Lajmet nga UBT

Profesoresha e UBT-së, Ulpiana Aliaj dhe tenori Ramë Lahaj, do të performojnë në Dubai

Published

3 years ago

on

Profesoresha e Fakultetit Muzikë Moderne, Prodhimi Digjital dhe Menaxhimi në UBT, Ulpiana Aliaj, do të marrë pjesë në shënimin e Ditës së Pavarësisë së Kosovës, në panairin global, EXPO 2020, në Dubai të Emirateve të Bashkuara Arabe.

Profesoresha Aliaj, do të përformojë përkrah tenorit të mirënjohur, Ramë Lahaj, në cilësinë e sopranos, e ndjekur në piano nga Ugo Mahieux, në një program që përmban arie dhe duete nga repertori operistik botëror dhe shqiptar.

Koncerti “The Voice of Independent Kosova” do të mbahet në Dubai Millennium Aphitheater, më 17 shkurt, duke filluar nga ora 21:30.

Rame Lahaj – Për ty Atdhe

Related Topics:
Continue Reading

Lajmet nga UBT

Në Ditën e Inxhinierisë, UBT nderon profesorët dhe inxhinierët që ndihmuan në ringritjen e Kosovës

Published

7 minutes ago

on

March 4, 2025

By

Në Ditën Botërore të Inxhinierisë, UBT ka mbledhur personalitete të rëndësishme nga fusha e akademisë dhe inxhinierisë për të shënuar këtë ditë. Gjatë këtij aktiviteti morën pjesë rektori i UBT-së, Prof. Dr. Edmond Hajrizi, Pro-Rektori, Dekani i Fakultetit të Arkitekturës dhe Planifikimit Hapësinor, Prof. Binak Beqaj, Dekani i Fakultetit të Inxhinierisë së Ndërtimit dhe Infrastrukturës, Prof. Visar Krelani, si dhe një mori profesorësh dhe stafi akademik i UBT-së. Evenimenti krijoi një mundësi të shkëlqyer për të reflektuar mbi arritjet dhe rëndësinë e inxhinierisë në shoqërinë e sotme.

Reflektim nga Rektori Hajrizi

Rektori i UBT-së, Prof. Dr. Edmond Hajrizi, theksoi rëndësinë e Ditës së Inxhinierisë si një mundësi për të njohur dhe nderuar kontributin e inxhinierëve dhe për të promovuar angazhimin e të rinjve dhe grave në këtë fushë. Ai e përshkroi inxhinierinë si një profesion themelor që ndihmon në krijimin e diçkaje që nuk ka ekzistuar më parë, duke sjellë një ndikim të thellë në përmirësimin e jetës dhe zhvillimin e shoqërisë. Duke e konsideruar këtë ditë një mundësi për të reflektuar mbi kontributin e çdo inxhinieri në krijimin e botës moderne. Rektori theksoi se inxhinieria është shumë më tepër sesa një profesion, ajo është një pasion që ka udhëhequr jetën e tij.

Ai e vuri theksin në faktin se inxhinierët janë forca lëvizëse pas inovacionit dhe zhvillimit, duke krijuar mundësi dhe realitete të reja për shoqërinë. Ai e konsideroi inxhinierinë si një kombinim të artit dhe shkencës, ku zgjidhja e problemeve të kompleksit të botës moderne është thelbësore.

Rektori vazhdoi duke ndarë me të pranishmit historinë e zhvillimit të inxhinierisë në UBT, duke theksuar se ky rrugëtim nisi pas periudhës së pasluftës në vitin 2001. Në atë kohë, Kosova kishte nevojë për ekspertizë dhe inxhinierë të kualifikuar për të ndihmuar në ringritjen e saj. Hajrizi kujtoi se, për të mbushur boshllëkun e krijuar nga mungesa e kualifikimeve të larta, UBT kishte ftuar inxhinierë ndërkombëtarë, kryesisht nga Austria, Evropa dhe SHBA, të cilët ndihmuan në zhvillimin e arsimit dhe forcimin e kapaciteteve profesionale në vend.

Një nga momentet kyçe të fjalimit të tij ishte përmendja e programit parë të Inxhinierisë së Menaxhimit, një iniciativë e UBT-së që nisi si një bashkëpunim me universitete prestigjoze si ai i Vjenës dhe i Oaklandit në SHBA. Ky program u krijua për të ofruar kompetenca të avancuara menaxheriale për inxhinierët, duke iu mundësuar atyre jo vetëm aftësi teknike, por edhe aftësi menaxheriale për të drejtuar projekte dhe përmirësuar shkathtësitë teknologjike.

