Lajmet

Prishtinë: Viktimat e dhunës në familje do të përfitojnë nga 500 € në muaj

Deri në shtator u paraqitën 300 raste.

Published

3 years ago

December 14, 2022

Betim Gashi

Drejtoria e Mirëqenies Sociale e Prishtinës nga viti i ardhshëm viktimave të dhunës në familje do t’iu ndihmojë me nga 500 euro në muaj.

Adelinë Sahiti, drejtoreshë për Mirëqenie Sociale thase mbështetja iu dedikohet më shumë grave për të cilat deri më tani nuk kanë mundur t’iu sigurojnë strehim për më shumë se gjashtë muaj. Sipas saj, përmes këtij vendimi do t’u sigurohet atyre jetë e qetë dhe pa dhunë.

“Ky vendim i ka tri shtylla të tij, tri mbështetje financiare në pako prej 500 euro e të cilat përfshijnë strehimin për viktimat e dhunës në familje, strehimi i cili mbulon deri në 250 euro për një viktimë e dhunës në familje, banimin e saj, gjetjen e qerasë. E pastaj pjesa tjetër 150 euro për ato të cilat nuk janë pjesë e skemës sociale për kushte të jetesës për veshmbathje e gjëra ushqimore të tilla dhe 50 euro për një fëmijë. Në rast që viktima mund të ketë më shumë se një fëmijë ne do t’i japim deri në 100 euro që në total kur bëjmë një matematikë të thjeshtë del që janë 500 euro për një viktimë të dhunës në familje. Është një vendim shumë i guximshëm, një hap shumë i madh, e ne këtë e kemi bërë para se të fillonte kampanja globale 16 ditë aktivizmit kundër dhunës në familje. Me këtë po besoj që kemi një progres apo një shembull sigurisht që duhet të praktikohet edhe nga komunat e tjera, e pse jo edhe nga niveli qendror e normalisht që vetëm shumëfishohet kjo pagesë”, thotë ajo.

Sahiti thotë se për herë të parë është marrë një vendim i tillë dhe me këtë viktimat e dhunës në familje do ta kenë të lehtë edhe gjendjen emocionale që iu krijohet në atë periudhë.

“Është hera e parë që bëhet një ndihmesë e tillë, më herë nuk kemi pasur, unë e thashë që kemi pasur strehimore deri në 6 muaj dhe pastaj ajo është dashur t’ia bëje zgjidhjen vetes duke e pasur parasysh këtë situatë ne kemi reaguar në mes këtij vendimi dhe duke pasur parasysh se qendra për Punë Sociale është dera e parë pas raportimit në polici që e bënë viktima, atëherë është punëtori sociale i cili e bënë, duhet të jetë pjesë e gjithë procedurës nga marrja në intervistë e viktimës deri tek vendosja në vazhdimësi ecuria se si po akomodohet dhe gjendja e saj shpirtërore emocionale e saj dhe çka mund të bëjë mirë ne e kemi pa të udhës dhe e kemi marrë vendim që po besoj që ka hy në fuqi dhe nga janari i vitit tjetër ne presim aplikimet e para me seri kriteresh që t’i përmbushin”, shtoi Sahiti.

Sipas Sahitit, janë të angazhuar fuqishëm që si komunë e Prishtinës që t’iu dalin në ndihmë financiare prej gjashtë muaj e deri në 2 vjet viktimave të dhunës në familje. Ajo deklaroi se deri në shtator të këtij viti në Drejtorinë për Mirëqenie Sociale janë të lajmëruar 300 viktima të dhunës në familje, derisa bënë thirrje për edukim të gjeneratave të reja sa i përket kësaj fushe.

