Lifestyle

Profesionet më të mira për personat empatikë

Published

4 years ago

July 14, 2021

UBT news

Është shumë e rëndësishme për të gjithë që ta gjejnë një karrierë të përshtatshme, por kjo është e domosdoshme sidomos për personat empatikë, që janë të ndjeshëm ndaj persona të tjerë më shumë sesa njerëzit mesatarë. Në rolin e duhur kjo ndjeshmëri mund t’ju ndihmojë që të ndërtoni karrierë të shkëlqyeshme, por ka edhe profesione në të cilat një person me veti të tilla, të provojë përgjegjësi të madhe për paraqitjen dhe lumturinë tuaj.

Në qoftëse e konsideroni veten që jeni në këtë grup, a e keni pyetur veten se në cilin mjedis pune mund të lulëzoni? Cilat janë pikat e forta që do t’i keni nëpër pozita të ndryshme dhe në cilat duhet të keni kujdes? Akademi Pune do të përgjigjet në të gjitha pyetjet që keni.

Çfarë është empatia dhe cilat tipare e karakterizojnë atë?

Një empatik është dikush i cili ka nivel më të lartë të ndjeshmërisë sesa një person mesatar. Ai është i ndjeshëm dhe në një ritëm me energjinë, emocionet dhe mendimet e njerëzve edhe nëse nuk i njeh ata.

Ekzistojnë disa karakteristika kryesore dhe tiparet e personalitetit që shkojnë paralelisht me të qenurit empatikë. Këta priren të jenë më shumë:

Intuitivë: Empatikët janë të shkëlqyer në leximin e mendimeve, energjisë, motivimeve dhe dëshirave të njerëzve përtej fjalëve të tyre.

Kujdesi: Emaptikët kujdesen shumë për njerëzit. Ata kanë një ndjenjë të lindur të mirësisë dhe dhembshurisë.

Dhënia: Emaptikët janë gjithashtu “dhurues natyral”. Ata preferojnë më shumë të japin sesa të marrin. Gjejnë kënaqësi ekstreme duke ndihmuar të tjerët t’i zgjidhin problemet.

Ndjeshmëria: Empatikët janë shumë të ndjeshëm ndaj ndjenjave dhe emocioneve të të tjerëve, por edhe të tyre.

Çfarë duhet të marrë në konsideratë një empatik/e kur e zgjedhë punën?

Empatikët priren të shkëlqejnë në industritë që ofrojnë një shërbim për të tjerët, si mikpritja, mjekësia, mësimdhënia dhe puna sociale. Punët në këto industri kërkojnë një sens të shtuar të intuitës, ndjeshmërisë dhe lidhjes në mënyrë që t’u shërbejnë në mënyrë efikase të tjerëve.

Nga ana tjetër janë pikërisht këto profesione që kërkojnë kujdes të madh e që nganjehrë perosnave me ndjeshmëri mund t’ju shkaktojnë ngarkesa të mëdha emocionale. Për shembull fusha e mjekësisë përballet me raste shumë të rënda, ose ajo e punës sociale. Prandaj empatikët duhet ta vlerësojnë veten se cfarë rastesh mund të durojnë dhe deri ku shkon ndjeshmëria e tyre.

A e vlerëson lidhjen mjedisi i punës? Empatikët duhet të kërkojnë mjedise pune që i lejojnë ata të krijojnë lidhje autentike me të tjerët, e cila është vendi ku ata shkëlqejnë dhe ndihen më rehat. Kur merrni parasysh një pozitë, empatikët duhet ta shikojnë kulturën e kompanisë dhe të sigurohen se ata do të kenë mundësinë të lidhen me të tjerët rregullisht

A janë vlerat e organizatës të përafërta me të tyret? Empatikët kujdesen jo vetëm për njerëzit e tjerë, por edhe për vlerat e tyre. Kur vlerësojnë një mundësi, empatët duhet të bëjnë kujdes të veçantë për t’u siguruar që kompania dhe pozita janë në përputhje me vlerat e tyre personale.

Por cilat janë punët specifike që mund t’i bëjnë empatikët?

Infermierë

Punëtorë social

Trajneri i karrierës

Menaxher i Burimeve Njerëzore

Menaxher i Marketingut

Shkrues

Mësues

Hulumtues i kompanisë për njohje të tregut

3 punë të cilat nuk janë shumë të përshtatshme për empatikët

Ka edhe role që mund të jenë nganjëherë në kundërshtim me personalitetin tuaj dhe nëse doni të jeni të lumtur në punë, do të doni të shmangni këto lloj të mundësive.

