Shëndeti

Problemet me mbipeshën që lidhen ngushtë me depresionin

Studime të shumta kanë treguar se efektet anësore të obezitetit lidhen ngushtë me zhvillimin e depresionit.

Published

3 years ago

October 7, 2022

UBT news

Problemet me peshën dhe veçanërisht mbipeshën kanë një efekt negativ në organizëm.

Kjo pasi mund të shkaktojnë sëmundje si diabeti apo sëmundjet e zemrës. Gjithsesi ky nuk është i vetmi shqetësim që mjekët ngrenë në lidhje me mbipeshën.

Studime të shumta kanë treguar se efektet anësore të obezitetit apo kilogramëve të tepërta lidhen ngushtë me zhvillimin e depresionit.

Zhvillimi i depresionit është i dukshëm edhe tek personat që kanë një regjim ushqimor jo të shëndetshëm.

Në këtë artikull AgroWeb.org ju shpjegon saktë se cila është lidhja mes një regjimi keq ushqimor, mbipeshës dhe depresionit.

Si ndikojnë yndyrnat e këqija?

Megjithëse trupi i njeriut ka nevojë për disa yndyrna për të qënë i shëndetshëm disa të tjera mund të jenë të dëmshme.

Yndyrnat e marra nga peshku si omega-3 janë shumë të mira veçanërisht për trurin.

Ndërsa yndyrnat nga vaji i palmës apo ushqimet me dhjamë kanë një efekt të kundërt në të gjithë organizmin.

Një grup studiuesish nga Universiteti i Glasgow në Mbretërinë e Bashkuar dhe Institutit Gladstone në San Francisco, kanë publikuar së fundëmi një studim që tregon për lidhjen që ka yndyra e keqe në shëndetin e trurit.

Sipas këtij studimi të cilit i referohet AgroWeb.org, konsumimi i shumtë i yndyrnave të këqija mund të çojë në depresion.

Zhvillimi i kësaj sëmundje tek personat obezë apo mbipeshë vjen ndryshe nga personat e shëndetëshëm që vuajnë nga depresioni.

Yndyrnat e këqija që përfitohen nga ushqimet çojnë në ndryshime të shtuara të sjelljes dhe shëndetit mendor.

Kjo ndodh pasi një pjesë e trurit e quajtur hypothalamus aktivizohet kur trupi konsumon yndyrna të këqija.

Ndikimi tek Hormonet

Në këtë mënyrë çlirohen një mori hormonesh në organizëm të cilat ndikojnë balancën e hormonit të lumturisë që është endorfina.

Kështu shtimi në peshë si pasojë e një diete të pasur me yndyrna të këqija rrit rrezikun e prekjes nga depresioni.

Gjithashtu tek personat obezë ilaçet për këtë sëmundje kanë një efekt më të pakët për shkak të sasisë së madhe të hormoneve që çlirohen.

Ndër ushqimet më të dëmshme renditet vaji i palmës, dhjami i mishit, ushqimet e konservuara apo ushqimet fast food./AgroWeb.org

Shëndeti

Ushqimet më të mira kundër fryrjes së stomakut

Published

2 days ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

2 days ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

2 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

2 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!