“Ne sipas statistikave që kemi qendra për punë sociale, janë rreth 300 raste deri në shtator. Fatkeqësisht kemi një ngritje të madhe të numrit të rasteve të raportuara. Kjo mund të jetë të ndikojë që të ngrihet vetëdija e qytetarëve e grave në kuptimin e asaj që askush nuk e duron dhunën duhet të raportojnë, dhe është institucion dhe nuk është brenda mureve të shtëpisë të mbytur aty. Por dhuna duhet të raportohet, dhuna duhet të luftohet dhe si e tillë nuk duhet të lejohet në asnjë variant të këtë zgjidhje për asgjë kjo ka shumë rëndësi. Në anën tjetër ne e dimë që kemi edhe shumë raste të cilat nuk janë të raportuara dhe po punojmë fuqishëm që çdo raste të raportohet e mbi të gjitha të punojmë në parandalim sepse ka shumë rëndësi që fëmijët tanë, gjeneratat e reja t’i edukojmë në kuptimin e asaj që çdo person, çdo individ në shoqërinë tonë është i barabartë pa marrë parasysh çfarë gjinie ka dhe përkatësit e tjera. Është shumë e rëndësishme që çdo qytetarë në Komunë të Prishtinës të ndihet i barabartë, i trajtuar me dinjitet nga njerëzit të cilët kanë në dorë, le të themi fatin e tyre e ne jemi institucione jemi të thirrura për këtë dhe derisa ët arrijmë qëllimin e përbashkët për zero tolerancë në rastet e dhunës dhe sa më pak raste të dhunës në familje se eliminimi është shumë i vështirë, atëherë ne nuk do të ndalemi derisa të arrijmë një qëllim dhe cenim të përbashkët si institucione si shoqëri duhet të jemi të bashkuar në këtë drejtim që të nisim nga fëmijët tanë, t’i edukojmë fëmijët tanë në shtëpitë tona e t’u themi qe jeta e secilit do të vlejë”, deklaroi ajo tutje.

Kriteret për aplikim janë të specifikuara: një rast të hapur i cili duhet të ketë një vendim nga gjykata, duhet të kenë një raport për punë sociale, duhet të kenë certifikata të lindjes, që të jenë banore e komunës së Prishtinës, duhet të kenë të noterizuar edhe vendin ku do të vazhdojnë të banojnë ku do ta gjejnë strehimin e tyre, dhe për të cilat janë të publikuara në faqen e komunës së Prishtinës.

Lajmet

Kurti: Hyrja në NATO mbetet kyçe për sigurinë e Ballkanit Perëndimor

Published

5 seconds ago

October 23, 2025

UBT News

Kryeministri në detyrë i Kosovës Albin Kurti ka thënë se anëtarësimi në NATO mbetet thelbësor për sigurinë e Ballkanit Perëndimor dhe se Londra mund të ndihmojë shumë duke mbështetur vendet e rajonit që duan t’i bashkohen Aleancës Veri-Atlantike, duke mbyllur kështu boshllëkun e rrezikshëm të sigurisë.

Ai gjatë fjalimit të tij në samitin e 12-të të Procesit të Berlinit që po mbahet në Londër, në të cilin ishin të pranishëm edhe kryeministri britanik Keir Starmer dhe kancelari gjerman Friedrich Merz, theksoi se nevojitet unitet përballë rreziqeve të sigurisë në rajon dhe Evropë.

“Një unitet i tillë duhet të shtrihet edhe në juglindje të kontinentit tonë. Ballkani Perëndimor gjendet gjeografikisht brenda kufijve të BE-së dhe NATO-s, por të gjitha vendet mbeten jashtë BE-së dhe gjysma jashtë traktateve të NATO-s. Kjo nuk është as e mençur dhe as solide. Për ta frenuar ndikimin rus apo kinez në Evropë, nuk duhet të lëmë asnjë vakum”, ka theksuar Kurti.

Ai shtoi se Londra mund të ndihmojë shumë duke mbështetur vendet e Ballkanit Perëndimor që duan t’i bashkohen NATO-s, duke mbyllur kështu këtë boshllëk të rrezikshëm të sigurisë si pasojë e agresionit ushtarak rus në Ukrainë.

