Lajmet

Projektligji i ri për mbrojtjen e konsumatorit synon t’i mbroj të drejtat e tyre

Hyseni u shpreh se përmes këtij diskutimi publik u ofrohet mundësi që të gjitha palët të japin komentet e tyre.

Published

on

Me Projektligjin për ndryshimin dhe plotësimin e Ligjit për mbrojtje të konsumatorit synohet të mbrohen të drejtat e konsumatorit, duke ofruar nivel të dëshirueshëm të produkteve dhe siguri të tyre.

Kështu u tha në debatin publik që Komisioni për Ekonomi, Industri, Ndërmarrësi dhe Tregti ka mbajtur për këtë projektligj.

Anëtari i këtij Komisioni, Driton Hyseni u shpreh se përmes këtij diskutimi publik u ofrohet mundësi që të gjitha palët të japin komentet e tyre që do të futen pastaj si amendamentet.

“Ligji i ri që do të miratohet i adreson në mënyrën adekuate me qëllim që interesi i konsumatorit të jetë në nivel të dëshirueshëm të jetë aty ku e ka vendin, sepse ne mendojmë që e kemi për obligim edhe si deputet, por edhe ju zyrtar dhe organizata që të japim kontributin maksimal që konsumatori t’i mbrohet e drejta e tij dhe do të bëjmë maksimumin që konsumatorët të jenë të kënaqur me atë që ligji i cili do të miratohet në Kuvendin e Kosovës do të prodhoj terren. Pra, një nivel të dëshirueshëm të produkteve, një siguri të produkteve që u prodhohen në vend, por edhe një nivel të shërbimeve konform kontratave që ata nënshkruajnë qoftë me autoritetet publike apo ndërmarrjet private”, theksoi ai.

Deputetja e Lëvizjes Vetëvendosje, Mimoza Kusari-Lila ngrit si çështje tregtimet online që po bëhen dhe përfshirjen e Agjencisë për Informim dhe Privatësi në hartimin e plotësim-ndryshimit të këtij projektligji me qëllim të mbrojtjes së të dhënave personale.

Po ashtu, ajo u interesua të di edhe për përfshirjen e Këshillit të Pavarur të Medieve në hartim të këtij projektligji.

“Dy elemente të cilat reflektojnë në propozimin e projektligjit për plotësim ndryshim kanë të bëjnë edhe me tregtimin përmes internetit dhe me prezantimin e produkteve përmes medieve qofshin ato medieve TV dhe radio apo online. Pyetja ime ka të bëjë me konsultimet apo bashkërendimet me Agjencinë për Informim dhe Privatësi, tregtimi online nënkupton shkëmbimin e të dhënave personale përfshirë informatat e bankës dhe informatat e numrit personal a ka pas përfshirje Agjencioni për Informim dhe Privatësi a keni konsultuar në draftimin e këtij projektligjit”, theksoi ajo.

Njazi Shala nga Departamenti i Mbrojtjes së Konsumatorit u shpreh se në grup punues kanë qenë, por substanca e këtij plotësim ndryshimi nuk ndërlidhet me këtë çështje.

“Në grup punues kanë qenë sepse nuk është substanca që ka të bëjë këto direktiva që janë bë plotësim ndryshimin nuk ka të bëjë me punën e këtyre komisione”, u shpreh ai.

Shala tha se plotësim ndryshimi i Ligjit për mbrojtjen e konsumatorit ka katër qëllime përmes të cilave synohet harmonizimi me ligjet e BE-së e rekomandimet që vijnë për mbrojtje të konsumatorit.

“Përmban 4 qëllime kryesore harmonizimin me ligjet e BE, transpozimi i direktivës 2019/21, 61, rekomandimet e ekspertëve të BE në realicion me ligjin bazë për mbrojtjen e konsumatorit 2018, rekomandimet që vijnë nga politikat qeveritare… Përmirësimin e disa aspekteve teknike sikurse emërtime, apo referime apo rregulla ligjore si janë të prezantuar me ligj bazë…. Transpozimi i direktivës 2019/21, 61, për zbatimin dhe modernizimin më të mirë të rregullave të Bashkimit për mbrojtjen e konsumatorit. Direktiva ndryshon katër direktiva që janë në ligjin bazë fati i mirë që këto direktiva i kemi pas vetëm të transofozume në ligjin bazë të vitit 2018. Direktiva 2005/29 praktikat e padrejta tregtare nenet 5 deri 12 në ligjin bazë, treguesit e çmimet direktva 98/6 nenet 26,27,36 të ligjit bazë“, u shpreh ai.

