Fakulteti i Ndërtimtarisë dhe Infrastrukturës në UBT ka nënshkruar një marrëveshje bashkëpunimi me kompaninë italiane të hekurudhave Generale Costruzioni Ferrovie nga Roma në Itali.

Kjo marrëveshje është rezultat i angazhimeve të shumta dhe ka krijuar një bashkëpunim të ndërsjellë që ofron mundësi praktike për studentët tanë. Gjithashtu, është një mundësi e jashtëzakonshme për palën italiane, e cila ka marrë përsipër udhëheqjen e rehabilitimit të hekurudhës kosovare.

Rëndësia e marrëveshjes:

Generale Costruzioni Ferrovie është një kompani me bazë në Romë dhe projekte në mbarë botën, duke përfshirë Francën, Gjermaninë, Kanadanë, Amerikën dhe më shumë.

Hekurudha është një mjet kryesor transporti për njerëzit dhe mallrat, dhe kjo marrëveshje do të kontribuojë në përmirësimin e cilësisë së hekurudhave në Kosovë dhe ndërlidhjen e tyre me Evropën.

Kjo marrëveshje nuk do të ishte e mundur pa përkrahjen e bashkëpunëtorëve të të dy palëve.

Stafi i cili mundësoi këtë marrëveshje:

Rektori i UBT-së, Prof. Dr. Edmond Hajrizi

Dekani i Fakultetit të Inxhinierisë së Ndërtimit dhe Infrastrukturës, Prof. Visar Krelani

Drejtori i Laboratorëve, Prof. Fisnik Laha

Drejtoresha e Kampusit, Lirigzona Morina

Nga ana e Generale Costruzioni:

Menaxheri i Projektit, Inxh. Roberto Accinelli

Inxh. Fatos Zejnullahu

Përgjegjësja për Cilësi, Inxh. Blerina Mehmeti

Tashmë, stafi i Ndërtimtarisë dhe studentët e UBT-së, së bashku me stafin e kompanisë Generale Costruzioni Ferrovie, mund të shkëmbejnë eksperiencat e tyre dhe të kontribuojnë në përmirësimin e hekurudhave në Kosovë. Kjo do të ndihmojë në shtimin e cilësisë dhe të bërit pjesë e rrugëve të transportit të njerëzve dhe mallrave në Evropë.

Rektori i UBT-së, Prof. Dr. Edmond Hajrizi dhe kryetari i Komunës së Prizrenit, Shaqir Totaj kanë nënshkruar një marrëveshje bashkëpunimi. Kjo marrëveshje synon zhvillimin dhe implementimin e projekteve të përbashkëta për zhvillim ekonomik, urban dhe industrial të Komunës së Prizrenit, si dhe aktivitete të tjera me interes të përbashkët.

Në këtë projekt të rëndësishëm janë të përfshirë gjithashtu GIZ dhe ITP, duke sjellë një bashkëpunim të gjerë dhe të diversifikuar. UBT do të ofrojë bursa studimi për të gjithë studentët e Komunës së Prizrenit që do të përcaktohen me vendim të veçantë, duke kontribuar kështu në edukimin cilësor të rinisë së Prizrenit.

Kjo marrëveshje përfaqëson një hap të rëndësishëm drejt përparimit të vazhdueshëm dhe zhvillimit të qëndrueshëm të Komunës së Prizrenit, duke krijuar mundësi të reja për të rinjtë dhe për komunitetin në përgjithësi.

Drejtori i kampusit UBT Prizren, Prof. Dr. Vehbi Sofiu, mori pjesë në ceremoninë e diplomimit të maturantëve të Shkollës së Mesme “Ymer Prizreni”. Në fjalën e tij, Prof. Dr. Sofiu inkurajoi maturantët për të zgjedhur orientimet e tyre akademike dhe karrierës në përputhje me trendet e fundit të inovacionit dhe sigurimin e cilësisë studimore.

Gjatë fjalimit të tij, Prof. Dr. Sofiu theksoi rëndësinë e përshtatjes së studimeve me kërkesat e tregut të punës dhe inovacionit. Ai nxiti maturantët që të jenë të guximshëm në ndjekjen e aspiratave të tyre dhe të zgjedhin fusha studimore që përputhen me pasionet e tyre dhe nevojat e shoqërisë.

Maturantët e shkollës “Ymer Prizreni” ishin shumë të lumtur me vëmendjen e treguar nga UBT në këtë ditë të rëndësishme për ta. Kujdesi dhe mbështetja e UBT-së i bënë maturantët të ndihen të vlerësuar dhe të motivuar për të ndjekur ëndrrat e tyre akademike.

UBT vazhdon të jetë një pikë referimi për cilësinë e arsimit në Kosovë, duke ofruar mbështetje dhe udhëzime për të rinjtë që synojnë një të ardhme të ndritur në fusha të ndryshme studimore dhe profesionale.

Në kuadër të projektit COWEB (Virtual Collaborative Learning in WB HEIs) stafi i Fakultetit Menaxhment, Biznes dhe Ekonomi, Muhamet Gërvalla, Gonxhe Beqiri, Engelbert Zefaj dhe Kestrim Avdimetaj, janë duke përfaqësuar UBT-në në Universitetin e Salentos në Itali, duke kontribuar në aktivitetin e radhës të projektit.

Projekti mbështetet nga Bashkimi Evropian (BE) dhe ka për qëllim të ndikoj në aplikimin e teknikave të Bashkëpunimit Virtual në Mësimdhënie (VCL) si një qasje inovative pedagogjike në mësimdhënie dhe të nxënit, me fokus në bashkë-krijimin e hapësirave të të mësuarit virtual, të përzier dhe përmbajtjes së kurseve që do të nxisin aftësitë dhe kompetencat e shekullit të 21-të për studentët dhe do të adresojë bashkëpunimin ndërkufitar midis IAL-ve dhe studentëve në rajoni i BB. Projekti bashkon 3 IAL të BE-së dhe 7 IAL të Ballkanit Perëndimor.​

Gjatë sesioneve të planifikuara do të prezantohen platforma elektronike të cilat kanë për synim rritjen e bashkëpunimit virtual në mes të profesorëve dhe studentëve për mësimdhënie dhe mësimnxënie.