“Ne kemi qëllime të përbashkëta dhe vlera të përbashkëta, dhe nuk kemi alternativë tjetër përveç anëtarësimit në BE dhe NATO këto duhen parë si pika të forta”, ka thënë Kurti.

Gjatë fjalimit të tij, Kurti ka përmendur sulmin terrorist në Banjska në shtator 2023.

“Përparimi i Kosovës mbetet nën hijen e kërcënimeve dhe agresionit të vazhdueshëm nga fqinji ynë verior. Sulmi terrorist në Banjskë nuk mund të injorohet. Milan Radoiçiq ka pranuar përgjegjësinë, megjithatë drejtësia ende nuk është vënë në vend. Fqinjit tonë armiqësor në veri nuk duhet t’i lejohet të veprojë me pa ndëshkueshmëri, pasi kjo nxit inkursione të reja dhe dërgon një sinjal të rrezikshëm se sulmet ndaj sovranitetit dhe integritetit territorial të Kosovës mund të mbeten të pandëshkuara”, ka potencuar Kurti.

Ai ka folur edhe mbi progresin ekonomik që ka shënuar Kosova në pesë vjetët e fundit, arritjen e marrëveshjes së re tregtare me vendet anëtare të EFTA-s, në janar të këtij viti gjatë Forumit Ekonomik Botëror në Davos, që përfshin mallra dhe shërbime.

Sa i përket migracionit, Kuti ka theksuar se Kosova nuk është burim migracioni, por vetëm një pikë transiti me numra shumë të ulët./S.K/KP/

Lajmet

BE shqyrton heqjen e fuqisë së vetos për shtetet anëtare

Published

3 minutes ago

October 23, 2025

UBT News

Parlamenti Evropian (PE) miratoi një raport të titulluar: “Pasojat institucionale të negociatave të zgjerimit të BE-së”, i cili ndër të tjera, sugjeron heqjen ose anashkalimin e fuqisë së vetos së shteteve anëtare në disa raste gjatë negociatave të pranimit me vendet kandidate për anëtarësim në Bashkim.

Këshilli Evropian si organi më i lartë politik i BE-së, i përbërë nga krerët e shteteve anëtare, në përgjithësi vendos unanimisht, përveç në raste të caktuara, si për shembull kur vendos për emërimet e zyrtarëve të lartë.

Këshilli i BE-së, i përbërë nga ministrat e shteteve anëtare dhe i cili miraton ligje së bashku me PE-në, vendos me shumicë të kualifikuar në një numër të madh fushash, përveç një numri çështjesh ‘të ndjeshme’ si politika e jashtme dhe e sigurisë, zgjerimi dhe vendosja e sanksioneve, ku vendimet merren me konsensus.

Presidentja e Komisionit Evropian Ursula von der Leyen ka paralajmëruar vazhdimisht se duke pasur parasysh rrethanat e ndryshuara gjeopolitike dhe nevojën për t’iu përgjigjur shpejt sfidave globale, BE duhet të marrë në konsideratë uljen e numrit të çështjeve për të cilat merren vendime unanime në mënyrë që të jetë më efikase.

Marta Kos tha se qëndrimi i Komisionit është se unanimiteti nuk ka më kuptim nëse BE-ja dëshiron të luajë rolin e tij shpejt, në mënyrë efektive dhe për këtë arsye në mënyrë strategjike, veçanërisht në situatën gjeopolitike të sotme.

Komisioni do të përqendrohet në atë që mund të bëhet tashmë brenda kornizës së Traktateve aktuale midis shteteve anëtare dhe në ato fusha ku po shfaqet një konsensus i gjerë, njoftoi Kos, duke shprehur kënaqësinë që një qëndrim i tillë mbështetet nga një rezolutë e Parlamentit Evropian të përgatitur nga eurodeputeti francez Sandro Gozi nga Liberalët.