Udhëheqja ekzekutive: Ekzekutivët shpesh duhet të marrin vendime të vështira që ndikojnë te punonjësit, ndonjëherë duke i vendosur fitimet dhe nevojat e biznesit mbi njerëzit, të cilat mund të jenë sfiduese për personat e ndjeshëm.

Shitjet: Kur një empati punon në këtë lloj mjedisi, jo vetëm që ata mund të ndiejnë stres për t’i “prekur” objektivat e tyre, por ata gjithashtu mund ta marrin edhe stresin e kolegëve të tyre, gjë që mund të ndikojë në përformancën e tyre.

Politika: Politika mund të jetë intensive, me stres të lartë dhe, në shumë mënyra dhe me qëndrim të prerë.

Lifestyle

Gabimet që bëni gjatë udhëtimeve të gjata me avion

Published

8 hours ago

April 11, 2025

Albina Zeneli

Në listën e mënyrave sesi njerëzit duan ta kalojnë kohën e tyre, sidomos gjatë një udhëtimi të largët dhe ulur për orë të tëra në avion, ka shumë gjëra. Disa prej gjërave që bëjmë gabim po i rendisim si më poshtë:

Vishni rroba të papërshtatshme – Fakti që do të rrini ulur gjashtë apo tetë orë në avion, do të thotë që duhet të ndiheni sa më rehat. Shmangni veshjet e trasha apo të ngushta dhe në vend të tyre zgjidhni pëlhura të buta dhe elastike për rehati maksimale.

hikoni shpesh orën – Nëse e bëni shpesh këtë, do ju duket sikur koha kalon shumë ngadalë, sidomos gjatë një fluturimi të gjatë me avion.

Udhëtoni pa gjërat e nevojshme për gjumë – Kufje për veshët, ta izoloni veten nga çdo zhurmë e mundshme. Përveç kësaj, një maskë për sytë dhe një gjumë i mirë janë gjithçka që rekomandohet për t’u ndjerë rehat në avion.

Nuk shkarkoni filma apo muzikë të mirë – Para fluturimit, shkarkoni filma, muzikë në pajisjet elektronike si telefoni, iPad ose laptopi dhe sigurohuni që ato të jenë të karikuara para se të udhëtoni, që të keni mundësi për t’u argëtuar gjatë orëve të gjata në avion.

Udhëtoni pa një plan për gjumin – Është e rëndësishme të kuptosh çfarë do të bësh në fluturim, a është qëllimi juaj të dilni nga avioni me sy të kuq? Mundohuni të flini gjatë udhëtimit kur është natë, shmangni kafeinën para se të hipni në avion dhe shijoni fluturimin.

Ndiheni të detyruar të flisni gjithë kohës – Kur udhëtoni me kolegët, nuk keni pse të uleni pranë tyre, pasi nuk është e nevojshme t’ju shohin si flini apo si gërhisni gjatë gjumit. Zgjidhni një vend ku të ndiheni rehat,

Hani vetëm ushqimin e avionit – Nëse nuk jeni ulur në business class, nuk keni shumë opsione vaktesh, ndaj është mirë të hani diçka pak para fluturimit që të mos ndiheni me stomakun bosh.

Neglizhoni kujdesin ndaj vetes – Të jesh në fluturim të gjatë mund të duket si lloj realiteti alternativ ku koha e rregullat nuk zbatohen, është e rëndësishme të kujdesesh për veten. Mos harroni të qëndroni të hidratuar dhe të merrni vitaminat e duhura. /UBT News/

Lifestyle

Ushqimi më i mirë që ndalon rënien e flokëve

Published

4 days ago

April 7, 2025

Albina Zeneli

Humbja e flokëve mund të jetë e vështirë për të parandaluar ose menaxhuar, prandaj është një moment dëshpërues për shumë individë sidomos nëse shkaku është i panjohur.

Edhe pse në shumicën e rasteve është diçka e natyrshme që ndodh me plakjen, ka faktorë tjerë si gjenetika, mungesa e lëndëve ushqyese, stresi ose probleme të ndryshme shëndetsore që nxisin më tej rënien e tyre.

Disa nga këta faktorë mund të jenë më të vështirë për tu trajtuar dhe parandaluar, por përfshirja e lëndëve ushqyese të duhura në regjimin tuaj ushqimor, mund të jetë një opsion në parandalimin e rënies së mëtejshme.

Sipas këshillave të ekspertëve botërorë të shëndetit, ka një ushqim të veçantë i cili ndihmon në parandalimin dhe forcimin e flokëve.

Një nga ushqimet më të mira që mbështet shëndetin e flokëve janë vezët, veçanërisht e verdha, përmbajnë lëndë ushqyese dhe vitamina që ndihmojnë në rritjen e flokëve, në veçanti janë të pasura me Biotinë.

