Shëndeti

Produktet armike që dëmtojnë mëlçinë dhe organizmin

Sheqeri arrin të dëmtojë fort mëlçinë.

Published

on

Disa produkte të caktuara janë vërtet të gabuara nëse ju intereson shëndeti i mëlçisë. AgroWeb.org ju sjell një renditje të cilën duhet ta mbani parasysh.

Sheqeri

Shumë sheqer nuk bën vetëm dëm tek dhëmbët tuaj. Sheqeri arrin të dëmtojë fort edhe mëlçinë.

Mëlçia shpërbën një lloj sheqeri të quajtur fruktozë, për të bërë yndyrë.

Shumë sheqerna të rafinuar dhe shurupi i misrit me përmbajtje të lartë fruktoze sjellin tepri. Kjo shkakton një grumbullim yndyror që mund të çojë në sëmundje të mëlçisë.

Disa studime tregojnë se sheqeri mund të jetë po aq i dëmshëm për mëlçinë si alkooli edhe nëse nuk jeni mbipeshë.

Mbipesha

Mbipesha arrin të krijojë dhjamosje në qelizat tuaja të mëlçisë dhe të çojë në sëmundje të mëlçisë.

Si rezultat, mëlçia juaj mund të rritet dhe me kalimin e kohës, mund të ngurtësohet duke sjellë sëmundje si cirroza.

Studimet e konsultuara nga AgroWeb.org tregojnë se rreziqet me shëndetin e mëlçisë rriten nëse jeni mbipeshë ose keni diabet. Ushqimi i duhur dhe stërvitja mund ta ndalojnë sëmundjen.

Pijet e gazuara plot sheqer

Hulumtimet tregojnë se njerëzit që pijnë shumë pije të gazuara kanë më shumë gjasa të kenë probleme me shëndetin e mëlçisë.

Acetaminofeni

Sigurohuni që të merrni sasinë e duhur të acetaminofenit! Nëse merrni aksidentalisht më shumë acetaminofen, rrezikoni mëlçinë.

Për shembull, një tabletë për dhimbjen tuaj të kokës dhe diçka tjetër për të ftohurën tuaj dhe të dyja kanë acetaminofen – kjo mund të dëmtojë mëlçinë.

Kontrolloni dozën ditore të shkruar në kutitë e ilaçeve dhe respektojeni atë në maksimum.

Yndyrnat Trans

Këto janë yndyrna të bëra nga njeriu dhe gjenden gjerësisht në disa ushqime të paketuara.

Ju do t’i shihni ato të listuara si përbërës “pjesërisht të hidrogjenuar” nëse lexoni produktet që blini.

Këtu bën pjesë edhe margarina. Një ushqim plot me yndyrna trans, ju bën më shumë gjasa të fitoni peshë. Kjo nuk është e mirë për mëlçinë tuaj.

Alkooli

Duhet të konsumoni pije alkoolike më pak se sa mund të mendoni. Konsumi i tepërt është i keq për mëlçinë tuaj.

Nëse konsumoni alkool, sigurohuni që ta mbani atë në sasi të vogla. Masa e duhur është një pije në ditë për gratë dhe deri në 2 ditë për meshkujt./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Shëndeti

Ushqimet më të mira kundër fryrjes së stomakut

Published

on

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Continue Reading

Shëndeti

Qëndrimi ulur për periudha të gjata rrit rrezikun për sëmundje kronike

Published

on

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Continue Reading

Shëndeti

Të mirat dhe “dëmet” nga konsumimi i fasuleve

Published

on

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Continue Reading

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

on

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!

Continue Reading

Të kërkuara