nën kontroll, ndërsa të gjitha shërbimet esenciale po ofrohen normalisht. Përjashtim bëjnë vetëm ambulancat specialistike, ku për shkak të mungesës së energjisë elektrike nuk funksionon sistemi elektronik”, njofton SHSKUK./EO

Continue Reading

Lajmet

Ministria e Financave njofton pensionistët për mundësinë e lajmërimit përmes ekipeve mobile

Published

on

By

Ministria e Financave, Punës dhe Transfereve ka njoftuar se pensionistët që kanë problem me lajmërim për shkaqe shëndetësore në zyrat e pensionistëve mund të kërkojnë që të lajmërohen përmes ekipeve mobile.

Ministria thotë se që nga muaji gusht 2023 ka lansuar projektin e lajmërimit në shtëpi të pensionistëve, përmes ekipeve mobile që vizitojnë pensionistët në adresën e tyre të banimit.

Me qëllim të lehtësimit të procedurave, pensionistët me probleme shëndetësore si dhe ata mbi moshën 80 vjeçare mund të dërgojnë kërkesë përmes telefonit ose e-mailit, dhe ekipi mobil i Ministrisë shkon në shtëpi për të realizuar procesin e verifikimit“, thuhet në njoftim.

MFPT ka publikuar edhe numrat dhe adresat elektronike përmes të cilave mund të paraqitet kërkesa për lajmërim varësisht rajonit.

Prishtinë – [email protected] | 038 213 268
Pejë – [email protected] | 039 431 217
Gjakovë – [email protected] | 039 326 999
Gjilan – [email protected] | 028 324 555
Ferizaj – [email protected] | 0290 320 403
Mitrovicë – [email protected] | 028 533 010

Continue Reading

Të kërkuara