Venera Agani nga Banka Qendrore e Kosovës shprehu shqetësimin se nuk janë përfshirë si institucion në hartimin e plotësim-ndryshimit të ligjit për mbrojtjen e konsumatorit.

Ajo tha e kanë dhënë vetëm një koment lidhur me pjesën e produkteve kreditore.

“Nuk kemi qenë të involvuar si BQK jo zyrtarisht jemi informuar se projektligji është duke u hartuar për ndryshim, pastaj përmes Këshillit për Mbrojtje të Konsumatorit meqenëse jam anëtare e Këshillit e kemi ngritur si çështje dhe na është dërguar projektligji, ne si BQK i kemi pas vetëm dy komente ndoshta ndryshime në ligjin bazë që ka të bëjë me BQK-në që ka të bëjë me pjesën e produkteve kreditore, por për pjesën tjetër nuk kemi pas komente meqenëse nuk kemi qenë të përfshirë, ndoshta është mirë me pas parasysh se në projektligjin bazë kemi qenë të përfshirë nga fillimi”, u shpreh ajo.

E nga departamenti për Mbrojtje të Konsumatorit u dha arsyetimi se për shkak se plotësim ndryshimi nuk ka të bëjë me direktivat që kanë të bëjnë me BQK.

Ushtruesi i detyrës së drejtorit të mbikëqyrjes së tregut në Autoritetin e Konkurrencës, Shemsi Elezi u shpreh se ky plotësim ndryshim i ligjit për mbrojtjen e konsumatorit i ka përfshirë disa fusha të reja për aspektet digjitale.

“Në projektligjin e ri kanë hyrë disa fusha të reja të cilat gjatë kësaj kohe prej pandemisë dhe prej vitit 2020 e këndej kemi pas ankesa vitin e kaluar i kemi trajtuar diku 237 ankesa që na kanë ardhur dhe nuk kanë qenë kërkesa që duhet me i trajtua Autoriteti i Konkurrencës, por që në një mënyrë na kanë krijuar një bazë që ne me u marr me disa analiza të tregjeve të caktuara ku i kemi bërë disa analiza të shportës së konsumatorit, peletit, analiza të sektorit të naftës dhe këto ankesa që kanë ardhur prej konsumatorëve në mënyrë indirekte ka ndikuar që Autoriteti i Konkurrencës me u marr me to. E mira është që në këtë projektligj janë futur edhe ankesat përveç shportës të konsumatorit kanë qenë tek kjo pjesa digjitale tek shifrat digjitale mirëpo edhe tek operatorët që merren me telekomunikimet”, u shpreh Elezi.

Plotësim ndryshimi i Ligjit për mbrojtje të konsumatorit vitin e kaluar është miratuar në Qeverinë e Kosovës, ndërsa në fillim të këtij muaji ka kaluar në parim në Kuvendin e Kosovës.

Lajmet

​Përplasje PDK-LVV në KQZ për buxhetin shtesë të zgjedhjeve lokale

Published

on

By

Në mbledhjen e Komisionit Qendror të Zgjedhjeve pati përplasje mes anëtarëve të Partisë Demokratike të Kosovës dhe Lëvizjes Vetëvendosje lidhur me miratimin e buxhetit shtesë për zgjedhjet lokale.

Anëtari i KQZ-së nga Partia Demokratike e Kosovës, Ilir Gashi, tha se mungesa e miratimit të buxhetit nga Qeveria mund të ndikojë negativisht në organizimin e zgjedhjeve.

“E kam një pyetje për ju kryetar, po shkon koha dhe buxheti akoma nuk është i miratuar sa i përket zgjedhjeve nga ana e qeverisë dhe mendoj që ju do të duhej që jeni në komunikim direkt sepse mosmiratimi i shpejtë i buxhetit rrezikon disa operacione zgjedhore, kryesisht operacione të cilat tashmë janë të reja të futura në rregulloret zgjedhore të cilat janë në shërbim të procesit, sidomos sa i përket votimit të diasporës. Mos ndarja e buxhetit me kohë mund të rrezikoj realizmin e këtyre operacioneve”, tha Gashi.