“Kur u themelua UBT në vitin 2001, Kosova ishte në një fazë të vështirë, pa një traditë të fortë në edukimin e nivelit të lartë për inxhinieri. Kemi filluar nga e para, pa një bazë të zhvilluar, dhe kemi krijuar mundësi për të mbushur boshllëkun e krijuar nga mungesa e ekspertëve të kualifikuar. Me angazhimin dhe përkushtimin tonë, kemi krijuar një sistem të fortë arsimor dhe profesional, që ka mundësuar zhvillimin e inxhinierisë dhe krijimin e një infrastrukture që është më e qëndrueshme dhe më e avancuar se kurrë. Sot, jemi krenarë që jemi pjesë e shumë federatave dhe shoqatave ndërkombëtare dhe që kemi kontribuar në avancimin e fushës së inxhinierisë si dhe në zhvillimin e Kosovës. Në këtë ditë të shënuar, dëshiroj të uroj të gjithë inxhinierët për angazhimin dhe pasionin e tyre. Jemi falënderues për punën e palodhur dhe përkushtimin e çdo individi që ka kontribuar në ndërtimin e botës moderne dhe zhvillimin e shoqërisë. Le të vazhdojmë së bashku të ndërtojmë një të ardhme më të ndritur dhe më të qëndrueshme”, vlerësoi Prof. Dr. Edmond Hajrizi, Rektor i UBT-së.

Në një moment emocional të fjalimit, Rektori Hajrizi nderoi profesor Nebi Pllanën, një figurë të njohur të inxhinierisë në Kosovë, për kontributin e tij të jashtëzakonshëm në zhvillimin e infrastrukturës të Kosovës, përfshirë ndihmën në ndërtimin e autostradave dhe urave komplekse. Hajrizi shprehu mirënjohjen e tij të thellë për profesor Pllanën, duke theksuar se ata që kanë dhënë kontribut të çmuar, si ai, nuk harrohen kurrë dhe mbeten pjesë e historisë dhe zhvillimit të vendit.

Rektori Hajrizi theksoi se, megjithë sukseset që janë arritur deri tani, ky është vetëm fillimi i një rrugëtimi të gjatë për zhvillimin e inxhinierisë. Ai siguroi të pranishmit se angazhimi i UBT-së për të përmirësuar dhe zhvilluar aftësitë e saj do të vazhdojë, dhe se përkushtimi do të jetë gjithmonë në shërbim të një shoqërie më të zhvilluar dhe më të qëndrueshme.

Nderim profesorit Nebi Pllana

Një moment i veçantë i kësaj dite ishte dhe nderimi i profesor Nebi Pllanës, një figurë kyçe e akademisë dhe inxhinierisë në Kosovë. Ai ka dhënë një kontribut të jashtëzakonshëm në ngritjen e strukturave inxhinierike dhe ka kontribuar vazhdimisht në zhvillimin e infrastrukturës, si ndërtimi i autostradave, urave dhe infrastrukturave të tjera komplekse. Në fjalën e tij, Rektori Hajrizi shprehu falënderimet më të sinqerta për profesor Pllanën, i cili, edhe pas kalimit në pension, vazhdon të mbetet një figurë e shquar për kontributij e tij të çmuar.

“Profesor Pllana ka qenë një shtyllë stabile për zhvillimin e inxhinierisë në Kosovë dhe në UBT, edhe kur kanë munguar strukturat e forta të inxhinierisë. Ai ka ofruar dijen dhe përvojën e tij për të kontribuar në ngritjen e standardeve dhe zhvillimin e shoqërisë”, theksoi Rektori Hajrizi, duke e konsideruar profesorin Pllana një simbol të përkushtimit dhe angazhimit të palodhur.

Në përgjigje, profesor Pllana falënderoi UBT-në për mundësinë që i është dhënë për të kontribuar në ngritjen e nivelit akademik të inxhinierisë dhe e konsideroi këtë nderim si një motivim të madh për të vazhduar përpjekjet e tij në fushën e arsimit dhe zhvillimit të kësaj fushe. Ai theksoi se është krenar për atë çka është arritur dhe se angazhimi i tij do të vazhdojë për të kontribuar më tej në zhvillimin e shoqërisë dhe edukatës teknike.

“Është një nder i madh për mua që kam pasur mundësinë të jem pjesë e këtij institucioni të lartë arsimor siç është UBT, dhe vazhdoj të jem pjesë e tij sa herë që mundem dhe kurdo që keni nevojë. Me angazhimin dhe përpjekjet e stafit, UBT ka arritur një nivel profesional të lartë, që është e vështirë të arrihet në një periudhë kaq të shkurtër kohore. Ky institucion ka krijuar mundësi për të kontribuar në ngritjen e kuadrit akademik dhe ka dhënë një kontribut të jashtëzakonshëm. Unë besoj se ky proces nuk do të ndalet këtu, sepse dëshiroj që të shoh zhvillimin dhe avancimin e mëtejshëm të të gjitha niveleve të këtij institucioni. Pavarësisht kushteve dhe sfidave, unë do të vazhdoj të kontribuoj në mënyrë maksimale dhe jam i sigurt se rezultatet e punës sonë do të shihen si një harmonizim i shkëlqyer, i realizuar në përputhje me standardet më të larta dhe pa mangësi”. 

Angazhim për të ardhmen dhe rininë në inxhinieri

Eventi krijoi një mundësi për të reflektuar mbi të arriturat e inxhinierisë në Kosovë dhe për të nderuar ata që kanë dhënë një kontribut të çmuar për zhvillimin dhe përparimin e kësaj fushe. Përfundimisht, Rektori Hajrizi u shpreh se ky aktivitet është një testament i angazhimit të UBT-së për avancimin e dijes dhe zhvillimin e fushës së inxhinierisë dhe arkitekturës. Ai theksoi rëndësinë e ndërkombëtarizimit të kërkesave dhe mundësive për studentët e kësaj fushe, duke siguruar që ata të jenë të përgatitur për të kontribuar në nivel global.

Në përfundim, ky aktivitet ka shërbyer si një mundësi për të nderuar ata që kanë dhënë kontributin e tyre të çmuar në ngritjen e kapaciteteve akademike dhe profesionale në fushën e inxhinierisë në Kosovë, duke shënuar kështu një hap të rëndësishëm në rrugëtimin e këtij profesioni të lavdishëm.

“UBT e mbështet fuqishëm zhvillimin e inxhinierisë, duke ofruar mundësi dhe resurse për të rinjtë dhe profesionistët e ardhshëm të këtij profesioni”, përmbyllet eventi nga fjala e Hajrizit.

Dionesa Ebibi

Continue Reading

Lajmet nga UBT

UBT dhe Technical University of Sofia bashkëpunojnë për të ardhmen e energjisë dhe microgrids

Published

1 day ago

on

March 3, 2025

By

Një delegacion i UBT-së, i udhëhequr nga Besnik Qehaja, Lavdim Menxhiqi, Blerim Zylfiu, Behar Haxhismajli dhe Elton Boshnjaku, realizoi një takim të rëndësishëm akademik në Technical University of Sofia në Bullgari. Takimi u fokusua në temat e avancuara të zhvillimit dhe optimizimit të microgrids, një fushë kyçe për të ardhmen e sistemeve energjetike.

Takimi, i organizuar në një atmosferë të shkëmbimit të njohurive dhe eksperiencave profesionale, u zhvillua mes delegacionit të UBT-së dhe grupit të hulumtuesve shkencorë të Technical University of Sofia, të udhëhequr nga profesorët Galia Marinova dhe Vassil Guliashki. Gjatë takimit, u prezantuan dy projekte inovative të UBT-së, të cilat pritet të sjellin përparime të mëdha në fushën e menaxhimit dhe sigurisë së microgrids.

Projekti i parë ka si fokus Optimizimin e microgrid-it, i cili synon të përdorë një qasje hibride që kombinon teknikat heuristike dhe algoritmet evolucionare me integrim të avancuar të inteligjencës artificiale (AI). Ky projekt ka si qëllim rritjen e stabilitetit dhe efikasitetit të energjisë, duke minimizuar disbalancën midis prodhimit dhe konsumit të energjisë, një problem i rëndësishëm në sistemet moderne të energjisë.

Projekti i dytë është Mbrojtja e microgrid-it, që përqendrohet në sigurinë kibernetike, duke përdorur teknologjinë e machine learning për të identifikuar dhe parandaluar sulmet kibernetike në kohë reale. Kjo do të forcojë mbrojtjen e rrjeteve të energjisë, duke siguruar funksionimin e tyre të qëndrueshëm dhe të mbrojtur nga kërcënimet e mundshme të jashtme.

Takimi shënoi një hap të rëndësishëm në forcimin e bashkëpunimit akademik mes UBT-së dhe Technical University of Sofia, duke hapur mundësi për zhvillimin e projekteve të përbashkëta kërkimore, shkëmbime akademike dhe mundësi mobiliteti ndërkombëtar për studentët dhe profesorët e të dy universiteteve. Bashkëpunimi i thelluar mes dy institucioneve është një hap i rëndësishëm në avancimin e kërkimeve dhe zhvillimeve të reja në fushën e teknologjisë dhe energjisë./UBTNews/

Continue Reading

Lajmet nga UBT

UBT në vizitë zyrtare në Universitetin Politeknik të Valencias në Spanjë

Published

4 days ago

on

February 28, 2025

By

Rektori i UBT-së, Prof. Dr. Edmond Hajrizi, i shoqëruar nga Dekani i Fakultetit të Arkitekturës dhe Planifikimit Hapësinor, Prof. Binak Beqaj, dhe Dekani i Fakultetit të Inxhinierisë së Ndërtimit dhe Infrastrukturës, Prof. Visar Krelani, po zhvillon një vizitë zyrtare në Universitetin Politeknik të Valencias në Spanjë.

Në kuadër të kësaj vizite, u zhvillua një prezantim nga Rektori Hajrizi rreth ekosistemit inovativ të UBT-së, i cili ndërthur arsimin, kërkimin shkencor dhe teknologjinë për të krijuar një mjedis inovativ akademik dhe profesional.

Gjatë këtij prezantimi u shpalosën qasjet novatore të institucionit në fusha të ndryshme, duke përfshirë edhe UBT International Smart Schools, shkollat e para në Kosovë dhe rajon që ofrojnë edukim cilësor, me kurrikula ndërkombëtare dhe edukim 4.0, duke kombinuar teknologjinë dhe kreativitetin për të përgatitur liderët e së ardhmes.

Po ashtu, një ligjëratë për studentët e Ndërtimtarisë ka mbajtur edhe Prof. Visar Krelani, ku janë paraqitur aspektet e jetëgjatësisë së strukturave dhe punët kërkimore në UBT.

Dekani i Arkitekturës, Prof. Binak Beqaj, paraqiti rëndësinë e ndërdisciplinaritetit që ndërlidh drejtimet e ndryshme dhe po ashtu si ai aplikohet shumë mirë në UBT.

Në këtë vit akademik, përmes programit Erasmus, edhe dy studentë të nivelit master në Fakultetin e Inxhinierisë së Ndërtimit dhe Infrastrukturës në UBT, Diellza Vishi dhe Leart Shabani, po i ndjekin studimet në këtë universitet, të cilët po ashtu po zhvillojnë hulumtime të ndara nën udhëheqjen e njërit ndër profesorët më të njohur të Spanjës dhe Europës, Prof. Pedro Serna, i cili është gjithashtu mbështetësi më i madh i kësaj marrëveshjeje.

Delegacioni i UBT-së ka pasur shumë takime me rëndësi, në të cilat u shkëmbyen përvoja dhe u shpreh gatishmëria për bashkëpunim edhe më të thellë në fushën e mësimdhënies, shkencore, konferencave etj.

Delegacioni u takua me pro-rektorin e Universitetit Politeknik, me Prof. Pedro Serna, i cili ishte organizatori kryesor, me sekretarin e Institutit të Hulumtimeve në UPV, ku studentët e UBT-së po realizojnë hulumtime të rëndësishme, si dhe u takuan me përfaqësues të Zyrës Ndërkombëtare në këtë Universitet.

Gjatë kësaj vizite, delegacioni i UBT-së po realizon takime me përfaqësues të lartë akademikë dhe drejtues të fakulteteve përkatëse, me qëllim forcimin e bashkëpunimit ndëruniversitar dhe shkëmbimin e përvojave akademike dhe profesionale.

Diskutimet u përqendruan në partneritete në fusha të ndryshme, siç janë arkitektura, planifikimi hapësinor, inxhinieria ndërtimore, si dhe në bashkëpunime për projekte kërkimore dhe mobilitetin e studentëve dhe stafit akademik.

Continue Reading

Lajmet nga UBT

Biznes, menaxhim, sukses me Fakultetin e MBE-së në UBT

Published

5 days ago

on

February 27, 2025

By

Programi i Studimit për Menaxhment, Biznes dhe Ekonomi (MBE) në UBT ka një kuadër të fortë akademik dhe profesional për studentët, duke i pajisur ata me njohuri dhe aftësi të thella në fushat e menaxhimit, biznesit dhe ekonomisë. Programi ofron mundësi për zhvillimin e kompetencave kërkimore dhe profesionale, aftësinë për të aplikuar njohuritë e marra në mënyrë praktike dhe analitike, si dhe zbatimin e teknikave të avancuara për zgjidhjen e problemeve dhe menaxhimin e sfidave komplekse në mjedise dinamike dhe konkurruese.

Në përfundim të këtij programi, studentët do të jenë të aftë të menaxhojnë burime njerëzore, të analizojnë sjelljen organizative, të kuptojnë financat dhe rreziqet e biznesit dhe të aplikojnë njohuri për të zhvilluar strategji biznesi dhe për të përmirësuar performancën organizative. Ky program ofron mundësi për specializim në: Menaxhment, Ndërmarrësi dhe Inovacion, Marketing dhe Shitje, Kontabilitet, Auditim dhe Tatime, Financa, Banka dhe Sigurime, dhe Biznes Ndërkombëtar.

Përfundimi i këtij programi siguron mundësinë për të u bërë profesionistë në një sektor të zhvilluar dhe ndërkombëtar, duke mundësuar përgatitjen për sfidat dhe mundësitë që ofrohen nga ekonomitë globale dhe zhvillimet e shpejta teknologjike. Programi ofron një përgatitje të thelluar dhe të aplikueshme në sektorin bankar dhe financiar, marketing, prodhimtari, sektori publik, IT/Telekom dhe konsulencë.

Pse duhet të studioni këtë program?

Kompetenca të larta profesionale: Programi ofron njohuri të avancuara në menaxhimin e burimeve, financave dhe taksave, duke mundësuar zhvillimin e aftësive praktike për të udhëhequr dhe menaxhuar projekte dhe organizata.

Specializim i fokusuar në industri: Orientimet si Menaxhment dhe Ndërmarrësi, Marketing, Kontabilitet dhe Financa ofrojnë mundësi për zhvillim të karrierës së suksesshme.

Përgatitje për një treg global dhe konkurrues: Programi siguron përgatitje për sfidat e zhvillimit të biznesit në mjedise ndërkombëtare, duke përfshirë mundësi për ndërlidhje me akademikë dhe profesionistë nga industria.

Në përfundim të këtij programi, studentët do të kenë një kuptim të thelluar të të gjitha aspekteve të biznesit dhe ekonomisë, dhe do të jenë të përgatitur për të kontribuar në zhvillimin ekonomik të Kosovës dhe rajonit.

Mbështetje praktike dhe burime për studentët

UBT ofron një infrastrukturë moderne që përfshin laboratorë të pajisur me software të licencuar si Office 365, SAP S4/Hana, SPSS, Stata, AR dhe mjetet VR. Studentët gjithashtu kanë qasje në një bibliotekë të pasur me 300,000 tituj, duke përfshirë burime online të njohura, si Jstore dhe Ebsco.

Programi ofron mundësi për internship në industri, mundësi për studime ndërkombëtare nëpërmjet Erasmus+, si dhe mundësi për të marrë pjesë në trajnime profesionale si CISCO, Microsoft, AutoCAD, dhe IPMA.

Përveç kësaj, UBT ofron mundësi për start-up biznesi në Inkubatorin e Biznesit dhe ndihmë nga Qendra e Karrierës për punësim pas diplomimit.

Dekani i Fakultetit të Menaxhimit, Biznesit dhe Ekonomisë, Muhamet Gërvalla thotë: “Programi ynë është projektuar për të ofruar një edukim të thelluar dhe të orientuar nga praktika, duke përgatitur studentët për të udhëhequr ndryshimet dhe për të kontribuar në zhvillimin ekonomik të Kosovës dhe më gjerë”.

Nëse dëshironi të bëheni lider në fushën e menaxhimit, biznesit dhe ekonomisë, Fakulteti i Ekonomisë në UBT është suksesi. Këtu do të zhvilloni njohuritë dhe aftësitë që janë thelbësore për të udhëhequr dhe menaxhuar organizata në një botë gjithnjë e më globale dhe konkurruese./UBTNews/D.E.

Continue Reading

Të kërkuara