Biotina është një lloj vitamine B, dhe përveç vezëve, ajo gjendet në mish, organe të kafshëve, peshk, fara dhe arrorë, në një vezë ju do të merrni rreth 10 mikrogramë nga kjo lëndë ushqyese, që është 33% e vlerës së rekomanduar ditore.

Kjo është përqindja më e lartë e biotinës që një ushqim përmban pas mëlçisë së viçit, vezët janë më të lehta për t’u përfshirë sesa mëlçitë!

Edhe pse nuk ka shumë që tregojnë se biotina parandalon rënien, ka të dhëna që sugjerojnë se mungesa e kësaj lënde ushqyese lidhet me një shëndet të dobët të flokëve. Pra, konsumi i ushqimeve me biotinë si vezët, ndihmon në rritjen e flokëve me ritëm të shëndetshëm.

Një përfitim tjetër që vezët kanë është se përmbajnë proteina me cilësi të lartë, një tjetër lëndë ushqyese që mbështet shëndetin e flokëve.

Lifestyle

Kujdesi për bimët, ja sa dritë dhe ujë duan ato

Published

3 weeks ago

March 20, 2025

Albina Zeneli

Kur të blini lule, mendoni mirë për zgjedhjen që bëni, sepse luleve duhet përshtatur ambientin ku rriten.

Se për çfarë lloji të luleve do të vendosni varet nga preference por edhe mundësia për t’u kujdesur për to!

Nëse disa lule nuk kanë nevojë për ndonjë kujdesje të madhe me disa të tjera duhet treguar më shumë kujdes.

Bimët të mbahen larg nga burimi i nxehtësisë

Bimët nuk duhet të vendosen në afërsi të trupave që çlirojnë nxehtësi. Gjithashtu, mos i mbani bimët në afërsi të televizorët, sepse bimët do të absorbojnë nxehtësinë dhe do t’u thahen rrënjët dhe gjethet.

Ujitja e rregullt e bimëve

Uji është njëri ndër faktorët vendimtarë për zhvillimin e rritjen e bimëve, andaj duhet pasur më së shumti kujdes. Pas ujitjes, dheu do ta lirojë tepricën e ujit në enën e vendosur nën vazo, ndërkaq atë ujë duhet ta hiqni, sepse bimët nuk e duan lagështinë e tepërt.

Temperatura dhe drita

Disa bimëve u përshtaten këndet e errëta të dhomave, disa të tjerave pozicionet afër dritareve, duhet pasur kujdes edhe temperaturën, megjithatë këta elementë ndryshojnë në varësi të bimëve, ndaj informohuni me luleshitësin përpara se të blini një lule.

Lifestyle

Sot, Dita Ndërkombëtare e Lumturisë

Published

3 weeks ago

March 20, 2025

Albina Zeneli

Asambleja e Përgjithshme e Kombeve të Bashkuara 13 vjet më parë e shpalli 20 marsin, Ditën Ndërkombëtare të Lumturisë, duke njohur rëndësinë e lumturisë dhe mirëqenies si synime dhe aspirata universale në jetën e qenieve njerëzore.

Nismëtar për këtë rezolutë u bë Butani, një vend sipas të cilit vlera e lumturisë kombëtare qëndron mbi të ardhurat kombëtare. Butani në fillim të viteve ’70 miratoi një paketë objektivash që u bënë të famshme në të gjithë botën, “Lumturia Kombëtare Bruto në Produktin Kombëtar Bruto”.

OKB thotë se, lumturia është qëllim themelor i njeriut. Asambleja e Përgjithshme bën thirrje për “një qasje më gjithëpërfshirëse, të barabartë dhe të ekuilibruar ndaj rritjes ekonomike që promovon lumturinë dhe mirëqenien e të gjithë popujve”.

OKB bën thirrje që qeveritë e organizatat ndërkombëtare duhet të investojnë në kushte që mbështesin lumturinë duke mbështetur të drejtat e njeriut e përfshirë mirëqenien dhe dimensionet mjedisore në kornizat e politikave, siç janë 17 Objektivat e Zhvillimit të Qëndrueshëm.

Efektiviteti i qeverive në ruajtjen e paqes dhe rendit shoqëror, si dhe në fushat e taksave, institucioneve ligjore dhe ofrimit të shërbimeve publike, lidhet fuqishëm me kënaqësinë mesatare të jetës.

Kombet e Bashkuara ftojnë çdo person të çdo moshe, të çdo niveli arsimor, biznese dhe qeveri të bashkohen në festimin e Ditës Ndërkombëtare të Lumturisë.