Lajmet nga UBT

Profesorë ndërkombëtarë zhvilluan takime të rëndësishme në kuadër të Këshillit Ndërkombëtar Shkencor Biomjekësor në UBT

Përgjatë këtyre ditëve, UBT ishte nikoqir i takimeve të shumta.

Published

on

Në kuadër të takimeve të rregullta të Këshillit Ndërkombëtar Shkencor Biomjekësor në UBT, në Parkun Shkencor Inovativ të UBT-së, u zhvillua takimi i radhës me profesorët më eminent ndërkombëtar të fushës së shkencave biomjekësore dhe sportit.

Ky takim, i prirë nga profesori ndërkombëtar nga Universiteti i Romës “Foro Italico”, Paolo Parisi, si dhe profesorët nga Universiteti i Vjenës, Norbert Bachl dhe Harald Tschan, solli diskutime të frytshme mes profesionistëve të kësaj fushe, diskutime këto të cilat do t’i kontribuojnë shumë zhvillimit të fushës biomjekësore.

Përgjatë këtyre ditëve, UBT ishte nikoqir i takimeve të shumta në të cilat u diskutua rreth zhvillimeve në kuadër të fushës biomjekësore në UBT dhe në përgjithësi, me theks të veçantë në zhvillimin dhe arritjet e Fakultetit Shkenca të Sportit dhe të Lëvizjes në UBT.

Në kuadër të këtyre takimeve, Fakulteti Shkenca të Sportit dhe të Lëvizjes në UBT, organizoi edhe një forum, në të cilin u diskutua për rolin dhe rëndësinë e sportit në shoqëri, zhvillimin e tij, si dhe aspekte të tjera të cilat ndërlidhen me fushën e shkencave të sportit, e ku morën pjesë përveç stafit dhe studentëve të UBT-së edhe një delegacion i Universitetit të Sporteve të Tiranës, i prirë nga rektori i këtij universiteti, prof. dr. Agron Kasa.

Aktualitet

Lidership, strategji dhe politika publike në një program të vetëm në Master në UBT

Published

on

Aftësimin analitik në bërjen e politikave publike dhe përgatitjen tuaj në rolet e lidershipit në rrafshin kombëtar dhe ndërkombëtar për një karrierë të bujshme, ua bën të mundur UBT përmes programit të nivelit master, Politika Publike dhe Menaxhim.

Ky program studimi iu ofron të gjitha mundësitë për të përmbushur synimet tuaja në vlerësimin e opsioneve dhe politikave për shërbimet publike, duke ndërthurur analizën e politikave publike, menaxhimin e financave publike, teknologjinë e informacionit, zhvillimin e lidershipit, menaxhimin e burimeve njerëzore dhe analizimin e të dhënave.

Studentët e nivelit master të programit Politika Publike dhe Menaxhim në UBT, do të kenë mundësi të përfitojnë praktikat më të njohura ndërkombëtare nga ekspertët dhe profesionistët më të mirë që ka vendi nga kjo fushë, e që gjenden në UBT.

APLIKO TANI ONLINE!

Continue Reading

Aktualitet

Studimet që formojnë liderët e së nesërmes – Master në Shkenca Politike në UBT

Published

on

Studimet master në UBT ju mundësojnë të kualifikoheni për një karrierë të suksesshme dhe të aftësoheni profesionalisht në punën tuaj të përditshme, duke u bërë pjesë e një ekosistemi arsimor modern dhe gjithëpërfshirës.

UBT ka marrë akreditimin për programin Shkenca Politike në nivelin master, duke ofruar një kurrikulë bashkëkohore të ndërtuar mbi standardet dhe praktikat më të mira ndërkombëtare. Ky program është i konceptuar për të ndihmuar studentët të kuptojnë më thellë sistemet politike, proceset vendimmarrëse, marrëdhëniet ndërkombëtare, si dhe zhvillimet globale që ndikojnë në demokraci, qeverisje dhe shoqëri.

Përmes këtij programi, studentët fitojnë:

  • Njohuri teorike të avancuara mbi politikat publike, qeverisjen, marrëdhëniet ndërkombëtare dhe sistemet politike.
  • Aftësi praktike për analizimin e proceseve politike, hartimin e politikave dhe zbatimin e tyre në nivel lokal e global.
  • Mundësi për t’u përfshirë në projekte kërkimore, debate akademike dhe simulime të institucioneve politike ndërkombëtare.
  • Mentorim nga profesorë, ekspertë dhe praktikues me përvojë në fushën e shkencave politike.