Ndërkaq, anëtari i KQZ-së nga Lëvizja Vetëvendosje, Alban Krasniqi iu kundërpërgjigj Gashit duke thënë se nuk është e vërtetë që qeveria nuk e ka ndarë buxhetin. Sipas tij, çështja qëndron te kërkesat shtesë buxhetore.

“Nuk është e vërtetë që qeveria nuk ka ndarë buxhet. Për të gjitha kërkesat që kemi pasur qeveria i ka ndarë. Buxheti për këto zgjedhjeve është tashmë i ndarë. Çështja është për kërkesat shtesë buxhetore që i kemi pasur. Për kërkesat shtesë buxhetore ne e dimë kur e kemi bërë një kërkesë të tillë, nuk e di nëse i ka një javë apo 10 ditë. Duhet mbajtur institucioni jonë në komunikim për kërkesat shtesë buxhetore, të cilat ne vetë si institucion nuk i kemi planifikuar”, tha Krasniqi.

Pas kësaj, Gashi iu drejtua Krasniqit duke i thënë se “nuk je zëdhënës i qeverisë”.

“Dorën në zemër unë Hekuran Muratit si bëra pyetje këtu. Po e trajtoj si shqetësim në kuadër të këtij institucioni sepse ky buxhet. Ta kryej unë pastaj mund ta marrësh fjalën. Vetëm ta përfundoj. Shqetësimi është real…Nuk je zëdhënës i qeverisë”, tha Gashi.

Në anën tjetër, Krasniqi iu referua Gashit duke i thënë se po e dezinformon publikun.

“Thatë që nuk ka ndarë qeveria buxhet, nuk është e vërtetë. Pranoje dezinformimin që e bëre. Duhet të pranosh se dezinformove publikun. Nuk është e vërtetë çfarë the. Qeveria ka ndarë që vitin e kaluar këtë buxhet. Ne kemi të drejtë ta shpenzojmë…Me mediat të caktuara që i keni dezinformuar opinionin”, tha tutje Krasniqi.

Përveç kësaj, në mbledhjen e KQZ-së u vendim për emërimin e 216 anëtarëve të Komisioneve Komunale të Zgjedhjeve në 38 komunat e Republikës së Kosovës, të cilët përfaqësojnë subjektet e ndryshme politike.

Anëtari i KQZ-së Arianit Elshani, bëri të ditur se për këtë proces të gjithë anëtaret kanë kaluar procedurat ligjore.

“Këshilli për operacione zgjedhore ka shqyrtuar kërkesën për emërimet e anëtarëve të komisioneve komunale të zgjedhjeve që nga nominimet që kanë ardhur nga subjektet politike. Nga 222 vende të përcaktuara sipas formulës të miratuar nga KQZ-ja, 216 vende janë plotësuar nga këto nominime të ardhura nga subjektet politike. Personat të cilët i kanë kaluar të gjithë filtrat ligjor të KQZ-së dhe mekanizmave të jashtëm me të cilët KQZ-ja i dërgon për verifikim”, tha Elshani.

Në mbledhje u potencua se për zgjedhjet lokale të 12 tetorit janë deklaruar dy koalicione, ndërsa pesë parti janë tërhequr nga gara.

“Koalicija Vakat”, i përbërë nga partitë politike Demokratska Stranka Bošnjaka (DSB) dhe Demokratska Stranka Vatan (DSV) dhe Koaliconi “SDU-NASA (NASA SDU)”, i përbërë nga partitë politike Socijaldemokratska Unija dhe Nasa Inicijativa, i formuar vetëm për komunën e Prizrenit.

Ndërsa, partitë politike të cilat nuk do të garojnë në zgjedhjet e 12 tetorit janë Organizata Balli Kombëtar Demokrat, Partia Demokratike e Diasporës, Partia e Drejtësisë, Kosovaki Nevi Romani Partia, Partia Balliste.

Continue Reading

Lajmet

Sërish tërmet në Shqipëri

Published

on

By

Një tjetër tërmet sapo ka goditur Shqiërinë, pas lëkundjeve të mëngjesit.

