Lajmet

Prokuroria: Provat nga një rast tjetër inkriminuan Gjukanoviqin

Published

on

Autoritetet në Kosovë konfirmuan se hetimet në një rast tjetër, e inkriminuan edhe të dyshuarën Jellena Gjukanoviq – punonjëse e Organizatës për Siguri dhe Bashkëpunim në Evropë (OSBE) – e cila u arrestua nën dyshimin për spiunazh.

Prokuroria Speciale e Kosovës konfirmoi se rasti i saj është duke u trajtuar si “i ndjeshëm” dhe tha se është në kontakt me autoritetet e OSBE-së, për të siguruar trajtimin profesional të tij.

Gjukanoviq u arrestua më 28 shkurt në pikën kufitare Jarinjë, në veri të Kosovës, me urdhër të Prokurorisë Speciale.

Në seancën gjyqësore që u mbajt në Gjykatën Themelore në Prishtinë, më 2 mars, asaj iu shqiptua masa e paraburgimit prej një muaji.

Gjykata e arsyetoi këtë masë duke thënë se Gjukanoviq mund të ndërhynte në prova, të ndikonte te dëshmitarët ose ta përsëriste veprën e supozuar.

Me Kodin Penal të Kosovës, spiunazhi konsiderohet krim i rëndë dhe dënohet me minimum pesë vjet burg, nëse konfirmohet fajësia.

Duke folur për Radion Evropa e Lirë më 4 mars, prokurori special, Bekim Kodraliu, konfirmoi se Gjukanoviq dyshohet për spiunazh nga neni 124, paragrafi 3 i Kodit Penal të Kosovës, në bashkëpunim me një të dyshuar tjetër, që është po ashtu nën hetime.

“Rasti është i ndjeshëm. Konfirmoj se jemi në kontakt edhe me autoritetet e OSBE-së, për trajtimin sa më profesional të tij”, tha Kodraliu.

Ndërsa u përmbajt nga zbulimi i detajeve për të dyshuarin e dytë, ai konfirmoi se Gjukanoviq është shtetase e Kosovës me kombësi serbe dhe se punon për Zyrën e OSBE-së në pjesën veriore të Kosovës, përkatësisht në rajonin e Mitrovicës.

Kodraliu nuk dha informacione se për sa kohë ka qenë Gjukanoviq aktive në Kosovë, duke thënë se ende janë duke u grumbulluar dhe analizuar dëshmi të tjera.

Megjithatë, ai zbuloi se hetimet ndaj Gjukanoviqit buruan nga një rast i veçantë, që i bëri prokurorët të zbulonin prova inkriminuese kundër saj.

Për shkak të hetimeve, nuk mund të japim më shumë informacione”, tha Kodraliu për Radion Evropa e Lirë.

OSBE-ja në Kosovë konfirmoi më 2 mars se Gjukanoviq është “anëtare e misionit”.

Ne jemi në kontakt me përfaqësuesin e saj ligjor dhe po monitorojmë nga afër mirëqenien e saj, në përputhje me detyrën tonë”, tha misioni, duke shtuar se nuk mund të komentojë më tej për këtë rast, për shkak të hetimeve që vazhdojnë.

Megjithatë, ai theksoi se vazhdon bashkëpunimin me autoritetet përkatëse dhe se është në kontakt edhe me Sekretariatin e OSBE-së në Vjenë.

OSBE-ja nuk iu përgjigj pyetjeve të Radios Evropa e Lirë në lidhje me angazhimin e Gjukanoviqit në misionin e saj.

Përpjekjet e Radios Evropa e Lirë për të marrë më shumë detaje nga avokati i Gjukanoviqit, ishin gjithashtu të pasuksesshme.

Disa media kosovare shkruan se ajo ka qenë “spiune” e Agjencisë serbe të Sigurisë dhe Inteligjencës (BIA), por kjo e fundit nuk iu përgjigj pyetjeve të REL-it në lidhje me rastin e saj.

Ndryshe prej rasteve të mëparshme, kur autoritetet serbe reaguan ashpër ndaj arrestimeve të serbëve në Kosovë, Qeveria në Beograd nuk e komentoi ndalimin e Gjukanoviqit. Ngjashëm as Lista Serbe, partia kryesore politike që përfaqëson serbët e Kosovës./REL/

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara