Lajmet nga UBT

Profesoresha e UBT-së, Jeta Kiseri Kubati prezantoi në Kongresin Evropian të Ortodoncisë në Oslo të Norvegjisë

Prezantimi kishte të bënte rreth ndryshimeve në harkun mandibulare një vit pas retencionit, me titull: “Changes in mandibular arch in growing subjects twelve months post retention”.

Published

on

Profesoresha nga Fakulteti i Stomatologjisë në UBT, Dr. Sci. Jeta Kiseri Kubati, prezantoi në Kongresin Evropian të Ortodoncisë në Oslo të Norvegjisë, projektin e fundit të bërë në bashkëpunim me profesorin Burim Kiserin, dhe ekspertët e tjerë vendorë.

Prezantimi kishte të bënte rreth ndryshimeve në harkun mandibulare një vit pas retencionit, me titull: “Changes in mandibular arch in growing subjects twelve months post retention”.

Kongresi Evropian i Ortodoncisë mbledh së bashku profesionistë nga e gjithë bota dhe mbahet çdo vit në vende të ndryshme evropiane.

Lajmet nga UBT

Përfitoni nga zbritja 40% në Shkollën Fillore UBT – Regjistrojini fëmijët tuaj në shkollën me teknologji dhe edukim të avancuar

Published

on

By

Keni dëshirë që fëmijët tuaj të kenë mundësi të shkëlqyer arsimimi? Shkolla Fillore dhe e Mesme e Ulët UBT është aty për t’ju ofruar mundësinë më të mirë për edukim të nivelit të lartë dhe zhvillim të qëndrueshëm. Dhe tani, me zbritje 40% për regjistrimet deri në muajin qershor, kjo është mundësia perfekte për të siguruar një arsim të shkëlqyer për fëmijët tuaj!

Pse të regjistroheni në Shkollën Fillore UBT?

Mësim bazuar në STEAM: Shkolla UBT është pionier në implementimin e sistemit edukativ të bazuar në STEAM (Shkencë, Teknologji, Inxhinieri, Art dhe Matematikë), duke mundësuar që nxënësit të zhvillojnë aftësi të rëndësishme për të ardhmen.

Mësim kreativ dhe interaktiv: Me Classroom 3.0, nxënësit do të kenë mundësinë të mësojnë në një mjedis modern dhe interaktiv, duke u angazhuar në aktivitete që stimulojnë mendimin kritik dhe kreativitetin.

Gjuhë të huaja: Gjuhët sikurse, ajo: angleze, gjermane dhe italiane, janë të integruara në çdo aspekt të mësimit, për t’u siguruar që nxënësit janë të përgatitur për tregun global.

Vlerat edukative: Përveç njohurive akademike, Shkolla Fillore UBT fokusohet në zhvillimin e kompetencave personale, sociale dhe qytetare, duke formuar individë të përgjegjshëm dhe liderë të ardhshëm.

Shfrytëzo mundësinë tani! Deri në muajin qershor, regjistrojeni fëmijët tuaj në Shkollën Fillore dhe të Mesme të Ulët UBT dhe përfitoni nga zbritja prej 40% për tarifat e regjistrimit. Kjo është një mundësi që nuk duhet humbur për të investuar në të ardhmen e fëmijëve tuaj me një arsim të klasit të parë!

Për më shumë informacione dhe për t’u regjistruar, vizitoni https://ubt.school/ ose kontaktoni me ne në: +383 46 332 233 | [email protected]

Continue Reading

Lajmet nga UBT

Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”

Published

on

By

Profesori i UBT-së, oftamologu, Arsim Hajdari, ka mbrojtur me sukses temën e doktoraturës me titull “New Perspective of Biological Therapy in Treatment of Age-Related Macular Degeneration” (Perspektiva e Re e Terapisë Biologjike në Trajtimin e Degjeneratës Makulare të Shkaktuar nga Mosha), në Universitetin “Goce Delchev” në Stip, Maqedoni e Veriut.

Mbrojtja e temës së doktoraturës u realizua nën mbikëqyrjen e një komisioni akademik të nderuar, i kryesuar nga Prof. Dr. Strahil Gazepov, dhe i përbërë gjithashtu nga Prof. Dr. Biljana Ivanovska, Prof. Dr. Emilja Janevik, Prof. Dr. Sonja Cekic, mentor i jashtëm, dhe Prof. Dr. Nevenka Velichkova, mentor.

Në fjalimin e tij pas mbrojtjes, profesori Hajdari shprehu falënderimet e tij të veçanta ndaj të gjithë atyre që e mbështetën në këtë rrugëtim akademik. Ai falënderoi mentoren e tij, Prof. Dr. Nevenka Velichkova, për udhëzimet dhe mbështetjen e vazhdueshme, si dhe Prof. Dr. Sonja Cekic, mentorin e jashtëm, për këshillat dhe mbështetjen profesionale. Po ashtu, ai shprehu mirënjohjen për komisionin vlerësues për punën e tyre të drejtë dhe korrektësinë.

Ky arritje e profesorit Hajdari thekson angazhimin e tij të palodhur në fushën e mjekësisë dhe kërkimit shkencor, duke kontribuar në avancimin e njohurive dhe zhvillimin e mundësive të reja për trajtimin e sëmundjeve të syrit, veçanërisht të degjeneratës makulare të shkaktuar nga mosha.