Shkencat PolitikeUBT shquhen për qasjen unike ndërdisiplinore, duke i lidhur studimet politike me fusha të tjera si ekonomia, drejtësia, diplomacia, siguria dhe teknologjia. Kjo u jep studentëve një perspektivë të gjerë dhe aftësi të fuqishme për të kuptuar e ndikuar në zhvillimet politike në Kosovë, rajon dhe botë.

Ky program hap horizonte të reja karriere për studentët në institucione shtetërore, organizata ndërkombëtare, organizata joqeveritare, media, diplomaci, institute kërkimore dhe sektorin privat.

APLIKO TANI ONLINE!

Continue Reading

Aktualitet

UBT dhe AMIK nisin trajnime falas për fuqizimin e vajzave në ndërmarrësi këtë tetor

Published

on

UBT, në bashkëpunim me Shoqatën e Institucioneve Mikrofinanciare të Kosovës (AMIK), hap aplikimet për serinë e trajnimeve “Inkuadrimi i Vajzave në Ndërmarrësi”, një program falas i dedikuar vajzave dhe grave të reja që synojnë të ndërtojnë ose të zhvillojnë iniciativat e tyre biznesore.

Programi parashikon katër sesione intensive, të fokusuara në njohuri praktike dhe aftësi të menjëhershme të zbatueshme në treg:

  • Administrim Biznesi – 3 tetor 2025
  • Aspektet Ligjore & Etika në Biznes – 6 tetor 2025
  • Financat & Mbledhja e Fondeve – 10 tetor 2025
  • Marketingu & Rrjetëzimi – 13 tetor 2025

Kush mund të aplikojë?

Vajza dhe gra të reja me interes për sipërmarrje, pavarësisht nëse janë në fazën e idesë apo kanë tashmë një aktivitet në zhvillim. Trajnimet vendosin theks te praktika, këshillat profesionale dhe ndërtimi i rrjetit.

Detajet logjistike

Vendet e lira: vetëm 25 për secilin trajnim

Orari: 10:00 – 16:00

Vendi: Qyteti i Mençur i UBT-së, Lipjan

Përfitime: drekë e ofruar nga UBT

Tarifa: FALAS (vendet janë të kufizuara)

Si të aplikoni?

Aplikimi bëhet online nëpërmjet formularit zyrtar:

APLIKIMI ONLINE!

Continue Reading

Aktualitet

UBT, lider në arsimimin për transportin modern dhe të qëndrueshëm

Published

on

Në kohën kur qytetet po rriten me ritme të shpejta dhe kërkesa për lëvizje të sigurt, të shpejtë dhe të qëndrueshme është më e madhe se kurrë, UBT ofron programin Master në Inxhinieri të Trafikut dhe Transportit, i cili përgatit profesionistët e së ardhmes në këtë fushë jetike.

Ky program përqendrohet në planifikimin, menaxhimin dhe optimizimin e sistemeve të trafikut dhe transportit, duke u ofruar studentëve njohuri të thelluara për infrastrukturën rrugore, transportin publik, logjistikën, sigurinë rrugore dhe teknologjitë inteligjente të trafikut (ITS).

Studentët kanë mundësinë të punojnë me laboratorë modernë, simulime digjitale, projekte reale dhe partneritete me institucione vendore e ndërkombëtare, duke u pajisur me aftësi praktike për të projektuar sisteme të qëndrueshme lëvizjeje.

Ekspertët e fushës theksojnë se ky program nuk ka vetëm dimension teknik, por edhe një ndikim të drejtpërdrejtë në zhvillimin ekonomik, urban dhe mjedisor të vendit. Përmes tij, profesionistët e rinj përgatiten të japin zgjidhje inovative për sfidat e trafikut dhe transportit, në përputhje me trendet globale të mobilitetit smart dhe të gjelbër.

Diploma e Masterit në Inxhinieri të Trafikut dhe Transportit hap dyert për karrierë në institucione shtetërore, kompani të transportit, agjenci infrastrukturore, kompani logjistike dhe organizata ndërkombëtare, duke ofruar një gamë të gjerë mundësish profesionale për të rinjtë që synojnë të jenë pjesë e transformimit të qyteteve dhe shoqërisë.

APLIKO TANI ONLINE!

Continue Reading

Të kërkuara