Debati në seancën plenare të Parlamentit që i parapriu miratimit të raportit Gozi me 310 vota pro, 277 kundër dhe 53 abstenime, u përqendrua kryesisht në propozimet për të zëvendësuar unanimitetin me votim me shumicë të kualifikuar ose për të anashkaluar veton mbi vendimet më të ndjeshme të BE-së.

Një shumicë e kualifikuar në Këshillin e BE-së arrihet kur 55 për qind e shteteve anëtare votojnë pro ose 15 nga 27 shtete, dhe propozimi mbështetet nga anëtarë që përfaqësojnë të paktën 65 për qind të popullsisë së përgjithshme të BE-së.

Në disa raste, kërkohet një shumicë e shtuar prej 72 për qind ose 20 anëtarësh. Këshilli aktualisht duhet të vendosë unanimisht për një numër çështjesh që shtetet anëtare i konsiderojnë të ndjeshme, siç është politika e përbashkët e jashtme dhe e sigurisë, e cila përfshin gjithashtu negociatat për pranimin e kandidatëve dhe bashkimin me BE-në.

Raporti i miratuar të mërkurën paraqet qëndrimin e Parlamentit mbi reformat e kornizës institucionale të BE-së dhe rrugën drejt funksionimit të ardhshëm të BE-së së zgjeruar.

Korniza institucionale e BE-së kërkon modifikim në mënyrë që të jetë e përshtatshme për t’iu përgjigjur sfidave me natyrë institucionale dhe politike, dhe zgjerimet e ardhshme janë katalizatori për këtë ndryshim, është mesazhi i raportit.

Një pjesë e raportit shqyrton mënyrat, brenda dhe jashtë kornizës së Traktatit, për të ndihmuar BE-në e zgjeruar të veprojë më shpejt në vendimmarrje duke hequr veton dhe sugjeron ndryshime kyçe të synuara në Traktat.

Kufizimi i fushave në të cilat BE-ja miraton unanimisht është një nga çështjet e diskutueshme midis anëtarëve të BE-së dhe kundërshtohet kryesisht nga anëtarët më të vegjël, nga frika se kjo do të zvogëlojë ndikimin e tyre në vendimet e BE-së.

Çështja e heqjes së unanimitetit u vu përsëri në fokus pasi Hungaria bllokoi hapjen e negociatave me Ukrainën, e cila është me rëndësi të madhe strategjike, politike dhe të sigurisë për BE-në.

Në këtë drejtim, presidenti i Këshillit Evropian, Antonio Costa, testoi idenë në një samit informal në Kopenhagë më herët këtë muaj se unanimiteti nuk do të kërkohej për hapjen e grupeve të negociatave, por do të vendosej me shumicë të kualifikuar, por se unanimiteti do të kërkohej ende për mbylljen e kapitujve të negociatave. Megjithatë, kjo nuk u mbështet unanimisht dhe për të shfuqizuar unanimitetin do të kërkohej një vendim unanim.

Pas kësaj, u ngrit edhe ideja që anëtarët e rinj nuk do të kishin të drejtë vetoje me anëtarësimin në BE derisa të zbatoheshin reformat institucionale. Megjithatë, ky nuk ishte një sugjerim zyrtar dhe joformal për reflektim./S.K/KP/

Lajmet

Përshkallëzohet konflikti midis SHBA-së e Kolumbisë

Published

19 minutes ago

October 23, 2025

UBT News

Presidenti i SHBA-së Donald Trump njoftoi disa ditë më parë se do të ndërpresë të gjitha pagesat dhe subvencionet amerikane për Kolumbinë, gjë që shënoi një përshkallëzim serioz të marrëdhënieve gjithnjë e më të tensionuara me presidentin Gustavo Petro dhe shtetin e Amerikës Jugore.

Trump tha në mediat sociale se Petro nuk po bën asgjë për të ndaluar prodhimin e drogës në vendin e tij, pavarësisht pagesave dhe subvencioneve të mëdha amerikane që nuk janë gjë tjetër veçse grabitje afatgjatë e Amerikës.