Continue Reading

Lajmet nga UBT

Shkollat e Mjekësisë në UBT International Smart Schools me qasje praktike: Edukim që sjell rezultate të mëdha

Published

on

By

Të rinjtë që ëndërrojnë një të ardhme në fushën e mjekësisë tashmë kanë një mundësi të jashtëzakonshme për të nisur rrugëtimin e tyre profesional që në shkollën e mesme. Shkollat e Mesme të Mjekësisë në UBT International Smart Schools, përveç përgatitjes teorike cilësore, ofrojnë praktikë reale në institucione shëndetësore, duke e kthyer mësimin në përvojë jetësore.
Një prej shembujve më të mirë është bashkëpunimi me Qendrën Kryesore të Mjekësisë Familjare në Lipjan (QKMF), ku nxënësit kanë zhvilluar praktikat e tyre profesionale. Ata kanë asistuar mjekë dhe infermierë në detyra të përditshme, duke qenë pjesë aktive e stafit shëndetësor. Kjo ka qenë një eksperiencë që jo vetëm ka përforcuar njohuritë dhe aftësitë e tyre, por edhe ka rritur vetëbesimin dhe ndjenjën e përgjegjësisë.
Nga klasa në praktikë – dhe më afër profesionit të ëndrrave
Në vend që të presin për studime të larta për të prekur realitetin profesional, nxënësit e këtyre shkollave kanë mundësinë të jenë pranë pacientëve, të përdorin pajisje mjekësore dhe të mësojnë drejtpërdrejt nga profesionistët. Kjo qasje e hershme dhe intensive në praktikë i bën më të përgatitur për sfidat e së ardhmes.
Pse të regjistrohesh në Shkollat e Mesme të Mjekësisë në UBT International Smart Schools?
Mësim cilësor nga profesionistë të fushës
Praktikë profesionale në institucione shëndetësore si QKMF
Mundësi reale punësimi dhe vijimi studimesh në mjekësi, infermieri, farmacisë etj.
Zhvillim i shpejtë i aftësive praktike dhe komunikimit me pacientë
Përvojë që e dallon çdo nxënës në tregun e punës
Regjistrimet e hershme për vitin e ri shkollor janë të hapura. Nëse dëshiron të jesh pjesë e një sistemi që përgatit profesionistë të së nesërmes dhe ofron mundësi konkrete për zhvillim personal e profesional, Shkollat e Mesme të Mjekësisë janë zgjedhja e duhur për ty.
Apliko sot dhe bëhu pjesë e profesionistëve të së ardhmes!

Continue Reading

Lajmet nga UBT

5-9 Maj: UBT organizon International Staff Week për rrjetëzimin dhe inovacionin global

Published

on

By

UBT do të organizojë një ngjarje të rëndësishme ndërkombëtare, International Staff Week, nga 5 deri më 9 maj. Kjo ngjarje do të bëjë bashkë profesorë, ekspertë akademikë dhe profesionistë nga mbarë bota për të marrë pjesë në një javë të mbushur me ligjërata frymëzuese, punëtori praktike dhe mundësi për lidhje dhe rrjetëzim global.
Parku Shkencor, Inovativ dhe Teknologjik i UBT-së, në Lipjan, do të jetë kryeqendra e aktiviteteve, ku pjesëmarrësit nga fusha të ndryshme akademike do të shkëmbejnë njohuri, përvoja dhe mundësi për të krijuar bashkëpunime ndërkombëtare të reja.
Një javë mësimi dhe inovacioni
Gjatë javës, pjesëmarrësit do të kenë mundësinë të marrin pjesë në aktivitete të ndryshme që janë projektuar për të frymëzuar dhe sfiduar mendimin konvencional. Ngjarja do të përfshijë:
Ligjërata frymëzuese: Profesionistë dhe profesorë ndërkombëtarë do të mbajnë ligjërata mbi një gamë të gjerë temash, duke ofruar perspektiva të freskëta dhe njohuri të thella në fusha të ndryshme akademike dhe profesionale.
Punëtori praktike: Do të organizohen punëtori praktike ku pjesëmarrësit mund të zhvillojnë aftësi të reja, të bashkëpunojnë në projekte reale dhe të eksplorojnë ide inovative që po formësojnë të ardhmen e arsimit, biznesit dhe teknologjisë.
Mundësi për rrjetëzim global: Me pjesëmarrës nga të katër anët e botës, kjo ngjarje do të shërbejë si një platformë ideale për krijimin e lidhjeve të rëndësishme dhe zgjerimin e rrjeteve profesionale. Kjo është mundësi për të takuar dhe bashkëpunuar me liderë dhe novatorë nga fushat e ndryshme.
Bashkohuni me UBT-në për këtë javë të jashtëzakonshme të mësimit, bashkëpunimit dhe shkëmbimit kulturor. Java Ndërkombëtare në UBT premton të jetë një përvojë të paharrueshme, një mundësi jo vetëm për të zhvilluar aftësi profesionale, por edhe për të kontribuar në ndërtimin e një komuniteti global më të lidhur dhe gjithëpërfshirës.
Për më shumë informacione dhe për t’u regjistruar, vizitoni faqen kryesore të UBT-së.

Continue Reading

Të kërkuara