Tërmeti ishte me magnitudë 3.3 ballë, me epiqendër 11 km në veri-perëndim të Tiranës, teksa thellësia fokale ishte 10 km.

Kujtojmë se mëngjesin e sotëm, Shqipëria u godit nga një tërmet me magnitudë 4.4 e shkallës Rihter, në orën 05:04 minuta. Tërmeti ka pasur epiqendrën e tij pranë Kamzës dhe Krujës me një thellësi prej 5 kilometrash.

Continue Reading

Lajmet

Gjykata vendos masën e sigurimit ndaj vendimit të ZRrE-së

Published

on

By

Për herë të parë në Kosovë, një biznes ka arritur të marrë masën e sigurimit ndaj njoftimit të Zyrës së Rregullatorit për Energji (ZRrE) lidhur me liberalizimin e tregut të energjisë elektrike.

Vendimi është marrë nga Gjykata Komerciale e Kosovës, Departamenti për Çështje Administrative më 19 qershor 2025.

Ankesa në Gjykatë ishte dorëzuar nga avokati Agron Selimaj nga Prishtina.

KosovaPress ka siguruar edhe aktvendimin e Gjykatës, në të cilën thuhet se sipas aktvendimit të datës 19 qershor 2025, Gjykata Komerciale, Departamenti për Çështje Administrative, ka miratuar kërkesën e paditësit, duke aprovuar masën e sigurisë për shtyrjen e ekzekutimit të njoftimit të ZRRE-së të datës 03.06.2025. Ky njoftim ndalonte paditësin të shfrytëzonte furnizimin nga shërbimi universal.

Gjykata, ka vendosur që ekzekutimi i këtij njoftimi të pezullohet deri në marrjen e vendimit përfundimtar gjyqësor.

Përveç këtij rasti, kundërshtime ndaj vendimit të ZRrE-së kanë bërë edhe Dhoma e Tregtisë dhe Industrisë e Kosovës (DhTIK), Oda Ekonomike e Kosovës, si dhe disa biznese të tjera.

Kujtojmë se Zyra e Rregullatorit për Energji kishte njoftuar përmes një komunikate se bordi ka caktuar subjektin juridik KEK – si Furnizues të Mundësisë së Fundit për periudhë gjashtë mujore, nga 31.08.2025 deri më 31.01.2026.

ZRrE ka shtyer afatin për lidhjen e kontratave pas protestave të bizneseve të Kosovës që kundërshtuan liberalizimin e tregut energjetik, transmeton KosovaPress.

Bizneset e Kosovës kishin organizuar protestë kundër vendimit të ZRrE, pasi sipas përfaqësuesve të bizneseve një veprim i tillë do të krijonte një ekonomi të rënduar në Kosovë.

Pjesë e shqyrtimit nga Bordi kanë qenë edhe ankesat e konsumatorëve dhe çështje të tjera që lidhen me funksionimin e Zyrës së Rregullatorit për Energji./kosovapress/

Continue Reading

Lajmet

Presidentja Osmani pret të dërguarin norvegjez për Ballkanin Perëndimor

Published

on

By

Presidentja e Republikës së Kosovës, Vjosa Osmani, zhvilloi sot një takim me të dërguarin e posaçëm të Mbretërisë së Norvegjisë për Ballkanin Perëndimor, z. Eirik Nestås Mathisen.

Në qendër të bisedës ishin zhvillimet e fundit në Kosovë dhe në rajon, marrëdhëniet bilaterale ndërmjet dy vendeve, si dhe roli i mbështetjes norvegjeze në rrugën e Kosovës drejt integrimeve euroatlantike.

Presidentja Osmani shprehu mirënjohje për ndihmën e vazhdueshme të Norvegjisë në procesin e shtetndërtimit të Kosovës, duke theksuar se kjo përkrahje ka qenë dhe mbetet thelbësore për avancimin e vendit drejt strukturave euroatlantike.

Ajo nënvizoi po ashtu rëndësinë që Kosova të anëtarësohet sa më shpejt në Këshillin e Evropës dhe të ecë me hapa të sigurt në rrugën e integrimit.

Gjatë takimit u trajtuan edhe çështje të tjera me interes të përbashkët, ndërsa të dy palët riafirmuan vullnetin për të forcuar më tej partneritetin mes Kosovës dhe Norvegjisë.

Continue Reading

Të kërkuara