Ai gjithashtu e quajti Petro një lord të paligjshëm droge.

“Që nga sot, këto pagesa, ose çdo formë tjetër pagese ose subvencioni, nuk do t’i bëhen më Kolumbisë”, shkroi Trump.

Të dy liderët janë përplasur për migracionin dhe trafikun e drogës, veçanërisht pasi Shtetet e Bashkuara kanë kryer bastisje në anijet e dyshuara të drogës në Karaibe. Por njoftimi i së dielës i tendosi më tej marrëdhëniet, tani me pasoja të rënda financiare.

Shtetet e Bashkuara i kanë dhënë Kolumbisë rreth 210 milionë dollarë ndihmë këtë vit fiskal, duke përfshirë rreth 31 milionë dollarë në mbështetje bujqësore.

Kolumbia ka qenë aleati më i besuar i Amerikës në Amerikën e Jugut për dekada të tëra në siguri dhe mbrojtje.

Trump paralajmëroi Petro-n se më mirë është t’i mbyllë fushat e “vrasjes”, duke iu referuar zonave prodhuese të drogës.

Sipas Zyrës së Kombeve të Bashkuara për Drogën dhe Krimin, Kolumbia është prodhuesi kryesor në botë i kokainës.

Trump dhe Petro kanë qenë në mosmarrëveshje për muaj të tërë, ku kohët e fundit, edhe Petro akuzoi SHBA-në për vrasjen e një qytetari kolumbian gjatë njërit prej sulmeve të ushtrisë amerikane në Karaibe.

Muajin e kaluar, SHBA i revokoi vizën presidentit kolumbian pasi ai u bëri thirrje publikisht ushtarëve amerikanë të mos i bindeshin urdhrave të Trump.

Përshkallëzimi vjen ndërsa SHBA-të po kryejnë një seri sulmesh ushtarake kundër anijeve që thonë se janë të përfshira në tregtinë e paligjshme të drogës në Karaibe./S.K/KP/

Lajmet

Çmimet e naftës rriten, gruri shënon rënie në Evropë

Published

23 minutes ago

October 23, 2025

UBT News

Indekset e aksioneve evropiane ishin të përziera, ku u pa se çmimet e naftës dhe arit u rritën, por çmimet e grurit ranë. Investitorët janë duke analizuar edhe më tej raportet e fitimeve nga kompani dhe banka të mëdha si Heineken, SAP dhe Barclays.

Banka italiane UniCredit raportoi një fitim që tejkaloi pritjet në tremujorin e tretë të vitit 2025, dhe drejtori ekzekutiv i saj Andrea Orsel tha se nuk kishte hequr dorë plotësisht nga marrja e Commerzbank të Gjermanisë, raportoi CNBC.

Ai tha gjithashtu se UniCredit ka të ngjarë të rrisë pjesëmarrjen e saj në Alpha Bank të Greqisë në rreth 30 përqind.

Indeksi DAX i Frankfurtit ra me 0.22 përqind në 24,280.32 pikë në orën 9:30 të mëngjesit të sotëm, CAC 40 i Francës ra me 0.7 përqind në 8,200.64 pikë, ndërsa FTSE 100 i Britanisë u rrit me 0.49 përqind në 9,473.60 pikë dhe MOEX i Moskës u rrit me 0.54 përqind në 2,646.69 pikë.

Sipas të dhënave aktuale të tregut të aksioneve, çmimi i naftës bruto u rrit në 58,230 dollarë, dhe çmimi i naftës bruto Brent u rrit në 62,275 dollarë.

Çmimi i arit u rrit në 4,137.67 dollarë për ons, ndërsa çmimi i grurit ra në 5.0003 dollarë për bushel (një bushel është 27.216 kg).

Vlera e euros kundrejt dollarit në bursën Forex është 1.16045 dollarë, një rritje prej 0.04 përqind që nga fillimi i tregtimit./S.K/KP/